اقرأ باسم ربك الذي خلق

26 Mar 2020

Ghar Me Ba Jamaat Saff Banane ka Tareeqa

Pic
۩ Ibn e Umar r.a. se riwayat hai ke Rasoolullah ﷺ ne farmaya,

‘Akele shaks ki namaz se, jamat ke sath namaz padhna 27 darje (sawaab) rakhta hai.’

Sahih al Bukhari, kitab al Azaan﴾10﴿, hadees- 645.

۞ Baap Aur Beta ki Jama'at

Baap Imamat karwayega, Beta uska muqtadi hoga aur Baap ke Dayen (right) tarf khada hoga.

۞ Baap Aur Mardo ki Jama'at

Baap Imamat karwayga toh mard hazraat pichli (2nd) waali saf me Muqtadi honge.

۞ Shauhar aur Biwi ki Jama'at

Shauhar Imam ki jagah hoga aur Biwi bilkul Imam ke piche (2nd) saf me khadi hogi.

۞ Shauhar, biwi aur ek Mard ki Jama'at

Shauhar Imamat karwayega, ek Mard us ke Daayi (Right) taraf hoga. Aur Biwi Imam ke Bilkul piche (2nd) saf me khadi hogi.

۞ Shauhar, Biwi Aur zyada Mardo Ki Jama'at

Shauhar Imamat karwayega, Mard piche (2nd) waali saf me honge, aur Biwi aakhir (3rd) wali saf me hogi.

۞ Shauhar, Biwi aur Sab Aulad

Shauhar Imamat karwayega, ladke piche (2nd) saf me honge, biwi or baaki ladkiya akhir (3rd) wali saf me hongi.

•٠•●●•٠•

Download Image of this article
RANA said...

Assalam O Alaikum.
Bhai hum 5 member Hain,main wife, 2 betian aur 1 beta 12 Saal Ka, please jamaat main kesay kharay Jon ge.
Rana Anwaar from Lahore.

Faisal Khan said...

@Rana

Wa alaykum assalaam.

Ap sabse aage khade ho kar imamat karenge. Aap ke daayi taraf apka beta hoga aur aapke piche saff me apki biwi aur betiya hongi.

RANA said...

Jazakallah Faisal Bhwi