.

Beautiful Hadiths


۞ Mohammad  ne farmaya ki Momin ka ajab(boht achha) haal hai ke jab ALLAH usey nemat bakshta hai to wo shukr karta hai aur ispe isko sawab milta hai aur jab Allah use aazmata hai aur uspe taklif dalta hai tab wo sabr karta hai aur ispe bhi isko sawab milta hai. 

Sahih Muslim, Book 042, Number 7138.

۞ Abdullah bin masood r.a. se riwayat hai ki mainey RasoolAllah se pucha ki deen ke muaamley mein kaun sa amal afzal hai Aap ne farmaya ki waqt par namaz Parhna, mainey pucha uskey baad Aap ne farmaya ki Waldein ke saath neik suluq karna, mainey pucha uskey baad Aap ne farmaya Allah ke raastey mein jihad karna.

Sahih Bukhari, Vol 4, 2782 . 

۞ Anas bin Malik r.a. se riwayat hai ki RasoolAllah ne farmaya Koi bhi musalman jo ek darkht ka paudha(small tree) lagaye ya khet mein beej boye phir us sey parinada ya insaan ya janwar jo bhi khatey hain wo uski taraf se sadqa hai.

Sahih Bukhari,  Vol 3, 2320 .

۞ Huzaifa bin yaman r.a. se riwayat hai ki RasoolAllah ne farmaya gujishta ummaton ke kisi shaksh ki rooh ke paas farishtey aaaye aur pucha ki tune kuch achchey kaam bhi kiye hain ? Rooh ne jawab diya ki main apney naukron se kaha karta tha ki wo maaldaar (Karzdar) logon ko mohlat diya karey  un par sakhti na karein aur mohtaajon ko ( karz) maaf kar diya karein phir farishton ne bhi us se dar guzar ki aur sakhti nahi ki.

Sahih Bukhari, Vol 3, 2077 .

۞ Anas bin Malik r.a.  RasoolAllah ne farmaya jo shaksh apni Rozi mein kushadgi chahta ho ya umar darazi chahta ho to usey chahiye ki Sila rahmi (keep good relations with his relatives)  karey.

Sahih Bukhari, Vol 3, 2067

۞ Abu Hurairah r.a.  se riwayat hai ki RasoolAllah ne farmaya  agar aurat apney Shohar ki kamayee uski ejazat ke bagair bhi ( Allah ke raastey mein) kharch karey to usey Aadha sawab milta hai.

Sahih Bukhari, Vol 3, 2066.

۞ Ummul Momeneen Hazrat aayesha r.a.ne arz kiya Ya RasoolAllah mere 2 Padosi (neighbor) hain to mujhe kiskey ghar hadiya bhejna chahiye Aap ne farmaya jiska darwaza tumse kareeb hai.

Sahih Bukhari, Vol 4, 2595

۞ Abu Hurairah r.a. se riwayat hai ki RasoolAllah ne farmaya jab kisi ka ghulam (naukar) khana laye aur wo usey apney saath na bitha sakey to usey ek ya do niwaley Zarur khila de  kyunki usney isko(khaney ko) tayyar karney ki takleef uthayee hai. 

Sahih Bukhari,  Vol 4, 2557

۞ Jubair bin Mutim Radi Allahu Anhu se riwayat hai ki RasoolAllah  ne farmaya Qataa Rahmi karney wala  (Rishtey todney wala) jannat mein nahi jayega.

Sahih Bukhari,  5984

۞ Abdullah bin Umar r.a. se riwayat hai ki RasoolAllah ne farmaya Ek Aurat ko azab is wajah se hua kyunki usney ek billi ko itni der tak baandh kar rakha tha ki wo bhook se mar gayee aur wo Aurat isi wajah se Dozakh mein dakhil huyee. RasoolAllah ne faramaya  ki Allah taala ne us sey kaha tha { Aur allah hi jiyada janta hai }  ki jab tuney us Billi ko baand kar rakha us waqt na tuney usey kuch khilaya aur na kuch pilaya aur na usey chod ki wo zameen ke keedey makodey hi kha kar apna pet bhar leti.

Sahih Bukhari,  Vol 3 , 2365 .

۞ Abu Hurairah r.a. se riwayat hai ki RasoolAllah ne farmaya ek shakhsh ja raha tha ki usey sakht piyas lagi usney ek kunwey mein utar kar paani peeya phir bahar aaya to dekha ki ek Kutta(dog) haanf raha hai aur pyas ki wajah se keechad chaat raha hai usney (apney dil mein) kaha ki ye bhi is waqt aisey hi pyas mein mubtala hai jaisey abhi mujhe lagi huyee thi (wo phir se kunwey mein utra) apney jutey ko bhar kar usey apney daanto se pakdey huye upar aaya aur kuttey ko pani pilaya Allah taala ne uskey is kaam ko qubul kiya aur uski maghfirat farmayee Sahaba ne arz kiya Ya RasoolAllah kya humein chopayo (animals) par bhi ajar milega Aap ne farmaya har jaandar mein sawab hai.

Sahih Bukhari, Vol 3 , 2363

۞ Anas bin Malik r.a. se riwayat hai ki RasoolAllah ne farmaya Koi bhi musalman jo ek darkht ka paudha(small tree) lagaye ya khet mein beej boye phir us sey parinada ya insaan ya janwar jo bhi khatey hain wo uski taraf se sadqa hai.

Sahih Bukhari, Vol 3, 2320.

۞ Abu Hurairah r.a. se riwayat hai ki RasoolAllah ne farmaya ki Allah taala ka farman hai teen tarah ke log aisey hain jika Qayamat ke din main khud Muddaii banuga ek to wo shkash jisney mere naam par ahad (vada) kiya aur phir wada khilafi ki,
Dusra wo shaksh jisney kisi Aazad aadmee ko bech kar uski Qeemat khayee,
Teesra wo shaksh jisney kisi ko majdur kiya phir kaam to us sey pura kiya lekin uski majduri na di.

Sahih Bukhari, Vol 3, 2270.

۞ Ayesha r.a. se riwayat hai ki mainey pucha Ya RasoolAllah mere Do Padosi hain unmein se kiskey paas mein Hadiya (Gift) bheju, To Aap ne farmaya jiska darwaza tujhse jiyada kareeb hai.

Sahih Bukhari, Vol 3,2259.

۞ Ayesha r.a.se riwayat hai ki RasoolAllah ne farmaya Allah ke nazdeek sabse bura shkash wo hai jo sakht jhagdalu( faltu ki ladaii karne wala) ho.

Sahih Bukhari, Vol 8, 7188

۞ Abu Hurairah r.a. se riwayat hai ki RasoolAllah ne farmaya logo mein sabse badtareen shaksh wo hai jo Do rukha (daugla) hai jiska kuch logon ke samney ek rukh hota hai aur dusrey logon ke samney dusrey rukh se milta hai.

Sahih Bukhari, Vol 8, 7179

۞ Maqil r.a. se riwayat hai ki RasoolAllah Wasallam ne farmaya jab Allah kisi bandey ko kisi riwaayat (yani kisi jagah ke logon ka) ka hakim (ruler) banata hai aur wo imandari ke saath uski hifazat nahi karta to wo jannat ki khushbu bhi nahi payega.

Sahih Bukhari, Vol 8, 7150

۞ Ibn Abbas r.a. se riwayat hai ki unhoney nabee se suna ki koi Mard kisi (gair mahram) aurat ke saath tanhaii mein na baithey aur koi aurat us waqt tak safar na karey jab tak uskey saath uska mahram na ho itney mein ek sahabi khadey huye aur farmaya Ya RasoolAllah Sallallahu Alaihi Wasallam mainey falah jihad mein apna naam likhwa diya hai aur meri Biwi hajj ke liye ja rahi hai to Aap Sallallahu Alaihi Wasallam ne farmaya tu bhi uskey saath hajj ke liye ja.

Sahih Bukhari, Vol 4, 3006

۞ Ayesha r.a. se riwayat hai ki RasoolAllahu juta (shoe) pahanney, kanghi karne , wudhu karney aur apney har kaam mein dahiney taraf se kaam ki Ibtida karney ko pasand kartey they. 

Sahih Bukhari, Vol 1, 168 .

۞ Abdullah bin Saad r.a. kahte hai k mai ne Nabi se poocha ke Nafil Namazein ghar mai padhna afzal hai ya Masjid mai? Nabi ne farmaya k tum dekhtey hoo k MERA gharMasjid sey kitna kareeb hai, lekin is k bawajood Farz Namazo k Alawa Mujhe Nafil Namzein apne ghar mai padhna zyada pasand hai.

Shamail-Tirmizi: 276.

۞ Mohammad ne farmaya ki Jo Shakhs Kisi Ko Naiki Ka Rasta Bataa’ay Ga, To Usay Bhi Utna Hi Sawaab Milayega Jitna Us Par Amal Krnay Walay Ko.

Sahih Muslim, Hadees 1893.

۞ Mohammad ne farmaya ki jannat me chugalkhor nahi jayega.

Sahih al bukhar, hadith-6056.

۞ Mohammad ne farmaya ki Agar Allah kisi ke sath bhalai ka irada karna chahta hai to use deen ki samajh ata kardeta hai.

Sahih al bukhari,vol 1, hadith-71 .

۞ Hazrat Anas bin malik r.a. se riwayat hai ki RasoolAllah ne farmaya jab raat ka khana samney rakh diya gaya ho aur Namaz bhi khadi ho gayee ho to pahley khana khao.

Sahih Bukhari, 5463 .

۞ RasoolAllah ne farmaya Jumaa mein 3 tarah ke log aatey hain, ek to wo jo waha aakar behuda baat karey, uska hissa yahihai(yani usko kuch sawab na milega) aur dusra wo hai jo wahan aakar Allah Subhanahu se Dua karey agar Allah chahega to uski Dua Qubul karega aur chahega to nahi karega, aur teesra wo haijo wahan aakar khamoshi se baith jaye na logon ki gardanein faand kar (over the neck) aagey badey aur na kisi ko takleef pahuchaye to uska ye amal is jumaa se lekar agli jumaa tak bulki aur teen deen ziyada tak ke liye gunaahon ka kaffara ban jayega, kyunki Allah subhanahu ka irshaad hai ki jo shaksh ek neki karta hai usko 10 gunaa sawab milega .

Sunan Abu Dawud, hadith-1101 .

۞ Mohammad ne farmaya: Apne ap ko jahannam ke aag se bachao wo kyu na aadhi khajur hi dekar ho aur agar wo bhi nai ho sakta to achhi bate karke.

Sahih al Bukhari, kitabul adab, hadith-6023.

۞ Abu Huraira r.a. riwayat karte hai ki Rasool Ne Farmaya,  Tumain Maaloom Hai Gareeb Kaun Hai? Sahaba r.a. Ne Arz Kia, Hum To Gareeb Us Ko Samjtay Hain Jis Ke Paas Rupya-paisa Aur Saaz O Saamaan Na Ho.
Toh Aap
Ne Farmaya, Meri Ummat Mein Gareeb Wo Shaksh Hoga Jo Qayamat Ke Din Namaaz, Roza Aur Zakaat Ke Sath Aayga Magar Us Ne Kisi Ko Gali Di Ho Gi, Kisi Par Jhuta-ilzam Lagaya Ho Ga, Kisi Ka Maaal Hadap Kiya Ho Ga, Kisi Ka Khoon Bahaya Ho Ga, Kisi Ko Maara Ho Ga, Chunache Us Ne Jin Jin Logon Ki Haq Talfi Ki Ho Gi Unhain Us Ki Nekiya De Di Jaain Gi. Aur Agar Uski Nekiya Kam Pad Jaye Toh Fir Un Logon Ke Gunaah La Kar Us Par Laad Diye Jayenge. Aur Usey Jahannum (Dozakh) Mein Phaink Diya Jaay Ga.

Sahih Muslim, The Book of Virtue, Enjoining Good Manners, and Joining of the Ties of Kinship, Hadith- 2581.

۞ Aap  jab mimber pe chadhe to pahle kadam pe aamin ka, fir dusre qadam pe bhi aameen kaha aur teesre kadam pe bhi aameen kaha. To sahabao ne iski wajah puchi nabi se. To fir ap ne irshad farmaya ki pahle kadam pe jibreel a.s. ne kaha ki lanat ho us shaks par jisne ramzaan ka mahina pa kar bhi Allah ki bakshish na pa saka. Phir ap ne aameen kaha. Fir dusre kadam pe jibreel a.s. ne kaha ki lanat ho us shaks par jisene ap ka naam suna aur ap par durood o salam na bheja, fir ap ne aameen kaha. Aur teesre kadam pe jibreel a.s. ne kaha ki lanat ho us shaks par jisne apne maa-baap ko budhi umr par paa kar bhi jannat hasil na kar saka.. Aur fir ap s.a.w. ne kaha aameen.

IBN HIBBAAN, 3/188.

۞ Anas bin Malik r.a. riwayat karte hai ki ek baar nabi ne isha ki namaz me deri kar di hatta ki aadhi raat aa pohchi iske baad namaz ada karke hamse mukhatib hue aur kaha”Log namaz padhke so chuke honge lekin ap tab tak namaz me hote ho jab tak ap iska intzar karte ho.

Sahih Al-Bukhari , Book: Characteristics of Prayer,Hadith 808 .

۞ Mohammad ne farmaya ki jab bhi tum mese koi namaz padhae to use choti karle kyuki usme kamzor bhi hote hai budhe bhi aur zaruratmand bhi.

Sahih Al-Bukhari Book: Call To Prayer(Adh aan),Hadit 670.

۞ Mohammad  ne farmaya ki kisi bhi neki ko kam ahem ka na samjho wo kyu na apne bhai ko dekh kar muskurana hi ho.

Sahih Muslim, had-6359.

۞ RasoolAllah ne farmaya, “Allah tumhare chehre aur maalo ko nai dekhta lekin Allah toh dekhta hai tumhare dilo ko aur aamaalo ko.”

Sahih Muslim, hadith 135.

۞ RasoolAllah ne farmaya, “Jab koi banda Allah ka zikr karta hai kisi mahfil me toh Allah us bande ka zikr karte hai usse behtar mahfil me.”

Sahih al bukhari, hadith-7405.