خوش آمدید

Muqtalif Naamo Ki Taraf Mansoob Hokar Ummat Me Tafarruqa Paida Karna



Ye article Sheikh ibn Taymiyya ki ek kitab se hai jiska naam 'Al Wasiyat Al Qubra' hai. Is kitab me unhone apne aqide ke mutallik chand ek masle ka hal bataya hai. Unhi maslo me ek masla hai ki apne apko alag alag naam ya laqab dena. Kyuki jis tarah baaz logo ko sirf Allah kaafi nahi hota usi tarha kuch logo ko Allah ka diya hua naam (Muslim) kaafi nahi hota ye jaan kar bhi ki ye khubsurat naam Allah ne rakha hai, aur jab ye naam us paak zaat ne rakha hai toh isse behtar aur kya naam ho sakta hai Islam laane walo ke liye. Isi wajah se Sheikh ibn Taymiyya ne is kitab me unka radd kiya hai aur unhone kaha hai ki hame apne apko sirf Muslim kahna chaiye aur ye baat unhone apne aqal se nahi kahi hai, unhone salaf ke qawl ko nakal kar ke ye baat kahi hai taaki logo ko pata chale ki apne apko sirf Muslim kahna kisi khas jamaat ka ijtihad nahi hai balki ye Salaf ka Aqeeda aur Salaf ka Fahm hai.

Ab mai hubahu Sheikh ibn Taymiyya ke qawl ko pesh karta hu bina kisi kami ya izafe ke. Sheikh ibn Taymiyya farmate hai,

"Minjumla in baton ke jin se ummat me tafarruqa paida hota hai aur jinhe darmiyan me lakar ummat ko tarah tarah ke azmaish wa mehnat me dala jata hai, halanke Allah aur RasoolAllah ѕαℓℓαℓℓαнυ αℓαyнє ωαѕαℓℓαм se in ki koi Dalail nahi. Ek ye bhi hai ke masalan kisi ko pucha jaye ke tu Shukayki hai ya Qarfandi ?  Ye lakab e batil hai, kyuki inke sahih hone me Allah ne koi daleel nahi utary. Allah ki kitab aur RasoolAllah ѕαℓℓαℓℓαнυ αℓαyнє ωαѕαℓℓαм ki sunnat aur Salaf as-saliheen ke aqwaal ma'aroofa me inka mutlaq pata nahi chalta, na koi Shukayki hai na Qarfandi .
To jab kabhi kisi Musalman se is chiz ki nisbat pucha jaye to us par wajib hai ke ye jawab de ke mai na Shukayki hu na Qarfandi, balke Mai Musalman hoon, Allah ki kitab aur Rasoolallah ki sunnat ka muttabi hoon.

Ameer Muawiya r.a. se hame ye riwayat pahuchi hai ke inhone ek daf'a ibn e Abbas r.a. se pucha ke Ap Hazrat Ali r.a. ki millat par hai ya Usman r.a. ki? Inho ne kaha ke 'Na mai Ali ki millat par hoon, aur na Usmaan ki, Mai to RasoolAllah ki millat par hoon'.
Salaf as saliheen me se har ek yahi kahta tha, ' Ye tammam Naam (laqab) Gumrahi hai aur in ka anjaam dozakh hai.'
Ek Salaf farmate hai, Mai ye nahi janta ke dono ni'maton me se koun si ni'amat badi hai, ye ni'amat badi hai ke Allah ne mujhe Islam ki taraf rahnumayi ki ya ye ke Allah ne mujhe Gumraahi se alag kiya. Allah ne Quran me hume Musalman, Momim aur Abdullah kah kar pukara hai. Hum hargiz nahi chahte ke Allah ke tajweez kar'dah naamo ko chhor kar wo naam ikhtiyaar kare jo kisi khaas Qaum ne ba'tareeq ejaad kiya hoo aur unhone aur Un ke abaa wa ajdaad ne khud gadh liye ho. Halanke Allah ne Un ke mutalliq koi daleel nazil nahi farmayi balke wo laqab bhi bid'at hai."

Al Wasiyat Al Kubra, Chapter- Muqtalif Naamo Ki Taraf Mansoob Hokar Ummat Me Tafarruqa Paida Karna, Page- 75.

Ye Salaf aur Sheikh ibn Taymiyya ke qawl aur un ke aqide the. Mere liye insaf ka takaza ye bhi hai ke Sheikh ibn Taymiiyya aur Salaf ke qawl ke baad mai RasoolAllah ki hadith pesh karu taaki shak ki koi gunzaish baaki na rahe kyuki Salaf ka qawl aur RasoolAllah ki haadith bilkul ek jaisi hai.

Al-Harith Al-Ash'ari riwayat karte hai ki RasoolAllah ne farmaya : Mai tumhe paanch bato ka hukm deta hu jinka Allah taala ne mujhe Hukm diya hai. Pahla hai Jamaah, dusra hai itaat karna, teesra hai sunna, chautha hai Hijrat aur panchwa hai Jihad karna Allah ke raah me.

 Aur  jo shaks balisht barabar bhi Jamaah se elaida hua us ne goya Islam ki Tauk apne gardan se utaar fenka magar us surat me ke jamaah me wapis aajae aur puri tarah ameer ki itat kare.

aur jo bhi Islam ke zamane me jahiliyat ke naam se pukarna shuru kar de to wo dozakh me dale jane wale Khush wa khishak me honge

Ek shaks ne arz kiya: Ya RasoolAllah! agarche wo namaz padhe aur roza rakhe. Apne farmaya agarche wo namaz padhe aur roza rakhe. Pas tum apne aap ko us naam se pukaro jis naam se Allah ne tumhe pukara hai. Usne tumhara naam MUSLIM, MOMIN AUR ABDULLAH (ALLAH KA BANDA) RAKHA HAI .

Sunan Tirmidhi, – Vol. 1, Book 42, Hadith 2863. (Sahih)

  Allah se dua hai ki wo hame apne diye huwe khubsurat naamo ke andar mahfooz rakhe aur hame jahannam ke aag se bachale. aameen.

gggg


Prepared by:- Faisal Khan.

Related articles:-
۩ SALAFI KA LAKAB- QURAN, SUNNAH, SALAF AUR ULEMA E DEEN KI RAAE
۩ IMAM BUKHARI KA AHLUL HADITH KO JANNATI JAMAAT KAHNA
۩ Salafiyat Ka Taaruf – Sheikh Ibn al Uthaymeen
۩ RASOOLALLAH KIS FIRQE SE THE???

No comments:

Post a Comment