.

Kya Haiz Me Pahne Gaye Kapde Napak Hote Hai ?


Alhamdulillah..

Ek khwateen jiske haiz khatam ho gaye hai, agar wo wahi kapde pahne jo usne haiz ki halat me pahne the to isme koi burai nahi hai, jab tak ke wo kapde saaf aur paak ho aur usme haiz ka koi khoon na laga ho.

Lekin agar haiz ka koi khoon kapdo ke kisi hisse me lage ho, to us hisse ko dhona zaruri hai us kapde me namaz padhne se pahle.

Asma r.a. riwayat karti hai ke Ek Aurat ne Rasool ﷺ ki khidmat me haazir ho kar arz kiya ke hum me se kisi Aurat ke kapdo mein haiz aa jaye (to) woh kya kare? Aap ﷺ ne farmaya ke use (khoon ke daag ko) khurcho (scrach it), fir pani se ragdo aur pani se dho daalo aur isi kapdo me namaz padh lo.

Narrated by al-Bukhari (227) and Muslim (291). 

Toh RasoolAllah ﷺ ne kapdo ko paak karne ka hukm diya hai Namaz padhne se pahle.

Aur Allah sabse behtar janta hai.

•٠•●●•٠•

Related : Halat E Haiz Me Quran Padhne Aur Zikr Karne Ke Ahkaam

Read More »

Aurat Ka Kin Logo Se Parda Na Karna Jaiz Hai ?




Alhamdulillah 

Aurat Apne Mahram Mardon Se Parda Nahi Karegi.

Aur Aurat ka Mahram woh hai, jis se is ka Nikah qaraabat daari (close blood relationship) ki wajah se hamesha ke liye haraam ho (maslan baap, dada aur isse bhi upar wale, beta pota aur in ki nasal, chacha, mamu, bhai, bhatija, bhanja) ya fir raza'at (breast-feeding) ke sabab se nikah haraam ho. [maslan razaai bhai, aur razaai baap) ya fir mushahirat (shadi) ki wajah se nikah haraam ho jaye (maslan walidah ka khawind, sasur, agarchey is se bhi upar wali nasal ke ho aur khawind ka beta aur is ki nasal)].

Zail mein (niche) hum yeh mauzu bil tafseel pesh karte hain :

۞ Nasbi Mahram :

Nasbi taur par Aurat ke mehram ki tafseel ka bayan Surah Al-Noor ki niche di hui Ayat me bayan hai :

Farmaan e Baari ta'ala hai :

Aur Apni Zeenat Zaahir Na Karo Siwaye Is Ke Jo Zahir Hai, Aur Apne Girebanon Par Apni Odhni (Shawl, Dupatta) Daaley Rakhen, Aur Apni Zaib o aaraish Ko Kisi Ke Samne Zahir Na Karo Siwaye Apne Khawindo Ke Ya Apne Waalid Ke Ya Apne Sasur Ke Ya Apne Ladko Ke Ya Apne Khawind Ke Ladko Ke Ya Apne Bhaiyon Ke Ya Apne Bhatijon Ke Ya Apne Bhanjon Ke Ya Apne Mel Jol Ki Aurto Ke Ya Ghulamon Ke Ya Aisey Naukar Chaakar Mardo Se Jo Shehwat Wale Na Hon, Ya Aisey Bachho Ke Jo Aurto Ke Parde Ki Baato Se Mutla' (ilm wale) Nahi ... 

Surah Noor, Ayat-31. 

Mufassireen Hazraat (Commentators of Quran) ka kahna hai ke, Nasb (ties of blood) ki bina par Aurat ke liye jo mahram hain is ki sarahat is Ayat me bayan hui hai, woh niche hain :

۩1. Aaba wa ajdad (forefathers) :

Yaani Aurat ke walidain ke aaba wa ajdad aur upar ki nasal masalan waalid, dada, nana aur rahi baat unke shauhar ke baad dada ki to wo sasurali mahram me shamil hai jisko aage bayan kiya jayega.

۩2. Beto (son) :

Yani Aurton ke bete jis mein bete, pote, aur is tarhan naati yani beti ke bete aur in ki nasal, aur Ayat e kareema mein jo ( khawind ke beton ) ka zikar hai woh khawind ki doosri biwi ke bete hain jo ke mahram mein shamil hai, aur isi tarhan sasur bhi mahram masahrat (mahram by marriage) mein shaamil hai, na ke mehram nasbi (mahram by blood) me. Hum ise bhi aage chal kar bayaan  karenge.

۩3. Aurat ka bhai :

Chahe woh saga bhai ho ya fir sautela bhai ho, chahe sirf waalid ki taraf se ho ya fir sirf walida ki taraf se ho, sabhi isme shamil hai. 

۩4. Bhanje aur Bhatije yani Bhai aur Bahan ke bete aur in ki naslen .

۩5. Chacha aur Mamu :

Yeh dono bhi Nasbi Mahram mai se hain. In ka aayat mein zikar nahi hai kyuki ye dono maa-baap ke tarha samjhe jate hai, aur logo mein bhi walidain ki jagah par shumaar hote hain, aur baaz auqaat chacha ko bhi walid kah diya jata hai, jaisa ke Allah ta'ala ka farmaan hai :

"Kya Tum Yaqoob (Alaihe Salam) Ki Mout Ke Waqt Moujood The? Jab Unhone Apni Aulaad Ko Kaha Ke Mere Baad Tum Kis Ki Ibadat Karogey ? To Sab Ne Jawab Diya Ke Aap Ke Mabood Ki Aur Aap Ke Walid Ibrahim, Ishhaaq aur Ismail Ke Mabood Ki, Jo Mabood Ek Hi Hai Aur Ham Isi Ke Farmanbardar Rahenge."

Surah Baqarah, Ayat-13.

Jab ki Ismail a.s. Yaqoob a.s. ke beto ke Chacha the.

Tafseer al-Raazi, 23/206; Tafseer al-Qurtubi, 12/232, 233; Tafseer al-Aaloosi, 18/143; Fath al-Bayaan fi Maqaasid al-Qur’aan by Siddeeq Hasan Khan, 6/352.

۞ Razaat (Breastfeeding) Ki Bina Par Mahram :

Aurat ke liye razaat ki wajah se bhi mahram ban jate hain, Tafseer Al Aloosi me hai :

"Jis tarha nasbi mahram ke samne Aurat ke liye parda na karna mubah hai isi tarhan razaat ki wajah se mahram ban'nae wale shakhs ke samnay bhi is ke liye parda na karna mubah hai. Is tarha Aurat ke liye, is ke razaai beto ya razaai walid se bhi parda na karna jaiz hai."

Tafseer al-Aaloosi. 18/143.

Is liye ke razaat ki wajah se Mahram hona bhi nasbi mahram ki tarhan hi hai jo ke hamesha ke liye Nikah haraam kar deta hai.

Imaam al-Jassaas r.h. ne is Ayat ki tafseer karte hue isi taraf ishara karte hue kaha hai,  "Jab Allah ta'ala ne walid ke sath un mahram ka zikar kiya jin se un ka Nikah hamesha haraam hai, jo ke is par dalalat karti hai ke jo is tarha ki hurmat wala hoga is ka hukum bhi unhi hukum ke barabar hai, maslan aurat ki maa, aur razaai mahram wagaira".

Ahkaam al-Qur’aan by al-Jassaas, 3/317 .

Aur Sunnat e Nabawi ﷺ mein bhi is ki daleel milti hai :

Nabi ﷺ ka farmaan hai, "Razaat bhi Wahi haraam karti hai jo Nasab karta hai."

To is ka matlab ye hua ke Jis tarha aurat ke nasbi mahram honge isi tarha razaat ke sabab se bhi mahram honge. Sahih al Bukhari mein niche di hui hadees warid hai :

Ammi Aisha r.a. bayan karti hain ke, Parda ka hukm nazil hone ke baad Abu Qu’ayss ke bhai Aflah jo ki Ap ke razaai chacha the, Aaye aur andar aane ki ijazat talab ki, toh maine ijazat dene se inkaar kar diya, aur jab Rasool e Akram ﷺ  ghar tashreef laaye to maine jo kuch kiya tha Ap ﷺ ko bataya, toh Nabi e Kareem ﷺ ne hukum diya ke mai unhe andar aane ki ijazat de doon.

Sahih al-Bukhaari bi Sharh al-‘Asqalaani, 9/150.

Imam Muslim r.h. ne bhi is hadees ko riwaayat kiya hai jis ke alfaaz ye hain :

Urwah r.a. bayan karte hain ke Ammi Aisha r.a. ne inhe bataya ke, un ke razaai chacha jin ka naam Aflah tha, unhone andar aane ki ijazat talab ki, to maine unhe ijazat na di, aur unse parda kar liya. Fir iski khabar Allah ke Rasool ﷺ ko di toh Aap ﷺ ne unse farmaya, Un se parda na karo, is liye ke razaat se wo sabhi rishte (Nikah) haraam ho jate hai jo nasab se haraam hote hai..

Saheeh Muslim bi Sharh al-Nawawi, 10/22.

Aurat ke razaai mahram bhi uske nasbi mahram ki tarhan hi hain :

Fuqaha e karaam ne jo kuch Quran Majeed aur Sunnat e Nabwi ﷺ se saabit hai us par amal karte hue is baat ki sarahat ki hai ke aurat ke razaai mahram bhi is ke nasbi mahram ki tarha hi hai, lihaza is ke liye razaai mahram ke samne zeenat ki cheeze zahir karna jaiz hain jis tarha ke nasbi  mahram ke samney karna jaiz hai, aur in ke liye bhi aurat ke badan ki woh jagah dekhni halal hain jo nasbi mahram ke liye dekhni halal hain.

۞ Sasurali Rishte Ki Wajah Se Mahram : (Yani Nikah Ki Wajah Se)

Aurat ke liye sasurali rishte ke wajah se mahram woh log hai jin par usse Nikah karna hamesha ke liye haraam hai, jaise, waalid ki biwi, betay ki biwi, saas yani biwi ki walida. 

Sharh al-Muntahaa, 3/7

To is tarha walid ki biwi ke liye mahram woh beta hoga jo us ki doosri biwi se ho, aur bahu yani beta ki biwi ke liye shauhar ka baap yani sasur mahram hoga, aur saas yani biwi ki maa ke liye khawind yani damaad mahram hoga .

Allah ajjawazal ne Surah Al Noor ki Ayat mein zikr karte hue farmaya hai :

Aur Apni Zeenat Zaahir Na Karo Siwaye Is Ke Jo Zahir Hai, Aur Apne Girebanon Par Apni Odhni (Shawl, Dupatta) Daaley Rakhen, Aur Apni Zaib o aaraish Ko Kisi Ke Samne Zahir Na Karo Siwaye, Apne Khawindo Ke Ya, Apne Waalid Ke Ya Apne Sasur Ke Ya Apne Ladko Ke Ya, Apne Khawind Ke Ladko Ke Ya, Apne Bhaiyon Ke Ya, Apne Bhatijon Ke Ya, Apne Bhanjon Ke Ya Apne Mel Jol Ki Aurto Ke Ya Ghulamon Ke Ya Aisey Naukar Chaakar Mardo Se Jo Shehwat Wale Na Hon, Ya Aisey Bachho Ke Jo Aurto Ke Parde Ki Baato Se Mutla' (ilm wale) Nahi ... 

Surah Noor, Ayat-31. 

To is me sasur aur khawind  ke beta aurat ke liye sasurali rishte ki wajah se mahram hai, aur Allah ta'ala ne inhen un ke bapon aur beton ke sath zikr kiya hai aur unhe hukum me bhi barabar qarar diya hai, ke un se parda na karna jayz hai.

Al-Mughni, 6/555.
  •٠•●●•٠•
۩ Hindi     ۩ Urdu     ۩ English
                    ٠
Read More »

Kya Nakhun Ke Niche Jama Mael Wuzu Me Khalal-Andaz Hoti Hai


Alhamdulillah

الحمد للہ و الصلاۃ والسلام على رسول اللہ و بعد

Chalees (40) yaum (days) guzarne se pahle Nakhun taraashne wajib hain, Kyuki Rasool ﷺ ne logo ke liye Nakhun taraashne aur zair e naaf (below navel) baal mundne aur baglo (armpit) ke baal ukhedna aur munche kaatne ke liye zyada se zyada waqt chalees yaum muqarrar kiya gaya hai, ke yeh chalees yaum se qabl kaate jaye, Nabi ﷺ se ye isi tarha saabit hai (Saheeh Muslim, 258).

Is liye Mardo aur Aurto par wajib hai ki woh is muamle ko madd e nazar rakhte hue nah to apne Nakhun lambay kare, aur na hi munche aur na hi zair e naaf baal badhne de, aur na hi baglo ke baal, un ki hadd sirf chalees yaum hai .

Nakhuno ke neeche jama honae wali mael (dirt) ki soorat me wazu sahih hai kyuki ye boht kam hoti hai aur mazur hai (it is excused) .

Majmoo’ Fataawa al-Maqaalaat Mutanawwi’ah li Samaahat al-Shaykh Ibn Baaz (may Allaah have mercy on him), 10/50.

                                                                            •٠•●●•٠•
۩ Urdu      ۩ English

Read More »

Juma Ki Namaz Me Teen Tarah Ke Logo Ka Aana



۞ Abdullah ibn Amr ibn al-'As r.a. riwayat karte hai ki RasoollAllah ﷺ ne farmaya Juma' ki Namaz me mein teen (3) tarha ke log aatey hain; Ek toh woh jo waha aakar behuda kaam (baat) kare, uska hissa yahi hai (yani usko kuch sawab na milega). Aur dusra wo hai jo wahan aakar Allah azzawajal se dua kare agar Allah chahega to uski dua qubul karega aur chahega to nahi karega. Aur teesra wo hai jo wahan aakar khamoshi se baith jaye, na logon ki gardanein faand kar (over the neck) aage badhe aur na kisi ko takleef pohchaye to uska ye Amal is Juma se lekar agli juma tak balki aur teen zyada din ke liye gunaahon ka kaffara ban jayega, kyunki Allah azzawajal ka irshaad hai ki jo shaksh ek neki karta hai usko 10 guna sawab milega.

Sunan Abu Dawud, hadith-1113 . Classed as Hasan by Shaykh Albani.

Is hadith se hame wo chiz sikhne ko mili hai jo hamare muashre me boht aam hai. Hamare masjid ke muqtadi aksar dusro ko faand kar aage jaate hai is chiz ki parwah kiye bagair ki logo ko isse takleef hoti hai. Aur aksar to ye dekha jata hai ki hamare Imam sahab bhi is par nahi tokte hai.

۞ Masjid me Do Aadmiyon Ke Darmiyan Judayi Dalna Se Bhi RasoolAllah ﷺ ne Mana Farmaya Hai :

Salman Farsi r.a. se riwayat hai, Unhone kaha ke RasoolAllah ﷺ ne farmaya: “Jo shakhs jumu’ah ke din ghusl kare aur jis qadr mumkin ho safayi karke tel lagaye ya khushboo istemaal kare, phir Namaz-e-jumu’ah ke liye aaye aur do aadmiyon ke darmiyan tafreeq na kare, phir jitni Namaz uski qismat me ho adaa kare aur jab imaam khutba dene lage to khamosh rahe to uske wo gunah jo is jumu’ah se sabqah jumu’ah ke darmiyaan huye ho sab maaf kar diye jayenge.”

Sahih Al Bukhari,  Kitab-ul-Jumu’ah, Hadith-910.

۞ Masjid me Kisi Shaks Ko Utha Kar Khud Uski Jagah Baithne Se Bhi RasoolAllah ne Mana Farmaya Hai :

Ibne Umar r.a. se riwayat hai, Unhone kaha: Nabi ﷺ ne mana’a farmaya hai ke koi shakhs apne bhai ko uski jagah se utha kar khud wahan baith jaye. Raawi kahte hai ke maine Hazrat Naaf’e se daryaft kiya ke Kya ye hukm jumu’ah ke liye khaas hai? Unhone kaha: Jumu’ah aur Ghair Jumu’ah dono ke liye yahi hukm hai.

Sahih Al Bukhari,  Kitab-ul-Jumu’ah, Hadith-911.

Allah se dua hai ki wo hame is taaleem ko dusro tak pochane ki taufeek ata kare. aameen.

 •٠•●●•٠•

Read More »

Aqeeqah


Aqeeqah ke ahkaam aur masail.


Alhamdulillah..

Bachha paida hone ke 7 din (days) baad jo Janwar zibah kiya jaye use Aqeeqah kaha jaata hai. Zamaana-e -Jahiliyat me Arab ke yahan ye ma'roof cheez thi. Al-Maawardi kahte hai, "Raha Aqeeqah toh wilaadat ke waqt janwar zibah karne ko Aqeeqa kahte hain. Aur ye cheez Nabi e Kareem ﷺ ki wilaadat se qabl bhi pai jati thi."

Dekhein Al-Haawi al-Kabeer, 15/126.

Nabi e Kareem ﷺ ke sahih ahadees me Aqeeqeh ki mashruiyat sabit hai. Jin maise chand ahadees niche bayan ki gai hain:

Hazrat Buraydah r.a. bayaan karte hain ke Daur e Jaahiliyat me jab hamare yahan kisi ko bachha paida hota to wo 1 bakra zibah karke uska khoon bachhe ke sir (head) par malta aur jab Allah ta'ala ne hame Islam ata kiya, Toh ham Bakra zibah karte aur bachhe ka sir (head) mundwaate aur bachhe ke sir (head) par zaafraan (saffron) malte the.

Narrated by Abu Dawood, 2843; classed as saheeh by Shaykh al-Albaani in Saheeh Abi Dawood.

Zaafraan ek kism ki khushbu hai.

2. Salmaan Bin Amir r.a. bayaan karte hai ke Nabi e Kareem ﷺ ne farmaya, "Bachha paida hone ke saath Aqeeqah hai. To tum iski jaanib se khoon bahaao aur iski gandagi door karo."

Narrated by al-Bukhaari, Hadith- 5154.

Bachha (boy) paida ho to iske janib se Do (2) aur agar bachhi (girl) paida ho to uski jaanib se 1 Bakra ya Bakri zibah karna mashroo hai. Jaisa ke sahih aur sareeh dalail is baat par dalalat karti hai.

Ammi Ayesha r.a. bayaan karti hain ke Rasool e kareem ﷺ ne unhe bachhe (boy) ke jaanib se 2 aur bachhi (girl) ki janib se 1 bakri zibah karne ka hukm diya.

Narrated by al-Tirmidhi, 1513, who said it is hasan saheeh; classed as saheeh by al-Albaani in Saheeh al-Tirmidhi.

3. Umme Kurz r.a. bayaan karti hain ke unhone Nabi e Kareem ﷺ se Aqeeqah ke talluk se daryaaft kiya, Toh Aap ﷺ ne farmaya, "Bachhe (boy) ki janib se Do (2) Bakriyan aur bachhi (girl) ki janib se Ek (1) Bakri aur (RasoolAllah ) isme koi nuksan nahi ke wo bakra ho ya bakri.

Narrated by al-Tirmidhi, 1516, who said this is a saheeh hasan hadeeth; and by al-Nasaa’i, 4217; classed as Hasan Saheeh by Imam Tirmidhi and Saheeh by Shaykh al-Albaani in Irwa’ al-Ghaleel, 4/391.

Ye Hadees Aqeeqah me bachhe (boy) aur bachhi (girl) ke darmiyaan farq me tafseel wazeh karti hai. Aur sath me is hadees se ye bhi pata chala ki Aqeeqeh ke talluq se Bakra aur Bakri me koi fark nahi yaani chahe Bakra ho ya Bakri Aqeeqah dono par jayz hai.

Allama Ibn Qayyim rh ne bachha aur bachhi ki is tafseel ki taleel bayan karte hue kaha hai:

"Aur yeh sharai qaydah hai ke Allah Subhaanahu wa Ta'ala ne bachhe (boy) aur bachhi (girl) ke darmiyaan farq rakha hai aur bachhi (girl) ko wiraasat aur deeyat (blood money) aur gawaahi aur aazaadi aur Aqeeqah me nisf (aadha;half) rakha hai." End quote.

Zaad al-Ma’aad, 2/331.

Ibn Qayyim rh farmate hai :

"Aqeeqeh ke fawaid (fayda;benefit) me ye bhi shaamil hai ke yeh Qurbani hai jiske zariye se bachhe ki dunya me amad ke baad sabse pahle (us bachhe ko) Allah ka qurb hasil karaya jata hai.

Aur iske fawaid me ye bhi shaamil hai ke Yeh bachhe ko girwi hone se chutkara aur aazadi dilaata hai, kyuke bachha Aqiqah ke sath girwi rakha hua hai hatta ke Aqiqah kar ke use aazad karaya jaye.

Aur iske fawaid me ye bhi shaamil hai ke : Yeh (Aqiqah) Fidya hai jo bachhe ke liye ada kiya jata hai jis tarha Allah subhanahu wa tala ne Ismail a.s. ke fidye me Mendha (Ram) diya tha"

Dekhein Tuhfat al-Mawdood, p. 69.

Aqeeqe ka sabse behtareen aur afzal waqt wilaadat ke saatwe roz (7th day) hai, Kyunki RasoolAllah ﷺ ka farmaan hai, "Har Bachha apne Aqeeqeh ke saath girwi rakha hua hai, iski janib se saatwe roz zibah kiya jaye aur iske sar (head) mundwaye jaye aur naam rakha jaye."

Narrated by Abu Dawood, 2838; classed as saheeh by Shaykh al-Albaani in Saheeh Abi Dawood. 

Aur agar saatwe roz se taakheer bhi ho jaye to is me koi harj nahi. Jab bhi Musalmaan Aqeeqah karne ki istita'at rakhe to ise Aqeeqah karna chahiye.

Wallahu Aalam.

•• •• •• •• •• •• •• •• •• •• •• •• ••

۩ English      ۩ Urdu

Read More »

Hukuk Ka Sabak


حَدَّثَنَا مُحَمَّدُ بْنُ بَشَّارٍ، حَدَّثَنَا جَعْفَرُ بْنُ عَوْنٍ، حَدَّثَنَا أَبُو الْعُمَيْسِ، عَنْ عَوْنِ بْنِ أَبِي جُحَيْفَةَ، عَنْ أَبِيهِ، قَالَ آخَى النَّبِيُّ صلى الله عليه وسلم بَيْنَ سَلْمَانَ، وَأَبِي الدَّرْدَاءِ، فَزَارَ سَلْمَانُ أَبَا الدَّرْدَاءِ، فَرَأَى أُمَّ الدَّرْدَاءِ مُتَبَذِّلَةً‏.‏ فَقَالَ لَهَا مَا شَأْنُكِ قَالَتْ أَخُوكَ أَبُو الدَّرْدَاءِ لَيْسَ لَهُ حَاجَةٌ فِي الدُّنْيَا‏.‏ فَجَاءَ أَبُو الدَّرْدَاءِ، فَصَنَعَ لَهُ طَعَامًا‏.‏ فَقَالَ كُلْ‏.‏ قَالَ فَإِنِّي صَائِمٌ‏.‏ قَالَ مَا أَنَا بِآكِلٍ حَتَّى تَأْكُلَ‏.‏ قَالَ فَأَكَلَ‏.‏ فَلَمَّا كَانَ اللَّيْلُ ذَهَبَ أَبُو الدَّرْدَاءِ يَقُومُ‏.‏ قَالَ نَمْ‏.‏ فَنَامَ، ثُمَّ ذَهَبَ يَقُومُ‏.‏ فَقَالَ نَمْ‏.‏ فَلَمَّا كَانَ مِنْ آخِرِ اللَّيْلِ قَالَ سَلْمَانُ قُمِ الآنَ‏.‏ فَصَلَّيَا، فَقَالَ لَهُ سَلْمَانُ إِنَّ لِرَبِّكَ عَلَيْكَ حَقًّا، وَلِنَفْسِكَ عَلَيْكَ حَقًّا، وَلأَهْلِكَ عَلَيْكَ حَقًّا، فَأَعْطِ كُلَّ ذِي حَقٍّ حَقَّهُ‏.‏ فَأَتَى النَّبِيَّ صلى الله عليه وسلم فَذَكَرَ ذَلِكَ لَهُ، فَقَالَ النَّبِيُّ صلى الله عليه وسلم ‏ "‏ صَدَقَ سَلْمَانُ ‏"‏‏.‏

Hazrat Abu Juhaifa  r.a. se riwayat hai, unhone farmaya ke Nabi ﷺ ne Hazrat Salman Farsi r.a. aur Hazrat Abu Darda r.a. ke bich bhai-chara kara diya tha, chunanche Ek din Salman r.a. Abu Darda se milne gaye to unhone Umme Darda r.a. ko intehai badhaal (shabby) kapdo mein dekha.  Unhone in se daryaft kiya: Tumhara ye kya haal hai ? Wo (Umme Darda) boli ke tumhare bhai Abu Darda r.a. ko dunya ki zarurat hi nahi hai. Itne me Abu Darda r.a. bhi aagaye, aur un ke samnay khana haazir kiya aur kaha ke khana khao, unhone kaha ke mai to rozay se hu. Is par Salman r.a. ne farmaya ke mai bhi us waqt tak khana nahi khaunga jab taq tum khud bhi shareek na hoge. 
Raawi ne bayan kiya ke fir wo khane mein shareek ho gaye. Raat hui toh Abu Darda r.a. Ibadat ke liye uthe lekin Salman r.a. farmaya ki abhi so jao aur Abu Darda r.a. so gaye. Kuch der baad Abu Darda r.a. firse uthe lekin Salman r.a. ne farmaya ke abhi soye raho. Fir jab raat ka aakhri hissa hua to Salman r.a. ne farmaya ke acha ab uth jao. Chunanche dono ne namaz padhi. Is ke baad Salman r.a ne farmaya,

إِنَّ لِرَبِّكَ عَلَيْكَ حَقًّا، وَلِنَفْسِكَ عَلَيْكَ حَقًّا، وَلأَهْلِكَ عَلَيْكَ حَقًّا

"Tumahre Rab Ka Tum Par Haq Hai, Tumhari Jaan Ka Tum Par Haq Hai Aur Tumhare Khandan (Family) Ka Tum Par Haq Hai."
Lehaza Tumhein sab ke huqooq ada karne chahiye. Fir Ap Nabi ﷺ ki khidmat me hazir hue aur Aap ﷺ se ye sab muamla bayan kiya. (Toh) Nabi ﷺ ne farmaya ke Salman ne Sach kaha .

Sahih al Bukhari,  Book of Fasting (30), Hadith- 1968.

Is riwayat se hame kaafi kuch sikhne ko milta hai. Ye baat to zahir hi ho gai ki hame sab ke hukuk ka khyal rakhna chaiye, sath sath hame ye bhi sikhe ko mila ki hame islah waqt aur mahaul dekh kar karna chaiye sabr ke sath. Salman Farsi r.a. ne fauran hi nahi toka Abu Darda r.a. ko balki Raat ki tahajjud ki namaz ke baad unhe samjhaya. Isi liye hame bhi chaiye ki ham waqt, haalaat aur mahaul par nazar rakh kar sabr ke sath dusro ko samjhaye. Allah se Dua hai ki wo hame sahaba e karaam ke naksheqadam par chalaye. aameen.
Read More »

Akele Namaz Padhne Wale Shaks Ke Liye Azaan Aur Iqamat Kahna


أَخْبَرَنَا مُحَمَّدُ بْنُ سَلَمَةَ، قَالَ حَدَّثَنَا ابْنُ وَهْبٍ، عَنْ عَمْرِو بْنِ الْحَارِثِ، أَنَّ أَبَا عُشَّانَةَ الْمَعَافِرِيَّ، حَدَّثَهُ عَنْ عُقْبَةَ بْنِ عَامِرٍ، قَالَ سَمِعْتُ رَسُولَ اللَّهِ صلى الله عليه وسلم يَقُولُ ‏ "‏ يَعْجَبُ رَبُّكَ مِنْ رَاعِي غَنَمٍ فِي رَأْسِ شَظِيَّةِ الْجَبَلِ يُؤَذِّنُ بِالصَّلاَةِ وَيُصَلِّي فَيَقُولُ اللَّهُ عَزَّ وَجَلَّ انْظُرُوا إِلَى عَبْدِي هَذَا يُؤَذِّنُ وَيُقِيمُ الصَّلاَةَ يَخَافُ مِنِّي قَدْ غَفَرْتُ لِعَبْدِي وَأَدْخَلْتُهُ الْجَنَّةَ ‏"‏ ‏.‏

Ye riwayat kiya gaya hai ki Uqbah bin 'Amir r.a. ne kaha ki maine RasoolAllah ﷺ se ye kahte hue suna ki "Tumhara Rab us charwahe (shepherd) se khush hota hai jo (akela) pahad ki choti par Namaz ke liye Azaan kah kar Namaz ada karta hai, chunanche Allah azzawajal farmate hai, Mere is bande ko dekho ye Azaan aur Iqaamat kah kar namaz ada karta hai aur mujh se darta hai. Mai tumhe gawah banata hu ke Mai ne ise bakhsh diya aur ise jannat mein daakhil kar diya".

Sunan an-Nasa'i, The Book of the Adhan, Vol. 1, Book 7, Hadith 667. Classed as Sahih by Sheikh Zubair Ali Zai. 

۩ Imam Shafi farmate hai, "Agar ek shakhs Azan aur Iqamat kahne ko nazarandaz karta hai Jab wo Namaz Akele padh raha ho ya Jamaat me, Toh Mai ise Makrooh (na-pasandida) samajhta hu. Lekin agar us shaks ne Azan ya Iqaamat kahe bagair namaz ada kari hai toh usko apni namaz dohrane ki zarurat nahi hai." 

Kitaab al-Umm by al-Shaafa’i, Jimaa’ al-Adhaan, Baab al-Adhaan wa’l-Iqaamah li’l-Jam’ bayna al-Salaatayn.

۩ Shaykh Muhammad Saalih al-Munajjid farmate hai. "Umoomi dalail ke bina par munfarid (individual) shakhs ke liye Azaan aur Iqamat kahna mustahab hai."  (source)

Toh natija ye nikla ki Akele Namaz padhne wale shaks ke liye Azan dena aur Iqamat kahna Mustahab Amal hai.

•• •• •• •• ••  •• •• •• •• •• •• •• •• •• •• •• •• •• •• •• •• ••


Read More »

Kya Banks Ka Sood Gareebo Ko Dena Jayz Hai ?


Kya hamare liye jaiz hai ki Banko ka sood kisi mohtaaj aur zarurtmand shakhs ko de-den ?

Alhamdulillah..

Agar to koi aisa shakhs hai jo soodi lain-den karta tha aur ab Tauba karne ke baad sood ke zarye haasil karda maal se chutkara haasil karna chahta hai to is se chutkara haasil karne ke liye kisi Gareeb ko diya ja sakta hai, aur isi tarha agar bank ne is ke account mein sood ki kuch raqam rakh di ho to use bhi Gareeb ko de dein, Lekin yeh sadaqa shumaar nahi ho ga, kyuki Allah subhana wa tala pakiza hai aur pakiza cheez hi qubool farmata hai .

Lekin soodi lain-den karte rahna jaiz nahi balke ye kabira gunah hai, aur sood lene wala Allah ta'la aur us ke Rasool ﷺ ka dushman hai, hatta ke agar woh Gareeb ko dene ke liye bhi sood leta ho .

Wallaho aalam .

[Fatawa of Sheikh Muhammed Salih Al-Munajjid, source]

•• •• •• •• ••  •• •• •• •• •• •• •• ••

۩ English    ۩ Urdu    ۩ Hindi
Read More »

Haq Ki Maut - Mohar e Nabawi


Ham har Namaz me Allah se ye dua karte hai ki Ae Allah hame sidha rasta dikha, wo rasta jis par tu ne inaam farmaya hai na ki wo rasta jis par tu ne saza muqarrar kiya hai [Surah Fatiha ayat 6-7]. Har namaz me ye dua padhna khud bata raha hai ki sidhe raste par chalne ki kya ahmiyat hai hamare Deen me. Sidhe raste par chalna hi haq par chalna hai. Lekin ye bhi boht aham hai ki hamari maut haq par aye.

Pichle kuch articles me maine tafseel se bataya tha ki haq par kaise chala jaye aur Haq ka safar kaise tay kiya jaye. Ab is article me mai is baat par roshni dalna chahunga ki haq ki maut kya hoti hai aur RasoolAllah ﷺ ne hame is ke bareme kya bataya hai aur sahaba e karaam ne is par amal kaise karke dikhaya hai.

حَدَّثَنَا عَبْدُ اللَّهِ بْنُ الْحَكَمِ بْنِ أَبِي زِيَادٍ، حَدَّثَنَا سَيَّارٌ، حَدَّثَنَا جَعْفَرٌ، عَنْ ثَابِتٍ، عَنْ أَنَسٍ، ‏:‏ أَنَّ النَّبِيَّ ـ صلى الله عليه وسلم ـ دَخَلَ عَلَى شَابٍّ وَهُوَ فِي الْمَوْتِ فَقَالَ ‏:‏ ‏"‏ كَيْفَ تَجِدُكَ ‏"‏ ‏.‏ قَالَ ‏:‏ أَرْجُو اللَّهَ يَا رَسُولَ اللَّهِ وَأَخَافُ ذُنُوبِي ‏.‏ فَقَالَ رَسُولُ اللَّهِ ـ صلى الله عليه وسلم ـ ‏:‏ ‏"‏ لاَ يَجْتَمِعَانِ فِي قَلْبِ عَبْدٍ فِي مِثْلِ هَذَا الْمَوْطِنِ إِلاَّ أَعْطَاهُ اللَّهُ مَا يَرْجُو وَآمَنَهُ مِمَّا يَخَافُ ‏"‏ ‏.‏

۩ Anas r.a. riwayat karte hai ki RasoolAllah ﷺ ek jawan ladke ke pas tashreef farma hue jo Maut ki halat me tha. RasoolAllah ﷺ ne us ladke se farmaya, “Tumhe kaisa lag raha hai?”
Unhone kaha, “Ae Allah ke Rasool, Mujhe Allah par Ummeed hai lekin mai apne gunaho se darta hu”. 
RasoolAllah ﷺ ne Farmaya, “Ye do chiz (Ummeed aur Khauf) is surat e haal me ek shaks ke dil me nahi rahta lekin ye ki Allah use ata kar dega jiski wo ummeed karta hai aur use mahfooz rakhega us chiz se jisse wo Khauf me hai.”

Sunan Ibn Majah, Kitabul Zuhd, Vol. 5, Book 37, Hadith 4261. Classed as Hasan by Sheikh Zubair Ali Zai r.h.

Gaur kare ! Ye sahabi ne ye nahi kaha ki Ae Allah ke Rasool Mai Haq pe hu, firqa e Najia se hu, Mai to apki sohbat me raha, Quran me Allah ne gawahi di hai ki Allah Mujh se raazi, mai Allah se raazi, lekin Nahiii!!! Khauf aur ummeed ke bich ke maut par jo mara wo haq par mara.  SubhanAllah bade bade sahaba ne aesa nahi kaha ki mai Jannat me jaunga balki ummeed hamesha ki ke Allah Jannat de aur Jahannam se najaat de. Aur ek ham log hai jo itne gunahgar hokar bhi Jannati ya Firqa e Najia ka self made certificate lekar ghum rahe hai. Toh ye haq ki maut hai ki ham Allah se khuaf kare aur sath sath Allah se ummeed bhi rakhe.

Ab aiye dekhte hai ki is hadith par sahaba e karaam ne kaise amal kar ke dikhaya:

Umar r.a. ki wafat ke waqt ka bayan:

Amr bin Maimun r.a. riwayat karte hai, [Umar bin Khattab r.a. Ke wafat ke waqt, jab Umar r.a. zakhmi halat me the] Ek naujawan Umar r.a. ke paas aaya aur kahne laga, Ae Ameer ul Momineen!  Allah taala ki taraf se Ap ko khushkhabri ho. Ap ne RasoolAllah ﷺ ki sohbat uthai. Ibtida mein Islam laane ka Sharf haasil kiya jo ki Ap ko maloom hai. Fir Ap khalifa banaye gaye aur Ap ne poore insaaf se hukoomat kiya, Fir Shahadat payi. 
Ye sun kar Umar r.a. ne farmaya, "(Dekho aesa mat kaho) Mere In Aamaal Ke Wajah Se Qayamat Ke Din Mere Naam e Aamaal Agar Barabar Bhi Ho Gaya To Mere Liye Ye Kafi Hoga."

Sahih al-Bukhari, Kitab Fazail Ashaab an-Nabi ﷺ, Hadith no: 3700.

Rough translation from a summary of a long Hadith. (read full hadith).

SubhanAllah !!! Andaza lagaiye Ameer ul Mominee Umar ibn Khattab r.a. jiske bareme RasoolAllah ﷺ ka farman hai ki mere baad agar koi Nabi hota to wo Umar hota (at-Tirmidhi (3686)), jinke talluq se RasoolAllah ﷺ ne farmaya ki Jis gali se Umar r.a. guzarte hai us gali se shaitan bhag jata hai (Sahih Bukhari 5735). Wo shaks khud kah raha hai ki agar mere aamaal barabar bhi ho jaye to kaafi hai. 

Toh hamara bhi yahi akhlaq hona chaiye ki ham badi se badi neki karne ke baad bhi zameen par hi rahe, aasman me udne na lag jaye. Yahi tarika behtar hai aur isi tarike ki taaleem hame Rasoolallah ﷺ ne diya hai aur isi tarike par sahaba e karaam ne amal kar ke dikhaya hai. Hame bhi chaiye ki ham Allah se Darte rahe aur Usse Ummeed karte rahe lekin kabhi taqabbur ya tassub me na shamil ho ki hamare pas boht ilm hai ya hamare amal boht zyada hai. Toh jaisa ki RasoolAllah ﷺ ne khud wazahat kiya, Ek Musalman ko Allah ke khauf aur Allah se ummeed me zindagi basar karni chaiye, yahi sidha rasta hai. 

Allah hamari maut khauf aur Ummeed ke darmiyan ata kare. aameen.

•• •• •• •• ••  •• •• •• •• •• •• •• ••

Related: Haq Ka Safar
Read More »

Haq Ki Talaash Aur Ham


Ek Musalmaan aur ek Tailb e Ilm ko hamesha Sach ki talaash karte rahna chahiye. Hame sha'oor ki umar (age) se lekar aakhri saas tak ye safar taye karte rahna chahiye. Kyuki isi tarike ki taleem hame Quran aur Sunnat se milti hai. Sahaba e karaam, salaf as saliheen aur hamare imamo ki zindagi ek behtareen misaal hai is chiz ki. Agar ham ye samjhenge ki bas ab hamari hi soch, hamari hi raaye sahih hai aur isme galti ke chances bhi maujud nahi hai to ye khud ko Nubuwat ke darze par fa'iz karna hua. Kyuki sirf Ambiya karaam ke bareme hi kaha ja sakta hai ki sirf wahi log hai jo Allah ki hifazat me rahte hai. Baaki ham sab ke sab sirf ek insan hai. Ham tahkeek karte hai, baaz aukat hamari tahkeek sahih hoti hai aur baaz aukat hamari tahkeek galat hoti hai. Baaz aukaat hamse choti galtiya hoti hai, baaz aukat hamse badi galtiya ho jati hai. Toh koi ilm me kitne hi bade darje par pohch jaye, galatiya ka imkaan (chances) hamesha bana rahta hai.

Hame apne Dil o Dimag ko hamesha khula rahne dena chahiye. Agar ham yeh samjhenge ki bas ham hi sahih hai, hamari hi soch sahih hai, yahi aakhri nataij hai jo hamne seekh liye hai to ye Islah ka darwaza band karna hua. Aur hamari zahen is tarha ban jayegi ki 'Bhai Islah to Ap apni karo, ham to pahle se hi Haq par hai, ham to pahle se hi Jannati hai.'

Apko Sahabi e Rasool ﷺ, Salman Farsi r.a. ki zindagi ka Ilm hoga. Sabse pahle wo aatish-parast the, fir wo Isaai hue aur fir unhone Islam qubul kiya. Unko Islam ki daulat isi liye mili kyu ki unhone haq ke liye hamesha apna dil o dimag khole rakha. Agar wo hamari hi tarah zahen bana lete ki bas mai hi sahih hu to ap soche ki unhe Islam ki daulat kaise milti. Aur Salman Farsi r.a. ki badi fazilat ayi hai Hadith ki kitabo me. [Allah ne agar zindagi di to aage mai Salman Farsi r.a. ki zindagi par ek khas article publish karunga in shaa Allah]. Salman Farsi r.a. ki puri zindagi Haq talash karne walo aur Ilm ka safar taye karne walo ke liye ek sabak hai.

Toh Haq ki talash karne wala bane, aur Ilm ke safar ke sachhe musafir ban kar zindagi basar kare. Aur Khuda ke liye is tassub aur taqabbur ko apne dil o dimag se nikal fenke ki hamare tahkeek ya raaye me galti nahi ho sakti. Ye galti hame boht bhari pad sakti hai qayamat ke din. Aur khud ka post mortem karte rahe. Yaani Jaizaa Lete Rahe. Kuch sawalat hai jise hame roz khud se puchna chaiye ki:
۩ Kya Humne Apne Apko Taa'subaat Se Pak Karne Ki Koshish Ki Hai ?
۩ Kya Hum Ab Bhi Jazbaat Main Beh Jate Hein ?
۩ Kya Ab Bhi Hum Usi Jagah Par Khade Hain Ke Pahle Agar Ek Shakhs Ki Aqeedat (Andhi-takleed ; Blind-following) Main Mubtala The Toh Ab Kisi Doosray Shakhs Ki Aqeedat Main Mubtala Hogye Hain ?
۩  Kya Is Ilm Ke Safar Main Waqayi Ab Hum Khalis Daleel Ki Bunyaad Par Cheezo Ko Samjhte Hain ?
۩ Agar Koi Hamari Maani Hui Raa'ye Se Mukhtalif Cheez Ki Taraf Humain Bulaye To Hamara Response Gair Tassubana Hota Hai ?
۩ Kya Hum Aj Bhi Poori Tawajjoh Se Uski Bat Sun'nay Ke Liye Amaa'da Hojaty Hain ?
۩ Kya Hamary Andar Ye Cheez Moujood Hai Ke Agar Hamari Ghalti Hum Par Waa'zeh Ki Jayegi Toh Hum Haq Ko Maan Lengay?
Toh iska jaizaa lety rehna chahye hame. Kyuki tassub insan ki aisi kamzori hai ke bade se bade ahle ilm ko ye andaza nahi hota kay wo is kamzori main mubtala ho chuka hai. Toh har raat jab ap apne bed par sone jaye to khud se ye sawal puche.

Ye Ilm ka safar hai, hum sab ke sab Nabi ﷺ ki baat ko samjhne mein masroof hain. Aur aiye ap bhi sath shamil hojaiye.
Related:   ۩ Aadab e Ikhtilaf
                 ۩ Ilm Ki Pahli Manzil
Read More »

Bachhon ki Taleem Wa Tarbiyat ka Sahih Tareeqa Kaun sa hai ?


Sawal : Mai apne Das saal se chhootey Bhaiyon ki kis tarha Tarbiyat karun ke bade ho kar bhi Deendar rahen aur is ke liye kya Tareeqa apnana chahiye ?

Alhmdulillah..


Hum Aap ko nasihat karenge ke inhe Quran e Majeed, Sahih ahadees e Nabawi aur un me maujood Islami akhlaqiyat ki tarbiyat den, Inhen Neki, Sila rahmi (rishtedari nibhana), Sachhai aur Amanat-dari wagaira par mushtamil aala akhlaqi akdaar ki aadat dalain. Un se Namaz ba-jamaat ki pabandi karwaen, Isi tarha khane peene aur baat karne wagaira ke mutalliq bhi Islami aadaab sikhaye, chunanche agar Ap ke bhai in akhlaqiaat aur aadaab par bade hote hain, aur Allah ke hukum se isi par qayam rahtay hain, aur un ki zindagi ke shab wa roz isi par guzarte hain to is se inhen bhi faida hoga aur Ap ko bhi iska ajar milega .


From Fataawa al-Lajnah al-Daa’imah, 12/261-262.


 •• •• •• •• ••  •• •• •• •• •• •• •• ••


Allah se dua hai ki wo hame taufeek ata kare. aameen.


---------------------------------------------------------------------

۩ English  ۩ Urdu  ۩ Hindi
Read More »

Achha Akhlaq - Deen Ki Ek Nayab Chiz


Ek Accha Akhlaq Wo Chiz Hai Jise Hamare Deen Ne Sabse Zyada Pasand Kiya Hai. Is Chiz Ki Bar-bar Quran Aur Sunnat Ne Yad-dhihani Karayi Hai. Is Chiz Ko Allah Pak Ne Hamare Deen Ka Ek Maqsad Banaya Hai.

Abu Huraira r.a. Riwayat Karte Hai Ki Rasoolallah ﷺ Ne Farmaya,

"Mai Sirf Isliye Bheja Gaya Hu Taaki Mai Acche Akhlaq Ko Kamil (Perfect) Kardu.

Narrated By Al-bukhaari In Al-adab Al-mufrad (273) And Classed As Saheeh By Al-albaani In Al-silsilah Al-saheehah (45).

Abu Huraira r.a. Riwayat Karte Hai Ki Rasoolallah ﷺ  Se Ye Pucha Gaya Ki Wo Kaun Si Chiz Hai Hai Jo Sabse Zyada Logo Ko Jannat Me Dakhil Karwaegi? To Rasoolallah ﷺ Ne Farmaya, Allah Ka Khauf Aur Achha Akhlaq.

Narrated by al-Tirmidhi (2004); he said it is saheeh ghareeb. It was classed as saheeh by al-Albaani in Saheeh al-Tirmidhi.

Allah Pak Farmate Hai,

"Qad Aflaha Man Tazakka"

"Jis Ne Apne Apko Pakeeza Kar Liya, Wohi Falaah Payega"

Quran, 87:14.

Aur Isme Khas Taur Par Dilo Aur Nafs Ki Pakeezgi Ki Baat Ho Rahi Hai. Nafrat, Jhagda, Bughz, Fasaad, Ilzam-tarashi Se Pak Hona.

Rasool ﷺ Achhe Akhlaq Ke Liye Dua Bhi Manga Karte The Ye Kah Kar "Aye Allah Tune Mere Bahari-shakl Ko Khubsurat Banaya Hai Toh Mere Akhlaq Ko Bhi Achha Kar De."

Narrated By Ibn Hibbaan In His Saheeh (3/239) And Classed As Saheeh By Al-albaani In Irwa’ Al-ghaleel (75).

Aur Mujhe Lagta Hai Ki Is Dua Ki Aaj Muslim Ummat Ko Boht Zyada Zarurat Hai.

Quran Kahta Hai Ki RasoolAllah ﷺ Hamare Liye Ek Behtareen Misaal Hai  (Qur'an 33:21). Allah Ta'la Rasool ﷺ Ko Mukhatib Hokar Farmate Hai,

"Aur Beshak, Ap Akhlaq Ke Buland Darje Par Fa'iz Hai".

Quran, 68:4.

Masruq Riwayat Karte Hai, Ham Abdullah Bin Amr r.a. Ke Sath Baithe Hue The Jo Hame Hadees Suna Rahe The. Unhone Kaha Allah Ke Rasool ﷺ Na To Fahish The Aur Na Hi Mutafahhish, Aur Wo (Rasoolallah) Kaha Karte The Ki Tum Maise Sabse Behtareen Wo Hai Jo Akhlaq Me Sabse Achha Ho.

Sahih Al-Bukhari, Kitab ul Adab, Hadith- 6035.

Amr Ibn Shu'ayb Riwayat Karte Hai Ki Rasoolallah ﷺ Ne Farmaya, "Kya Mai Tumhe Batau Ki Tum Maise Mai Sabse Zyada Kisse Muhabbat Karta Hu Aur Jo Qayamat Me Mere Se Sabse Zyada Nazdeek Baithega? Log Khamosh The Isliye Huzur ﷺ Ne Ye Baat Do Ya Teen Martaba Dohraya. Fir Logo Ne Kaha, "Ha Rasoolallah". Toh Ap ﷺ Ne Farmaya, "Tum Maise Jo Akhlaq Me Sabse Behtar Ho."

Narrated By Al-bukhaari In Al-adab Al-mufrad (272) And Classed As Saheeh By Al-albaani.

Anas r.a. Riwayat Karte Hai, "Maine Das Saal Tak Rasool ﷺ Ki Khidmat Ki. Unhone Mujhe Kabhi 'uff' Tak Nahi Kaha Aur Unhone Mujhe Kabhi Kisi Chiz Ke Bareme Nahi Toka Ki Tumne Ye Kyu Nahi Kiya, Jo Kaam Maine Nahi Kiye Ya Fir Us Chiz Ke Bareme Ye Nahi Kaha Ki Tumne Ye Kyu Kiya, Jo Kaam Maine Kiye The.

Narrated By Al-Bukhaari In Al-adab Al-mufrad (277) And Classed As Saheeh By Al-albaani.

Abu Huraira r.a. Riwayat Karte Hai Ki RasoolAllah ﷺ Ne Farmaya, Ek Shaks Jise Acche Akhlaq Ke Liye Jana Jata Hai Uska Wahi Martaba Hai Jaise Koi Shaks Raat Ko Namaz Me Khada Rahta Ho.

Narrated By Al-bukhaari In Al-adab Al-mufrad (284) And Classed As Saheeh By Al-albaani.

Ye Hai Hamare Deen Me Akhlaq Ki Ahmiya Jo Hamari Aksar Ummat Bhula Chuki Hai.

Hamare Sahaba Aur Salaf Ka Akhlaq Bhi Buland Martabe Par Tha. Imam Bukhari Ne Toh 'Al Adab Al Mufrad' Naam Ki Ek Puri Hadith Ki Kitab Hi Likh Di Jisme Unhone Sirf Akhlaq Ke Upar Hadeeso Ko Jama Kiya Hai.
Ek Baat Aur Gaur Kare Ki Akhlaq Ka Matlab Sirf 'ji, Janab' Se Baat Karna Nahi Hota Hai Balki Har Amal Me Aklaq Ka Hona Zaruri Hai. Aur Imam Bukhari Ki Us Kitab Me Har Mahol Aur Amal Me Kaisa Akhlaq Hona Chaiye Is Par Raushni Dali Gai Hai Hadeeso Ke Zarye.

Islah Ke Dauran Achhe Akhlaq Ko Banaye Rakhna Ye Boht Zaruri Hai. Ap Kisi Se Bugz Rakhte Hai, Ap Kisi Ke Upar Ilzam-tarashi Karte Hai, Ap Kisi Ikhtilaf Ki Surat Me Dusro Ko Gumrah Kah Dalte Hai, Ye Sab Bure Akhlaq Hai. Agar Apke Andar Ye Sab Maujud Hai To Apko Khud Ko Tassubaat Se Paak Karna Hoga. Ye Sab Tassubaat Aur Taqabbur Ki Alamat Hai. 
 Insan Ke Akhlaq Aur Kirdar Ka Asal Imtehan Hi Ye Hai Ki Wo Is Ikhtilaf Ko Kaise Bardash Karta Hai Aur Apne Se Alag Raaye (Opinion) Rakhne Walo Ke Liye Wo Kaisa Rawayya Ikhtiyar Karta Hai! Badkismati Se Hamare Muashre Mein Logo Ko Ikhtilaf Bardasht Karne Ki Taaleem Nahi Di Jaati! Jis Mahol, Jis Firke, Jis Mazhab, Jin Riwayato Me Ham Pale-bade Hote Hum Uske Khilaf Ek Lafz Sunna Bhi Bardasht Nahi Karte! Hum Sirf Apne Mazhab, Apne Firke, Apni Riwayat Ko Hi Durust Samjhte Hai! Ye Baat Ek Achhe Akhlaq Ke Khilaf Hai. Yahi Wo Rawayya Hai Jiski Quran Aur Sunnat Jagah Jagah Mukhalifat Karta Hai!

Hamare Aj Ke Naujawan Bhai Ka Ye Aklaq Hai Ki Zara Sa Agar Wo Kisi Se Kisi Masle Me Ikhtilaf Karle Toh Wo Us Bande Ko Zero Se Multiply Kar Dete Hai. Gumrah Aur Boht Saare Be-akhlaqi Lafzo Ko Istemal Karte Hai. Aesa Lagta Hai Ki In Bhaiyo Ko Direct Allah Ki Taraf Se Certificate Mila Hua Hai Ki Inki Tahkeek Me Galti Nahi Ho Sakti. Baaz Aukat To Hamare Ye Bhai Bad-zubani Par Utar Aate Hai Ya Personal Ho Jate Hai.
Kya Ye Akhlaq Tha Hamare Sahaba Aur Salaf Ka? Kya Agar 2 Sahaba Me Koi Ikhtilaf Ho Jaye To Wo Ye Harkate Karne Lagte The Nauzbillah Jis Tarha Hamare Kuch Naujawaan Deeni Bhai Kar Rahe Hai?
Un Bhaiyo Ke Ilm Ke Izafe Ke Liye Bata Du Ki Aesa Nahi Tha Ki Hamare Sahaba Me Ikhtilaf Nahi Tha. Hamare Sahaba Me Bhi Bade-bade Ikhtilaf Hote The, Fir Bhi Wo Log Kabhi Battamizi, Bad-akhlaqi, Bad-zubani Ka Tarika Nahi Apnate The Ek Dusre Ke Liye. Kyu Ki Unhe Pata Tha Ki Ye Amal Ki Mukhalifat Ki Hai Rasoolallah ﷺ Ne.

Shaykh Muhammad Ibn ‘uthaymeen Farmate Hai,

"Jadeed Daur Me Kuch Log Jinhone Salafiyyah Ka Rasta Apnaya Unlogo Ne Har Us Shaks Ko Gumraah Kahna Shuru Kar Diya Jo Unse Ikhtilaf Karta Hai Yaha Tak Ke Agar Wo Shaks Sahih Ho, Aur Kuch Logo Ne Hibz Ka Rasta Apnaya Jis Tarha Se Dusre Groh(Parties) Ne Apnaya Tha Jo Apne Ap Ko Mazhab E Islam Se Hone Ka Dawah Karte Hai. Ye Kuch Aesa Hai Jo Na-pasandida Hai Aur Jiski Manzuri Nahi Di Ja Sakti, Aur Unlogo Se Ye Kahna Chaiye: Salaf As Saleh Ke Tarike Ko Dekho, Wo Kya Kiya Karte The? Un Ke Tarike Ko Dekho Aur Kaise Wo Khule Dil Ke The Jab Ikhtilaf Ki Surat Aati Thi Jisme Ijtihaad Jaiyz Hai (Aur Ikhtilaf Kabile Qubul Hai). Woh Bade Masail Me Bhi Ikhtilaf Karte The, Eeman Aur Amal Ke Masail Me. Ap Ko Kuch Chize Milengi, Jaise, Rasoolallah Ѕαℓℓαℓℓαн Нυ Αℓℓαyнє Ωαѕαℓℓαм Ka Allah Ko Dekhne Pe Inkar Karna Jab Ki Dusro Ne Kaha Ki Unhone Dekha Hai. Apne Kuch Ko Ye Kahte Hue Dekha Hoga Ki Qayamat Ke Din Jo Chiz Tauli(Weighted) Jayegi Wo Hai Aamaal Jab Ki Dusre Log Kahte The Ki Wo To Aamaal Ki Kitab Hai Jo Tauli Jayengi. Ap Unhe Dekhenge Ki Wo Fiqh Ke Muamlo Me Bhi Kafi Had Tak Ikhtilaf Karte The, Jaise Nikah, Wirasat Ka Hissa, Khareed Aur Farokhqt, Aur Dusre Muamlo Me. Lekin Is Ke Bawujud Unhone Ek Dusre Ko Gumraah Nahi Kaha.

Salafiyyah Ek Khas Jamaat Ke Taur Par Jiski Alag Khushusiyat Ho Jisme Log Un Logo Ke Siwa Sabko Gumraah Kahe, In Logo Ka Salafiyyah Se Kuch Lena-dena Nahi Hai. Jaha Tak Ke Salafiya Jiska Matlab Salaf Ki Pairwi Karna Eeman Me, Kalimaat Aur Aamaal Me, Ittihad, Mutabqat Aur Shafkat Aur Muhabbat Ke Taraf Bulana Jaisa Ki Rasoolallah Ѕαℓℓαℓℓαн Нυ Αℓαyнє Ωαѕαℓℓαм Ne Farmaya: “momin Ke Misaal Ek Jism Me Muhabbat, Rahmat Aur Shafkat Ki Tarha Hai; Jab Koi Ek Hisse Me Takleef Hoti Hai Toh Fir Baaki Hissa Bhi Us Ke Sath Jaagta Hai Aur Bukhar Me Shamil Ho Jata Hai- Ye Asal Salafiyyah Hai."

[liqaa’aat Al-baab Al-maftooh, 3/246]

Agar Ap Samajhte Hai Ki Kisi Shaks Ki Koi Raaye Apke Mutabik Nahi Hai To Wo Shaks Gumrah Nahi Ho Jata Hai. Zyada Se Zyada Ap Unse Ikhtilaf Kar Sakte Hai. Ap Unhe Muhabbat Se Samjha Sakte Hai Aur Agar Fir Bhi Apko Unki Itni Hi Fikr Hai To Ap Unke Liye Duae Kar Sakte Hai. Ye Hai Hamara Islam, Hamara Mazhab, Hamara Manhaj, Hamara Deen. Agar Ap Kisi Shaks Ko Uski Galti Ka Ehsaas Dilana Chahte Hai To Ap Usko Muhabbat Se Ye Batayenge, Agar Ap Uski Insult Kar Ke Batayenge To Agar Use Manna Hoga Fir Bhi Wo Nahi Manega. Aur Iske Zimmedar Ap Honge Wo Nahi. Kyuki Ye Insani Fitrat Hai. To Logo Ko Sochna Chaiye Ki Wo Kis Deen Par Chal Rahe Hai. Muhabbat Aur Akhlaq Wale Deen Par Ya Gusse, Nafrat, Badzubani, Ilzam-tarashi Wale Deen Par.

Aur Akhir Me Mai Ye Kahna Chahta Hu Ki Hamara Ye Farz Hai Ki Ham Nabi ﷺ Ke Akhlaq Ko Apnaye. Agar Hamne Apni Akhlaqi Pakeezgi Ki Islah Nahi Ki To Hamne Islam Ke Sabse Bade Maqsad Me Naqamyabi Hasil Ki Aur Iska Ehsaas Hame Qayamat Me Hoga.

Abu Ad-dardh  Riwayat Karte Hai Ki Rasoolallah ﷺ Ne Farmaya, "Qayamat Ke Din Momin Ke Liye Sabse Bhari Chiz Jo (Aamaal Ke) Tarazu Me Tauli Jaegi Wo Uska Akhlaq Hoga."

Jamia At-tirmidhi, Chapters On Righteousness And Maintaining Good Relations With Relatives, Hadith- 2002. Sahih By Sheikh Zubair Ali Zai.

Abu Huraira r.a. riwayat karte hai ki Rasool ﷺ Ne Farmaya,

Tumain Maaloom Hai Gareeb Kaun Hai? Sahaba r.a. Ne Arz Kia, Hum To Gareeb Us Ko Samjtay Hain Jis Ke Paas Rupya-paisa Aur Saaz O Saamaan Na Ho.
Toh Aap ﷺ Ne Farmaya, Meri Ummat Mein Gareeb Wo Shaksh Hoga Jo Qayamat Ke Din Namaaz, Roza Aur Zakaat Ke Sath Aayga Magar Us Ne Kisi Ko Gali Di Ho Gi, Kisi Par Jhuta-ilzam Lagaya Ho Ga, Kisi Ka Maaal Hadap Kiya Ho Ga, Kisi Ka Khoon Bahaya Ho Ga, Kisi Ko Maara Ho Ga, Chunache Us Ne Jin Jin Logon Ki Haq Talfi Ki Ho Gi Unhain Us Ki Nekiya De Di Jaain Gi. Aur Agar Uski Nekiya Kam Pad Jaye Toh Fir Un Logon Ke Gunaah La Kar Us Par Laad Diye Jayenge. Aur Usey Jahannum (Dozakh) Mein Phaink Diya Jaay Ga.

Sahih Muslim, The Book of Virtue, Enjoining Good Manners, and Joining of the Ties of Kinship, Hadith- 2581.
                                                                   •••••••••••••••••••••

Allah se dua hai ki wo hamare akhlaq ko behtar kare. aameen.

Recommended Articles: 

Read More »

Sabr Ki Fazilat Aur Ahmiyat



۝  Quran

Allah ﷻ farmate hai, 

۩ يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ إِنَّ اللَّهَ مَعَ الصَّابِرِينَ

Aye Eemaan walo ! Sabr aur Namaz ke zarye madad mango. Beshak, Allah sabr karne walo ke sath hai.

Surah Baqara, Ayat 153.  

۩ Sabr karne waalon ko unki mazdoori be-hisaab milegi .

Surah Az-Zumar,  Ayat 10.

۩ Aur unke sabr ke badle unhe jannat aur reshmi libaas diye jaayenge.

Surah Daher, Ayat 12.

۩ Aur Allah sabr karne waalon se Muhabbat karta hai .

Surah Aal e Imran, 
Ayat 146.

Saabiron ke liye nek anjam aur behtareen thikaana hai, Qayamat ke din unka shumar muttaqiyon me hoga. Allah taala ka farman hai, 

"Jo Tang'Dasti, Dukh, Dard aur Ladaayi ke waqt sabr kare, yahi sacche log hain aur yahi parhezgaar hai."

Surah Baqarah, 
Ayat 177.

۝  Sunnah 

Rasool Allah ne farmaya ki Momin ka ajab (boht achha) haal hai ke jab Allah usey nemat bakshta hai to wo shukr karta hai aur ispe isko sawab milta hai aur jab Allah use aazmata hai aur uspe taklif dalta hai tab wo sabr karta hai aur ispe bhi isko sawab milta hai. 

Sahih Muslim, The Book of Zuhd and Softening of Hearts, Hadith -7138.

Hazrat Syedna Abu Umamah r.a. farmate hai ke Rasool Allah ne farmaya ke Allah subhanahu wa ta'aala farmate hai, "Aye Ibn e Aadam ! Agar tu sadmein (grief, sorrow) ke shuru me Sabr kare aur sawab ki niyat rakhe to Mai tere liye Jannat se kam ajar pasand nahi karunga.

Sunan Ibn Majah, Kitab al Janaiz, Hadith-1597. Classed as Hasan by Sheikh Zubair Ali Zai.

۝  Faidah

In Qurani ayaton aur Hadeeso me jahan Sabr ki fazilat hai waha Sadme ke shuru ke waqt sabr ki takeed (emphasis) bhi hai kyu ki Sabr to Sadme ke shuru hi me hai kyu ki Ek na ek din to sabko hi sabr aajata hai.

Sabir apne sabr ke badle nihayat azeem aur na khatm hone wale inaam ka badla payenge.

Haqiqat toh ye hai ke sabr momin ki shaan hai, kya hi khus-kismat hain wah log jo museebat ki ghadi mein sabr karte hain aur Rab se ajar haasil karte rahte hain. Museebat me sabr karne waalon ko aakhirat ke alawa, basa awqaat duniya me bhi uska badla mil jaata hai.

Jo is chand roza zindagi ke masaib ko sabr wa shukr ke saath bardaasht kar leta hai, woh Allah ka muqarrab banda ban jaata hai, use hamesha ki aakhirat me aisa maqaam wa martaba hasil hoga jise dekhkar duniya hairaan rah jaayegi.


       •••••••••••••••••••••

Aey Allah hum sabko Sadme ke agaaz me Sabr karne ki taufeeq dein. Aameen.
Read More »

Isha Ki Namaz Aur Nabi ﷺ Ka Tarika



حَدَّثَنَا مُحَمَّدُ بْنُ بَشَّارٍ، حَدَّثَنَا يَحْيَى بْنُ سَعِيدٍ، وَمُحَمَّدُ بْنُ جَعْفَرٍ، وَعَبْدُ الْوَهَّابِ، قَالُوا حَدَّثَنَا عَوْفٌ، عَنْ أَبِي الْمِنْهَالِ، سَيَّارِ بْنِ سَلاَمَةَ عَنْ أَبِي بَرْزَةَ الأَسْلَمِيِّ، قَالَ كَانَ رَسُولُ اللَّهِ ـ صلى الله عليه وسلم ـ يَسْتَحِبُّ أَنْ يُؤَخِّرَ الْعِشَاءَ وَكَانَ يَكْرَهُ النَّوْمَ قَبْلَهَا وَالْحَدِيثَ بَعْدَهَا


Abu Barzah Al-Aslami r.a. riwayat karte hai ki RasoolAllah ﷺ Isha der se padhna pasand farmatay thay, aur is se pahle sone aur is ke baad baat-cheet karne ko napasand karte the.


Sunan Ibn Majah, Kitab us Salaat, Hadees-701, Sahih (Sheikh Zubair Ali Zai)

حَدَّثَنَا أَبُو بَكْرِ بْنُ أَبِي شَيْبَةَ، حَدَّثَنَا أَبُو نُعَيْمٍ، ح وَحَدَّثَنَا مُحَمَّدُ بْنُ بَشَّارٍ، حَدَّثَنَا أَبُو عَامِرٍ، قَالاَ حَدَّثَنَا عَبْدُ اللَّهِ بْنُ عَبْدِ الرَّحْمَنِ بْنِ يَعْلَى الطَّائِفِيُّ، عَنْ عَبْدِ الرَّحْمَنِ بْنِ الْقَاسِمِ، عَنْ أَبِيهِ، عَنْ عَائِشَةَ، قَالَتْ مَا نَامَ رَسُولُ اللَّهِ ـ صلى الله عليه وسلم ـ قَبْلَ الْعِشَاءِ وَلاَ سَمَرَ بَعْدَهَا


Aisha r.a. riwayat karti hai ki RasoolAllah ﷺ Isha ke pahle sote nahi the aur Isha ke baad jaagte na the.


Sunan Ibn Majah, Kitab us Salaat, Hadees-702, Hasan (Sheikh Zubair Ali Zai).

                                                              •••••••••••••••••

Allah se dua hai ki wo ham sab ko Huzur ﷺ ke nakshqadam par chalaye. aameen.

Read More »

KYA LIBAS TABDEEL KARNE SE WUZU TUT JATA HAI ?


Kya Libaas Tabdeel Karne Se Mera Wuzu Toot Jayega? Aur Kya Mard Aur Aurat Ke Ma-baen Is Hukm Mein Koi Farq Hai ?


Agar Koi Shakhs Taharat Ki Haalat Mein Ho Aur Woh Apna Libaas Tabdeel Kar Le Toh  Usse Wuzu Nahi Toot-ta, Kyuki Libaas Tabdeel Karna Wuzu Tutne Mein Shaamil Nahi, Aur Is Mein Mard O Aurat Sab Barabar Hain. Wallaho Aalam .


Wuzu Jin Chizo Se Tut Ta Hai Wo Ye Hai :


1 Aage Ya Piche Ki Sharmgaah Se Kharij Honay Wale Ashye ( Pishaab, Pakhana, Hawa Wagaira ) Lekin Aurat Ki Qabl Se Kharij Hone Wale Hawa Se Wuzu Nahi Toot-ta .


2 Aage Ya Piche Ki Sharmgaah Ke Ilawa Aur Kahi Se Pishaab Aur Pakhana Kharij Hona .


3  Aqal Zael Hona (Hosh-khona), Ya To Mukammal Taur Par Aqal Zael Ho Jaye, Yaahi Majnoon Aur Pagal Ho Jaye, Ya Fir Kisi Sabab Ke Baais Kuch Der Ke Liye Aqal Par Parda Par Jaye, Maslan Neend, Behoshi, Nasha, Wagaira .


4  Azoo E Tanasul (Penis) Ko Chuna :


Is Ki Daleel Basrah Bint Safwaan R.a. Ki Hadees Hai Woh Bayan Karti Hain Ki Mein Ne Rasool ﷺ Ko Ye Farmate Hue Suna :


"Jis Ney Azoo E Tanasul Ko Chuwa Wo Wuzu Kare "


Sunan Abu Dawood, Al-tahaarah, 154. (Albaani Said In Saheeh Sunan Abi Dawood, No. 166, It Is Saheeh). 


5  Oont (Camel) Ka Gosht Khana :


Is Ki Daleel, Jaabir Ibn Samurah Ki Hadees Hai Woh Bayan Krate Hain Ki Ek Shakhs Ney Nabi ﷺ Se Daryaft Kiya Ki Kya Hum Oont Ke Gosht Khane Ke Baad Wuzu Kare  ?


To Rasool ﷺ Ne Farmaya : "Ji Haan"


 Narrated By Sahih Muslim, Al-hayd, Hadith- 539.


Yahan Ek Cheez Note Karna Zaruri Hai Ki Aurat Ke Jism Ko Chune Se Wuzu Nahi Toot-ta, Chahe Shehwat (Feelings Of Desire) Ke  Sath Ho Ya Baghair Shehwat Lekin Is Ke Nateeje Mein Agar Koi Cheez Kharij Ho To Phir Wuzu Toot Jayega .


Mazeed Tafseel Ke Liye Sheikh Ibn ‘uthaymeen, R.h. Ki Kitab Al-sharh Al-mumti’ Vol. 1, P. 219-250  Aur Fataawa Al-lajnah Al-daa’imah, Vol. 5, P. 264 Ka Bhi Muta'la Zaroor Kare .


Wallahu Aalm .


.....·• •·.... .....·• •·.... .....·• •·.... .....·• •·.... .....·• •·.... .....·• •·.... .....·• •·.... .....


From The Fatawa Of Sheikh Muhammed Salih Al-Munajjid (Islamqa.info)


Read this article in:


۩ Urdu
۩ English
۩ Hindi


Related: Wuzu Todne Wali Chize
Read More »

Islah Me Sabr Aur Akhlaq Ki Ahmiyat


 Ham Aur Ap Jaise Log Jinke Aqeede Quran Wa Sahih Hadees Ke Mutabiq Hote Hain Aur Hum Biddat(Innovation) Se Bachne Ki Bharpur Koshish Karte Hai Aur Biddat Ko Pehchanthe( Identify) Bhi Hain, Hum Jaise Log Apne Mulk Mai Din Raat Hone Wali Bidat'o Ki Khilaf Kya Karte Hai?

Facebook Jihadi Bankar Lambi Lambi Post Karte Hain- Ye Haraam Wo Haraam. Kisi Mahfil Mai Bidat Dekhli To Wahi Shor Barpa Kiya Aur Fir Do Fareekh (Opponent) Bana Kar Ladai(Fight) Shuru.

 Koi Ahle Biddat Sms Bheje To Jawab Me Garma Garam Message Bhej Diya. Mai Batau Ke Mere Mulk Ka Aik(1) Bada Tabka Bidati Kyun Hai? Wo Biddati Hai Mere Jaise Quran Wa Sahih Hadees Ke Pairokaron(Followers) Ki Waja Se. In Ahle Biddat Muslmano Ko Agar Kisi Cheez Ka Ilm Na Tha , Woh Agar Apnay Maa Baap Kay Tareeqay Par Chal Rahe The, Lekin Humain To Ilm Tha Na Humne Unko Kyun Nahi Raahe Raast Par Lane Ki Koshish Ki? Aur Agar Koshish Ki To Kaisi? Tok Kar, Gussa Karke? Tanqeed(Critisize) Karke? Khud Ko Durust Sabit  Karne Ki Zid Mai Bahes Karke? 

Hum Wo Log Hai Jo Andhere Mai Baithe Logo Ko Chilla Chilla(Shout) Kar Andheri Khaiyon (Deep Excavation) Se Khabardar Karne Ki Koshish Kar Rahe Hai. Chillane Se Sirf Itna Hoga Ke Wo Log Zara Der Tharain Ge, Uljhen Ge, Magar Fir Jitna Unki Ankhe Dekhne Ki Adi Ho Chuki Hain, Utne Ko Bohut Samajh Kar Chalte Jainge. 

Andheron Mai Cheekha Chillaya Thodi Na Jata Hai Balkay Roshni Laayi Jati Hain. Roshni Aay Gee To Andhera Khud Ba Khud Khatam Ho Jayega. Haq Ayega To Batil Jay Ga. Hum Musalman Yeh Baat Kyun Nahi Samjhtay Kay Bahas, Zid, Ladayee Say Koi Theek Nahi Ho Sakta. Uloom E Hadees Seekhne Me Sahih, Hasan, Zaeef Aur Mauzu Hadees Ka Farq Aur Raawi Ki Sharait Jaannay Aur Seekhnay Me Aik Arsa Lagta Hai Hum Quran O Sahih Hadees Seekhne Wale Kayi Saal Laga Kar Deeni Course Karte Hain, Diplomas Lete Hain, Magar Doosre Se Yeh Umeed Kartay Hain Ke Jo Baat  Hame Khud Kayee Saal (Years) Laga Kar Samjh Ayee Woh Doosra Shaks Chaar Line Ke Aik Sms Me Samjh Jaye. Chillanaa Asaan Hai Per Roshni Lana Mushkil Hai. "Amr Bil Maroof " (Yani Neki Ka Hukum Do) Pahlay Ata Hai Aur "Nahi ‘Anil Munkar Mukir" (Burayee Se Roko ) Ka Doosra Number Hai. Ahista Ahista Narmee Se Tahammul (Patience) Se Logon Ko Taleem Dee Jaye To Woh Hum Se Achhe Sunnat Ke Pairokaar (Followers) Ban Saktay Hain. Lekin Hum Musalman Yeh Tahammul Laye Kahan Say.. 
Islah Sirf Alfaz Nahi Hota, Tareeqa Hota Hai Tableegh Ka Jo Sidha Dilon Par Asar Karta Ha.
Read More »

ILM KI PAHLI MANZIL



Mein Jab Logon Ko Dekhta Hun, Mashriq Maghrib Main Unse Milta Hun To Mujhe Ye Mehsoos Hota Hai Ke In Ki Zyada Dilchaspi Ka Ba-is Ilmi Mabaahis (Ilmi Debates) Ban Kar Reh Gai Hain.

Ye Apni Jaga Badi Qeemti Cheez Ha Lekin Jab Hum Qayamat Mein Apne Rabb Ki Barghaah Mein Uthy Gain To Is Mein Sawalaat Is Ke Mutalliq Nahi Honge Yaani Allah Taala Ye Nahi Poochy Gain Ke Yeh Batao Tum Meraaj Ko Jismaani Maanty Thay Ya Roohani, Ye Nahi Puchenge Ke Batao Quran Majeed Ki Falaan Ayat Se Tumne Ye Matlab Nikaala Tha Ya Wo Matlab Samjha Tha.
Wahaan Jo Cheez Zair E Bahas Aany Wali Hai Deen Mein Aslan Us Par Nigaah Rahni Chahiye. Ye Sab Ilm Ko Hasil Karne Ki Chezen Hain. Is Se Insaan Taa'subaat Ko Khatam Karta Hai.isk Ilm Main Izaafa Hota Hai. Nayi Nayi Dunyaa'en Daryaaft Karta Hai. Isko Ek Qalbi Itmenaan Hasil Hota Ha.

Ye Badi Qeemti Cheez Hai. Ilm Ka Safar Koi Mamooli Safar Nahi Hai. Lekin Asal Cheez Jis Ke Uper Nigaah Rehni Chahye Wo Ye Hai K Main Apni Zaat Mein, Apni Shakshiyat Mein Pakeezgi Ka Safar Tay Kar Raha Hoon Ya Nahi. Ye Sawaal Har Waqat Saamny Rehna Chahye. Ye Mai Thodi Der Baad Bataunga Ki Pakeezgi Se Quran Kya Murad Leta Hai.


Kyon Ke Quran e Majeed Se Yahi Maloom Hota Hai Ke Allah Taala Ne Jis Imtehaan Mein Humko Mubtala Kiya Hai, Is Imtehaan Mein Hadaf (Aim, goal) Ki Kaifiyat Yahi Hai Ke Hum Kitna Pakeeza Ho Kar Uski Baargah Mein Jaate Hain.

Main Aage Chal Kar Wazaahat Karonga Ke Pakeezgi Ka Content Kya Hai.. Lekin Is Waqat Jis Cheez Ki Taraf Asal Mein Tawajjoh Dilaani Maqsood Hai Wo Ye Hai Ke Is Hadaf Ko Kabhi Nigaah Se Ojhal Nahi Hona Chahiye.

Ilmi Bahsen (debates) Kare, cheezon Ko Samjhay, nayi nayi Pahlu Saamne Aaye. Un Se Faida Uthaaye. In Main Se Koi Cheez Esi Nahi Ke Jisko Ghalat Kaha Ja Sake. Lekin Agar Yahi Tamaan chize Hadaf Ho Kar Reh Gai Hai To Ye Samajhle Ki Deen Mehaz Ilm Nahi Hai Wo As'lan Ek Badi Manzil Hai Jiski Taraf Hamari Reh'numaai Karne Ke Liye Nazil Kiya Gaya Hai. Aur Jesa Ke Mainy Bataya Hai Ke Wo Tazkiya (Purification of oneself) Hai Aur Ye Quran-e-Majeed Ne Bilkul Wazeh Bata Diya Ke:

"Qad Aflaha Man Tazakka"

"Jis Ne Apny Apko Pakeeza Kar Liya, wohi Falaah Payega"

Quran, 87:14.

Aur Pakeezgi Ke Liye Allah Nay Poora Amal Bhi Bata Diya Hai Ke Kya Karna Chahye. Main Is Par Bhi Guftgu Karonga Aage Chal Kar


Is Me Choo'ki Ilm Se Baat Shuru Hui Hai Toh Agar Ap Khalis Nasb-ul-ain (Maksad) Ke Hawaale Se Dekhain To Jo "Rawaiyya" Is Se Wajood Main Aata Hai Wo Hai Jis K Baaray Mein Hum Qayamat Mein Jawaab-deh Hongay. Yaani Nateeja (Result Of Our Research) Nahi Balki Wo Rawaiyya (Attitude) Jo Humny Ikhtyaar Kiya. Ilm Ka Tazkiya (Purification) Bhi Usi Tarah Matloob (Zarurat) Hai Jis Tarha Amal Ka Tazkiya Matloob Hai.

Lekin Ilm Ke Tazkiye Me Hadaf (Aim) Kya Hai ?

Yaani Hamara "Attitude Towards Knowledge" Kya Hai ?

Yaani Humne Ilm K Muamle Main Rawaiyya Kya Ikhtyaar Kiya Hai ?

Kya Humne Apne Apko Taa'subaat (Badgumani Ya Bina-tahkeek Ke Kisi Natije Par Pohchna) Se Pak Karne Ki Koshish Ki Hai?

Dekhain Mainy Lafz Bola Pak Karna Yahi Tazkiyaa Hai.

Kya Hum Ab Bhi Jazbaat Main Beh Jate Hein?

Kya Ab Bhi Hum Usi Jagah Par Kharay Hain Ke Pahly Agar Ek Shakhs Ki Aqeedat (Andhi-takleed ; Blind-following) Main Mubtala The Toh Ab Kisi Doosray Shakhs Ki Aqeedat Main Mubtala Hogye Hain? Misaal Ke Taur Par Kya Pahle Agar Ham Imam Abu Hanifa Ki Takleed Karte The To Kya Ab Kisi Aur Imam Ya Apne Firqe Ke Ulema Ya Kisi Muhaddis Ki Takleed Karte Hai? Kya Quran Aur Sunnat Se Agar Koi Baat Sabit Ho Jati Hai To Kya Fir Bhi Ham Ye Dekhte Hai Ki Hamare Ulema Ya Muhaddis Ki Raaye Kya H? Kya Apne Ulema Aur Muhaddis Ko Ham Quran Aur Sunnat Se Zyada Priority Dete Hai ?


Ye Wo Jaiza Hai Jo Hum Main Se Har Shakhs Ko Har Waqat Lete Rehna Chahye Yaani Agar Apne Koi Neyi Teh'teeq Jaan Li Yaa Koi Neyi Raaye Maloom Kar Li To Is Se Ap Faida Uthaayegn. Toh Wo Apko Itmenaan-e-qalb Degi Lekin Jis Cheez Ke Liye Ap Allah Taala Ke Huzoor Jawaab-deh Hain Wo Ye Ke Jab Ye Cheez Ap Ke Saamne Ayi Ya Is Say Mukhtalif Koi Cheez Apke Saamne Ayi To Apne Rawaiyya Kya Ikhtyaar Kiya?
Misaal Ke Taur Par, Qayamat Me Ye Sawal Nahi Hoga Ki Ap Rafa Yadain Kar Ke Namaz Padhte The Ya Bina Rafayadain Kar Ke Lekin Ye Zarur Sawaal Hoga Ki Jab Apke Pas Ye Hadith Pohch Gayi Thi Ki Rasoolallah ﷺ Hamesha Rafa Yadain Kar Ke Namaz Padhte The To Apne Is Hadith Par Amal Kyu Nahi Kiya?

To Jis Cheez Ki Islah Ilm Ki Duniya Main Bhi Paish E Nazar Rehni Chahye Wo Ye Hai Ke Har Tarah Ke Taa'subaat, Har Tarah Ke Jazbaat, Aqeedaton Sey Bala'tar (Alag) Ho Ke Cheezon Ko Samjhnae Ki Tarbi'yat Kar Lain. Yaani Is Deen Ki Raah Main Tarbi'yat Ka Pahla Mar'hala Yahi Hai Ke Hamara Hadaf Yahi Ho Ke Hum Apna Jaiza Lete Rahe


Har Raat Jab Hum Bistar Par Jaye To Sone Se Pahle Ek Bar Khud Se Puchen Ke Kya Waqayi Hum Taa'subaat (Bad-gumani; apne se alag raaye rakhne wale ke liye bad-gumani) Se Bala'tar Ho gaye Hain? Aur Is Main Hamesha Ye Cheez Pesh'nazar Rakhain Ke Taa'sub Ek Aisi Bimaari Hai Ke Ye Baaz auqaat Aadmi Ko Ehsaas Bhi Nahi Hota Ke Yeh Is ko Lahaq Ho Chuki Hai (Lag gai hai). Jazbaat Se Maghroob'yat (khud ko Jazbaat ke hawale kar dena) Insan Ki Aisi Kamzori Hai Ke Bade Se Bade Aadmi Ko Ye Andaza Nahi Hota Kay Wo Is Kamzori Main Mubtala Ho Chuka Hai. Toh Apna Postmortem Karte Rehna Chahye, Yaani Jaizaa Lete Rahna Chahye Ke

Kya Is Ilm K Safar Main Waqayi Ab Hum Khalis Daleel Ki Bunyaad Par Cheezo Ko Samjhte Hain ?

Agar Koi Hamari Maani Hui Raa'ye Se Mukhtalif Cheez Ki Taraf Humain Bulaye To Hamara Response Gair Tassubana Hota Hai?

Kya Hum Aj Bhi Poori Tawajjoh Se Uski Bat Sun'nay Ke Liye Amaa'da Hojaty Hain?

Kya Hmary Andar Ye Cheez Moujood Hai Ke Agar Hamari Ghalti Hum Par Waa'zeh Ki Jayegi Toh Hum Haq Ko Maan Lengay?

Toh Iska Jaizaa Lety Rehna Chahye. Ye Pahli Cheez Hai Jo Mein Apki Khidmat Main Arz Karna Chahta Tha .


Ye Pahli Cheez Hai Jo Mein Apki Khidmat Main Arz Karna Chahta Tha Ke Jab Ap Ilm Ka Safar Karein To Aam Tor Par Insan Nata'ij Fikr (conclusion of a research) Me Mubtala Hojata Hai Ke Yeh Ek Tehqeeq Ho gai, Ek Nuqta-nazar Wazeh Ho gya.

Ye Tahkeek ka Natiza Boht Badi Bat Hai. Mein Iski Nafi Nahi Kar Raha Lekin Misaal Ke Taur Par Badi Jiddo-jahad Ke Bawjood Apki Tahkeek Galat Ho Gai Toh Ye Makhzay Ka Zariya Nahi Banegi ..
Asal Cheez Ye Hai K Ghalat Nuqta e nazar Ke Maam'le Me Bhi Apka Rawaiyya Kya Raha ?

Yaani Ye Galti Kya Taassub Ke Wajah Se Hui ?
Ya Ye Galti Jazbaat Me Mubtala Hone Ke Wajah Se Hui ?
Ya Ye galti Kisi Ki Aqeedat (blind-following) Ki Wajah Se Hui ?
Ya Ye Ghalati Insaan Ki Fitri Kamzoriyan Jo Hain Uske Lehaaz Se Hui?

To Pahli Cheezen Jo Hain Wo Qabil-e-muafi nahi hai lekin aakhri chiz kabil e muafi hai.

Iska Poori Tarah Ehsaas Bhi Hona Chaiye Aur Is Par Har Lehza Sochte Bhi Rehna Chaiye.

Main Iski Zaroorat Is Zamane Mein Boht Zyada Mehsoos Karne Laga Hoon Kyon ki Maine Yeh Daikha Hai Ke Ye Chiz Hamari Ummat Me Boht Aam Hoti Ja Rahi Hain.
Ek Chiz Wo Jiski Taraf Maine Ishaara Kiya Wo Nata'ij Fikr Nikalne Me Hi Shab-o-roz Masroof Rahty Hain Aur Doosri Yeh Ke Is Say Khaas Tarah Ka Ehsaas-e-bartari (Feeling of superiority ; khud ko dusre se behtar samajhna) Inki Guftgu Main Inki Baat-chit Main, Labb-o-lehja Main Aana Shuru Hojata Hai.Yaani Inke Lehje Me Baat Cheet Me (Ilm ka) Ghamand jhalakna shuru ho jata hai.

In Dono Se Khuda Ki Panaah Maangni Chahye. Allah Taala Ko Sab Se Jo Cheez Na'pasand Hai Wo Ap Jaantay Hain Ke Wo Ghamand Hai Aur Ghamand Ya Taqabbur Ke Baare Main Farmaya Gaya Hai Ke Oont (Camel) Suyi (Needle) Ke Naakay Main Dakhil Ho Sakta Hai, Lekin koi Mutaqabbur (Ghamand karne wala shaks) Jannat Main Dakhil Nahi Ho Sakta. (For reference see, Quran, 7:40.)

Apne Andar Sacchi Aaziz (Humbleness) Paida Karna Chahiye Aur Hmesha Sacche Ilm Ka Musafir Ban Kar Rahna Chahiye


Is Main Khaas Taur Par Apna Tazkiya Karte Huye Ek Usooli Baat Ko Pallay Baandh Lein Aur Wo Yeh Hai Kay Kisi Dar'jay Mein Bhi Ibaadat Khuda Ke Siwa Kisi Ki Na Ho Aur Adeeqat (Blind-following) Muhammad ﷺ Ke Siwa Kisi Se Na Ho. Baaki Jo Kuch Bhi Hai Wo Zyada Sey Zyada Kya Hai? Jaisay Ap Apne Bade Ka, Mu'allim Ka Ehtraam Karte Hain.

Agar Ehtraam, Adeeqat (Blind-follwing) Me Badalna Shuru Hojaye Toh Iska Matlab Ye Hai Ke Nafs Alooda (Impure) Hona Shuru Hogaya Hai. Jahaan Se Ap Niklay The Ab Wapis Wahi Ja Rahe Hein, Jis Safar Ki Apne Shuruat Ki Thi. Ap Fir Wapis Wahi Laut Rahe Hai.

Ye Ek Bada U-turn Hoga, Jis Se Har Muslmaan Ko, Har Sacchay Ilm Ke Musafir Ko Allah Ki Panaah Maangni Chahiye.

Asal Cheez Jiska Qayamat Ke Hawaale Se Hame Apne Andar Paida Karna Hai Wo Be-taa'subi Hai. Wo Ilm Ki Sacchi Talab Hai

Wo Sahih Bat Jan'nay Kay Liye Zahni Tayaari Hai. Wo Aqeedato (Blind-following) Se Hat Kar Cheezon (Ilm) Ko Dekhna Hai.?


Iska Ek Laazmi Takaaza Ye Hai Ke Jahaan Kahee Bhi Ilm Payaa Jata Hai, Ap Usse Ikhtilaf Kare Lekin Kabhi Kisi Sahab-e-Ilm Ke Baare Main Be-ehtraami (Disrespect) Ka Rawaiyya Ikhtyaar Na Karen. Sab Ki Dil Se Respect Kare. Yahi Hamare Sahaba Ka Tarika Tha Ki Wo Ikhtilaf To Karte The Lekin Ekdusre Ki Izzat Karte The. Wo Ikhtilaf Me Ek Dusre Ko Gustakh E Rasool Ya Manhajless, Etc Nahi Kahte The Ekdusre Ko.

Kisi Shakhs Ke Baaray Main Raa'ye Dety Waqat Usky Mahaa'sin (Bhalaiyo) Ko Kabhi Nazar Andaaz Mat Kare.

Apne Dekha Hoga Ke Main Apny Baaz Jaleel-ul-qadr Bazurgo Se, Jin Ke Saya Me Maine Sha'oor Ki Aankh Kholi Hai, Bada Shadeed Ikhtilaaf Karta Hoon Lekin Kabhi Unki Azmat (Respect) Ke Maam'le Me Mere Yahaan Koi Bura Tas'sur Apko Nahi Milega.

Main Unki Badi Izzat Karta Hoon Aur Unke Mahaa'sim (Bhalaiyo) Par Logo Ko Hamesha Tawajjo Dilata Hu Aur Batata Hu Ke Wo Kaise Bade Log The Aur Unko Allah Taala Ne Kaisa Behtareen Akhlaaq Ata Kiya Tha.

Ilm Mein Galti Hojati Hai, Us Galti Ke Baare Me Hum Guftgu Karenge, Ihlah Bhi Karengy. Is Liye Kisi Ki Azmat Yahaan Tak Na Le Jaye Ke Hum Unki Galti Ki Ta'eed (Defence) Karne Lag Jaye Aur Galti Par Tanqeed (Criticize) Yahaan Tak Na Le Jaye Kay Hum Kisi Shakhs Ka Waajibi Ehtraam Karna Chor Dain.

Ye Cheez Agar Paida Ho Jaye To Ap Main Aur Baaqi Logon Mein Koi Farq Nahi Reh Jayega


Ye Jitne Is Waqt Firqe Aur Groh Bane Huye Hain Ye Asal Me Wo Cheez Hai Jiska Lehaaz Na Rakhne Se Bane Hain.

Agar In Ke Jo Rahnuma Hain, Ulema Hain Wo Har Mauqa Par Inko Ye Tawajjo Dilaate Ke Hum Muhammad Rasool Allah ﷺ Ke Pairo (Follower) Hain [naahi, Kisi Buzurg Ya Imam Ya Muhaddiseen Ke]. Koi Agar Galti Se Pak Hasti Hai To Wo Allah Ka Rasool ﷺ Hai, Baaqi Saare Ke Saare Ulema, Khawaa Wo Bade Bade Aaima Hon Wo Insaan Hain.

In Se Galti Ho Sakti Hai Aur Apne Baarae Main Bhi Ye Kehte Hain Hum Apni Tahqeeq Apko Bata Rahe Hain Aur Khud Bhi Ham Ilm Ke Safar Main Har Lehza Masroof Hain.

Koi Haqeeqat Hum Par Waa'zeh Hojaegi To Ham Apko Bata Dengay, Agar Koi Ghalti Samajh Mein Aa Jaegi To Usko Sudhar Lenge. Ap Par Agar Kisi Dusre Shaks Ki Baat Zyada Wazeh Ho Jaye Aur Agar Ap Mehsoos Kare Ke Us Main Haq Hai To Apko Usi Ki Pairwi Karni Chahiye.

Allah Taala Ne Kisi Ek Shakhs Ke Saath Apko Nahi Bandhaa Hai Aur Ye Bilkul Ek Haqeeqat Aur Ek Waqya Hai, Jo Hamare Bade Bazurg Hain, Jin Se Tareekh Roshan Hai, Unki Zindgi Aur Amal Se Maloom Ho Jata Hai Ke Un Me Se Kisi Ke Baare Me Ye Nahi Kaha Ja Sakta Hai Ke Wo 100% Darust Hai. Yaani Ba-haisiyat E Majmooi (Altogether) Hum Ahle Ilm Ki Qadar Bhi Karty Hain Aur Agar Koi Achi Bat Hoti Hai Toh Ise Apnaate Bhi Hain, Aur Agar Koi Baat Quran Aur Sunnat Ke Mutabik Na Samajh Aye To Unse Ikhtilaf Bhi Karte Hai. To Yeh Rawaiyya Hai Iske Liye Hum Jawaab-deh Hain Allah Ke Yahan. Yaani Hamara Yahi Rawaiyya Hona Chahye, Ye Siraat-e-mustaqeem (Sidha Rasta) Hai


Ye Siraat-e-mustqeem Hai. Is Par Hum Ko Chalna Hai Ke Ham Taa'subaat Se Bala'tar Ho Kar Zindagi Basar Kare. Toh Ilm Ke Muamle Mein Mai Ye Samjhta Hu Ke Is Ki Bar Bar Yaddihani Hamko Karani Chahiye. Ham Apni Majalis Mein, Apni Study Circle Mein, Jahaan Kahee Baithen, Logon Ko Hamesha Ye Bataye Ke Ye Ilm Ka Safar Hai, Ye Aakhri Nataij Ka Bayan Nahi Hai.
Is Mein Ye Nahi Honi Chahiye Ke Ham Par Nubuwat Khatam Ho Rahi Hai, Nubuwat Khatam Ho Gai Jis Par Honi Thi. Hum Sab Ke Sab Huzur ﷺ Ki Baat Ko Samjhne Mein Masroof Hain. Aur Aiye Ap Bhi Sath Shamil Hojaiye.

Is Main Jab Ap Dusron Ke Saath Baat Karte Hain, To Apka Dawat Ka Usloob (Tarika) Yeh Nahi Hona Chahye Ke Ab Ye Haq Ham Par Nazil Ho Gaya Hai Aur Hum Iski Khabar Dene Ke Liye Aaye Hain. Nahi ! Yeh Hona Chahiye Ke Jaisa Ek Saccha Talib-ilm Karta Hai Ke Bhai Baat Ye Hai Ke Mai Bhi Tumhari Tarah Ilm Ka Musafir Hoon, Mere Ilm Main Ek Nayi Baat Ayi Hai, Yeh Mujhe Appeal Karti Hai. Tum Bhi Is Par Gaur Kar Lo.

Aaiye Mil Kar Is Par Gaur Kar Lete Hain. Mil Kar Iska Mutala Kar Lete Hain, Mil Kar Isko Dekh Lete Hain Toh Ye Jo Attitude Aur Rawaiyya Hai Yeh Ilm Ke Tazqiye (Purification) Ki Pahli Manzil Hai Iska Hamesha Khayal Rakhna Chahiye.

                                                                 •••••••••••••••••••••
From a series that was started on Iqra' Whats App broadcast Service: 009779868125570 .

Taken From An Advice Of Javed Ghamidi Sir [May Allah showers his blessings on him]. Some of its portion has been edited by Iqra' Team [Faisal Khan and Admins] for better understanding of the readers.

Wama Alaina Illal Balagul Mubeen - Aur Mera Kaam To Nahi Hai Lekin Sirf Pohcha Dena.
Read More »