Rafa Yadain Na Karne Walo’n Ke Dalaael Ka Tajziya

Jin Ahadees Se Rafa Yadain Na Karne Ki Daleel Lee Jaati Hai In Ka Muqhtasar Tajziya Mulaheza Farmaei’n.

۩ Pahli Hadees:

Jaabir Bin Samrah R.a. Bayan Karte Hain Ke Rasool Allah ﷺ Ne Farmaya: ‘kya Baat Hai Ke Main Tumko Is Tarha Haath Uthate Dekhta Hu’n Goya Ke Wo Sarkash Ghodo’n Ki Dumei’n (T: Tail) Hain. Namaz Mein Sukoon Iqhtiyar Kiya Karo.’

(Muslim: Al Salah 430)

Tajziya: Is Hadees Main Is Maqam Ka Zikar Nahi Jis Par Sahaaba Haath Utha Rahe The Aur Aap Ne Inhei’n Mana Farmaya.

Jaabir Bin Samrah Hi Se Muslim Mein Is Hadees Se Mutsal 2 Riwayaat Aur Bhi Hain Jo Baat Ko Poori Tarah Waazeh Kar Rahi Hain.

‐ Jaabir Bin Samrah R.a. Farmate Hain: Rasool Allah ﷺ Ke Sath Jab Ham Namaz Padhte To Namaz Ke Qaatme Par Daei’n Baei’n Assalamu Alaikum Wa Rahmatullah Kehte Hue Haath Se Ishara Bhi Karte Ye Dekh Kar Aap Ne Farmaya: Tum Apne Haath Se Is Tarha Ishaara Karte Ho Jaise Sharer Ghodo’n Ki Dumei’n Hilti Hain. Tumhei’n Yehi Kafi Hai Ke Qaeda Mein Apni Rano’n Par Haath Rakhe Hue Daei’n Aur Baei’n Mu’n Modh Kar Assalamu Alaikum Wa Rahmatullah Kaho.’ (Muslim: Al Salah 431)

‐ Jaabir Bin Samrah R.a. ﷺ Hai: Ham Rasool Allah ﷺ Ke Saath Namaz Ke Qhatme Par Assalamu Alaikum Wa Rahmatullah Kehte Hue Haath Se Ishaara Bhi Karte The Ye Dekh Kar Aap Ne Farmaya Tumhei’n Kya Hogaya Hai Tum Apne Hatho’n Se Is Tarha Ishara Karte Ho Goya Wo Sharer Ghodo’n Ki Dumei’n Hain. Tum Namaz Ke Qhatme Par Sirf Zuban Se Assalamu Alaikum Wa Rahmatullah Kaho Aur Hath Se Ishara Na Karo. (Muslim: 431 Ki Zeli Hadees)

Imam Nawavi ‘al Majmua’a’ Mein Farmate Hain: Jaabir Bin Samrah R.a. Ki Is Riwayat Se Rukoo Mein Jaate Aur Uthte Waqt Rafa Yadain Na Karne Ki Daleel Lena Ajeeb Baat Aur Sunnat Se Jahaalat Ki Qabeeh Qism Hai. Kyou’n Ke Ye Hadees Rukoo Ko Jaate Aur Uthte Waqt Ke Rafa Yadain Ke Bare Me In Nahi Balke Tashahhud Mein Salam Ke Waqt Dono’n Jaanib Hath Se Ishara Karne Ki Mumaneat Ke Bare Mein Hai. Muhaddiseen Aur Jin Ko Muhaddiseen Ke Sath Thoda Sa Bhi Ta’alluq Hai, Inke Darmiyan Is Bare Mein Koi Iqhtelaf Nahi. Iske Baad Imam Nawavi, Imam Bukahri Ka Qaul Naqal Karte Hain Ke Is Hadees Se Baaz Jaahil Logo’n Ka Daleel Pakadna Saheeh Nahi Kyou’nke Ye Salam Ke Waq Hath Uthane Ke Bare Mein Hai. Aur Jo A’alim Hai Wo Is Tarha Ki Daleel Nahi Pakadta Kyou’nke Ye Ma’aroof O Mashoor Baat Hai. Is Mein Kisi Ka Iqhtelaf Nahi Aur Agar Ye Baat Saheeh Hoti To Ibtedaae Namaz Aur Namaz E Eidain Mein Rafa Yadain Bhi Mana Ho Jatei’n Kyou’nke Is Mein Kisi Qhaas Rafa Yadain Ko Bayan Nahi Kiya Gaya.

Imam Bukhari Farmate Hain Pas In Logo’n Ko Is Baat Se Darna Caahiey Ke Wo Nabi E Rahmat ﷺ Par Wo Baat Keh Rahe Hain Jo Aap Ne Nahi Kaho Kyou’nke Allah Fermata Hain:

‘pas In Logo’n Ko Jo Nabi E Akram Ki Muqhalifat Karte Hain Is Baat Se Darna Chaahiey Ke Inhein (Duniya Mein) Koi Fitna Ya (Aqhirat Mein) Dardnaak Azaab Pho’nche.’ (Surah Al Noor 63)

۩ Dusri Hadees:

Abdullah Bin Masood R.a. Ne Farmaya:’kya Main Tumhei’n Rasool Allah ﷺ Ki Namaz Na Bataou’n? Inho’n Ne Namaz Padhi Aur Hath Na Uthae Magar Pehli Martaba.’

(Abu Dawood: Al Salah 257)

Tajziya: Imam Abu Dawood Is Hadees Ke Baad Farmate Hain: ‘ye Hadees In Alfaaz Ke Saath Saheeh Nahi Hai.’

(Abu Dawood, Hawaala Mazkoor)

Daarus Salaam Riyadh Aur Baitul Ifkaar Lid Dauliyya Ki Shae Karda Abu Dawood Mein Ye Tabsera Maujood Hai.

Imam Tirmizee Ne Abdullah Bin Mubarak Ka Qaul Naqal Kiya Hai: ‘abdullah Bin Masood Ke Tark Raful Yadain Ki Hadees Saabit Nahi Hai’ (Tirmizee: 254)

Imam Ibne Hibban Ne To Yaha’n Tak Likh Diya Hai Ke Is Mein Bahot Si Illatei’n Hai Jo Ise Baatil Bana Rahi Hai. (Mislan Is Mein Sufiyan Soori Mudallis Hain Aur A’an Se Riwayat Karte Hain. Mudallis Kin A’an Wali Riwayat Tararrud Ki Soorat Mein Zaeef Hoti Hai.

۩ Teesri Hadees:

Baraa r.a. Kehte Hain Main Ne Rasool Allah ﷺ Ko Dekha Aap Jab Namaz Shuroo Karte To Dono’n Hath Kano’n Tak Uthate (Summa Lam Ya‐o’ud) Phir Nahi Uthate The. (Abu Dawood 749)

Tajziya: Imam Nawavi Farmate Hain Ke Ye Hadees Zaeef Hai Ise Sufiyan Bin Oyaina, Imam Shafai, Imam Bukhari Ke Ustad Imam Hameedi Aur Imam Ahmad Bin Hambal Jaise Aimmatul Hadees Ne Zaeef Qarar Diya Hai. Kyou’nke Yazeed Bin Abi Ziyad Pehle (Lam Ya‐o’ud) Nahi Kehta Tha, Ahle Kufa Ke Padhane Par Isne Ye Alfaz Badha Diey. Mazeed Bara’n Yazeed Bin Abi Ziyad Zaeef Aur Shia Bhi Tha. Aaqhri Umar Mein Haafeza Qharab Hogaya Tha (Taqreeb) Nez Mudallis Tha. Alaawa Azeei’n Rafa Yadain Ki Ahadees Oola Hain, Kyou’nke Wo Musbat Hain Aur Naafi Par Musbat Ko Tarjeeh Haasi Hoti Hai.

Baaz Log Dalel Dete Hain Ke Munafiqeen Aastino’n Aur Baghlo’n Mein But Rakh Late The Aur Buto’n Ko Girane Ke Liey Rafa Yadain Kiya Gaya, Baad Mein Chod Diya Gaya, Lekin Kutub E Ahadees Mein Iska Kahee’n Koi Sabot Nahi Hai. Albatta Johlaa Ki Zabano’n Par Ghoomta Rehta Hai. Darj E Zel Haqhaeq Is Qaul Ki Kamzori Wazeh Kar Dete Hain:

1. Makka Mein But (T: Idols) They Magar Jamat Farz Nahi Thee. Madena Mein Jamat Farz Hui Magar But Nahi The, Phir Munafiqeen Madeena Kin Buto’n Ko Baghlo’n Mein Dabae Masjido’n Mein Chale Aate The?

2. Ta’ajjub Hai Ke Jaahil Log Is Gap Ko Saheeh Maante Aur Iske Sath Sath Nabi Akram Ko A’alimul Ghaib Bhi Maante

Hain, Halaa’nke Agar Aap A’alimul Ghaib Hote To Rafa Yadain Karwane Ke Baghair Bhi Jaan Sakte The Ke Fala’n Fala’n Shaqs Masjid Mein But Le Aaya Hai.

3. But Hi Giraane The To Ye Takbeer Tehrima Kehte Waqt Jo Rafa Yadain Ki Jaati Hai Aur Isi Tarha Rukoo Aur Sujood Ke

Dauran Bhi Gir Sakte The Is Ke Liey Alag Se Rafa Yadain Ki Sunnat Jaari Karne Ki Qat‐a’an Zaroorat Nahi Thee.

4. Munafiqeen Bhi Kis Qadr Bewaqoof The Ke But Jebo’n Mein Lane Ki Bajae Inhei’n Baghlo’n Mein Dabaa Laae?

5. Yaqeenan Jaahil Log Aur Inke Peshwa Ye Bataane Se Qasir Hain Ke Inke Baqaul Agar Rafa Yadain Ke Dauran Munafiqeen Ki Baghlo’n Se But Girte The To Phir Aap Ne Inhei’n Kya Saza Di Thee?

Dar Asal Ye Kahani Mahez Qhanasaaz Afsaana Hai. Jis Ka Haqeeqat Ke Sath Adna Sa Ta’alluq Bhi Nahi Hai.

Ye Bhi Daleel Di Jaati Hai Ke Ibne Zubair Kehte Hain: Rasool Allah Ne Rafa Yadain Kiya Tha Aur Bad Mein Chod Diya.

(Nasbur Raaya V1 P 404) Lekin Ye Riwayat Bhi Mursal Aur Zaeef Hai.

Tehqheeq To Ye Hai Ke Masla Rafa Yadain Mein Nasqh (T: It Has Never Been Stopped) Hua Hi Nahi Hai. Kyou’nke Nasqh Hamesha Waha’n Hota Hai, Jaha’n

‐ 2 Hadeesei’n Aapas Mein Takrati Ho’n.

‐ Dono’n Maqbool Ho’n.

‐ Inka Koi Mushtareka Mafhoom Na Nikalta Ho.

‐ Dalaael Se Saabit Hojae Ke In Dono’n Mein Se Fala’n Pehle Daur Ki Hai Aur Fala’n Baad Mein Irshad Farmai Gai, Tab Baad Wali Hadees, Pehli Hadees Ko Mansooq Kardeti Hai.

Magar Yaha’n Rafa Yadain Karne Ki Ahadees Ziyad Bhi Hain Aur Saheeh Tareen Bhi. Jabke Na Karne Ki Ahadees Kam Bhi Hain Aur

Kamzor Bhi (In Par Muhaddiseen Ki Jarah Hai) Ab Na To Maqbool Aur Mardood Ahadees Ka Mushtarika Mafhoom Aqhaz Karna Jaez Hai Aur Na Hi Mardood Ahadees Se Maqbool Ahadees Ko Mansooq Kiya Jasakta Hai. Rafa Yadain Ke Mansooq Na Hone Ke Dalael Mulaheza Farmae’n.

1. Sahaaba Ikram Ne Hayat E Taiyyaba Ke Aqhri (9 Aur 10 Hijri) Mein Nabi E Akram Se Raful Yadain Karna Riwayat

Kiya Hai.

2. Sahaaba Ikram Ahed E Nabuwwat Ke Baad Bhi Rafa Yadain Ke Qaael O Faael Rahe.

3. Kaha Jaata Hai Ke Chaaro’n (4) Aimma Barhaq Hai’n Agar Aisa Hi Hai To In Charo’n Mein Se Teen (3) Raful Yadain Karne Ke Qael Hain.

4. Jin Muhaddiseen Ikram Ne Raful Yadain Ki Ahadees Ko Apni Muqhtalif Maqbool Sanado’n Ke Sath Riwayat Kiya Hai In Mein Se Kisi Ne Ye Tabsera Nahi Kiya Ke ‘raful Yadain Mansooqh Hai’ Saabit Hua Ke Sahaaba O Taabaeen Aur Fuqaha O Muhaddiseen (Rahimahullah) Ke Nazdeek Raful Yadain Mansooq Nahi Balke Sunnat E Nabawi Hai. Aur Zahir Hai Ke Sunnat Chodne Ke Liey Nahi, Apnane Ke Liey Hoti Hai. Ab Jo Shaqs Ek (1) Ghair Ma’asoom Ummati Kea Mal Ko Sunnat E Nabawi Par Tarjeeh Deta Hai Aur Sunnat Ko A’amadan Hamesha Chode Hue Hai Ise Hubbe Rasool Ka Da’awa Karna Jachta Nahi Hai. Allah Ta’ala Ham Sab Ko Hidayat De.. Aamin.

Isi Tarha Is Silsile Mein Ek Aur Riwayat Bhi Pesh Ki Jaati Hai Ke Abdullah Bin Masood R.a. Ne Farmaya: ‘main Ne Rasool Allah ﷺ Aur Abu Bakr O Umar Ke Sath Namaz Padhi Ye Log Shuru Namaz Ke Alawa Hath Nahi Uthate The.’ (Bheqhee: V2 P 79 & 80)

Imam Dar e Qutni Likhte Hain Ke Iska Rawi Muhammad Bin Jaabir Zaeef Hai. Balke Baaz Ulama (Imam Ibne Jauzi Aur Imam Ibne Taimiyya Waghaira) Ne Ise Mauzoo Kaha Hai. (Ya’ani Ye Riwayat Ibne Masood Ki Bayan Karda Nahi Hai, Balke Kisi Ne Qhud Tarash Kar Inki Taraf Mansoob Kardi Hai) Lehaza Aisi Riwayat Pesh Karna Jaaez Nahi Hai.

Kulaasa: Raful Yadain Ki Ahadees Bakasrat Aur Saheeh Tareen Asnaad Se Marwi Hain. A’adm Raful Yadain Ki Ahadees Ma’ani Ya Sanadan Saabit Nahi.

Imam Bukhari Likhte Hain Ke Ahle Ilm Ke Nazdeek Kisi 1 Sahabi Se Bhi Adm Raful Yadain Saabit Nahi Hai.

Read More »

Kya Shaheed Duniya Me Zinda Hote Hai?

Shaheedon ki roohain Allah s.w.t. ke pas Jannat may Zindah hain Qabron may nhi. Quran-e-kreem me do muqamaat pe Allah s.wt farmata hai,

“Aur Allah ki rah may qatl kye gae shuhadaa ko murda na kaho, wo zinda hain magr tum nahi samajhte.”

[surah Al-Baqarah, surat 02, Ayat.154]

Is ayat may on logo ko jo Allah ki raah may qatl kye gae murda kehnay ki mumani’at hai or farmaya k wo zinda hain lekn tumhen sha’oor nhi. Ab swaal ye hai k onki zindagi kis qism ki hai, kia yeh zindagi dunyavi hai?

Ek aur ayat may Allah s.wt nay farmaya,

“Jo log Allah ki rah may shaheed kye gae on ko hergiz murda na samjho, bul k wo zinda hain apne Rub k pas, rozian dye jatay hain. Allah s.wt nay jo apna fazl inhen de rakha hai is say bohat khush hain or khushian mana rahay hain on logo ki baabat jo ab tak insay nhi milay in k peechay hain, is per k inhain na koi khof hai or na wo ghamgeen hongay.”

[surah Aali-Imran, surat 03, Ayat.169]

In dono ayaat may Allah s.wt nay shaheed ko murda samajhnay say mana’ farmaya, lekn inhi ayaat may yeh wazaahat bhi kerdi k “walaa killaa tash’uroon” yani tumhain onki zindagi ka sha’oor nhi, onki zindagi ko apni zindagi say tashbih na do, onki zindagi barzakhi hai dunyavi nhi, or doosri ayat may “inda-Rabbihim” k alfaaz shaahid hain k ‘wo to apne Rub k pas hain’ rozian dye jaatay hain yani wo to bharpoor zindagi guzar rahay hain jannaton may apne Rab k pas is lye in k e’zaaz-o-takreem k lye inhain murda mat kaho. Or wo on mujahideen fee sabeelillah k muta’alliq khushian mana rahay hain jo maidan-e-jang may lar rahay hain or ab tak shaheed ho k on say nhi milay, is bat per k onhain aanay wali barzakhi zindagi may na koi gham hoga or na koi khof.

Sahih Muslim may or deegar sahih rivayaaat may RasulAllah ﷺ Ka farman hai,

“Shaheedon ki roohen (Jannat me) sabz rung k parindon k seeno may hoti hai aur jannat main jis jaga chahen charti, chugti, urti phirti hain. Phir in qandeelon may aa ker beth jati hain jo arsh k neechay latak rahi hain, in k rab ne aik dafa inhen dekha or in say daryaaft kia k ab tum kia chahtay ho? Onhon nay jwab dia,

‘Allah tu nay to humay wo wo day rakha hai jo kisi ko nhi dia phir hamain kis cheez ki zaroorat hogi?’ Insay phir yehi swaal hua. Jab onho ne dekha k ab hamain koi jawaab dena hi hoga to kaha,

‘Ae Allah! hum chahtay hain k too hamain dobara dunya main bhaij day hum teri rah may phir larain phir shaheed ho kr teray paas aaen or shahaadat ka dugna darja paen’

Allah (subhanahu wata’ala) ne farmaya,

‘yeh nhi hosakta yeh to main likh chukka hun k koi bhi marnay k bad dunya ki taraf palat ker nhi jaega. koi or bat ho tou batlao’, 

phir shuhda ne jawab dya, 

‘phir dunya walon ko or humaray aziz-o-aqarab ko is bat say mutla kerdia jae k hum yahan kis qadr khush hain, or her tarah ki ne’maton say lutf andoz ho rahay hain’, 

Allah (s.wt) ne farmaya, 

‘han yeh ittila kiye deta hoon’ 

[chuna cheh is silsilay main mazkoora ayatain (yani surah Aali-Imran ayat 169) nazil hui.]” 

[Sahih Muslim, kitab Al-Imarah: baab beyan arwaahu-sshuhada fil-jannah, [020:4651] ] 

Maloom hua ke shaheedon ki roohen dunya may nhi bhatak rahin bul k jannat k mazay loot rahi hain. Or kisi ko bhi inteqaal k bad dobara dunya main aanay ki ijaazat nhi. 

Allah s.wt ka farman hai, 

“Or tum on logo ko nhi SUNA saktay jo qabron may (madfoon) hain.” 

[surah Al-Faatir, surat 35, Ayat.22] 

“Aur mat pukaro tum Allah k siwa kisi ko jo tumko nafa’ day sake or na nuqsaan pohncha sakay, agr aesa kro ge to MUSHRIK banjao ge.” 

[surah Younus, Surat#10, Ayat#106] .

Read More »

RasoolAllah ﷺ Ka Saya (Shadow)

Kuch Log Kahte Hai Ki Rasulullah ﷺ Ka Saya Mubark Nahi Tha. Iski kya haqiqat hai?

RasoolAllah ﷺ Allah Ke Nabi Aur Insan The. Allah Ne Apko Silsila E Insaniyat se Hi Paida Kia Tha Aur Insan Hone Ke Aitbar Se Ye Bat Waazeh Hai Ki Insan Ka Saya Hota Hai.

Quran Me Allah Ne Irshad Farmaya,

۩ Aur Jitni Makhluqat Asmano Aur Jamin Me Hai Khushi Aur Nakhushi Se Allah Ta’ala Ke Aage Sajda Karti Hai Aur Unke Saye Bhi Subah Wa Sham Sajda Krte Hai.

[Al R’aad, Ayat 15]

Ek Aur Muqam Par Allah Rabbul Izzat Ka Farman Hai-

۩ Kya Unhone Allah Ki Makhluqat Me Se Kisi Ko Nahi Dekha Ki Iske Saye Dayain Aur Bayain Se Lautte Hai Yani Allah Ke Aage Aajiz Hokar Sar-Ba-Sujud Hote Hai.

[Al Nahal Ayat 47]

Hadith se Dalail: 

أَخْبَرَنِي  مُحَمَّدُ بْنُ الْمُؤَمَّلِ بْنِ الْحَسَنِ   ، ثَنَا   الْفَضْلُ بْنُ مُحَمَّدٍ الشَّعْرَانِيُّ  ، ثَنَا  الْفَضْلُ بْنُ مُحَمَّدٍ الْبَيْهَقِيُّ  ، ثَنَا  نُعَيْمُ بْنُ حَمَّادٍ  ، أَنْبَأَ  عَبْدُ اللَّهِ بْنُ وَهْبٍ  ، أَخْبَرَنِي  مُعَاوِيَةُ بْنُ صَالِحٍ  ، عَنْ  عِيسَى بْنِ عَاصِمٍ  ، عَنْ  زِرِّ بْنِ حُبَيْشٍ  ، عَنْ  أَنَسِ بْنِ مَالِكٍ  ، قَالَ : بَيْنَمَا النَّبِيُّ صَلَّى اللَّهُ عَلَيْهِ وَآَلِهِ وَسَلَّمَ  يُصَلِّي ذَاتَ لَيْلَةٍ صَلاةً ، إِذْ مَدَّ يَدَهُ ، ثُمَّ أَخَّرَهَا ، فَقُلْنَا : يَا رَسُولَ اللَّهِ ، رَأَيْنَاكَ صَنَعْتَ فِي هَذِهِ الصَّلاةِ شَيْئًا ، لَمْ تَكُنْ تَصْنَعُهُ فِيمَا قَبْلَهُ ، قَالَ : ” أَجَلْ ، إِنَّهُ عُرِضَتْ عَلَيَّ الْجَنَّةَ ، فَرَأَيْتُ فِيهَا دَالَيَةً قُطُوفُهَا دَانِيَةٌ ، فَأَرَدْتُ أَنْ أَتَنَاوَلَ مِنْهَا شَيْئًا ، فَأُوحِيَ إِلَيَّ أَنِ اسْتَأْخِرْ ، فَاسْتَأْخَرْتُ ، وَعُرِضَتْ عَلَيَّ النَّارُ فِيمَا بَيْنِي وَبَيْنَكُمْ ، حَتَّى رَأَيْتُ ظِلِّي وَظِلَّكُمْ فِيهَا ، فَأَوْمَأْتُ إِلَيْكُمْ أَنِ اسْتَأْخِرُوا ، فَأُوحِيَ إِلَيَّ أَنْ أَقْرِهِمْ ، فَإِنَّكَ أَسْلَمْتَ وَأَسْلَمُوا ، وَهَاجَرْتَ وَهَاجَرُوا ، وَجَاهَدْتَ وَجَاهَدُوا ، فَلَمْ أَرَ لَكَ فَضْلا عَلَيْهِمْ إِلا بِالنُّبُوَّةِ ، فَأَوَّلْتُ ذَلِكَ مَا يَلْقَى أُمَّتِي بَعْدِي مِنَ الْفِتَنِ ” .

۩ Anas r.a. Se Riwayat Hai Ek Raat Nabi ﷺ Ne Hume Namaz Padhai Aur Namaz Ki Halat Me Apna Hath Achanak Aage Badhaya Magar Phir Jald Hi Piche Hata Liya.

Humne Arz Kiya Aye Allah Ke Rasool ﷺ! Aaj Apne Khilafe M’amul Namaz Me Ek Naya Amal Kiya Hai, Apne Ne Farmaya Nahi Balki Bat Ye Hai Ki Mere Samane Abhi-Abhi Jannat Pesh Ki Gai, Mene Usme Behtreen Fal Dekhe To Dil Me Aya Ki Usme Me Se Kuch Uchak Lu Magar Fauran Huqm Mila Piche Hat Jao,

Me Piche Hat Gaya. Fir Mujh Par Jahannam Pesh Ki Gai (hatta raytu zilli wa zillkum ), Uski Roshani Me Mene Apna Aur Tumhara Saya Dekha, Dekhte Hi Mene Tumhari Taraf Ishara Kiya Ki Piche Hat Jao.

Mustadrak al-Hakim, 4/456; Imam al-Dhahabi Agreed with Hakim in Talkhees, Ibne Khuzaimah Mentioned in his Saheeh vol 2 page 50 hadeeth no 892 and Dr Muhammad Mustafa in Notes of Saheeh Ibne Khuzaimah said Chain is Authentic, Hafidh Zia ul din Al Maqdisi`ee Authenticated in Al Mukhtarah:2136, Imam Abu Awanah Authenticated and said هَذَا الْحَدِيثُ يُسَاوِي أَلْفَ حَدِيثٍ “This Hadeeth is Equal to One Thousand Ahadeeth” in إتحاف المهرة  Raqam 1063 .

Ek Aur Sahih Hadith Me Hai:

۩ Aisha r.a. riwayat karti hai ki Sayyida Zainab r.a. Aur Sayyida Safiya r.a. Ek Safar Me Nabi ﷺ Ke Sath Thi, Safiya r.a Ke Pas Ek Oont (camel) Tha Aur Wo Bimar Ho Gaya Jab Ki Zainub r.a. Ke Pas 2 Oont the. Rasol ﷺ Ne Farmaya, “Tum Ek Zayad Oont Safiya r.a Ko De Do”, Toh Unhone Kaha Mai Is Yahudiya Ko Kyo Du ? (Sayyida Safiyyah was originally a Jew). Is Par Rasool ﷺ Naraz Ho Gaye, Taqriban 3 Mah Tak Zainub r.a. Ke Pas Na Gaye Hatta Ki Zainub r.a. Ne Mayus Hokar Apna Saman Bandh Liya. Sayyida zainub r.a Farmati Hai ki Mai Achanak Dekhti Hu Ki Dopahar Ke Waqt Nabi e ﷺ Ka Saya Aa Raha Hai.

Musnad Ahmad, 6/132, Hadith no.25046, Tabqaat ul Kubra vol 8 page 27 Hadeeth no: 10011,Majma az zawaid vol 4 page page 323. Sanad Sahih By Zubair Ali Zai.

•٠•●●•٠•

Read More »