خوش آمدید

Dusro Ko Gumraah Kahna


Dusro ko gumrah kahna, kya ye sahih hai ya ye aadab e islah (etiquette of Islah) ke khilaf hai. Aaiye Shaykh Ibn Uthaymeen ki majlis me chalte hai aur unse is par rahnumayi hasil karte hai.

Shaykh ka ye Qawl unke ek dars (lecture) se liya gaya Jisme wo Imam Nawawi ki 40 hadith ki sharah bayan karte hai. Shaykh, Imam Nawawi ki 40 hadiso maise 28wi Hadith ke sharah me nasihat kar rahe hai.

Ab Mai Sharah Bayan karta hu. Shaykh Ibn Uthaymeen ki Sharah Green Text me hogi aur mere explanatory notes, brackets aur black text me honge. 

Shaykh ibn Uthaymeen is hadith ki sharah me farmate hai:

“Unke (RasoolAllah ﷺ ke) Bayan Se,

Jo Koi Tum Maise Zinda Rahega Wo Kafi Ikhtilaf Dekhega. To Mery Sunnat Par Amal Karna.
(Isse) Ye Sikha Jaa Sakta Hai Ki Agar Ummat Ke Andar Badi Taadaad Me Jamaate (groups) Ubhar Kar Samne Aaye. To In Me Khud Ko Kisi Jamat Me Shamil Nahi Karna Chaiye.

Maazi (Past) Me, Bahut Se Aise Jamat Zahir Hue Hai (Jaise): Khawarij, Mutazilah, Jahmiyyah, Shiah, Aur Rafidah Bhi.
Phir Baad Me Zahir Hue: Ikhwanis, Salafi, Tablighi Aur Tamaam Inki Tarah.

In Sab Ko Ek Tarf  Rakh De, aur Aage Chale. 

Isi Ki Taraf Nabi ﷺ Ne Hidayat Ki Hai Ki: “Meri Sunnat Par Amal Karna, Aur Hidayat Yafta Khalifa Ki Sunnat Par.”

Isme Koi Shak Nahi Ke Tamaam Musalmano Par Farz Hai Ki Wo Salaf As Saleh Ke Mazhab (Tarike) Ko Apna Mazhab (Tarika) Banaye. Ummat E Islamia Ke Liye Farz Hai Ke Wo Salaf Ke Mazhab Ko Apne Mazhab Banaye.

Shiddat-pasandi Se Unlogo Ki Tarafdari Nahi Karni Chaiye Jo Apne Ap Ko Salafi Kahte Hai.

Farq Ki Taraf Tawajjoh De.

Ek Toh Salaf Ka Raasta Hai Aur Dusra Salafio Ke Naam Se Ek Jamaat (Hizb) hai.

(Jamaat banane ka) Maksad Kya Hai?

Salaf Ki Pairwi Karna.

Kyun (Jamaat banana Fir) ? (matlab jamaat banaye bina bhi to pairwi ho sakti hai salaf ki)?

Isme Koi Shak Nahi Ki Salafi Bhai Haq Ke Sabse Zyada Kareeb Hai.

Lekin Inki Problem Bhi Wahi Hai Jo Dusre (Firqo) Ki Problem Hai,

(Wo Yeh) Ki In Maise Kuch Firqe Dusro Ko Gumrah Kahte Hai, Woh Unhe Bid’dati (Innovators) Aur Gunah-Gaar Kahte Hai.

(Lekin) Hum Is Tarha Ilzam Nahi Lagate, Wo Kyu Na Iske Mustahiq Hi Ho.

Lekin Hum In Biddat Ki Muzammat Is Tarha Karte Hai, Ye Wajib Hai Ki In Firqo Ke Rehnuma (leaders) Ek Sath Aye Aur Kahe Ki Hamare Darmiyan Allah Ki Kitab Aur Rasool Allah Ki Sunnate Hai. Isliye Ham Iske Zarye Faisla Kare Na Ki Apne Khwahisho Ya Raae Ke Zarye Aur Na Hi Shakshiyato Ke Zarye. Har Shaks Se Galti Hoti Hai Aur Durustgi Bhi Hasil Hoti Hai Wo Kyu Na Wo Ilm Aur Ibadat Ke Hawale Se Kisi Bhi Mukam Par Pahoch Gaya Ho.

Deen Islam (Quran, Sunnat) Hi Sirf Galti Se Paak Hai. (Na ki koi shakshiyat)

Hadith Me RasoolAllah Ne Us Raste Ke Taraf Hidayat Di Hai Jisme Ek Shaks Mahfuz Kar Sakta Hai Apne Ap Ko. (Aur Uska Hal Ye Hai Ki) Wo Apne Apko Kisi Bhi Firqe Se Na Milaye. Sirf Salaf As Saleh Ke Aur Nabi ﷺ Ke Tarike Par Aur Khulfa E Rashideen Ke Tarike Par (Chale).” End quote.

source: https://www.youtube.com/watch?v=PAwdFii9gKI

•٠•●●•٠•

Allah se dua hai ki wo hame RasoolAllah aur sahaba ke manhaj par Islah karne ki taufeek ata kare. aameen.

No comments:

Post a Comment