اقرأ باسم ربك الذي خلق

Showing posts with label Aqeedah. Show all posts
Showing posts with label Aqeedah. Show all posts

1 Feb 2023

Kya Sahaba ne Aqide me Ikhtilaf kiya?

hi   

Alhamdulillah..

Kuch logo ka kahna hai ki Sahaba ne aqide me ikhtilaf nahi kiya jab ki ye baat hadees ki daleel ke khilaf hai.

Sahaba ne aqidah ke chote (furoo) masail me ikhtilaf kiya hai aur unhone bunyadi aqide (usool) me ikhtilaf nahi kiya hai.

Aaiye in ikhtilaf ki daleel dekhte hai:

1. Nabi ﷺ ke wafat ke waqt Umar r.a. ne baaki sahaba se ikhtilaf karte hue ye aqidah apnaya ki Rasoolullah zinda hai. Halaki fir unhone is baat se ruju kiya. Dekhein Sahih al Bukhari, hadees- 3667,3668.

2. Ibn Abbas r.a. ka ye aqidah tha ki Rasoolullah ﷺ ne Allah ko dekha hai [Jamia Tirmizi, kitab at tafseer ﴾47﴿, hadees- 3279]. Jab ki Ayesha r.a. aur aksar sahaba ka ye aqidah tha ki Rasoolullah ﷺ ne Allah ko nahi dekha hai [Sahih Muslim, kitab al eemaan ﴾1﴿, hadees- 439].

3. Umar r.a. ka ye aqidah tha ki mayyat par noha karne se mayyat ko aazab diya jaata hai (Sahih Muslim, hadees- 927). Jab ki Ayesha r.a. ka ye aqidah nahi tha (Sahih Muslim, hadees- 932).

Ab dekhte hai ki hamare ulema is par kya kahte hai:

۩ Shaykh ibn Uthaymeen farmate hai,

“Hamare is daur me kuch log jinhone salafiyyah ka rasta apnaya hai unlogo ne har us shaks ko gumraah kahna shuru kar diya jo unse ikhtilaf karta hai yaha tak ke agar wo shaks sahih ho, aur kuch logo ne hibz ka rasta apnaya hai jis tarha se dusre groh (parties) ne apnaya tha jo apne ap ko Mazhab e Islam se hone ka dawah karte hai. Ye kuch aesa hai jo na-pasandida hai aur jiski manzuri nahi di ja sakti, aur unlogo se ye kahna chaiye ki Salaf as saaleh ke tarike ko dekho, wo kya kiya karte the? Un ke tarike ko dekho aur kaise wo khule dil ke the jab ikhtilaf ki surat aati thi jisme ijtihaad jaiyz hai (aur ikhtilaf kabile qubul hai). Woh bade masail me bhi Ikhtilaf karte the, eeman (aqidah) aur amal ke masail me. Ap ko kuch chize milengi, jaise, Rasoolullah ﷺ ka Allah ko dekhne par inkar karna jab ki dusro ne kaha ki unhone dekha hai. Apne kuch ko ye kahte hue dekha hoga ki qayamat ke din jo chiz tauli (weighted) jayegi wo hai aamaal jab ki dusre log kahte the ki wo to aamaal ki kitab hai jo tauli jayengi. Ap unhe dekhenge ki wo Fiqh ke muamlo me bhi kaafi had tak ikhtilaf karte the, jaise Nikah, Wirasat ka hissa, khareed aur farokhqt, aur dusre muamlo me. Lekin is ke bawujud unhone ek dusre ko gumraah nahi kaha.”

Liqaa’aat al-Baab al-Maftooh, 3/246.

۩ Shaykh Assim al Hakeem kahte hai,

'Sahaba e karaam aqidah ke is masle me ikhtilaf nahi karte the jaise ki Allah ke maujud hone par, Jannat aur Dozakh, marne ke baad ki zindagi, eeman ke sutun, Allah ke naam aur sifat. Lekin wo aqidah ke chote masail me ikhtilaf karte the.' (summary of clip)

source: https://youtu.be/w1LdUia1lVc

•٠•●●•٠•

Read More »

21 Dec 2019

Kamzor Tareen Eemaan

en   -
Tariq bin Shihab se riwayat ki, Pahla shaks jis ne Eid ke din namaz se pahle khutbe ka aaghaz kiya, wo Marwan tha. Ek aadmi uske saamne khada ho gaya aur kaha, 'Namaz khutbe se pahle hona chahiye?'

Marwan ne jawaab diya, Jo tariqa (yaha pahle) tha, wo tark kar diya gaya hai. Is par Abu Saeed r.a. ne kaha, 'Is insaan ne (jisne sahih baat kahi thi) apni zimmedaari puri kardi hai. Mai ne Rasoolullah  ﷺ se suna tha, Aap farma rahe the,

“Tum me se jo bhi buraai dekhe to woh use apne haath se roke, agar is ki taaqat nah ho toh zuban se roke aur agar is ki bhi taaqat nahi toh dil se ise bura jaane aur ye (dil se bura janna) eemaan ka kamzor tareen darja hai.”

Sahih Muslim, kitab al eemaan (1), hadees- 177.

•٠•●●•٠•
Read More »

23 May 2019

Ambiya ke Jism Ko Mitti Nahi Khati


Alhamdulillah..

Sahih ahadees ki roshni me ham sab ka ye Aqidah hona chahiye ki Nabi apne qabro me akhirat ke zindagi ke sath zinda hai aur unke jism salamat hai. Iski daleel kuch is tarha se hai:

۩ Aws ibn Aws r.a. bayan karte hai ki Rasoolullah ﷺ ne farmaya,

“Jume ka din tumhare behtareen dino me se hai, lehaza is din mere upar kasrat se durood bheja karo, is liye ke tumhare durood mujh par pesh kiye jate hai.
Logo ne arz kiya, 'Allah ke Rasool! Aap qabar me bosidah (decayed) ho chuke honge toh hamare durood Aap par kaise pesh kiye jayenge?' Aap ﷺ ne farmaya, 'Allah ne haraam kar diya hai zameen ke liye ke wo Ambiya ke jism ko khaye.”

Sunan Abu Dawud, kitab al witr ﴾8﴿, hadees- 1531. Ise Imam Hakim, Imam Zahabi aur Imam Nawawi ne saheeh karaar diya hai. 

۩ Anas bin Malik r.a. se riwayat hai,

“Jab Sahaba karam ne Tustar (shahar) ko Fatah kiya toh waha Taboot me ek shaks ka jism dekha, uski naak hamare ek hath ke barabar thi. Waha ke log is taboot ke wasile se galbah wa barish talab kiya karte the. Sayyidna Abu Musa r.a. ne Ameerul Momineen Umar bin khattab r.a. ki taraf khat likha aur saara waqya sunaya, Umar r.a. ne jawab me likha ki ye Allah ta'ala ke abiyo mai se ek nabi hai, na Aag Nabi ko khati hai, na zameen, fir faramaya, Tum aur tumhare sathi koi aisi jagah dekho jiska tum dono ke alawa kisi ko ilm na ho, waha is taboot ko dafan kardo. Anas bin Malik r.a. bayan karte hai ke mai aur Abu Musa gaye aur ise (ek gumnam jaga me) dafan kar diya.”

Musannaf ibn Abi Shayba, 13/27-28, hadees- 33808. Iski sanad ko Shaykh Zubair ali zai ne sahih karaar diya hai.

۩ Yunus bin Ishaq ne Surah Shura, ayat- 52 (Ham ne Moosa ko wahee bheji ke raato raat mere bando ko lekar nikal jao, beshak tera peecha hona hai.) se chand aayaat padhi fir Hazrat Abu Moosa ashari r.a. ka ye bayan naqal kiya, Ek dafa Rasoolullah ﷺ ek dehati ke paas tashreef le gaye. Usne Aap ﷺ ki khoob mahmaan nawazi ki. Rasoolullah ﷺ ne us se farmaya, 'Tum ham se wada karo ke hamare paas aaoge. Fir ek dafa wo dehaati Rasoolullah ﷺ ke paas aaya, Rasoolullah ﷺ ne us se pucha, 'Tumhari haajat kya hai?' Us ne kaha, 'Ek oontni kajawah samet, jiska dudh mere ghar wale piye.'

Toh Rasoolullah ﷺ ne farmaya, 'Ye bhi bani israel ki budhiya ki tarah aajiz hai. 'Sahaba e karaam r.a. ne arz kiya, Ya Rasoolullah ﷺ! Bani Israel ki budhiya ka kya qissa hai?

Aap ﷺ ne farmaya, Jab Moosa a.s. ne bani Israel ke humraah rawangi ka irada farmaya toh raasta bhool gaye. Moosa a.s. ne Bani Israel se pucha, 'Aisa kyu hua?' Fir Aap ko Bani Israel ke ulema ne bataya ke jab Yusuf a.s. ki wafaat ka waqt qareeb aaya toh unhone ham se khuda ki qasam lekar ye ahad liya tha ke jab ham Misr se niklenge toh inka jism bhi apne hamraah muntaqil karke lejayenge.

Moosa a.s. ne farmaya, 'Tum me se koi kya ye janta hai ke Yusuf a.s. ki kabr kahaa hai?' Bani Israel ke ulema ne jawaban kaha, 'Is cheez ka ilm sirf bani Israel ki ek budhya ke paas hai. Moosa a.s. ne us budhya ke paas paigaam bheja ke hame Yusuf a.s. ki qabr ki nishaandehi kare. Us ne kaha, 'Pahle mujh se ek waada kare fir bataungi.'

Moosa a.s. ne pucha, 'Kya waada lena chahti ho?' Us ne kaha, 'Ye ke mai Jannat me aapke saath (pados me) rahu.' Moosa a.s. ko ye waada kuch ajeeb sa laga. Lekin ap se kaha gaya ke is se waada farma lijiye toh ap ne is se Jannat ka wada kar liya, tab wo inko apne hamraah lekar pani ki ek jheel par aayi, jiske pani ka rang bhi badal chuka tha.

Usne kaha, 'Is jheel ka paani khushk kare.' Unhone pani khusk kardiya. Jab paani khushk ho gaya to usne kaha, Yaha se khudayi shuru kar de, unhone khodna shuru kar diya toh waha se unko Yusuf a.s. ka jism e Mubarak mil gaya. Jab unhone Yusuf a.s. ko zameen se nikaal liya toh roze roshan ki tarah raasta in par wazeh hogaya.

Al Mustadrak al Hakim, hadees- 3523. Ise Imam Hakim aur Imam Zahabi ne sahih karaar diya hai. [scan]

Kuch Musalmano ka yeh aqidah hai ki ambiya e karaam ki ye zindagi dunyawi hai lekin ye aqidah durust nahi hai kyuki Quran aur sunnat se hame saaf pata chalta hai ki Ambiya karaam ki zindagi barzakhi hai aur iski kaifiyat ka ilm sirf Allah ko hai.

۩ Allah ﷻ farmate hai,

“Aur jo Allah ki raah me katl kar diye jaye unhe murda na kaho, wo zinda hai magar tumhe iski samajh nahi hai.”

Surah Baqarah ﴾2﴿, ayat-154.

Allah pak saaf is ayat me hame kahte hai ki hame marne ke baad ki zindagi ki samajh nahi hai. Allah ﷻ dusri ayat me farmate hai,

۩ Ab in sab (marne waalo) ke piche ek barzakh (barrier) haayel hai dusri zindagi ke din tak.

Surah al Mominoon ﴾23﴿, ayat-100.

Aur Allah ek ayat me hame fark samjhate hai,

۩ Aur na zinde aur murde barabar hai. Allah jise chahta hai sunwat deta (hear) hai, magar tum un logo ko nahi suna sakte ho qabro me hai.

Surah Fatir ﴾35﴿, ayat-22.

۩ Isi liye Imam ibn Hajar kahte hai,

“Beshak Aap ﷺ apni wafaat ke baad agarche zinda hai lekin ye ukhruwi (barzakhi) zindagi hai, dunyawi zindagi ke mushaba nahi hai, wa Allahu alam.”

Fath ul baari, jild-7, page 349 tahet hadees- 4042.

Read More »

6 Apr 2019

Kya Nabi Ne Allah Ko Dekha Hai | Ayesha ؓ


Masruq (tabayeen) bayaan karte hai ki Mai Ayesha ؓ ki khidmat me tek lagaye hue baitha tha ke Ayesha r.a. ne farmaya, “Abu Ayesha! (yeh masrooq ki kuniyat thi) teen cheeze hai jis ne un me se koi baat kahi, us ne Allah taala par bahut bada bohtan baandha.” Mai ne pucha: 'Woh baate kaun si hai?'

Unhone farmaya, 'Jis ne ye gumaan kiya ke Muhammad ﷺ ne apne Rab ko dekha hai toh us ne Allah taala par bahut bada bohtaan bandha.'

Unhone (Tabayeen ne) kaha, 'Mai tek lagaye hue tha toh (yeh baat sunte hi) seedha ho kar baith gaya aur kaha: 'Ummul momineen! Mujhe (baat karne ka) mauqa dijiye aur jaldi na kijiye, Kya Allah taala ne ye nahi kaha, 'Beshak unhone use roshan kinare par dekha' (Al-Qur'an, Surat at-Takwir, 81:23), ( isi tarha ) 'aur Aap ﷺ ne use ek baar utarte hue dekha (Surat Najm 53:13).'

Ayesha r.a. ne farmaya, 'Mai is ummat me sab se pahli hu jis ne iske baare me RasoolAllah ﷺ se sawal kiya toh Aap ﷺ ne farmaya, 'Woh yaqeenan Jibrail a.s. hai, mai inhe is shakal me, jis me paida kiye gaye, do dafa ke ilawa kabhi nahi dekha, ek dafa maine inhe aasman se utarte dekha, un ke wujud ki badayi ne aasman o zameen ke darmiyaan ki wusat (jagah) ko bhar diya tha'.

Fir ummul momineen ne farmaya, 'Kya tum ne Allah taala ka farmaan nahi suna, 'Aankhe uska idraak (comprehend) nahi kar sakti aur woh aankhon ka idraak karta hai aur woh baarikhi se har cheez ki khabar rakhne wala hai' (Surat al-An`am 6:103).
Aur kya tum ne yeh nahi suna ke Allah taala farmata hai, 'Aur kisi bashar me taakat nahi ke Allah taala us se kalaam farmaye magar wahee ke zarye se ya parde ke piche se ya woh kisi paigham laane wala (farishte) ko bheje toh woh us ke hukm se jo chahe wahi kare, bilashuba woh bohat buland aur hikmat wala hai' (Surat ash-Shura, 42:51).

(Ummul momineen ne) farmaya, 'Jo shakhs ye samjhta hai ke RasoolAllah ﷺ ne Allah taala ki kitab maise kuch chupa liya to usne Allah taala par bahut bada bohtan baandha kyunki Allah taala farmata hai, 'Aye Rasool ﷺ! Pahuncha dijiye jo kuch Aap ke Rab ki taraf se Aap par nazil kiya gaya aur agar (bil farz) Aap ne aisa na kiya toh Aap ne uska paigaam na pohchaya (fariza e risalat ada na kiya)'  (Surat al-Ma'idah, 5:67).

(aur) Unhone farmaya, 'Aur jo shakhs ye kahe ke Aap ﷺ is baat (ilm e gaib) ki khabar de dete hai ke kal kya hoga toh us ne Allah taala par bahut bada jhut baandha, kyunke Allah taala farmata hai, '(Aye Nabi!) farma dijiye! koi ek bhi jo aasmaano aur zameen me hai, gaib nahi janta, siwaye Allah ke' (Surat an-Naml, 27:65).

Sahih Muslim, kitab al eemaan ﴾1﴿, hadith- 439.

•٠•●●•٠•

Read More »

28 Mar 2019

Aqeedah Kya Hai?


Alhamdulillah..

Aqeedah un baato ko kaha jata hai jin ki nafs tasdeeq karti hai aur is par dilo ko itminan hota hai aur ahle aqeedah ke yaha ye yakeeni hote hai jis me kisi kism ka shak wa shubah nahi hota.

Aur lughat me Aqeedah maadah(root word) 'aqada' se nikle hai jis ka matlab lazim aur taaqeed,  pukhtagi hai.

۩ Allah taala ne Quran me irshad farmaya hai,

Allah taala tumhe un kasmo par nahi pakdega jo pukhta na ho, magar pakki kasam khane par toh zarur tumhari pakad karega (bimaa ‘aqqadtum al-aymaan)…"

Surah Maidah ﴾5﴿, ayat-89.

Aur kasam ki pukhtagi dil ke iradeh aur us ke azm ke sath hoti hai, arabi me kaha jata hai ke 'aqada’l-habl' yani rassi ke ek hisse ko dusre hisse se kas diya (gaanth laga diya).
Aur 'i’tiqaad' alfaz yeh 'Aqd' se nikla hai jis ka matlab bandhna aur mazbut karna hai. Kahte hai ke 'a’taqadtu qaza', yaani iska maine dil me azm kiya, jo ki pukhta zahen ka hukum hai.

Aur shara'i istilaah mein aqeedah yeh hai ke:

Aisi chize jiska Musalman par apne dil mein aqeedah rakhna aur in par bagair kisi shak wa shubah ke pukhta eemaan rakhna wajib ho.

Kyunke Allah taala ne use un baato ki apni kitab (Quran) ke zarye ya apne Nabi ﷺ par wahee kar ke batayi hai.

Aur aqeedah ke usool wo hai jis par Allah taala ne hame eeman rakhne ka hukum diya hai woh is farmaan me bayan ki gai hai:

۩ Rasool ﷺ Eemaan Laaye Us Cheez Par Jo Un Ki Taraf Allah Ta’ala Ki Jaanib Se Utri Aur Momin Bhi Eemaan Laaye, Ye Sab, Allah Ta’ala Aur Us Ke Farishto Par Aur Us Ki Kitaabo Par Aur Us Ke Rasoolo Par Eemaan Laaye, Us Ke Rasoolo Mein Se Kisi Mein Hum Farq Nahi Karte, Aur Wo Kahte Hai Ke Hum Ne Suna Aur Ita’ath Ki, Hum Teri Baqshish Talab Karte Hai, Aye Hamaare Rab! Aur Hamein Teri Hee Taraf Lautna Hai.

Surah Baqarah ﴾2﴿, ayat-285.

Aur RasoolAllah ﷺ ne Hadees e Jibrael me ye farmaya hai,

۩ Jibrael a.s. ne pucha, Eeman kya hai?

RasoolAllah ﷺ ne farmaya, “Eeman Ye Hai Ke Tum Allah Par, Aur Uske Farishto Par Aur Roz e Hashar Allah Ke Huzur Pesh Hone Par Aur Allah ke Rasoolo Par Eeman Lao Aur Qayamat Ka Yaqeen Karo.”

Sahih al-Bukhari, kitab al eemaan ﴾2﴿, hadees- 50. [hadees ka hissa]

Toh Islam me aqeedah ye hua ke woh masail  jin ke mutaliq Allah taala aur us ke Rasool ﷺ ki taraf se sahih khabar di gayi hai aur jin ka Musalman par Allah aur us ke Rasool ﷺ ki tasdeeq karte hue eeman rakhna wajib hai.

Wa Allahu aalam.
•٠•●●•٠•

source: Islamqa
Note: This article has been edited without changing the meaning from primary source for better understanding of the readers.
Read More »

25 Oct 2018

Allah Aur Rasool Ka Faisla Hi Aakhri Faisla Hai

hi  -
Allah ‎ﷻ farmate hai,

Aur Kisi Momin Mard Aur Kisi Momin Aurat Ko Ye Haq Nahi Hai Ki Jab Allah Taala Aur Uska Rasool Kisi Muamle Ka Faisla Kar De Toh Unke Liye Khud Apne Muamle Me Ikhtiyaar Ho Aur Jo Allah Taala Aur Us Ke Rasool Ki Nafarmani Karega Toh Yakeenan Woh Gumraah Ho Gaya, Waazeh Gumraah hona.

Quran, Surah Al Ahzab (33), Ayat-36. [Tarjuma-Nighat Hashmi]

۩ Is ayat ki tafseer me Imam ibn Kaseer farmate hai,

“Ye Ayat hukm ke aetebaar se aam hai aur ye (ayat) har muamle me laagu hoti hai, wo ye ki jab Allah aur uska Rasool koi faisla karde, toh ye kisi ka haq nahi ki wo iske khilaf jaye aur iske mutallik kisi ke paas koi ikhtiyaar ya zaati raaye wa qiyas ki jagah nahi hai.

Allah farmate hai,

So Qasam Hai Tere Parwardigaar Ki! Ye Momin Nahi So Sakte Jab Tak Ke Tamaam Aapas Ke Ikhtilaf Me Aap Ko Haakim Na Maan Le, Fir Jo Faisle Aap Un Me Karde Un Se Apne Dil Me Kisi Tarah Ki Tangi Aur Na-khushi Na Paaye Aur Farmabardari Ke Sath Qubool Karle.

Lihaaza iske khilaf jane ke muamle ko is tarha ke sakht alfaz me khitaab kiya gaya hai

Aur Jo Allah Taala Aur Us Ke Rasool Ki Nafarmani Karega Toh Yakeenan Woh Gumraah Ho Gaya, [33:36]

Ye is ayat ki tarha hai

Jo Log Hukm e Rasool Ki Mukhalifat Karte Hai, Unhe Darte Rahna Chahiye, Ke Kahi Un Par Koi Zabardast Aafat Na Aa Pade Ya Unhe Dardnaak Azaab Na Pahonche.

Surah Noor (24), ayat-63.” end quote.

Tafseer ibn Kaseer, Surah-33, ayat 36.

۩ Is Ayat ki tafseer me Imam Tabari (d. 310 a.h.) farmate hai,

“(Jis chiz me Allah ya uska Rasool faisla karde) Usme apna ikhtiyar rakhna Allah aur uske Rasool ﷺ ki na-farmani hai aur aesa banda khuli gumrahi me hai.”

Tafseer at-Tabari,  Surah-33, ayat 36.

Toh jab Allah ya uske Rasool ﷺ se koi baat sabit ho jaye to fir ye nahi dekhna chahiye ki hamare buzurg, aslaaf, imam ki kya raaye hai is par. Ye hukm ke aetebar se hai. Ha agar koi ilm hasil karne ke liye ya koi dusre jayz maqsad se kisi ki raaye dekhta hai to isme koi harj nahi hai kyuki Quran khud kahta hai ki jab ilm na ho toh ahle ilm se pucho (21:7).

۩ Isi talluq se Imam Shafi (tabe-tabaeen) kahte hai:

“Ulema ka is par Ijma hai ki jab Nabi ﷺ ki sunnat kisi par waazeh ho gai hai toh fir ye us par halaal nahi ki kisi aur ke kahne se ise chor de.”

Ibn al-Qayyim Ailaam al Moqiyeen (2/361), Fulaani (safa. 68).

۩ Shaykh Sulaymaan ibn ‘Abd-Allaah kahte hai:

“Balki Momin par hatman farz hai ke Jab use Kitabullah aur Sunnat e Rasoolullah ﷺ pahunche aur iske maane (meaning) ka ilm hojaye chahe wo kisi bhi cheez me ho toh us par amal kare, chahe wo kisi ke bhi mukhalif ho, hamare Parwardigaar tabaarak wa ta'ala aur hamare Nabi ﷺ ne hame yahi hukm diya hai, aur sub ilaqo ke ulema is par muttafiq hai, siwaye be-ilm qism ke muqallideen aur sakht dil logo ke, aur is tarah ke log ulema me shamil nahi hote.”

Tayseer al-‘Azeez al-Hameed, p. 546.

۞ Ab aaiye dekhte hai ki Surah Ahzaab ki is ayat par sahaba e karaam ne kaise amal kar ke dikhaya.

۩ Salim bin Abdullah r.a. ne bayan kiya ki unhone Ahle Shaam mai se ek shaks se suna, wo Abdullah bin Umar r.a. se Hajj me Umra se fayda (Hajj e Tamattu) ke bareme puch raha tha. Toh Abdullah bin Umar r.a. ne kaha, "Ye jayz hai". Is par Shaami (sham ka rahne wala) ne kaha, " (Lekin) Apke ke walid (Umar r.a.) ne to isse roka hai?
Abdullah ibn Umar ne kaha, "Zara tum ye batao, agar mere walid kisi chiz se roke aur RasoolAllah ﷺ ne use kiya ho toh mere walid ke hukm ki pairwi ki jayegi ya RasoolAllah ﷺ ki, toh usne kaha, "RasoolAllah ﷺ ke hukm ki", toh unhone kaha, "RasoolAllah ﷺ ne aesa kiya hai".

Jamia Tirmizi, Kitab al Hajj, hadith-824. Classed as Sahih by Shaykh Zubair Ali Zai.

۩ Sa`id bin Al-Musaiyab r.a. riwayat karte hai, Umar bin khattab r.a. Masjid mein tashreef laaye toh Hassaan r.a. shayari padh rahe the. (Umar r.a. ne shayri padhne ko na-pasand kiya) Is par Hassan ne kaha, "Mai isi Masjid me shayri padha karta tha un (RasoolAllah ﷺ) ki maujudgi me jo Ap se behtar the. Fir Hassan r.a. Abu Huraira r.a. ki taraf mude (turned) aur kaha ki Mai tumhe Allah ka waasta de kar puchta hu ki Kya Rasool ﷺ ko tum ne ye farmaate nahi suna tha ki 'Aye Hassan! (Kuffar Makkah Ko) meri taraf se (shayri me) jawab do, Aye Allah Roohul Quddus ke zarye Hassan ki madad kar. Abu Huraira r.a. ne kaha, "Ji Ha (maine ye suna tha)".

Sahih al Bukhari, Book of Beginning of Creation, hadith-3212.

۩ Ikrimah r.a. kahte hai ke Ali r.a ne kuch aise logo ko zinda jala diya tha jo Islam se murtad ho gaye the. Jab Ibn Abbas r.a. ko ye baat malum hui to unhone kaha: "Agar (Ali r.a ki jagah) mai hota to inhe qatal karta, kyunki Rasool ﷺ ka farmaan hai "Jo apne Deen ko badal daale use qatal kar dalo." Aur mai inhe jalata nahi kyunki Rasool ﷺ ka farman hai "Allah ke azaab (yaani jalana) jaisa azaab na do".

Fir is bat ki khabar Ali r.a. ko hui to unhone kaha, "Ibn Abbas Ne Sach Kaha."

Jamia Tirmizi, Kitab Al-Hudud, hadith-1458. Classed as Saheeh Hasan by Imam Tirmizi and Sahih by Shaykh Zubair Ali Zai.

۩ Mujahid riwayat karte hai ki Ibn Abbas r.a. se marwi hai ki ek martaba wo Ameer Muawiya r.a. ke sath Baitullah ka tawaaf kar rahe the, Ameer Muawiya r.a. khana e Kabah ke tamam kono (corners) ko chhune lage, Ibn Abbas r.a. ne unse kaha ki Ap un Do (2) kono ko kyu chhu rahe hai jab ki  Nabi ﷺ ne un (kono) ko nahi chhua ? Unhone farmaya ki Baitullah ke kisi hisse ko chhora nahi ja sakta.
Is par Ibn Abbas r.a. ye ayat padhi ki tumhare liye Paigambar e Islam ﷺ ki zaat me behtareen misaal maujud hai. [Quran, 33:21]. Muawiya r.a. ne farmaya ki Ap ne sach kaha.

Musnad Imam Ahmad, volume-2, Hadith-1877.

•٠•●●•٠•

Allah se dua hai ki wo hame sirat e mustaqeem ata kare. aameen.
Read More »

8 Jan 2018

Islami Aqeede Ke Mutaaluk Quran Aur Sahi Ahadees Ki Roshni May Sawalo Ke Jawabat


۞1. Allaah Ne Hume Kisliye Paida Kiya?
۩ “Aur Mai (Allaah) Ne Jinno Aur Insano ko Sirf Isliye Paida Kiya Ke Wo Meri Ebaadat Kare”. [SurahAl’Zariat:56]
“Tera Rubb Saaf’Saaf Hukum De’Chuka Hai Ke Uske Siwa KisiKi Ebaadat Na Kare”.[Surah Bani’Israil:23]. Tauheed Parast bane aur Shirk Se Bache.
Read More »

3 Jan 2018

Sirf Allah Se Hi Madad Kyu ?


Abu Zarr r.a. se riwayat hai ki unhone Rasoollullah ﷺ se suna ki Allah Subhanahu ne farmaya:

"Aye Mere bando maine zulm ko apne upar haram kiya hai aur tum par bhi haram kiya... to ek doosre per zulm na kiya karo"

"Aye mere bando tum sab gumraah ho siwa uske jise maine hidayat di.. Tum mujhse hidayat maango mai tumhe hidayat dunga"

"Aye mere bando tum sab bhooke ho siwa uske jisey mai ne khana khilaya...Tum mujhse khana maango. Mai tumhe khana dunga.."

"Aye mere bando tum sab nange ho siwa uske jisey maine libas pehnaya..Tum mujhse libas maango. Mai tumhe libas dunga"

"Aye Mere bando tum raat din gunaah karte ho aur main sab gunaahon ko maaf krta hoon...to bakhshish maango mujhse main bakhshunga tumko"

"Aye mere bando tum mera kuch nuksaan nahi kar saktey aur na mujhko faayda pahuncha saktey ho.
Ai mere bando agar tumhare agle aur pichle aur aadmee aur jinnat sab aisey ho jaaye jaisey tum mein ka bada parhezgar to meri sultanat mein kuch afzayeesh (Addition) na hogi aur tum mein agle aur peechle aur admee aur jinnat sab milkar aise ho jaye jaise zameen ka bada badkaar shaksh to meri Saltanat mein se kuch kami na hoga"

"Aye mere bando agar tumhare agle, pichle aur aadmee aur Jinnat sab ek maidan mein khade ho phir mujhse maangna shuru kare aur main har ek ko jitna maange de du tab bhi mere paas jo kuch hai wo kam na hoga magar itna jaise dariya mein suyee daal kar nikal lo."

"Aye mere bando ye tumhare hi aamal hain jinko tumhare liye shumar karta rahta hun phir tumko in aamal ka pura badla dunga... to jo shaksh behtar badla paye use chahiye ki Allah Subhanahu ka shukr kare ki uski kamayee bekar na gayee aur jo bura badla paye to apney hi aapko bura samjhe."

Hazrat Said r.a. ne kaha ki Abu Idris jab ye hadith bayan karte to apne ghutno ke bal gir padte the.

Sahih Muslim, Vol-6, hadith- 6572.
Read More »

1 Jan 2018

Kya Nabi ﷺ Ko Ilm E Gaib Tha ?


Bismillahir rahmanir raheem

Bhaioo/Behno, waisay to aik hawaala hi kaafi tha sabit kernay ke liay kiunki deen ke muamlay mein humaara rawayya سمعنا و اطعنا “hum nay suna aur hum nay ata’at ki” waala hoona chaaheyay. Aur mukhalifaana aur jhagray waala andaaz ke سمعنا و عصينا “hum nay suna aur hum nahein maantay” waala nahein hoona chaheyay. Jaisa ke Quran mein kitni piyaari ayat hai:

mominon ki baat to yahi hoti hai ke jab unhein Allah aur Uss ke Rasool ﷺ ki taraf bulaaya jaata hai ta-ke wo un ke darmian faisla karay to wo kehtay hein ke hum nay suna aur maan lia aur wohi loog nijaat paanay waalay hein.

[Surah Noor, Ayat#51]

Ghaib ke silsilay mein Rasool Allah ﷺ ke mutalliq main yahaan 2 zamanoon ka zikar karenge jo ke 2 posts per mushtamil ho ga InshAllah:

-- Nabuwwat se pahle ka zamaana

-- Nabi bananay se lay ker faut honay tak ka zamaana

Quran mein in maqamaat per Allah ne farmaaya hai ke Nabi bananay se pahle Rasool Allah ﷺ ko in batoon ka ilm na tha:

"aur issi tarha Hum ne apnay hukam se aik rooh taire taraf bhaije, tujh ko ye bhi maloom nahein tha ke kitaab kia cheez hai aur na emaan maloom tha laikin Hum ne quran ko aik noor banaaya, Hum apnay bandoon mein se jis ko chahatay hein iss quran se rah per laga daitay hein aur bay-shak aap seedhi rah ki taraf rahnumaee kertay hein."

[Surah Shuraa, 42:52]

"aur aap (Aye Nabi!) gharbi jaanib nahien the jab Hum ne Moosa ko hukam bhaija aur na uss waqayay ko daikhanay waalay the laikin Hum ne bohat se naslein paida kein phir un per muddat daraaz guzri aur tu (Aye Nabi!) madyan waloon mein nahein rehta tha ke unhein Humari aayatein sunaata laikin hum rasool bhaijatay rahay aur tu (Aye Nabi!) tuur ke kinaaray per na tha jab Hum ne awaaz di laikin tairay Rab ka yeh in'aam hai takay un logoon ko daraayay jin ke paas tujh se pahle koi daraanay waala nahein aaya, takay wo nasehat hasil karein."

[Surah Qasas, 28:44-46]

"aur tumhein (Aye Nabi!) umeed na thi ke tum per kitaab utaari jayay gi magar tumhaaray Rab ki meharbaani hue phir tum hargiz kafiroon ki taraf-daari na kerna."

[Surah Qasas, 28:86]

yaani tuur per jab Hum ne Moosa a.s. se kalaam kia aur ussay wahi aur risaalat se nawaaza to Aye Mohammad ﷺ ! tu na wahaan mojood tha aur na yeh manzar daikhanay waloon mein se tha balkay ye ghaib ki wo baatein hein jo Hum wahi ke zareyay tujhay batlaa rahay hein jo iss baat ki daleel hein ke tu Allah ka sacha paighambar hai kiunki na tu nay yeh baatein kisi se seekhi hein na khud hi in ka mushaahida kia hai. yeh mazmoon aur bhi kayee jaga bayaan kia gaya hai. (mazeed hawaala-jaat ke liay daikheyay Al-Imran:44 , Yunus:16 , Hood:49 , Yusuf:3'102 , Al-Zuhaa:7) (yaani Aap ﷺ us waqt hazir-o-nazir na the).

Jo Sahih hai Allah uss ko maananay ki tofeeq ata farmayay, aur jo ghalat hai usay humaaray dilon say nikaal day. Aur agar iss post mein koi ghalati hai to Allah usay theek kernay ki tofeeq ata farmaayay, aameen. Alhamdulillaah.BISMI ALLAHI ALRRAHMANI ALRRAHEEMI

-- Nabuwwat se pahle ka zamaana

-- Nabi bananay se lay ker faut honay tak ka zamaana

Allah nay guzashta-o-ainda ke bay-shumaar waqi'aat, barzakh aur qabar ke haalaat, maidaan-e-mahshar ke naqshay, jannat aur dozakh ki kaifiat, al-gharz wo tamaam uloom jo Aap ﷺ ke shayaan-e-shaan the, wo sab Aap ﷺ ko ata kiay aur un ka andaaza Allah ke siwa kisi ko nahein. aur makhlooq ke mehdood ilm ko Allah ke ghair-mehdood ilm ke saath koi nisbat nahein. yahi waja hai ke Quran mein jaga jaga 'aalim-ul-ghaib ka lafz Allah ki khaas sift ke toor per zikar kia gia hai aur bohat si jaga Rasool ﷺ se 'aalim-ul-ghaib honay ki nafi ki gae hai aur yeh lafz Quran-o-Hadeeth mein kahein nahein ayaa ke Rasool Allah ﷺ 'aalim-ul-ghaib hein.

isi tarha bohat se ahadeeth mein bhi yeh mazmoon irshaad hua hai. un ayaat-o-ahadeeth ko naqal kia jayay to uss ke liay aik zakheem kitaab bhi kafi nahein hogi aur ulima-e-haq ka yahi maslak hai ke Allah ke siwa kisi ko 'aalim-ul-ghaib kehna durust nahein:

"keh do ke Allah ke siwa aasmaanoon aur zameen mein koi bhi ghaib ki baat nahein jaanta aur unhein iss ki bhi khabar nahein ke wo kab uthaayay jayein gay."

[Surah Namal, 27:65]

Umm-ul-Mu'mineen Hazrat A'isha Siddiqah (may Allah be please with her) ka irshaad hai ke jo shakhs yeh kahay ke Rasool ﷺ ghaib jante the uss nay Allah per buhtaan baandha. [Sahih Bukhari, Kitaab-ul-Tafseer (Surah wa-Najam), Hadith#4855]

ab Quran aur Sahih Ahadeeth ki kitaaboon se kuch hawalaa-jaat iss silsilay mein darj kiay jaatay hein...

Quran-o-Hadeeth se hawaala-jaat:

-- Hazrat A'isha r.a. per ifk ka muamala, jis ki haqeeqat ka Rasool ﷺ ko wahi se pahle ilm na hua.

[Surah Noor, 24:16-26 ' Bukhari, Kitaab Al-Maghaazi, Hadith#4141]

-- shehed ka waqi'a jis mein Rasool ﷺ ki do bewioon nay mansooba-bandi ki aur us ke natejay mein Rasool ﷺ nay apnay ooper shehed haraam farma lia, baad mein Allah ne Aap ﷺ ko saari baat bata di.

[Surah Tehreem, 66:1-4 ' Sahih Bukhari, Kitab-ul-Tafseer, Hadith#4912'5267'5268]

-- Hum nay kuch paighambaroon ka haal tujh se bayaan kia , kuch ka na kia.

[Surah Nisa, 4:164]y

aad rahay ke Quran mein to sirf 25 anbia-o-rusl ka zikar aur un ki qoomoon ke halaat bayaan kiay gayay hein, jab-ke anbia ki kul taadaad bohat ziada hai.

-- paighambaroon se Allah poochay ga tumhein kia jawaab mila? wo kahein gay humein pata nahein hai.

[Surah Maidah, 5:109]

-- Allah ke siwa kisi ko pata nahein ke wo kab uthaayay jayein gay.

[Surah Namal, 27:65]

-- 5 ghaib Allah ke siwa koi nahein jaanta.

[Surah Luqmaan, 31:34]

-- Qayamat ke waqt ka Rasool Allah ﷺ ko pata nahein.

[Surah Ahzab, 63 ' Surah Shoora, 17 ' Surah A'raaf, 187 ' Surah Ta-Ha, 15 ' Surah Namal, 65 ' Surah Luqman, 34 ' Surah Fussilat, 47 ' Surah Zukhruf, 85 ' Surah Mulk, 25-26]

-- Aap ﷺ nay wafaat se aik mah pahle farmaya qayamat ke waqt ka ilm sirf Allah ko hai.

[Sahih Muslim, Hadith#2538]

-- Allah ke lashkaroon ko Allah ke siwa koi nahein jaanta.

[Surah Muddassir, 74:31]

-- Abdullah bin Umm-Maktoom r.a. naabeena sahabi ka qissa aur wahi.

[Surah 'abasa, 80:1-12]

-- madina aur us ke ird-gird kuch munafiq hein, nifaaq per aray huay, aap un ko nahein jante, Hum jante hein.

[Surah Taubah, 9:101]

-- Rasool Allah ﷺ ka aasmaanoon per tashreef lai jaana aur Jibreal a.s. se baar baar pochna yeh koon hein. paanch dafa poocha yeh koon hein. phir mujhay Jibreal a.s. sidra-tul-muntahaa tak lai gayay jis ke rangon ka mujhay ilm nahin ke kaisay hein.

[Sahih Bukhari, Kitaab As-Salaah, Hadith#349'4233 ' Sahih Muslim, Kitaab Ul-Emaan, Hadith#163]

-- Rasool Allah ﷺ nay farmaaya: "mein nay khuwaab mein daikha ke aik aadmi bait-ullah ka tawaaf ker raha hai. maine poocha yeh koon buzurg hein to farishtoon nay bataaya ke yeh Maseeh ibn Maryam ('alaiha ssalaam) hein phir meine aik shakhs ko tawaaf kertay daikha maine poocha yeh koon hein? farishtoon nay bataaya yeh dajjaal hai."

[Sahih Bukhari, Hadith#6999 ' Sahih Muslim, Kitaab Ul-Emaan, Hadith#169]

-- Hazrat A'isha r.a. nay farmaya ke jo shakhs bhi tum se yeh 3 baatein bayan karay wo jhoota hai ke:1. Rasool Allah ﷺ nay apnay Rab ko daikha2. Rasool Allah ﷺ aanay waalay kal ki bat jante hein aur3. jo kahay ke Rasool Allah ﷺ nay tabligh-e-deen mein koi baat chupaee thi.

[Sahih Bukhari, Kitaab Al-Tafseer (Surah wa-Najam), Hadith#4855 ' Sahih Muslim, Kitaab Al-Emaan, Hadith#177]

-- Rasool Allah ﷺ nay farmaya: "dozakh mein aankray hoon gay, un ke tool-o-arz ko siwayay Allah ke koi nahein janta."

[Sahih Bukhari, Hadith#6573 ' Sahih Muslim, Kitaab Ul-Emaan, Hadith#182]

-- fatah makkah ke moq'ay per Rasool Allah ﷺ ki khidmat mein Hazrat Umm-u-Haani (may Allah be please with her) hazir huein. wo bayan kerti hein ke Aap ﷺ ghusl ker rahay the aur aap ki baiti Hazrat Fatima r.a. parda kiay huay thein, maine Aap ﷺ ko salaam kia. Aap ﷺ nay poocha koon hai? maine bataya ke mein Umm-u-Haani hoon.

[Sahih Bukhari, Kitab Al-Ghusl, Hadith#280]

-- aik safar mein Hazrat A'isha r.a. ka haar gum ho gayay. Rasool Allah ﷺ aur loog Aap ﷺ ke saath thaher gayay. Hazrat A'isha (may Allah be please with her) ke walid-majid bohat khafa huay, baad mein uss oont ko khara kia gaya jis per Hazrat A'isha r.a. sawaar thein to haar usi ke neechay se mil gaya.

[Sahih Bukhari, Hadith#334'3672 ' Sahih Muslim, Kitaab Al-Haiz, Hadith#367]

-- Aap ﷺ ke marz-ul-wafaat mein jab aap ka marz berh gayay to aap baar baar bay-hoosh huay, jab hoosh aata to farmatay kia logoon nay namaaz perh li hai? arz kia jaata nahein, loog Aap ﷺ ka intizaar ker rahay hein. aisa 3 baar hua.

[Sahih Bukari, Kitaab Ul-Azaan, Hadith#687 ' Sahih Muslim, Kitaab Us-Salaah, Hadith#418]

-- Rasool Allah ﷺ nay 40 ya 70 quran ke aalim sahaba ki aik jamat mushrikeen ke paas bhaiji thi, unhoon nay un ko shaheed ker daala. Rasool Allah ﷺ bohat ranjeeda aur ghamgeen huay.

[Sahih Bukhari, Kitaab Ul-Witr, Hadith#1001'1300]

-- Rasool Allah ﷺ soyay rahay, Hazrat Abu Bakar (may Allah be please with him), Hazrat Umar r.a. bhi soyay rahay, sooraj poori tarha nikal aaya aur subh ki namaaz waqt per na perh sakay.

[Sahih Bukhari, Hadith#595 ' Sahih Muslim, Hadith#680'681]

-- Hazrat A'isha r.a. farmati hein ke Rasool Allah ﷺ mairay paas ayay. us waqt aik aurat mairay paas baithi thi. Aap ﷺ nay yeh daryaaft farmaya: "yeh koon hai?" maine arz kia falaa_n aurat hai.

[Bukhari: 1151]

-- Hazrat A'shia r.a. nay bayan kia ke jab Rasool Allah ﷺ badal ka koi aisa tukra daikhtay jis se barish ki umeed hoti to Aap ﷺ ke chehra-e-mubarak ka rang badal jata aur farmaatay mein nahein jaanta mumkin hai yeh badal bhi waisa hi ho jis ke baaray mein qoom-e-'aad ne kaha tha ke yah badal hum per barasnay wala hai, halaankay us mein dard-naak azaab tha.

[Bukhari: 3206]

-- aik dafa sooraj-girehen hua to Aap ﷺ bohat ghabraa ker uthay, iss dar se ke kahein qayamat na qaim ho jayay.

[Bukhari: 1059 ' Muslim: 912]

-- jab Aap ﷺ ki baiti Hazrat Zainab r.a. ki wafaat hue to Aap ﷺ tashreef layay aur farmaya: "ghusl se farigh honay per mujhay khabar daina." phir ghusl se farigh honay ke baad Aap ﷺ ko khabar di gae.

[Bukhari: 1254'1258 ' Muslim:939]

-- aik sahabi ya sahabiah faut ho gae laikin Rasool Allah ﷺ ko uss ki wafaat ki khabar kisi nay na di. aik din Aap ﷺ nay khud yaad farmaya ke wo shakhs dikhae nahein daita. sahaba (may Allah be pleased with them all) nay kaha uss ka to intiqaal ho gaya. Aap ﷺ nay farmaya: "phir tum nay mujhay khabar kiun na di, chalo mujhay uss ki qabar bata do."

[Bukhari: 458 ' Muslim: 956]

-- Hazrat Abu Zar Ghaffari r.a. nay daikha Rasool Allah ﷺ raat ko akailay chal rahay the, Hazrat AbuZar r.a. Rasool Allah ﷺ ke peechay chalnay lagay. uss ke baad Rasool Allah ﷺ muray, AbuZar r.a. ko daikha aur daryaft farmaya: "koon hai?" janab AbuZar r.a. nay arz kia Abu Zar.

[Bukhari: 6443]

-- 2 auratein Aap ﷺ ke darwazay per ayein, un ke saamnay se Hazrat Bilal r.a. guzray. unhoon ne Hazrat Bilal r.a. se kaha humaray liay yeh masala Rasool Allah ﷺ se poochein aur humara naam na laina. Hazrat Bilal r.a. andar gayay aur Rasool Allah ﷺ se arz kia ke 2 auratein yeh masala daryaft kerti hein. to Rasool Allah ﷺ nay farmaya: "yeh donoo koon hein?" Bilal r.a. nay arz kia Zainab naam ki hein. Aap ﷺ nay farmaya: "koon si zainab?".

[Bukhari: 1466 ' Muslim: 1000]

-- Rasool Allah ﷺ nay farmaya: "mein apnay ghar jata hoon, wahaan mujhay mairay bistar per khajoor pari hue milti hai, mein usay khaanay ke liay utha laita hoon laikin phir yeh dar hota hai ke kahein yeh sadqa ki khajoor na ho to mein usay phaink daita hoon."

[Bukhari: 2432 ' Muslim: 1070]

-- Rasool Allah ﷺ ki khidmat mein koi khaanay ki cheez layee jaati to Aap ﷺ daryaft farmatay yeh tuhfa hai ya sadqa. agar kaha jata ke sadqa hai to Aap ﷺ apnay ashaab se farmatay ke khaoo.

[Bukhari: 2576 ' Muslim:1077]

-- Rasool Allah ﷺ nay farmaya: "mujhay laila-tul-qadr dikhae gae laikin phir bhulwa di gae."

[Bukhari: 2016 ' Muslim: 1167]

-- hajj ke moq'ay per Rasool Allah ﷺ makkah mein Hazrat A'isha r.a. j yahaan tashreef layay, wo ro rahi thein. Aap ﷺ nay daryaft farmaya ke kiun ro rahi ho? maine arz kia Allah ki qasam! meine iss saal hajj nahein kia. Aap ﷺ nay poocha shayad ke to haiza ho gae hai? maine kaha haan!.

[Bukhari: 305]

-- hajj ke moq'ay per Rasool Allah ﷺ nay sahaba ikraam (may Allah be pleased with them all) se farmaya: "tum halaal ho jao, agar mujhay wo baat pahle maloom ho jati jo baad mein maloom hue to mein qurbani ka janwar saath na lata." [Bukhari: 1568 ' Muslim: 1216]

-- fatah makkah ke din aik shakhs ne aa ker khabar di ke ibn Khattal ghalaaf-e-kaaba ke pardoon se latak raha hai. Aap ﷺ nay farmaya ke ussay qatal ker do.

[Bukhari: 3044 ' Muslim: 1357]

-- Rasool Allah ﷺ nay Hazrat Abd-ul-Rahman bin ‘Ouf per zardi ka nishaan daikha to poocha ye kiya hai? unhon nay arz kia ke maine nikah kia hai.

[Bukhari: 5155 ' Muslim: 1426]

-- Ghazwa-e-Khaibar ke waqt Rasool Allah ﷺ ke paas Hazrat Dihya r.a. aayay aur arz ki ke mujhay koi baandi inaayat kijeyay. Aap ﷺ nay farmaaya jao baandi lay lo. Unhon nay safiya bint-e-huyayye ko lay liya. Phir aik shakhs Rasool Allah ﷺ ki khidmat mein hazir hua aur arz ki ke Aye Allah ke Rasool! Safiya to sardaar ki baiti hai, unhein Aap ﷺ nay Dihya r.a. ko day diya, wo to sirf aap hi ke liay munaasib thein. Iss per Aap ﷺ nay farmaaya ke Dihya ko safiya ke saath bulao. Wo laayay gayay, jab Rasool Allah ﷺ nay unhein daikha to farmaaya ke qaidyon mein say koi aur baandi lay lo. Phir Aap ﷺ nay Hazrat Safiya r.a. ko azaad ker diya aur unhein apnay nikah mein lay lia.

[Bukhari: 371 ' Muslim:1365]

-- Sahaaba Ikraam (may Allah be pleased with them all) nay qaidi auraton say ‘azl kia phir unhon nay Rasool Allah ﷺ say iss ka hukam poocha to Aap ﷺ nay farmaaya: “kiya tum waqa’e aisa kertay ho?” teen martaba ye farmaaya.

[Bukhari: 5210 ‘ Muslim: 1438]

-- Rasool Allah ﷺ Hazrat Aisha r.a. ke ghar tashreef laayay to wahan aik sahib baithay huay the. Aap ﷺ nay daryaaft farmaaya Aisha! Ye koon hai? mein nay arz kia ye maira razae bhai hai.

[Bukhari: 2647 ‘ Muslim: 1455]

-- Hazrat Jabir bin Abdullaah r.a. nay bayan kia ke mein nay shaadi ki to Rasool Allah ﷺ nay mujh say daryaaft farmaaya ke kis say shaadi ki hai? mein nay arz kia aik baiwa aurat say. Aap ﷺ nay farmaaya kanwaari say kiun na ki? Mein nay arz kia mairay waalid shaheed ho gayay aur unhon nay kae larkian choori hein, iss liay maine ye pasand nahein kia ke un ke paas unhi jaisi larki biyah laoon, iss liay mein nay aik aisi aurat say shaadi ki hai jo un ki daikh-bhaal ker sakay.

[Bukhari: 2097 ‘ Muslim]

-- Rasool Allah ﷺ ke saamnay aik sahaabi nay shikaayat ki ke uss nay apni beewi ko aik ghair mard ke saath tanhai mein paaya aur Rasool Allah ﷺ say arz kia ke iss muamlay ka faisla farma dein. Phir Rasool Allah ﷺ nay dua ki ke Aye Allah! Iss muamlay ko saaf ker day chunaachay uss aurat nay bacha ussi mard ki shakal ka jna jis ke mutalliq shoohar nay dawa kia tha ke ussay unhon nay apni beewi ke saath paaya tha. Rasool Allah ﷺ nay miyaan-beewi ke darmian la’an karaaya.

[Bukhari: 5316 ‘ Muslim: 1497]

-- Hazrat Jabir bin Abdullah r.a. nay bayan kia ke mein aik martaba bemaar para, Rasool Allah ﷺ aur Abu Bakr r.a. paidal mairi ‘ayaadat ko tashreef laayay. Mein nay arz kia Aye Allah ke Rasool! Mein apnay maal mein kiya karon, kis tarha iss ka faisla karon? Rasool Allah ﷺ nay mujhay koi jawab na diya, yahan tak ke meeraas ki ayat nazil hue.

[Bukhari: 4577 ‘ Muslim: 1616]

-- Hazrat Nauman bin Basheer r.a. nay bayan kia ke un ke waalid unhein Rasool Allah ﷺ ki khidmat mein laayay aur arz kia ke mein nay apnay iss baitay ko aik ghulam batoor-e-hiba diya hai. Rasool Allah ﷺ nay daryaaft farmaaya kiya aisa hi ghulam doosray larkon ko bhi diya hai. unhon nay jawab diya ke nahein to Aap nay farmaaya phir wapis lay lay.

[Bukhari: 2586 ‘ Muslim: 1623]

-- Aik qabeelay ke 8 afraad Rasool Allah ﷺ ke paas aayay aur aap say islam per bai’t ki, wo bemaar per gayay to aap nay un say kaha humaaray charwaahay ke saath uunton mein chalay jao, uunton ka doodh aur paishaab piyo. Wo gayay, uunton ka doodh aur paishaab piya aur sehat-mand ho gayay. Phir unhon nay Rasool Allah ﷺ ke charwaahay ko qatal ker diya aur jaanwar bhaga ker lay gayay. Iss ki itlaa’ tab Rasool Allah ﷺ ko pohanchi to aap nay un ki talaash mein aadmi bhaijay, wo pakray gayay aur laayay gayay. Rasool Allah ﷺ nay un ko saza di.

[Bukhari: 3018 ‘ Muslim: 1671]

-- Jang-e-Badar ke din 2 larkon nay apni talwaarein sanbhaalein aur abu-jahl per jhapat paray aur hamla ker ke uss ko qatal ker daala. Iss ke baad Rasool Allah ﷺ ki khidmat mein haazir ho ker Aap (sallallahu ‘alaihi wasallam_ ko khabar di. Rasool Allah ﷺ nay poocha ke tum donon mein say kis nay usay maara? Donon nojawaanon nay kaha ke maine qatal kia hai to Aap ﷺ nay un say poocha kiya tum nay apni talwaarein saaf ker li hein. unhon nay arz kiya ke nahein, phir Rasool Allah ﷺ nay donon talwaaron ko daikha aur farmaaya ke tum donon hi nay usay maara hai.

[Bukhari: 3141 ‘ Muslim:1752]

-- Jab Rasool Allah ﷺ ghazwa-e-khandaq say wapis huay aur hathyaar rakh ker ghusl kia to Jibreel (‘alaihissalaam) Aap ﷺ ke paas aayay aur wo apnay sar say ghubaar jhaar rahay the. unhon nay Rasool Allah ﷺ say kaha Aap nay hathyaar rakh diyay, Allah ki qasam! Abhi maine hathyaar nahein utaaray, aap ko un per fooj-kashi kerni hai. Rasool Allah ﷺ nay daryaaft farmaaya ke kin per? To unhon nay banu-quraizah ki taraf ishaara kia.

[Bukhari: 4117 ‘ Muslim: 1769]

-- Jang-e-Badar ke din Rasool Allah ﷺ nay farmaaya koon daikh ker aayay ga ke Abu-Jahl ka kiya hue hai? Hazrat Ibn-e-Mas’ood r.a. ma’loom kernay gayay to daikha ke ‘Afraa ke donon larkon nay usay qatal ker diya tha aur uss ka jism thanda para hai.

[Bukhari: 3962 ‘ Muslim: 1800]

-- Rasool Allah ﷺ Hazrat Maimoonah r.a. ke ghar mein daakhil huay, unhon nay bhuna hua saandha aap ki khidmat mein paish kiya, aisa bohat kam hota tha ke aap kisi khaanay ke liay uss waqt tak haath berhaaein jab-tak aap ko uss ke mutalliq bata na diya jaayay ke falaan khaana hai laikin uss din aap nay bhunay huay saandhay ke goosht ki taraf haath berhaaya. Itnay mein wahan mojood auraton mein say aik aurat nay kaha ke Rasool Allah ﷺ ko bata kiun nahein daitein ke iss waqt aap ﷺ ke saamnay jo tum nay paish kia hai wo saandha hai. Aap ﷺ nay apna haath saandhay say hata lia. Khalid bin Waleed r.a. boolay Aye Allah ke Rasool! Kiya saandha haraam hai? aap nay farmaaya: “nahein.”

[Bukhari: 5537 ‘ Muslim: 1946]

-- Rasool Allah ﷺ ki khidmat mein aik sahib bhookay haazir huay, Aap ﷺ nay unhein Azwaaj-e-Mutahharaat ke haa_n bhaija (ta-ke un ko khaana khila dein) Azwaaj-e-Mutahharaat nay kehla bhaija ke humaaray paas paani ke siwa kuch nahein hai. iss per Rasool Allah (sallallah ‘alaihi wasallam) nay farmaaya ke koon in ki mehmaan-nawaazi karay ga? Aik ansaari sahaabi boolay ke mein karon ga.

[Bukhari: 4889’3798 ‘ Muslim: 2054]

-- Hazrat Abu Talha r.a. Rasool Allah ﷺ ki khidmat mein haazir huay aur Aap ﷺ ko waqi’a ki itlaa’ di. Rasool Allah ﷺ nay Hazrat Abu Talha r.a. say daryaaft farmaaya: “tum nay raat ham-bistari bhi ki thi?” unhon nay arz kia je haan! Phir aap nay dua ki to Abu Talha r.a. ke haa_n bacha paida hua, usay Rasool Allah ﷺ ki khidmat mein laaya gaya. Aap ﷺ nay bachay ko lia aur daryaaft farmaaya: “iss ke saath koi cheez bhi hai?” kaha gaya haan khajoorein hein.

[Bukhari: 5470 ‘ Muslim: 2144]

-- Hazrat Jabir r.a. nay bayan kia ke mein Aap ﷺ ki khidmat mein haazir hua. Mein nay darwaaza khatkhataaya. Aap ﷺ nay farmaaya: “koon hai?” mein nay kaha mein. Aap ﷺ nay farmaaya: “mein,mein” jaisay aap ﷺ nay iss ko na-pasand farmaaya.

[Bukhari: 6250 ‘ Muslim: 2155]

-- Aik aadmi Rasool Allah ﷺ ke darwaazay ke sooraakh say andar jhaanknay laga, uss waqt aap ﷺ ke paas loohay ka kanghaa tha, jis say aap ﷺ sar jhaar rahay the. jab Aap ﷺ nay usay daikha to farmaaya: “agar mujhay maloom hota ke tum (jhaanktay huay) maira intizaar ker rahay ho to mein usay tumhaari aankh mein chubho daita.” Phir Aap ﷺ nay farmaaya: “ijaazat lainay ka jo hukam diya gaya wo isi liay hai ke nazar na paray.”

[Bukhari: 6241 ‘ Muslim: 2156]

-- Ek yahoodi aurat Rasool Allah ﷺ ki khidmat mein zehar-mila bakri ka gosht lae, Aap ﷺ nay uss mein say kuch khaay phir jab uss aurat ko laaya gaya to uss nay zehar ka iqraar ker lia to kaha gaya ke kiun na isay qatal ker diya jaaya? Aap ﷺ nay farmaaya: “nahein.” Hazrat Anas r.a. kehtay hein ke uss zehar ka asar mein nay humaisha Rasool Allah ﷺ ke taalo mein mehsoos kiya.

[Bukhari: 2617 ‘ Muslim: 2190]

-- Aap ﷺ ka taweel khuwaab jis mein aap ﷺ nay apna khuwab bayan kertay huay subh sahaaba ikraam (may Allah be pleased with them all) say farmaaya: “raat ko mairay paas do aanay waalay aayay, wo mujhay aik laitay huay shakhs ke paas lay gayay .......... mein nay un dono say poocha: “Subhaan-Allaah! Ye donon kon hein?” mujh say unhon nay kaha aagay berheyay aur hum aik aisay shakhs ke paas pohanchay jo peeth ke bal laita hua tha .......... mein nay kaha: “Subhaan-Allaah! Ye donon kon hein?” unhon nay kaha aagay chaleyay, phir hum aik tanoor-numa garhay per aayay .......... mein nay un donon say poocha: “ye kon loog hein?” unhon nay kaha aagay chaleyay. Phir hum aik nehar per aayay .......... maine un donon say pocha: “ye kon hai?” unhon nay kaha ke aagay chaleyay. Phir hum aik nihaayat bad-soorat aadmi ke paas pohanchay .......... maine un donon say kaha: “ye kiya hai?” unhon nay kaha aagay chaleyay. Phir hum aik baagh mein pohanchay .......... maine poocha: “ye koon hai? ye bachay koon hein?” unhon nay kaha aagay chaleyay. Phir hum aik azeem-u-sshaan baagh mein pohanchay .......... phir unhon nay kaha hum aap ko batayein gay.

[Bukhari: 7047 ‘ Muslim: 2275]

-- Aik raat madina per (aik awaaz sun ker) bara khoof cha gaya. Loog uss awaaz ki taraf berhay laikin Rasool Allah ﷺ sab say aagay the aur aap ﷺ hi nay waqe’a ki tehqeeq ki.

[Bukhari: 2908’2627 ‘ Muslim: 2307]

-- Aik yahoodi Rasool Allah ﷺ ke paas hazir hua aur kaha ke Aap ﷺ ke ashaab mein say aik nay mujhay tamaancha maara hai. Aap ﷺ nay farmaya: “kis nay?” uss nay kaha aik ansaari nay.

[Bukhari: 2412 ‘ Muslim: 2374]

-- Hazrat Abu Hurairah r.a. nay bayan kia ke mein nay Rasool Allah ﷺ say poocha: sab say shareef koon hai? Aap ﷺ nay farmaaya: “jo sab say perhaizgaar hai.” sahaba nay arz kia: hum Aap ﷺ say iss ke mutalliq nahein poochtay. Aap ﷺ nay farmaya: “phir Allah ke Nabi Yusuf bin Nabi ibn-e-Nabi ibn-e-KhaleelilLah.” Sahaba nay kaha: hum iss ke mutalliq nahein poochtay. Aap ﷺ nay farmaaya: “arab ke khaandaanon ke mutalliq poochtay ho? Suno! Jahileyyat mein jo shareef the Islam mein bhi wo shareef hein jab-ke deen ki samajh unhein aa jayay.”

[Bukhari: 3383 ‘ Muslim: 2378]

-- Rasool Allah ﷺ nay hazrat Moosa (‘alaihissalaam) aur hazrat Khizar (‘alaihissalaam) ka taweel qissa bayan kertay huay farmaaya: Allah Moosa per raham farmaayay! Humaari tamanna thi ke Moosa (‘alaihissalaam) kuch dair aur sabar kertay to mazeed waqi’aat un donon ke bayan kiay jaatay.

[Bukhari: 122 ‘ Muslim: 2380]

-- Rasool Allaah ﷺ nay farmaaya: “mein jannat mein gaya, wahan mein nay aik mahal daikha? Maine poocha ye mahal kis ka hai? farishton nay bataaya ye Umar r.a. ka mahal hai.”

[Bukhari: 5226’3679 ‘ Muslim: 2394]

-- Rasool Allah ﷺ Hazrat Fatima r.a. ke ghar tashreef laayay, daikha ke Hazrat Ali r.a. ghar mein mojood nahein hein. aap ﷺ nay daryaaft farmaaya: “tumhaaray chacha ke baitay kahan hein?” Hazrat Fatima r.a. nay bataaya ke un ke darmiaan kuch na-gawaari paish aa gae aur wo mujh say naraaz ho ker kahein bahir chalay gayay hein aur mairay yahan qeloola bhi nahein kia. Uss ke baad Rasool Allaah ﷺ nay aik shakhs say kaha: “Ali r.a. ko talaash karo ke kahan hai?” wo aayay aur bataaya ke masjid mein sooyay huay hein. phir aap ﷺ masjid mein tashreef laayay.

[Bukhari: 441 ‘ Muslim: 2409]

-- Ghazwa-e-Khandaq ke din Rasool Allah ﷺ nay farmaaya: “dushman ke lashkar ki khabar mairay paas koon laa sakta hai?” Hazrat Zubair r.a. nay kaha ke mein.

[Bukhari: 2846’3719’4113 ‘ Muslim: 2415]

-- Rasool Allaah ﷺ Hazrat Fatima r.a. ke ghar ke aangan mein baith gayay aur farmaaya: “wo bacha kahan hai?” Aap ﷺ Hasan r.a. ke mutalliq pooch rahay the.

[Bukhari: 5884’2122 ‘ Muslim:2421]

-- Rasool Allaah ﷺ ki baiti ki wafaat hue (Hazrat umm-e-Klsoom r.a. jo Usman r.a. ki beewi thein aur 9 hijri mein faut huein) aap ﷺ qabar per baithay huay the, Aap ﷺ ki aankhon mein aanso bhair aayay. Aap ﷺ nay farmaaya: “logo! Koi tum mein say aisa bhi hai jo aaj raat aurat ke paas na gaya ho.” Abu Talha r.a. nay kaha mein hazir hoon. Aap ﷺ nay farmaaya: “to phir utro.” Wo un ki qabar mein utray.

[Bukhari: 1342]

-- Hazrat Aisha r.a. per tuhmat ka mukammal qissa aik taweel hadith mein hai. Aap ﷺ nay tuhmat ke baad Hazrat Ali r.a. aur Osaama bin Zaid r.a. say ye sulah ki: “kiya mein Aisha ko choor don.” Aagay jaa ker zikar hai ke Aap ﷺ nay Hazrat Aisha r.a. say farmaaya: “mujhay tairi taraf say aisi aisi khabar pohanchi hai, agar tu paak-daaman hai to Allaah tairi paak-daamni khool day ga aur jo tu phans gae hai to Allah say bakhshish maang, tobah ker.” Ye muamla chalta raha. Aakhir Allaah nay wahi utaar ker Hazrat Aisha r.a. ko paak-daaman qaraar diya.

[Bukhari: 4141]

-- Aik shakhs jo raat ko dafan ker diya gaya, Aap ﷺ apnay sahaaba samait kharay huay aur Aap ﷺ nay poocha: “ye kis ki qabar hai?”

[Bukhari: 1337]

-- Rasool Allah ﷺ nay farmaaya: “qayaamat ke din loog bay-hoosh ho jayein gay, mein bhi bay-hoosh ho jaon ga aur sab say pahle mujh ko hoosh aayay ga, mein kiya daikhon ga ke Moosa (‘alaihissalaam) arsh ka koona thaamay kharay hein. ab mein nahein jaanta ke wo bhi bay-hoosh ho ker mujh say pahle hoosh mein aa jayein gay ya un logon mein say hein jin ko Allah nay bay-hooshi say mustasna rakha hai.”

[Bukhari: 6517]

-- Usman bin Maz’oon r.a. wafaat paa gayay to aap ﷺ nay farmaaya: “Allah ki qasam! Mein Allah ka paighambar hoon magar mein ye nahein jaanta ke mairay saath kiya ho ga aur tumhaara kiya haak ho ga.

[Bukhari: 7018]

-- Rasool Allah ﷺ nay 10 aadmion ko jasoosi ke liay rawaana kia. Un ka sardaar Hazrat Aasim bin Saabit Ansaari r.a. ko banaaya, 7 shaheed ho gayay 3 bach gayay. Unhon nay dua ki ke ya Allaah! Humaari khabar humaaray Paighambar ﷺ ko pohancha day. Baad mein baaqi do bhi shaheed ho gayay aur Hazrat Khubaib r.a. qaidi ban gayay, phir un ko bhi shaheed ker diya gaya.

[Bukhari: 3045]

KUCH SHAK KI WAZAHAT:

Bhaiioon jo baat bata di jae wo Gaib nahi kehlati. or Allah ne Huzoor Ko Bohot si bateen bataen or Wo bateen Huzoor ne Sahaba Ko bataeen

Example: Nabi ﷺ. ka irshad hai 1 Zamana aesa aee ga kay loha (Iron) Asmaan per Fly karay ga

esi taran bohot si Hadeath hain jis me Huzoor ﷺ ne Qurb-e-Qiyamat Kay Halat Sahaba-e-kiram ko batae hain.

to kia Sahaba-e-karam ko bhi Gaib ka ilm tha.

1.Hume ye bhi pata hai kay 1 din Soraj (Sun) maghrib se niklay ga os kay baad tuba kay darwazay Band ho jae gay.

2.Hume ye bhi pata hai kay Kana Dajjal Ae ga or wo kia kia karay ga kahan kahan larai (Jang) ho gi.

3.Hume ye bhi pata hai kay Hazrat Mehdi a.s. ko bhi ana hai

4.Hume ye bhi pata hai kay Yajooj Majooj Aen gay

5.Hume ye bhi pata hai kay Hazrat Eesa a.s. bhi dyuna me tashreef lae gay os kay baad wo yahodioon se jang karay gay

Is taran to Ham Sab ko hi Gaib ka ilm Hua!!!!!!!! .........!!! ???!!!! Mere bhai Gooroo-Fikar Zaroori hai

Behtar yahi hai kay Jo quran w Hadeath me kaha gaya hai us ko man lia jae to Aakhirat me kamyabi hai.

apni logic lara ne ka koi faida nahi....Quran w sunnat pe amal karoo... kia ye ayaats or ye Hadeath hamaray leye kafi nahi....?????

jo in Quran w Hadeath ko nahi man raha Tuba Astgfaaar Karay Kia zamana agaya hai log Quran w Hadeath ko chor kar apni logic Lara rahe hain

Aesa nazar aa raha hai.Baat dil me Zaroor mojod hai Per zaban per lanay me Thori Hichkichahat hai Jese Quran w Hadeath Is zamanay key leye Nakafi hain (Noaaozubillah)

Ae Allah apna karam farma Or reham farma ham jese guanh gaar logo per...

Prepared by:- A.Sayed
Read More »

31 Dec 2017

Allah Kaha Hai ?


۞ QU'RAN

۩ Dalil 1
ٱلرَّحۡمَـٰنُ عَلَى ٱلۡعَرۡشِ ٱسۡتَوَىٰ

Ar Rahmaanu Alal Arshistawa.

Rahmaan Arsh Par Mustawi Hua.

Qur'an (20:05).

►Reference No -01 Soorah Taha(20) - Ayat-5
►Reference No -02: Soorah al-A'raaf (07) - Ayat- 54
►Reference No -03: Soorah al-Furqaan (25)- Ayat-59
►Reference No -04: Soorah ar-Ra'd (13) - Verse-2
►Reference No -05: Soorah Yoonus (10)- Verse-3
►Reference No -06: Soorah as-Sajdah (32) - Verse-4.

۩ Dalil 2

Us Ki Kursi Ki Wasa'at Ne Zameeno Aasmaan Ko Gher Rakha Hai

Surah Baqarah 02:255.

۩ Dalil 3

Allah Subhanahuwatala Eesa Alaihissalaam Se Kah Raha Hai.

Aur Tujhe Apni Janib Uthne Wala Hun...

Surah Aale Imran 03:55.

Note: Agar Allah Har Jagah Hai Toh Kyun Eesa Alaihissalam Ko Oopar Utha Lene Ko Keh Raha Hai...

۩ Dalil 4

Aur Apne Rab Se ''jo Un Ke Upar Hai''...kap Kapate Rehte Hain...

Surah An-nahl 16:50.

۞ SUNNAH

Abdullah ibn Amr ibn al-'As riwayat karte hai:

RasoolAllah ne farmaya: Jo maherbaan hai(Rahmaan) uski rahmat unpar hoti hai jo dusro par rahmat karte hai. Agar tum unpar rahmat karoge jo zameen me hai, toh wo(Allah) tumpar rahmat karega jo Aasmaan me hai.

Sunan Abu Dawud, hadith- 4941. Jamiat-Tirmidhi, hadith- 1924.

۩ Mu'awiyah b. al-Hakam al-Sulami riwayat karte hai:

Maine kaha Allah ke Rasool mere pas ek gulam ladki thi jise maine Thappad mara. Ye sunkar Allah ke Rasool dukhi ho gaye. Maine kaha: Kya mai use aazaad na kardu.

Unhone farmaya usko mere pas lao. Fir maine use unke pas laya. Unhone pucha usse: Allah kaha hai. Usne jawab diya Aasman me. Unhone pucha: Mai kaun hu? Usne jawab diya: Aap Allah ke Rasool hai.

Unhone farmaya: Ise aazaad kardo ye eeman wali hai.

(Reference: Sunan Abi Dawud 3282;Sunan Abi-Dawud English translation: Book 21, Hadith 3276)

۞ SAHABA

۩ Abu Bakr (r.a)

Jo Muhammad ﷺ ki ibadat karta tha to wo wafaat paa gaye hai aur Jo Allah ki ibadat karta tha, Jo aasmano me hai, wo zinda hai aur kabhi nahi marega.

- دارمي في الرد على المريسي (ص463 -ضمن عقائد السلف) 
- ابن قدامة في إثبات صفة العلو (ص101-102، برقم70)
- الذهبي في العلو (ص62)
- بن قدامة في العلو، وأورده أيضًا في الأربعين (ص56-57، برقم33)
- للبخاري في تاريخه.وأصله في صحيح البخاري، كتاب الجنائز، باب الدخول على الميت بعد الموت (ح1242، ص244)
- ابن القيم في اجتماع الجيوش الإسلامية (ص119

۩ Umar ibn khattab (r.a) 

Lanat ho zameen ke badshaho par Aasmaan ke baadshah ke taraf se, jis din wo milenge.

- الدارمي في الرد على المريسي (ص462، -ضمن عقائد السلف)
في الرد على الجهمية (ص104) - الدارمي
- ابن القيم في اجتماع الجيوش الإسلامية (ص120) 
- الذهبي في العلو (ص63 

۞ IMAM E DEEN

۩ Imam Abu Haneefa:

عن وسمعت القاضي أبا محمد المعري ببعلبك، يقول: سمعت الإمام أبا محمد بن قدامة المقدسي سنة إحدى عشر وستمائة، يقول: بلغني عن أبي حنيفة أنه قال: "من أنكر أن الله في السماء فقد كفر".ء

Imam Abu Haneefa ne kaha, “Jo is baat ka inkar karta hai ki Allah aasamano me hai to usne Kufr kiya.”

Imam Zahabi ki Al-Uluw, safa-101-102.

۩ Imam Maalik bin Anas:

Imam Malik kahte hai, “Istawa malum (known) hai, kaifiyat majhul (unknown) hai, is par eeman wajib hai, aur is par sawal karna biddat hai”.

AI-Asmaa was Sifaat’ Page #.516

۩ Imam Shafi farmate hai,

“Aqidah jis par ham hai, aur maine apne saathiyo ko dekha hai, ashab ul hadith jaise, Imam Malik aur Sufyan aur dusre log is par hai.

Ham ye gawahi dete hai ki Allah ke siwa koi ibadat ke layak nahi hai aur ye ki Muhammad ﷺ Allah ke Rasool hai. Aur ye ki Allah apne arsh par mustawi hai. Wo apne bando ke nazdeek aata hai jaisa wo chahta hai, aur wo nichle aasman par nuzul farmata hai jaise ki wo chahta hai.”

Awn aI-Ma’bood’ (13/41).

•٠•●●•٠•
Read More »

30 Dec 2017

Shaykh Abdul Qadir Jilani (Raheemullah) Ka Aqeedah


SHAYKH ABDUL QADIR JILANI (raheemullah) ne farmaya:

1. “Mera Aqidah wahi hai jo sahabao aur salaf as saliheen ka aqidah tha.
(Siyar A’laam an-Nabula (20/442).

2. “Tumhare upar Ittibaa lazim hai aur nayi chiz ijaad karna nahi aur tumpar salaf as saaleh ke mazhab (tarike) par amal karna lazim hai aur wahi sidha rasta hai jo tumhe apnana chaiye.
(al-Fath ur-Rabbaanee (p.35)

3. “YE Eeman walo par laazim hai ki wo Sunnah ki aur jo Sunnah aur Jamaah par hai unki pairwi aur itteba kare. Sunnah wo hai jise RasoolAllah ne sunnah hone ka eelan kiya aur Jamaah wo hai jispe Sahabao ki razamandi(Ijma)thi.
(al-Ghuniyyah (1/165)..

۞ EEMAN KE TALLUQ SE

EEman ke talluq se ikhtilaf hai Ahlus-Sunnah aur bhatke hue firqo ki. Shaikh Abdul-Qaadir eeman ki wazahat usi tarha karte hai  jis tarha Ahlus-Sunnah ne kiya hai:

SHEIKH ABDUL QADIR JILANI (raheemullah) ne farmaya
“Hamara Aqidah yeh hai ki, Eemaan zuban ki gawahi hai, Dil ka Iqraar hai, Ye Itaat se badhta hai aur na-farmani se ghat ta hai. Ye Ilm se mazbut hota hai aur jahalat se kamzor hota hai.
(al-Ghuniyyah (1/135).

۞ SHIRK AUR BIDDAT KE HAWALE SE

Sheikh Tawheed ko faylane aur shirk aur biddat ko tabah karne walo mese the. Un ke qaul kuch is tarha se hai:
  1. “Logo ko (sirf) Allah se dua mangna chaiye, aur Allah ke Rasool par salam bhejna chaiye aur aakhir me Allah se apni zarurate magni chaiye”
    (al-Ghuniyyah (1/92).

  2. “Allah ke siwa kisi aur ki kasam khana Haraam hai toh agar kisi ko kasam khani ho to wo sirf Allah ki khae warna wo fir Khamosh rahe.
    (al-Ghuniyyah (1/92).

  3. Jab ap kabr ki ziyarat ke liye jaye toh fir apne hath unpar(kabr par) na rakhhe naahi unhe chume kyuki ye Yahoodo ki adat hai, naa hi Kabr par baithe ya unpe tek lagakar baithe. Fir Allah se apni zarurate mange.
     (al-Ghuniyyah (1/91).

  4. “Pairwi kare aur Ittiba kare aur nai chize deen me ijaad na kare aur Ikhtilaf na kare, Pairwi kare aur na-farmani na kare. Allah ek hai qubul kare aur usse muh na mode. Allah se madad mange aur kisi aur se madad na mange. Us par bharosa kare aur usi par Itmaad kare aur kisi aur par bharosa na kare.
     (al-Fath ur-Rabbaanee (pg.151).

  5. Pure MAkhlook usi par Inhisaar(depend) hai aur laachaar hai uske binah. Tumhe koi fayda ya nuksan nahi pohcha sakta.
    (Fath ur-Rabbaanee (pg.89).

۞ SHEIKH ABDUL QADIR JILANI (raheemullah) ne aur wazahat kar ke farmaya:

يا من يشكو إلى الخلق مصائبه إيش ينفعك شكواك إلى الخلق لا ينفعونك ولا يضرونك ، وإذا اعتمدت عليهم وأشركت في باب الحق يبعدونك وفي سخطه يوقعونك وعنه يحجبونك أنت يا جاهل تدعي العلم من جملة جهلك بشكواك إلى الخلق-

Ae wo log jo apni pareshanio me apne hi jaise makhlook se shikayate karte hai.. Wo Tumhe koi fayda nahi dete hai aur na hi tumse koi nuksaan ko lete hai. Aur agar tum unse tobah karo to tum Allah ke sath shareek karte ho un muamlat me jo Allah ke hai. Wo Allah se tumhe dur kar denge. Wo apko fek denge. Ae Jahilo, Ilm hone ka dawah karne walo. Pareshanio se chutkara ke liye unse madad mangte ho jo tumhare hi tarha makhlook hai.

[Fath al-Rabbani page 117-118]

۩ Unhone ye bhi kaha

 ويلك! ماتستحي تطلب من غير الله عزوجل وهو أقرب إليك من غيره

Lanat ho tumpar. Kya tumhe sharm tak nahi aati Allah ke siwa auro se apni zarurato ko mangne ke liye. Jab ke wo tumse auro se zyada nazdeek hai.

[Fath al-Rabbani page 159]

۩ aur Unhone ye kaha

لا تدع مع الله أحدا كما قال الله عزوجل وَأَنَّ الْمَسَـجِدَ لِلَّهِ فَلاَ تَدْعُواْ مَعَ اللَّهِ أَحَداً

Allah ke siwa kisi aur ko mat pukaro jaise ki MAsjid sirf Allah ke liye hoti hai, isi liye Allah ke sath kisi aur ko mat pukaro.
[Fath al-Rabbani page 184]

۩ Unhone Kaha

لاتسئل الخلق شئياً فانهم عجزة فقراء لايملكون لانفسهم ولالغيرهم ضراً ولا نفعا

Makhluq se kuch bhi mat mango, unke pas takat nahi hai aur khud zaruratmand hai. Wo apne liye ya kisi ke liye koi fayda ya nuksan pohchane ka koi ikhtiyar nahi rakhte .

[Fath al-Rabbani, majlis # 50 p.209]

Ab itne saaf tarah se wazeh hone ke baad, agar koi kahta hai ki “nai nai unhone apne pairokaar ko RasoolAllah ﷺ se mangne ko kaha tha”, thik hai agar maan bhi liya jaye bahes ke liye ki unhone ye sab apne pairokaar ko kaha tha, toh fir jawab ye hai ki unhone un sab chizo se tauba kar liya tha kyuki wo beemar the aur marne wale the aur unhone us waqt apne bete se ye nasihat farmai thi:

"ولا تخف أحدًا ولا ترجه، وكِل الحوائج كلها إلى الله عز وجل، واطلبها منه، ولا تثق بأخد سوى الله عزوجل ولا تعتمد إلا عليه سبحانه التوحيد التوحيد التوحيد وجماع الكل التوحيد"

Kisi se mat darna aur kisi se ummede na rakhna, aur apni tamam zarurate sirf Allah se kahna, apni zarurate usse hi mangna…aur kisi par Inhisaar(depend)na hona Allah ke siwa atTawheed, atTawheed, atTawheed.

[Fath al-Rabbani page 373].

•٠•●●•٠•

Related Article:- Gyarwi Shareef Ki Sharai Haisiyat
Read More »

22 Dec 2017

Wahabi ka matlab kya hai?

536066_384685281581635_112525298_n
Agar Azan se pahle Bilal raziAllaho anhu durud na padhe to unse itni mohabbat
Aur agar koi dusra muslim na padhe to W A H A B I
Agar Jashn e Milad Rasool ﷺ na manae toh unse itni mohabbat
Aur agar koi dusra muslim na manae to W A H A B I
Agar Azan ke baad Bilal raziAllaho anhu salat na padhe to unse itni mohabbat
Aur agar Azan ke baad koi dusra muslim salat na padhe to W A H A B I
Agar Rasool ﷺ kisi ke kabr pe sajda na kare ya un logo se murad na mange to unse itni Mohabbat
Aur agar koi dusra muslim mazaar ya kabr par sajda na kare aur na unse kuch mange to W A H A B I
Agar Rasool ﷺ Rafadain kare to unse itni Mohabbat
Aur agar koi dusra muslim rafadain kare to W A H A B I
Agar Rasool ﷺ seene pe Hath rakhkar namaz padhe to unse itni Mohabbat aur agar koi dusra muslim seene par hath rakhkar namaz padhe to W A H A B I
Agar Allah ke Rasool apne ap ko sirf Muslim kahe to unse itni Mohabbat
Aur agar koi dusra muslim Apne ap ko sirf Muslim kahe toh ?
Read More »