خوش آمدید

Tahiyyatul Wuzu



Tahiyyatul wuzu, wuzu karne ke baad do rakat namaz padhne ka naam hai. Aur riwayato me iski boht ahmiyat milti hai. Lekin ham maise aksar is namaz se anjaan hai.

۝  Abu Huraira r.a. bayan karte hain ke RasoolAllah ﷺ ne namaz fajar ke waqt Bilal r.a. se farmaya: ‘Aey Bilal! Mere saamne apna wo a’amal bayan kar jo tumne Islam me kiya aur jis par tumhe sawab ki bohot zyada ummeed hai, kyou’n ke main ne apne aage Jannat me tumhare jutiyo’n ki awaaz suni hai.
Bilal r.a. ne arz kiya: Mere nazdeek jis amal par mujhe (sawaab ki) bohot ziyada ummeed hai. Wo ye hai ke mai ne Raat ya Din me jab bhi wuzu kiya to is wuzu ke sath jis qadr nawfil namaz mere muqaddar me thi zaroor padhi (ya’ani har wuzu ke ba’ad nawaafil padhe).’

Sahih al Bukhari, al Tahajjud, Hadith-1149. Sahih Muslim, Fazaael al Sahaaba, Baab min Fazaail Bilal, Hadith- 2457.

۝  Uqba b. 'Amir r.a. riwayat karte hai ki RasoolAllah ﷺ ne farmaya: ‘Jo Shaqs wuzu kare aur khoob sa’nwar kar accha wuzu kare. Fir khada hokar dil aur mu’nh se (zaahiri o baatini taur par) mutawajje hokar 2 raka’at (nawafil) namaz adaa kare to iske liye jannat wajib hojati hai.’

Sahih Muslim, al-Tahaara, Hadith- 234.

Allah se dua hai ki wo hame is namaz ko kasrat ke sath ada karne ki taufeek ata kare. aameen.

No comments:

Post a Comment