اقرأ باسم ربك الذي خلق

30 Dec 2017

Kaba Ke Taraf Pair Karne Ke Ahkaam


Allah ‎ﷻ Quran me farmate hai:

..Aur hamne yeh kitab nazil farmaee hai jiss mein her cheez ka shafi biyan hai aur hidayat aur rehmat aur khuskhabri hai musalmanon kay liye.

(al Israa :89)

RasoolAllah ﷺ ne farmaya, "Sabse behtareen Kalam Allah ki kitab hai aur sabse behtareen tareeqa Muhammad Sallallahu Alaihi Wasallam ke tareeqa hai ..."

Sahih Bukhari: Volume 9, Book 92, Number 382.

Quran aur sahih ahadith me kahi bhi nahi likha hai ki Kaabah ke taraf pair nahi karna chahiye. Agar ap sahih hadith padhenge to usse ye maloom hoga ki RasoolALlah ﷺ ke zamane me sahaba Kabah par chadh kar azaan dete the. (al-hadith)

Yaha tak ki sahih ahadiths me ata hai ki RasoolAlah ﷺ ne Kabah ke andar namaz padhi. Aur Zaahir si baat hai ke jab Kabah ke andar ap namaz padhenge aur jab sajde me jayenge toh khud-bakhud ap ka pair kabah ke tarf ishara karega.

Ye riwayat kiya gaya tha ki Ibn Umar ne farmaya, “RasoolAllah ﷺ Kabah ke andar gaye aur wo bahar aane wale the, jab maine kuch socha, isliye mai jaldi aya aur maine RasoolAllah ﷺ ko bahar aate dekha. MAine Bilal r.a. se pucha: Kya RasoolALlah ne Kabah ke andar Namaz padhi?
Unhone kaha 'Ha, do rakat padhi do sutuno ke bich me.”

Sunan an-Nasa'i, 2907 (Sahih).

Hame Islam ko apne firqe ke zahen se nahi balki Allah aur uske Rasool ke Tarike se samajhna chaiye. Aur Islam me shiddat-pasandi ko chor kar aasaani ko apnana chaiye.

RasoolAllah ﷺ ne farmaya:

"(Deen me) Logo ke liye chize  aasaan kiya karo aur sakhti na kiya karo aur unhe Khush-khabri sunaya karo aur mayus na kiya karo."

Related by Al-Bukhari (69) and Muslim (1734).

RasoolAllah ﷺ ne farmaaya:

Beshak Allah ta'ala narmi karne waale hain aur narmi ko pasand karte hain aur narmi pe wo sawab dete hai jo sakhti pe nahi dete.

Abu Dawood : 4807.

Shaykh Ibn ‘Uthaymeen se Qiblah ke tarf pair karke sone ka hukm pucha gaya tha. Unhone farmaya:
"Us shaks ke upar koi ilzam nahi hai agar wo qible ke taraf pair karke sota hai".

Fataawa al-Shaykh Ibn ‘Uthaymeen, 2/976.

Prepared By: Faisal Khan