اقرأ باسم ربك الذي خلق

Showing posts with label Tahaarat (Purification). Show all posts
Showing posts with label Tahaarat (Purification). Show all posts

25 Dec 2017

Wuzu Todne Wali Chize


۞ Sharamgaah Ko Haath Lagaane Se Wuzu:

Nabi e Akram ne farmaya: ‘Jo shaqs sharamgah ko haath lagae pas wo wuzu kare.’ (Abu Dawood: al Tahaara P181). Ise Imam Tirmizee (al Tahaara: Baab al Wuzu 82) ne ise Hasan Saheeh kaha. Ye hukam tab hai jab kapde ke baghair barah raast hath lage wallah a’alam.

۞ Neend Se Wuzu:

Sayyadna Ali riwayat karte hain ke Rasool Allah ne farmaya: ‘Dono’n aankhei’n, Suren ki sarband (tasma) hain. Pas jo shaqs so jaae ise chaahiey ke dobarah wuzu kare.’

(Abu Dawood: al Tahaara 203 – Ibne Majja: al Tahaara 277) Ise Imam Ibne Islaah aur Imam Nawavi ne Hasan kaha. 

۞ Hawa Qhaarij Hone Se Wuzu:

Rasool Allah ke saamne ek aise shaqs ki haalat bayan ki gai jise qhayal aaya ke namaz mein iski hawa qhaarij hui hai to Nabi e Akram ne farmaya: ‘Namaz is waqt tak na tode jab tak (hawa nikalne ki) awaaz na sun le ya ise badboo mehsoos ho.’

(Bukhari: al Wuzu 137 – Muslim 361) 

Is hadees se ma’aloom hua ke jab tak hawa qhaarij hone ka mukammil yaqeen na ho jaae wuzu nahi toothta lehaza jise peshab ke qatro’n ya waham ki bimaari hua ise bhi jaan lena chahiey ke wuzu ek haqeeqat hai, ek yaqeen hai ye yaqeen se hi toothta hai. Shaky a waham se nahi. 

۞ Qae, Nakseer Aur Wuzu:

Qae ya nakseer aane se wuzu toot jaane waali riwayat ko jo Ibne Majja (1221) mein hai. Imaam Ahmad aur deegar muhaddiseen ne zaeef kaha hai, balke is silsile ki tamam riwayat saqht zaeef hain. Lehaza ‘Bara’at Asliya’ par amal karte hue (ye kaha jaasakta hai ke) khoon nikalne se wazu faasid nahi hota. Iski taeed is wa’aqea se bhi hoti hai, jo Ghazwa Zaat ar Raqa’a me pesh aaya. Jab ek Ansaari Sahaabi raat ko namaz padh rahe the, kisi dushman ne in par 3 teer chaae jin ki wajah se wo saqht zaqhmi hogae aur inke jism se khoon behne laga magar iske bawajood wo apni namaz mein mashghool rahe.

(Abu Dawood: al Tahaara 198) Ise Imaam Haakim V1 P56 aur Imam Zahabi ne Saheeh kaha.

Ye ho hi nahi sakta ke Rasool Allah ko is waqa ka ilm na hua ho ya aap ko ilm hua aur aapne inhei’n namaz lautane ya khoon behne se wuzu toot jaane ka masla bataya magar saheeh ahadees me iska zikar na ho. Isi tarha jab Umar zaqhmi kie gae to aap isi haalat me namaz padhte rahe halan’ke aapke jism se khoon jaari tha.

(Muwatta Imam Maalik: al Tahaara V1 P39 – Baheqhee V1 P357). Is se ma’aloom hua ke khoon ka behna naaqis e wuzu nahi hai.

Rasool Allah ne farmaya: ‘Agar namaz mein wuzu tuth jaae to naak par haath rakh kar lauto (T: Turn around and leave).’

(Abu Dawood: al Salah 1114) Ise Imam Haakim aur Imam Zahabi ne Saheeh kaha.
Read More »

Wuzu Ka Bayaan


Allah Ta’ala farmata hai:

‘Aye Eman Walo! Jab Tum Namaz Ke Leiy Khade Ho To Apne Chehro’n Ko Aur Haatho’n Ko Kohniyo’n Tak Dho Aur Apne Sar ka Masah Karo Aur Taqhno’n Tak Apni Pao’n Dho.’

Surah al Maida, ayar- 6.

۞ Masnoon Wuzu Se Gunaho Ki Bakshish:

۩ Rasoolullah ﷺ ne farmaya: ‘Jis waqt banda momin wuzu shuru karta hai, fir kulli karta hai to is ke mun’h ke gunah nikal (jhad) jate hain. Fir jis waqt naak jhaadta hai is ke naak ke gunah nikal jaate hain. Fir jis waqt cehra dhota hai is ke chehre ke gunah nikal jaate hain. Yaha’n tak ke is ki aankho’n ki palko’n ke neeche se bhi gunah nikal jaate hain. Chehre dhote waqt gunah daadhi ke kinaro’n se bhi girte hain aur jis waqt wo haath dhota hai to is ke dono’n hatho’n se gunah nikal jate hain yaha’n tak ke dono’n hatho’n ke naqhuno’n ke neche se bhi nikal jaate hain. Fir jis waqt masah karta hai to is ke sar se gunah nikal jaate hain, yaha’n tak ke dono’n kano’n se bhi gunah nikal jaate hain. Fir jis waqt pao’n dhota hai to iske dono’n pao’n se gunah nikal jaate hain. Yaha’n tak ke dono’n pao’n ke naqhuno’n ke neeche se bhi nikal jaate hain. Yaha’n tak ke wo sab gunaho’n se paak saaf hokar nikalta hai.’

(Muslim: al Tahaara 244)

۩ Ek Shaqs ne Rasoolullah ﷺ se poocha ke aap apni ummat ko (maidan e hashar me) doosri ummato’n ke (be shumar logo’n ke) darmiyan kis tarah pehchaane’n ge?
Aap ne farmaya: Mere ummati wuzu ke asar se safed (noorani) chehre aur safed (noorani) hath paao’n wale ho’nge. Is tarha
inke siwa aur koi nahi hoga.

(Muslim: al Tahaara 247)

۞ Wuzu Se Bulandi Darjaat:

۩ Rasoolullah ﷺ ne farmya: Wuzu Aadha Eman Hai.

(Muslim: al Tahaara 223)

۩ Sayyadna Abu Huraira r.a se riwayat hai ke main ne apne dost Muhammad ﷺ ko ye farmate hue suna: ‘(Jannat mein) Momin ka zewar waha’n tak pho’nche ga jahaan tak wazu ka pani pho’nche ga.’ 

(Muslim: al Tahaara 250)

۩ Rasoolullah ﷺ ne farmaya: ‘Kya main tumhei’n wo cheez na batau’n ke jiske sabab Allah Ta’ala gunaho’n ko door aur darjaat ko buland karta hai?
Sahaaba ne a’arz kiya. Aye Allah ke Rasool ﷺ irshad farmaye.
Aap ne farmaya: ‘Mushaqqat (Beemari Ya Sardi) ke waqt puri aur sawaar kar wuzu karna, kasrat se masjido’n ki taraf jaana aur namaz ke ba’ad namaz ka intezar karna gunaho’n ko door aur darjaat ko buland karta hai.’

(Muslim: al Tahaara 251)

۩ Neend Se Jaag Kar Pahle Haath Dhoe:

Sayyadna Abu Huraira r.a se riwayat hai ke Rasoolullah ﷺ ne farmaya: ‘Jab tum neend se jaago to apna haath paani ke bartan me na dalo jab tak ke is ko (3 baar) na dholo kyou’nke tum nahi jaante ke is haath ne raat kaha’n guzaari.’

(Bukhari: al wuzu 162 – Muslim: al Tahaara, 678)

۩ 3 Baar Naak Jhaade:

Sayyadna Abu Huraira r.a riwayat karte hai ke Rasoolullah ﷺ ne farmaya: ‘Jab tum neend se bedar ho fir wuzu ka iraada karo to (paani chidakkar) 3 baar naak jhado kyou’nke shaitan naak ke baa’nse me raat guzarta hai.’

(Bukhari: Bada al Qhalq 3295 – Muslim al Tahaara: 238)

Sone wale ke naak ke baa’nse me shaitan ke raat guzarne ke asliyat aur haqeeqat Allah hi behtar jaanta hai. Hamara farz eeman lana hai ke waqai shaitan raat guzarta hai.

۞ Masoon Wuzu ki Mukammil Tarteeb:

1. Wuzu karne se pehle dil mein wuzu karne ki niyyat kare.

2. Wuzu ke shuru me ‘Bismillah’ zaroor padhni chahiey, kyou’nke Rasoolullah ﷺ ne Sahaaba Ikraam se farmaya:
‘Bismillah’ keh kar wuzu karo.

(Nasai: al Tahaara, Baab al Tasmiyyah Ind al Wuzu 78 – Ibne Qhuzaima 144) Imam Nawavi ne kaha ke iski sanad Pakki hai.

Wazeh rahe ke wuzu ki shuruwat ke waqt sirf ‘Bismillah’ kehna chaahiey. ‘Ar Rahman nir Raheem’ ke alfaaz ka izaafa sunnat se saabit nahi.

Nabi e Akram ne farmaya: ‘Jo shaqs wuzu ke shuru me Bismillah nahi kehta iska wuzu nahi.’

(Abu Dawood: al Tahaara P101). Hafiz Munzari waghaira ne shawahid ki bina par Hasan kaha.

Agar Bismillah bhool gai aur wuzu ke dauran yaad aai to fauran padhle wuzu dobarah karne ki zaroorat nahi kyou’nke bhool muaaf hai.

3. Umme Atiya r.a. se riwayat hai, ‘Rasoolullah ﷺ ne Zainab ko ghusl dene waliyo’n se kaha daahini taraf se aur wuzu ke maqamo’n se inka ghusl shuru karo.’ (Bukhari: 167 – Muslim 939)
Rasoolullah ﷺ jute pehenne, kanghee karne, tahaarat karne aur gharz tamaam kamo’n me daaee’n taraf se shuru karna pasand farmate.

(Bukhari: al Wuzu 168 – Muslim: al Tahaara 268)

4. Aap ne dono’n haath pho’ncho’n tak 3 baar dhoe.

(Bukhari: al Wuzu, 159 – Muslim: al Tahaara 226)

5. Aap ne farmaya: Wuzu mukammil karo aur haatho’n ko dhote waqt hatho’n ki ungliyo’n ke darmiyan qhilaal karo aur naak me paani chadhane me mubalegha karo illa ye ke tum rozadaar ho.

(Abu Dawood: al Tahaara 142 – Tirmizee: al Tahaara, 38) Ise Imam Tirmizee, Imam Haakim V1 P 147;148 aur Imam Nawavi ne saheeh kaha.

6. Aap ne ek chullu le kar aadhe se kulli ki aur adha naak me daala aur naak ko baei’n haath se jhaada, ye amal 3 dafa kiya.

(Bukhari: al Wuzu 191; Baab al Wuzu minal Tur 199 – Muslim: al Tahaara 235)

7. Fir Aap ne 3 baar mun’h dhoya. (Bukhari: al Wuzu 185)

8. Aap Daadhi ka Qhilaal karte the.

(Tirmizee: al Tahaara 31) Imam Ibne Hibban aur Imam Ibne Qhuzaima ne Saheeh kaha.

9. Aap ne daaya’n haath kohni tak 3 baar dhoya fir baya’n haath kohni tak 3 baar dhoya.

(Bukhari: al Saum Baab Siwaak al Tab wa Ilyabas lil Saaem 1934 – Muslim: 226)

10. Aap ne sar ka masha kiya. Dono’n haath sarke agle hisse se shuru karke gaddi tak peeche le gae. Fir Peeche se aage isi jagah le aae jahaa’n se masah shuru kiya tha.

(Bukhari: al Wuzu 185 – Muslim: al Tahaara 235)

Aap ne sar ka ek dafa masah kiya. (Bukhari: 186 – Muslim: 235)

11. Aap ne kano’n ka masah kiya shaadat ki ungliya’n dono’n kano’n ke suraqho’n me daal kar kaano’n ki pusht par anghoto’n ke saath masah kiya.

(Ibn e Majah: al Tahaara 439 – Tirmizee: al Tahaara 36) Ise Imam Ibne Qhuzaima V1 P77 # 148 ne Saheeh kaha.

12. Aap ne daya’n paao’n taqhno’n tak 3 baar dhoya aur baya’n paao’n bhi taqhno’n tak 3 baar dhoya.

(Bukhari: as Saum 1934 – Muslim: al Tahaara 226)

13. Aap ne farmaya ke jab wuzu karo to hatho’n aur pao’n ki ungliyo’n ka khilal karo.

(Tirmizee: al Tahaara 39 – Ibn e Majah: al Tahaara 447) Ise Imam Tirmizi ne Hasan kaha.

Mastoord Bin Shaddad r.a. riwayat karte hain ke mai ne Rasoolullah ﷺko wuzu karte hue dekha ke Aap apne pao’n ki ungliyo’n ka qhilaal haath ki choti ungli se kar rahe the.

(Abu Dawood: al Tahaara 147 – Tirmizee: al Tahaara 40) Imaam Maalik ne Hasan kaha.

14. Hakam bin Sufiyan r.a. se riwayat hai ke Nabi e Akram jab peshab karke wuzu karte to apni sharamgaah par pani ka cheenta dete.

(Abu Dawood: al Tahaara 166 – Nasai: al Tahaara 135)

15. Wuzu karte hue a’aza ked hone me tarteeb qaaem rakhna waajib hai aur wuzu ek hi waqt me kiya jaae a’aza ke dhone me waqfa aur taaqhair na ho.

16. Sayyadna Abdullah bin Umar r.a. ne farmaya: ke Agar zaqhm par patti bandhi hui ho to wuzu karte waqt patti par masah karle aur ird gird ko dhole.

(Baihaqi V1 P 228) Imam Baihaqi ne ise Saheeh kaha.

Tambeehat:

1. Kulli aur naak me paani dalne ke liye alag alag paani lene ka zikar jis hadees me hai ise

(Abu Dawood 139). Imam Nawavi aur Haafiz Ibne Hajar ne Zaeef kaha hai.

2. Rasoolullah ﷺ ne farmaya: kano’n ka ta’alluq sar se hai. (Daarequtnee V1 P98) ise Imam Ibne Jauzi waghaira ne Saheeh kaha hai).

Is ka matlab ye hai ke kano’n ke liye nae paani ki zaroorat nahi. Kano’n ke masah ke liye nae paani lene waali riwayat ko Haafiz Ibne Hajar ne shaaz kaha hai.

3. Haafiz Ibne Qaiyyim farmate hain ke (guddi ke neeche) garden ke (alag) masah ke bare me qata’an koi saheeh hadees nahi. Gardan ke masah ki riwayat ke muta’alliq Imaam Nawavi farmate hain: Ye Hadees bila Ittefa Zaeef hai’.

۞ Wuzu Ke Ba’ad Ki Duae:

Rasoolullah ﷺ ne farmaya jo shaqs poora wuzu kare aur fir kahe:

أَشْهَدُ أَنْ لَا إِلَهَ إلَّا اللهُ وَحْدَهُ لَا شَرِيكَ لَهُ، وَأَشْهَدُ أَنَّ مُحَمَّداً عَبْدُهُ وَرَسُولُهُ

Ashhadu an la ilaha illal-lahu wahdahu la shareeka lah, wa-ashhadu anna Muhammadan AAabduhu warasooluh.

‘Main Gawaahi Deta Hu’n ke Allah Ke Siwa Koi Ma’abood Barhaq Nahi. Wo Akela Hai. Iska Koi Shareek Nahi aur Main Gawahi Deta Hu’n ke Muhammad ﷺ Allah ke Bande Aur Rasool Hain.’
To is ke liye jannat ke aathwa’n darwaze khol diey jaate hain ke jis se chaahe daakhil ho.

(Muslim: al Tahaara 234)

Abu Dawood (al Tahaara # 170) ki ek riwayat me is dua ko asmaan ki taraf nazar utha kar padhne ka zikar hai magar ye riwayat saheeh nahi. Is me Abu Aqeel kae chacha’zaad bhai majhool hai.

۩ Wuzu Ke Ba’ad Ye Dua Padhe:

سُبْحـانَكَ اللّهُـمَّ وَبِحَمدِك أَشْهَـدُ أَنْ لا إِلهَ إِلاّ أَنْتَ أَسْتَغْفِرُكَ وَأَتوبُ إِلَـيْك

Subhanakal-lahumma wabihamdika ashhadu an la ilaha illa anta astaghfiruka wa-atoobu ilayk.

Aye Allah! Tu Apni Tamaam Tar Ta’areefat ke Saath (Har Aib Se) Paak Hai Main Gawahi Deta Hu’n ke Tere Siwa Koi Saccha Ma’abood Nahi hai Main Tujh se Baqshish Maa’ngta Hu’n aur Tere Huzoor Tauba Karta Hu’n.

(Nasai, A’amal al Yaum wa Laila, 1)Ise Imaam Haakim, Haafiz Zahabi aur Ibne Hajar ne Saheeh kaha hai. (Kisi majlis ke qhatme par bhi yehi dua padhi jaati hai.)

۞ Wuzu Ki Ghadi hui Duae:

Rasoolullah ﷺ ki sunnat se wuzu ke shuru me (Bismillah) aur ba’ad me shadatain ka padhna saabit hai. Lekin ba’az log wuzu me har hissa dhote waqt ek ek dua padhte hain aur wo duae’n namaz ki kuch maujuda kutub e namaz me paai jaati hain. Waazeh ho ke ye duae’n sunnat paak aur Sahaaba Ikraam ke amal se saabit nahi hai. Allah Ta’ala ne jab apne Rasool Akram par deen mukammil kardiya to fir deeni aur sharai umoor me kami beshi karna kisi ummati ke liye hargiz jaaez nahi hai. Imam Nawawi farmate hain: ‘Har ‘hissa ke liye khas azkaar ke bare me Rasoolullah ﷺ se koi cheez saabit nahi hai.’

۞ Wuzu Ke Digar Masaael:

1. Wuzu ke a’aza ka 2‐2 baar aur 1‐1 baar hona bhi aaya hai. Nabi e Rahmat aur Sahaaba Ikraam ka aksar a’amal 3‐3 baar dhone par raha hai. Ibne Hazam farmate hain ke sab ulama ka ittefaq hai ke a’aza ka 1‐1 baar dhona bhi kaafi hai.

2. Ek A’araabi ne Rasoolullah ﷺ ki qhidmat me Haazir hokar wuzu ki kaifiyat daryaft ki to aapne ise a’aza ka 3‐3 baar dona sikhaya aur farmaya: Is tarha kaamil wuzu hai. Fir jo shaqs is (3‐3 baar dhone) par ziyada kare pas tehqheeq is ne (tark e sunnat ki bina par) bura kiya aur (masnoon had se tajawuz karke) ziyadati ki aur (Rasoolullah ﷺ ki muqhalifat karke apni jaan par) zulm kiya.

(Abu Dawood: al Tahaara 135 – Nasai 140) Ise Imam Ibne Qhuzaima aur Imam Nawavi ne Saheeh, jabke Imam Hafiz Ibne Hajar ne pakka kaha.

3. Wuzu ke ba’az a’azaa 3 baar aur ba’az dobaar dhona bhi durust hai. (Bukhari: 185 – Muslim: 235)

۞ Khushk Ediyo’n (T: Heel’s) Ko A’azaab:

Sayyadna Abdullah bin Umar r.a. se riwayat hai ke ham Rasoolullah ﷺ ke saath Makke se Madeene ki taraf laute. Raaste me hamei’n paani mila. Ham me se 1 jama’at ne namaz e Asr ke liye jald baazi mei’n wuzu kiya. Inki ediya’n qhushk(sukhi) thei’n inko paani nahi paho’nchta tha. Rasoolullah ﷺ ne farmaya: ‘(Qhushk) ediyo’n ke liye aag se qharabi hai. Pas wuzu poora kiya karo.’

(Muslim: al Tahaara 241)

Is hadees se ma’aloom hua ke wuzu badi ehtiyaat se sa’nwar kar aur poora karna caahiey. A’aza ko qhoob acchi tarah aur 3‐3 baar dhona chaahie take zarra barabar jagah bhi qhuskh na rahe.
Ek Shaqs ne wuzu kiya aur apne qadm par naqhun ke baraabar jagah qhushk chodhdi. Nabi e Kareem ﷺ ne ise dekha kar farmaya: Waapas jaao aur acchi tarha wuzu karo.

(Muslim: al Tahaara, 243)

۞ Tahiyyatul Wuzu se Jannat Laazim:

Rasoolullah ﷺ ne farmaya: ‘Jo Shaqs wuzu kare aur qhoob sa’nwar kar accha wuzu kare. Fir khada hokar dil aur mu’nh se (zaahiri o baatini taur par) mutawajje hokar 2 raka’at (nafal) namaz adaa kare to iske liye jannat waajib ho jati hai.’

(Muslim, al Tahaara 234)

Sayyadna Abu Huraira r.a bayan karte hain ke Rasoolullah ﷺ ne namaz Fajr ke waqt Bilal se farmaya: ‘Aey Bilal! Mere saamne apna wo a’amal bayan kar jo tune islam me kiya aur jis par tujhe sawaab ki bahoy ziyada ummeed hai, kyou’nke main ne apne aage jannat me teri jutiyo’n ki awaaz suni hai.
Bilal r.a. ne arz kiya: Mere nazdeek jis amal par mujhe (sawaab ki) bahot ziyada ummeed hai. Wo ye hai ke main ne Raat ya Din main jab bhi wuzu kiya to is wuzu ke sath jis qadr nafil namaz mere muqaddar me thi zaroor padhi (ya’ani har wuzu ke ba’ad nawaafil padhe).’

(Bukhari: al Tahajjud 1149 – Muslim: Fazaael al Sahaaba Baab min Fazaail Bilaal 2457)

۞ Koi Shaks Apne Saathi Ko Wuzu Karae toh Jaaez Hai:

Mugheera bin Shoba r.a. ek safar me Rasoolullah ﷺ ke saath the, jab Aap wuzu karne lage to mughaira Aap par paani daalne lage Aap ne wuzu kiya.

(Bukhari 182 – Muslim 274)

۞ Ek Wuzu Se Kai Namaze:

Sayyadna Bareeda r.a. se riwayat hai ke fatah makka ke din Rasoolullah ﷺ ne kai namazei’n ek wuzu se padhei’n aur mauzo’n par masah bhi kiya.
Sayyadna Umar Farooq r.a. ne arz kiya: Aye Allah ke Rasool ! Aaj ke din Aap ne wo kaam kiya jo Aap pehle nahi kiya karte the.
Aap ne farmaya: ‘Aye Umar main ne aisa jaan bujh kar kya. (take logo’n ko ek wuzu se kai namazei’n padhne ka jawaz ma’aloom hojae)’

(Muslim: al Tahaara 277)

Ma’aloom hua ke har namaz ke liye wuzu farz nahi balke afzal hai.

۞ Doodh Peene Se Kulli Karna:

Beshak Rasoolullah ﷺ ne doodh piya fir kulli ki aur farmaya is me chiknai hai.

(Bukhari: al Wuzu Baab 211 – Muslim: al Haiz 357)

Aapne bakri ka shaana khaya iske ba’ad namaz padhi aur dobara wuzu na kiya.

(Bukhari: al Wuzu 207 – Saheeh Muslim: al Haiz 354)

Aap ne Sattu Khaya fir kulli karke namaz padhi aur wuzu nahi kiya. (Bukhari: al Wuzu 209)

۞ Mauzao’n Par Masah Karne Ka Bayan:

۩ Mughaira bin Shoba r.a. bayan karte hain ke ek safar mein, mein Nabi e Rahmat ka hamrah tha. Main ne wuzu ke waqt chaaha
ke Aap ke dono’n mauze utaardu’n.
Aap ne farmaya: inhein rehnedo main ne inhei’n tahaarat ki haalat me pehna tha fir aap ne in par masah kiya.

(Bukhari: al Wuzu 206 – Muslim: al Tahaara 274)

۩ Shareen bin Haani r.a. farmate hain: ‘Main ne Sayyadna Ali se mauzo’n par masah karne ke muddat ke muta’alliq poocha toh Sayyadna Ali r.a. ne farmaya: Rasoolullah ﷺ ne musafir ke liye (masah ki muddat) teen din raat aur muqeem ke liye ek din raat muqarrar farmai hai.’

(Muslim: al Tahaara 276)

Imam Nawavi, Imam Auzaai aur Imam Ahmad kehte hain ke masah ki muddat mauze pehenne ke ba’ad wuzu ke toot jaane se nahi balke pehla masah karne se shuru hoti hai, ya’ani agar ek shaqs namaz e fajar ke liye wuzu karta hai aur mauze ya jurabei’n pahen leta hai to agle din ki Fajr tak wo masah kar sakta hai.

۩ Safwaan bin A’asaal r.a. riwayat karte hain ke jab ham safar mein hote toh Rasoolullah ﷺ hamei’n hukam dete ke ham apne mauze 3 din aur 3 rato’n tak paaqhana, peshab ya sone ki wajah se na utarei’n (balke in par masah karein) haa’n janaabat ki surat mein (mauze utarne ka hukam dete).

(Tirmizi: al Tahaara 96 – Nasai V1 P83, 84, 98) Ise Imam Tirmizee, Imam Ibne Qhuzaima, Imam Ibne Hibban aur Imam Nawavi ne Saheeh kaha)

Is hadees se ma’aloom hua ke Jumbi hona masah ki muddat ko qhatam kardeta hai. Is liye ghusl janaabat me mauze utarne chaahiey al batta bol o baraaz aur neend ke ba’ad mauze nahi utarne chahiye balke ma’aeena muddat tak in par masah kar sakte hain.

۞ Jurabo’n Par Masah Karne Ka Bayan:

Thaubaan r.a. riwayat karte hain: ‘Rasoolullah ﷺ ne wuzu karte waqt sahaaba ko pagdiyo’n aur jurabo’n par masah karne ka hukam diya.’

(Abu Dawood: at Tahaara 146) Ise Imam Haakim aur Imam Hafiz Zahabi ne Saheeh kaha)

۞ Sahaba Ka Jurabo’n Par Masah Karna:

۩ Sayyadna Oqba bin Umro r.a. aur Abu Saeed Ansari r.a. ne apni jurabo’n par apni chappal ke tasmo’n samet masah kiya.

(Baheqhee V1 P25)

Umru bin Harees r.a. farmate hain, Sayyadna Ali r.a. ne peshab kiya fir wuzu karte hue aapne apne jurabo’n par jo jutiyo (Chappalo’n) me theei’n masah kiya.

(Ibn Abi Shaiba wa Ibne al Munzar)

Ibne Hazam r.a. ne 12 Sahaaba Ikram se jurabo’n par masah karna zikar kiya hai. Jis me Abdullah bin Masood r.a., Sa’ad bin abi Waqqas r.a. aur Umru bin Harees r.a. bhi shamil hain. Isi tarha sahal bin Sa’ad jurabo’n par masah kiya karte the.

(Ibne abi Shaiba V1 P 173)

Abu Imaama bhi jurabo’n par masah kiya karte the. (Ibne Abi Shaiba V1 P173)

Aur Anas r.a. bin Maalik ne wuzu karte hue apni topi aur siyah rang ki jurabo’n par masah kiya aur namaz padhi.

(Baheqhee V1 P285)

Ibn e Qadama kehte hain ke Sahaaba Ikram ka jurabo’n par masah karne ke jawaz par ijama’a hai.
(Mughnee by Ibne Qadaama V1 P332 – Mas’alaa 426)

Loghat A’arab Se ‘Jurab’ Ke Ma’ani:

Loghat arab ki motebar kibat Qaamus V1 P46 mein hai har wo cheez jo pao’n par pehni jaae, jo’rab hai. ‘Taj ul Uroos’ mein hai jo cheez lifaafe ki tarah pao’n par pahen lien wo joraab hai. Allama Ainee likhte hai joraab bate hue Oon se banai jaati hai aur pao’n me takhne se upar tak pehni jaati hai.
‘A’arzatul Hauzee’ mein shaareh hadees Imaam Abu Bakar ibne Arbi tehreer farmate hain: Jo’rab wo cheez hai jo pao’n ko dhaa’npne ke liye oun ki bani jaati hai.

‘Umdatur Ra’aya’ mein hai jurabei’n rui ya’ani soot ki hoti hain aur balo’n ki bhi banti hain.

‘Ghayatul Maqsood’ mein hai ke jurabei’n chamde ki, Soof ki aur soot ki bhi hoti hain.

Pas saabit hua ke Jo’rab lifaafe ya libas ko kehte hain wo libas qhuwah charmi ho, ya ooni ham is par masah karsakte hain.

۞ Pagdi Par Masah:

Moghaira bin Shoba r.a. riwayat karte hain ke ‘Rasoolullah ﷺ ne peshani, pagdi aur mauzo’n par masah farmaya.’

(Bukhari: al Wuzu, Baab al Masah a’ala al Qhafeen 205)

Bilal r.a. bayan karte hain ke Rasoolullah ﷺ ne mauzo’n aur pagdi par masah kiya.

(Muslim: al Tahaara, Baab al Masah a’ala an Naasiya wal Imaama 275)

۞ Wazu Tutne Wali Chize:

۩ Sharamgaah Ko Haath Lagaane Se Wuzu:

Nabi e Akram s.a.w.. ne farmaya: ‘Jo shaqs sharamgah ko haath lagae pas wo wuzu kare.’

(Abu Dawood: al Tahaara P181). Ise Imam Tirmizee (al Tahaara: Baab al Wuzu 82) ne ise Hasan Saheeh kaha.

Ye hukam tab hai jab kapde ke baghair barah raast hath lage wallaho a’alam.

۩ Neend Se Wuzu:

Sayyadna Ali r.a. riwayat karte hain ke Rasoolullah ﷺ ne farmaya: ‘Dono’n aankhei’n, Suren ki sarband (tasma) hain. Pas jo shaqs so jaae ise chaahiey ke dobarah wuzu kare.’

(Abu Dawood: al Tahaara 203 – Ibn e Majah: al Tahaara 277) Ise Imam Ibne Islaah aur Imam Nawavi ne Hasan kaha.

۩ Hawa khaarij Hone Se Wuzu:

Rasoolullah ﷺ ke saamne ek aise shaqs ki haalat bayan ki gai jaise qhayal aaya ke namaz mein iski hawa qhaarij hui hai toh Nabi e Akram ne farmaya: ‘Namaz is waqt tak na tode jab tak (hawa nikalne ki) awaaz na sun le ya ise badboo mehsoos ho.’

(Bukhari: al Wuzu 137 – Muslim 361)

Is hadees se ma’aloom hua ke jab tak hawa qhaarij hone ka mukammil yaqeen na ho jaae wuzu nahi toothta lehaza jise peshab ke qatro’n ya waham ki bimaari hua ise bhi jaan lena chaahiey ke wuzu ek haqeeqat hai, ek yaqeen hai ye yaqeen se hi tut ta hai. shak ya waham se nahi.

۩ Qae, Nakseer Aur Wuzu:

Qae ya nakseer aane se wuzu toot jaane waali riwayat ko jo Ibn e Majah (1221) mein hai. Imaam Ahmad aur deegar muhaddiseen ne zaeef kaha hai, balke is silsile ki tamam riwayat saqht zaeef hain. Lehaza ‘Bara’at Asliya’ par amal karte hue (ye kaha jaa sakta hai ke) qhoon nikalne se wazu faasid nahi hota. Iski taeed is wa’aqea se bhi hoti hai, jo Ghazwa Zaat ar Raqa’a me pesh aaya. Jab ek Ansaari Sahaabi raat ko namaz padh rahe the, kisi dushman ne in par 3 teer chaae jin ki wajah se wo saqht zaqhmi hogae aur inke jism se qhoon behne laga magar iske bawajood wo apni namaz mein mashghool rahe.

(Abu Dawood: al Tahaara 198) Ise Imaam Haakim V1 P56 aur Imam Zahabi ne Saheeh kaha.

Ye ho‐hee nahi sakta ke Rasoolullah ﷺ ko is waqa ka ilm na hua ho ya aap ko ilm hua aur aapne inhei’n namaz lautane ya qhoon behne se wuzu toot jaane ka masla bataya magar saheeh ahadees me iska zikar na ho. Isi tarha jab Umar r.a. zaqhmi kie
gae to aap isi haalat me namaz padhte rahe halan’ke aapke jism se khoon jaari tha.

(Muwatta Imam Maalik: al Tahaara V1 P39 – Baihaqi, V1 P357)

Is se ma’aloom hua ke qhoon ka behna naaqis e wuzu nahi hai.
Rasoolullah ﷺ ne farmaya: ‘Agar namaz mein wuzu tuth jaae to naak par haath rakh kar lauto (T: Turn around; leave).’

(Abu Dawood: al Salah 1114) Ise Imam Haakim aur Imam Zahabi ne Saheeh kaha.

۞ Kin Kaamo Ke Liye Wuzu Karna Waajib Hai Unka Bayan:

1. Namaaz Farz namaz ho ya nafil, namaaz janaaza ya koi aur namaz wuzu ke bagair qubool nahi hoti.

Abdullah bin Umar se riwayat hai Rasoolullah ﷺ ne farmaya: ‘Wuzu ke baghair namaz qubool nahi hoti aur na hi maal haram se qhairat qubool hoti hai.’

(Muslim: 224)

Abu Huraira r.a se riwayat hai ke Rasoolullah ﷺ ne farmaya: ‘Be wuzu aadmi ki namaz qubool nahi ki jaati yahaa’n tak ke wuzu kare.’

(Bukhari: 135 – Muslim: 225)

2. Tawaaf e Ka’aba:

Tawaaf e Ka’aba ke liye wuzu shart hai.

۩ Rasoolullah ﷺ ne farmaya: ‘Qhaanae Ka’aba ka tawaaf namaz ki tarah hai pas is mein guftagu kam karo.’

(Tirmizee: Manaasikal Hajj 2922)

۞ Kis Kamo’n Ke Liye Wuzu Karna Sunnat Hai Inka Bayan:

1. Allah ka Zikr:

۩ Muhajir bin Qanfaz r.a. se marwi hai ke Rasoolullah ﷺ ko kisi ne salam kiya jab aap peshab kar rahe the to Nabi e Akram ne jawab na diya. Faraaghat ke ba’ad aapne wuzu kiya aur farmaya: main ne munaasib na samjha ke tahaarat ke baghair salaam ka
jawab du.

(Abu Dawood: al Tahaarat 17 – Ibn e Majah: al Tahaara 350) Imam Hakim V1 P167 Imam Zahabi aur Imam Nawavi ne Saheeh kaha.

۩ Abu Jaheem r.a. se riwayat hai ke ‘Ek Aadmi ne Rasoolullah ﷺ ko salam kiya aap ne is ke salam ka jawab na diya fir aap deewar ke paas aae, apne chehre aur hatho’n ka masah kiya fir salam ka jawab diya.’

(Bukhari: 337 – Muslim: 369)

2. Jumbi Admi Sone Ya Khane Se Qabl Wuzu Kare:

۩ Rasoolullah ﷺ ne ek ansaari ko bulaya. Jab wo aaya to is ke sar ke balo’n se paani tapak raha tha.
Aap ne poocha: ‘Shayad tum jaldi mein nahae ho?’
Isne kaha haa’n Allah ke Rasool!
Aap ne farmaya: ‘(Haalat e Janaabat mein) agar kisi se fauri milna hua aur nahane mein der lage to wuzu karna hi kaafi hai.’

(Bukhari: al Wuzu 180 – Muslim: al Haiz 345)

۩ Umar e Farooq r.a. ne Aap se poocha main raat ko jumbi hota hu’n to kya karu’n?
Aap ne farmaya: ‘Sharamgah (alaae Tanaasul) (T: Pennis) dho daal, wuzu kar aur sojaa.’

(Bukhari: al Ghusl 290 – Muslim: al Haiz Baab Jawaaz Naumal Junub 306)

۩ Rasoolullah ﷺ jab haalat janaabat main khana ya sona chaahte to namaz ke wuzu ki tarha wuzu karlo.

(Bukhari: al Ghusl 288 – Muslim: al Haiz 305)

۩ Nabi e Kareem ﷺ ne farmaya: ‘Jo koi apni beewi se sohbat (T: Sexual Intercourse) kare aur fir dobarah karna chaahe to ise chaahiey ke dono’n ke darmiyan wuzu kare.’

(Muslim: al Haiz 308)

3. Har Namaz Ke Liye Wuzu:

۩ Anas r.a. bin Maalik se riwayat hai ke ‘Rasoolullah ﷺ har namaz ke liye wuzu karte the.’

(Bukhari: al Wuzu 214)

4. Ghusl Waajib Karne Se Pehle Wuzu Karna
5. Sone Se Pehle Wuzu Karna Jaisa Ke Bara’a Bin Aazib Ki Riwaayat Me Hai. (Bukhari 247)

•٠•●●•٠•
Read More »

Miswak Ka Bayan


۩ Sayyadna Huzaifa farmate hain: ‘Rasool Allah jab raat ko tahajjud ke liye uthte to miswak karte.’

(Bukhari: al Wuzu 245 – Muslim: al Tahaara 255)

۩ Sayyadna Ibne Abbas farmate hain: ‘Nabi e Rahmat raat ko har do raka’at ke ba’ad miswak karte.’

(Muslim: al Tahaara, Baab as Siwak 256)

۩ Sayyada Aisha Siddaqa se riwayat hai ke Rasool Allah ne farmaya: ‘Miswak Mu’nh ke liye Tahaarat ka Sabab aur Allah ki razamandi ka zaria hai.’ 

(Nasai: al Tahaara 5) Ise Imam Nawawi aur Imam Ibne Hibban ne Saheeh kaha.

۩ Sayyada Umme Salam se riwayat hai ke Rasool Allah ne farmaya: ‘Jab bhi mere paas jibrail aate to mujhe miswak karne ka hukam karte the. Mujhe khatra laahaq hua ke main apne mu’nh ki agli jaanib na cheel lu’n.’

(Sunan Baihaqi,  V7, P-49) Imam Bukhari ne is hadees ko Hasan kaha hai.

۩ Sayyadna Abu Huraira se riwayat hai ke Rasool Allah ne farmaya: ‘Agar main apni ummat ke liye mushkil na jaanta to har namaz se pehle miswak karne ka hukam deta.’ 

(Bukhari: al Jumua’a 887 – Muslim: al Tahaara, Baab as Siwak 252).

•٠•●●•٠•
Read More »

Ghusl Ka Bayaan

۞ Ghusl e Janaabat Ka Tareeqa:
Ghusl e janaabat karne wala sab se pahle ghusl karne ka iraada ya’ani niyat karega.

Ummul Momineen Maimoona r.a. bayan karti hain ke Rasool Allah s.a.w. ne ghusl ka iraada farmaya to sab se pehle dono’n hath dhoe, fir sharamgaah ko dhoya, fir baya’n haath, jis se sharamgaah dhoya tha, zameen par ragada fir is ko dhoya fir kulli ki aur naak main paani daala, fir chehra dhoya, fir kohniyo’n tak haath dhoe fir sar par paani daala aur balo’n ki jado’n tak paani pon’hchaya. Teen baar sar par paani daala, fir tamaam badan par pani dala, fir jaha’n aapne gusl kiya tha is jagah se hat kar paao’n dhoe.

(Bukhari: al Ghusl 265 – Muslim: al Haiz 317)

Ummul Momineen Maimoona r.a. farmati hain ke ‘Main ne ghusl ke ba’ad jism saaf karne ke liey Rasool Allah s.a.w. ko kapda diya magar aapne nahi liya.’

(Bukhari: 266 – Muslim 317)

Haafiz ibne Hajar farmate hain: ‘Kisi hadees mein (ghusl janabat ka wazu karte waqt) sar ke masah ka zikr nahi hai.’

(Fatahul Baari, Sharah Saheeh al Bukhari)

Abdullah bin Umar r.a. Rasool Allah s.a.w. ke gusl janaabat me wazu ka zikr karte hue farmate hain ke aapne sar ka masah nahei’n kia balke is par pani dala. Imam Nasai ne is hadees par ye baab baandha hai: ‘Janaabat ke wazu me sar ke masah ko tark karna.’

(Nasai: al Ghusl 420 V1 P205)

Imam Abu Dawood Farmate hain: ‘Main ne Imam Ahmad se sawal kiya ke junubi jab (ghusl se qabl) wuzu kare to kiya sar ka masah bhi kare? Aap ne farmaya ke wo masah kis liey kare jab ke wo apne sar par paani dale ga.’

۞ Ek Hi Bartan Me Miya’n Biwee Ka Ikhtte Ghusl Karna:

Ummul Mominnen Aisha r.a. ne kaha: ‘Main aur Rasool Allah s.a.w. ek bartan se nahate aur duno’n is se chullu bhar bhar kar lete the.’

(Bukhari: al Ghusl 273 – Muslim: 319)

Abdullah bin Abbas r.a. se riwayat hai ke Nabi Akram ki zauja muttahhera ne ek lagan se paani lekar ghusl kiya. Nabi e Akram ne lagan me bache hue paani se wazu karna chaaha to inho’n ne arz ki aey Allah ke Rasool s.a.w.! Main jumbi thi. Aap ne farmaya: ‘Beshak paani janbi (ya’ani napaak) nahi hota.’

(Abu Dawood: al Tahaara 68)

۞ Ghusl Parde Mein Karna Chahiye:

Umme Haani bint Abi Taalib r.a. se riwaayat hai ke main Rasool Allah s.a.w. ke paas gai. Aap ghusl kar rahe the aur Faatima r.a. aap par kapde se parda kie hue the.

(Bukhari: al Ghusl 280 – Muslim: al Haiz 336)

۞ Gusl e Janaabat Ka Wuzu Kaafi Hai:

Ummul Momineen Aisha r.a. se riwayat hai ke Rasool Allah s.a.w. ghusal (janabat) ke ba’ad wuzu nahi karte the.

(Tirmizee: al Tahaara 108 – Abu Dawood: al Tahara 250) Ise Imam Haakim, Imam Zahabi aur Imam Tirmizee ne sahee kaha.

Ya’ani ghusl ke shuru me wuzu karte the, isko kaafi jaante aur (namaz ke liey) dobara wuzu nahi farmate the. Lekin is me ye ehteyat zaroori hai ke dauran ghusl, sharm gaah ko haath na lage.

۞ Jumua Ke Din Ghusl:

Sayyadna Ibne Umar r.a. se riwayat hai ke Rasool Allah s.a.w. ne farmaya: ‘Jab tum me se koi shaqs namaz jumua ke liey aae to ise ghusl karna chahiye.’

(Bukhari 877 – Muslim 844)

Sayyadna Abu Huraira r.a. se riwayat hai ke Rasool Allah s.a.w. ne farmaya: ‘Har musalman par haq hai ke hafte me ek din (jumua ko) ghusl kare. Is me apne sar dhoe aur apna badan dhoe.’

(Bukhari: al Jumua 897 – Muslim: al Jumua 849)

Abu Saeed Khudri r.a. kehte hain ke Rasool Allah s.a.w. ne farmaya: ‘Jumua ke din har baaligh musalman par nahana wajib hai.’

(Bukhari: al Jumua 879 – Muslim: al Jumua 846)

Imam Ibn Jauzi farmate hain: ‘Jumua ke Din ghusl waajib hai, kyou’nke is ki ahaadees ziyada saheeh aur qawi hain. Ibne Hazam aur Allama Shaukaani ne bhi isi tarike ko ikhtiyaar kiya hai.’

۞ Mayyat Ko Ghusl Dene Wala Ghusl Kare:

Abu Huraira r.a. riwayat karte hain ke Rasool Allah s.a.w. ne farmaya: ‘Jo shaqs murde ko ghusl de ise chaahie ke wo khud bhi nahae.’

(Abu Dawood, al Janaaez 3161 – Tirmizee, al Janaaez 993 – Ibne Majja 1463) Ise Imam Ibne Hibban 751 aur Imam Ibne Hazam V2 P23 ne Saheeh kaha.

Ibne Abbas r.a. se riwayat hai ke Rasool Allah s.a.w. ne farmaya: ‘Tum par maiyyat ko ghusl dene se koi ghusl wajib nahi, kyou’nke tumhari maiyyat taahir marti hai najis nahi, lehaza tumhei’n haath dhol lena hi kaafi hai.’

(Baihaqi V1 P 306) Ise Imam Haakim aur Imam Zahabi ne Saheeh aur Imam Ibne Hajar ne Hasan kaha hai.

Dono’n ahadees ko milane se masla ye baat hua ke jo shaqs maiyyat ko ghusl de is ke liey nahana mustahab hai, zaroori nahi.
Chuna’che Ibne Umar farmate hain: ‘Ham maiyyat ko ghusl dete (fir) ham me se ba’az ghusl karte aur ba’az na karte.’

(Baihaqi, V1 P306) Imam Hafiz Ibne Hajar ne ise Saheeh kaha hai.

۞ Nau Muslim Ghusl Kare:

Qais bin A’asim r.a. se riwayat hai ke jab wo musalman hue to Rasool Allah s.a.w. ne inhei’n hukam diya ke paani aur beri ke patto’n ke sath ghusl karei’n.

(Abu Dawood: al Tahara, 355 – Tirmizee, al Jamea’a, 605)

Ise Imam Nawawi ne Hasan, Imam ibne Khuzaima V1 P26 (154‐155) aur Imam Ibne Hibban 234 ne Saheeh kaha.

۞ Idain Ke Roz Ghusl:

Naafe r.a. kehte hain ke Sayyadna Umar eid ul fitr ke roz ghusl kiya karte the.

(Muwatta Imam Maalik V1 P17)

Hafiz ibn Abdul Bar farmate hain ke eidain ke din ghusal ke bare me Rasool Allah s.a.w. se koi hadees saabit nahi, Sahaaba ka amal hai. Ahle Ilm ki ek jama’at ke nazdeek ye ghusl, ghusl Juma’a par qiyas karte hue mustahab hai.
Sayyadna Ali r.a. ne farmaya: ‘Jumua’a, A’arfa, Qurbani aur Eid ul Fitr ke din Ghusl karna chahiye.’

(Baihaqi V3 P278).

۞ Ehram Ka Ghusl:

Zaid bin Saabit r.a. se riwayat hai ke Haj ka ehram baandhte waqt Rasool Allah s.a.w. ne Ghusl Farmaya.

(Tirmizee, al Haj: 830) Imam Imam Tirmizi ne is hasan kaha.

۞ Makka Me Daqhil Hone ka Ghusl:

Sayyadna Ibne Umar r.a. farmate hain ke Rasool Allah s.a.w. makka me daqhil hote waqt ghusl karte the.

(Bukhari, al Haj 1573 – Muslim: al Haj: 1259).

•٠•●●•٠•
Read More »

Janabat Ke Ahkaam


Aese ghusl ki haalat ko haalat ‘Janaabat’ kehte hain. Jis insaan par ghusl waajib ho wo jumbi kehlata hai. Jumbi ghusl karne se pahle na to namaz ada karsakta hai aur na hi Ka’aba ka tawaf karsakta hai.

Mudarja zel Halato’n me musalman Mard aur Aurat par gusl karna farz hojaata hai.

1. Josh ke saath mani qhaari hone ke ba’ad. (Is me Ehtelaam (T: Nightfall) bhi daaqhil hai)
2. Sohbat (T: Sexual Intercourse) ke ba’ad. 
3. Haiz ke ba’ad. 
4. Nifaas ke ba’ad (wo khoon jo bacche ke paidaesh par jaari hota hai) 
5. Marne ke ba’ad maiyyat ka ghusl. 
6. Kaafir Jab Islaam qubool kare. 

۞ Sohbat (HUMBISTARI) aur Ghusl Janaabat

Sahaaba Ikraam ke darmiyan ghusl janaabat ka ek masla zer bahes aaya. Ek groh kehta tha ke ghusl sirf duqhool(sohbat) par farz hojaata hai Anzaal[mani(sperm) nikalna] shart nahi. Doosra groh bayan karta tha ke wajoob ghusl ke liey duqhool ke saath anzaal bhi shart hai. Abu Moosa ne Ummul Momineen Aisha r.a. Siddiqa se dariyaft kiya. Aisha r.a. Siddiqa ne kaha ke Rasool Allah ﷺ ne farmaya: ‘Jab Mard, Aurat ki chaar shaqho’n ke darmiyan baith jaae aur is ka sharmgaah aurat ke sharmgaah ke saath chhu jae to ghusl waajib hojata hai.’

(Sahih Muslim: al Haiz, hadith- 349).

Masla ye saabit hua ke sirf sharamgaho’n ke milne par hi murad aur aurat janbi hojate hain aur in par ghusl waajib hojata hai. Anzaal shart nahi hai.

Rasool Allah ﷺ ne farmaya: ‘Jab tum aurat ki chaar shaaqho’n ke darmiyan baith kar sohbat karo to tum par ghusl waajib hogaya. Agarche mani na nikle.’

(Bukhari: al Ghusl 291 – Muslim: al Haiz 348).


۞ WET DREAMS KA MASLA:

Ummul Momineen Aisha r.a. Siddiqa riwayat karti hai ke Umme Sulaym ne Rasool Allah ﷺ se kaha: ‘Allah ke Rasool ﷺ ! Yaqeenan Allah haq se nahi sharmata (main bhi Aap se masla poochti hu’n) kya aurat par ghusl hai jabke is ko ehtelaam(night fall) ho?Aap ne farmaya: ‘Haa’n, lekin jab paani (mani ka nisha) dekhe.’Is par Umme Salma ne arz kiya: Aey Allah ke Rasool! Kya aurat ko bhi ehtelaam(night fall) hota hai?Aap ne farmaya: ‘Haa’n (hota hai) tumhara daahina haath qhaak aaluda ho.’

(Bukhari: al Ghusl 282 – Muslim: al Haiz 313)

Is me aakhri jumla bad-dua nahi, mahez ek muhawera hai, murad tambiya karna hota hai.

Ma’aloom hua ke aurat ya mard neend se uth kar agar teri ya’ani nishaan mani dekhei’n to (ye ehtelaam ki alaamat hai lehaza) in par ghusl karna farz hojaata hai aur agar ehtelaam ki kaifiyat inhei’n yaad ho lekin nishan na paaei’n to ghusl farz nahi hoga aisi soorat me shak karne ki zaroorat nahi hai.

۞ Jumbi Ke Balo’n Ka Masla:

Umme Salma r.a. riwayat karti hain ke main ne kaha aey Allah ke Rasool! Main apne sar ke baal qhoob mazboot gondhati ho’n. 
Kya main inhei’n ghusl janaabat ke waqt khola karu’n? 
Aap ne farmaya: Inka kholna zaroori nahi. Tumhare liey kaafi hai ke teen lap paani apne sar par dale, phir apne sare badan par paani bahaae, pas to paak hojaogi. 

(Muslim: al Haiz 330) 

Aisha r.a. ko khabar mili ke Abdullah bin Umru aurato’n ko ghusl janaabat ke liey baal kholne ka hukam dete hain. 
Aap farmane lagei’n, Ibne Umar par ta’ajjub hai. Inho’n ne aurato’n ko takleef me daal diya wo inhei’n sar mundwane ka hukam kyou’n nahi de dete. Main aur Rasool Allah ﷺ ek hi bartan main ghusl karte aur main apne (baal khole baghair) sar par teen chullu se ziyada paani nahi daalti thee. 

(Muslim: al Haiz 331)

Ma’aloom hua ghusl janaabat ke liey baal kholene ki zaroorat nahi magar ye hukam sirf ghusl janaabat ka hai. Ghusl haiz ke liey balo’n ko kholna zaroori hai.

Aisha r.a. se riwayat hai ke inhei’n Rasool Allah ﷺ ne ghusl haiz ke liey farmaya: ‘Apne baal kholo aur ghusl karo.’

(Ibn e Majah: al Tahaara 641) Imam Boosiree ne Kaha ke iske Raawi Siqa hain).

۞ Jumbi Ke Saath Milna Julna:

Abu Huraira r.a. riwayat karte hain k eek din bahaalat janaabat main ne Rasool Allah ﷺ se mulaqaat ki. Aap ne mera haath pakda aur main Aap ke saath ho liya. Aap ek jagah baith gai aur main chupke se nikal gaya aur ghar jaakar ghusl kiya phir waapas aaya. Aap abhi baithe hue the. Aap ne poocha: Aey Abu Huraira! Tu kaha’n gaya tha.

Main ne saara haal keh sunaya to Aap ne farmaya: Subhan Allah, beshak momin naapak nahi hota. 

(Bukhari: al Ghusl 283 – Muslim: al Haiz 381)

Nabi Rahmat ka ye farman ki momin napaak nahi hota, iska matlab ye hai ke momin haqeeqatan najis aur paleed nahi hota.

Janaabat ‘Hukmi Najaasat hai’ Hassi nahi ya’ani shariat ne maslehat ki bina par ek haalat me hukman is par ghusl waajib kiya hai. Pas Junbi ke saath milna julna, uthna baithna, mel-jol aur khana peena sab jaaez hai.

۞ Mazee Qhaarij Hone Se Ghusl Waajib Nahi Hota:

Sayyadna Ali r.a. ko mazee kasrat se aati thi. Aapko masla ma’loom na tha ke mazi qhaarij hone par gusl waajib hota hai ya nahi. 
Choo’nke Rasool Allah ﷺ ke damaad the, is liey seedhe daryaft karte sharm aayi to apne dost Miqdaad r.a se kaha ke wo masla dariyaft karei’n. Miqdad r.a ne Nabi e Akram ﷺ se poocha, Aap ne Farmaya: Agar mazee qharij hoto sharamgah ko dholo aur (namaz ke waqt) wazu karo. 

(Bukhari: al Wazu 178 – Muslim: al Haiz 303).

Aur farmaya: ‘Aur Kapde par jaha’n maze lagi ho ek chullu paani lekar chidak lena kaafi hai.’

(Abu Dawood: at Tahaara 210 – Tirmizee: al Tahaara 115) Imam Tirmizee ne ise Hasan Saheeh kaha.

۞ Mazi, Mani, Wodi Ka Farq:

Mazee (T: Pre‐Ejaculatory Fluid, Preseminal Fluid): Is chipakte hue laisdaar paani ko kehte hain jo sehwat ke waqt sharmgaah ke sire par nikalta hai.

Manee: Sharmgaah se lazzat aur josh ke sath tapak kar qharij hone wala safed chiz hota hai, jis se insan paida hota hai aur is ke nikalne se aadmi par ghusl farz hojata hai.

Wadee: Wo gaadha safed paani jo peshab se pahle ya ba’ad nikalta hai. Is ke nikalne par ghusl karna zaroori nahi hai.

۞ Safed Pani Aane se Ghusl Wazib Nahi:

Jin aurato’n ko safed paani aane ki shikayat hoti hai is se bhi ghusl laazim nahi hoti. Pahle ki tarha namaazei’n adaa karni chaahei’n.

۞ Haiz Ke Masaael:

Haiz is khoon ko kehte hain jo baligha aurat ke raham se har maah nikalta hai, iska kam se kam waqt ek din aur ek raat hai aur ziyada se ziyada 15 din hai. A’am taur par 6 ya 7 din aata rehta hai.

۞ Haiz o Nifaas Ke Ayyam Mein Mamno A’amaal

1. Namaaz Aur Roza Ki Mumaneat:

Rasool Allah ﷺ ne farmaya: ‘Jab aurat haiz se hoti hai to wo namaz nahi padhti aur na roza rakhti hai.’

(Bukhari: al Haiz 304 – Muslim: al Eman 79)

Ek aurat ne Aisha r.a. se dariyaft kiya: Kya wajah hai ke haaeza aurat roze ki qaza tu deti hai, Namaz ki nahi? Aisha r.a. ne farmaya: ‘Rasool Allah ﷺ ke zamana mein hamein haiz aaya karta tha to hamei’n roze ki qaza ka hukam diya jaata tha magar namaz ki qaza ka hukam nahi diya jata tha.’

(Muslim: al Haiz 335)

2. Haeza Se Sohbat Karne Ki Mumaneat:

Haiz ki haalat main aurat se mujamat karna saqht gunah hai Allah Ta’ala ne Quran e Majeed main farmaya: ‘Pas (ayyam) haiz mein aurato’n se kinara kasha karo (ya’ani sohbat na karo).’
Agar koi is gunah ka murtakib hojaae to Nabi e Akram ne farmaya: ‘Jo shaqs bahaalat haiz apni aurat se sohbat kare to ise chaahie ke aadha deenar khairat kare.’

(Abu Dawood: al Tahaara 264 – Tirmizee: al Tahaara 136) Imam Malik (V1 P171‐172) aur Imam Zahabi ne ise Saheeh kaha hai.

Deenar sadhe chaar (4½) mashes sone ka hota hai aadha deenar sawa do mashe (2¼) hua. Sone ki qeemat sadqa kare ya’anee kisi haqdaar ko de de aur aainda ke liey tauba kare.

Ibn e Abbas r.a. farmate hain agar haiz ka rang surqh hai to ek deenar aur agar haiz ka rang peela hai to aadha deenar qhairaat kare.

(Tirmizee: 138 – Abu Dawood: an Nikaah 2169) Albani ne muquf riwayat ko saheeh kaha.

3. Tawaf Ka’aba Ki Mumane’at:

Ummul Momineen Aisha r.a. se riwayat hai ke main Rasool Allah ﷺ ke sath haj ko gai, raaste me mujhe haiz shuru hogae,
Rasool Allah ﷺ mere paas aae aur main ro rahi thee,
Aapne Farmaya: ‘Kya tujhe haiz aagaya?
Main ne a’arz ki ke haa’n 
Aap ne farmaya: ye Allah Ta’ala ka amar hai jo is ne Aadam (A) ki betiyo’n ke liey likh diya hai, pas tum har wo kaam karo jo haaji karte hain siwaae Qhanae Ka’aba ke tawaaf ke, aur wo tum (haiz se paak hokar) ghusl karne ke ba’ad karna.’ 

(Bukhari: al Umrah 1785 – Muslim 1216)

۞ Haiz Aur Nifaas Mein Jaaez Umoor:

۩ Haeza Ko Choona Aur Is Ke Saath Khana Jaaez Hai:

Sayyadna Anas r.a. riwayat karte hain ke jab aurat haiz (ya’ani mahwari ka khoon) se hoti to yahoodi iske saath khate peete nahi the, to Rasool Allah ﷺ ne farmaya: Haaeza se har kaam karo siwae jima’a(sexual intercourse) ke. 

(Muslim: al Haiz 302)

Ya’ani haaeza se khana peena, uthna baithna, milna julna, ise choona aur bos o kinaar (kissing) waghaira sab batei’n jaaez hain siwae mujamea’at (T: sexual intercourse) ke.

Ummul Momineen Aisha r.a. riwayat karti hain ke Rasool Allah ﷺ mujhe (haalat haiz mein) izar baandhne ka hukam dete, so main izar bandhti. Aap mujhe gale lagate the aur main haiz wali hoti thee. 

(Bukhari: al Haiz 300 – Muslim: al Haiz 293)

Aisha r.a. se riwayat hai ke Nabi e Akram ne masjid (me apni etekaaf’gah) se mujhe boriya pakdane ka hukam diya. Main ne kaha ‘Mai’n Haaeza hu’n.

Aap ne farmaya: Tumhare Haiz tumhare haath me nahi hai.’

(Muslim: al Haiz, 298)

Aisha r.a. se riwayat hai: ‘Nabi e Rahmat meri god ko takiya banakar Quran e Hakeem ki tilaawat karte the hala’nke main haaeza hoti thee.’

(Bukhari: al Haiz, 297 – Muslim: al Haiz 301)

۩ Haaeza Ka Quran Padhna Aur Azkaar Ka Karna:

Haalat janaabat wo haiz main Quran e Hakeem ki tilaawat ke haram hone ke bare me koi saheeh hadees nahi hai.

Azkaar ki baabat Imaam Navawi farmate hain: ‘Haaeza ke liey Tasbeeh o Tamheed takbeer aur deegar dua’ae’n aur azkar bila ijma’a jaaez hain.’ (Al Majmua’a)

Iski daleel Aisha r.a. ki hadees hai.

Aap farmati hain: Main haj ke dono’n me haaeza hogai to Rasool Allah ﷺ ne farmaya: ‘Baitullah ke tawaf ke alawa har wo kaam karo jo haaji karta hai.’ 

(Bukhari: al Haiz 294 – Muslim: al Haj, 1211)

Is hadees se ye bhi waazeh hua ke haaez Tawaaf e Ka’aba ke alaawa Haj ke baaqi tamaam a’amaal kar sakti hai. Umme A’atiya r.a. farmati hain ke Rasool Allah ﷺ ne haiz wali aurato’n ko bhi eid ke roz eid’gaah jane ka hukam diya take wo logo’n ki takbeero’n ke saath takbeerei’n kahei’n aur in ki dua ke saath dua karei’n lekin namaz na padhei’n.

(Bukhari: al Edain 981 – Muslim 890)

Ummul Momineen Aisha r.a. farmati hain ke Rasool Allah ﷺ har haal me Allah ka Zikar karte the. 

(Muslim al Haiz 373)

In ahadees se saabit hua ke haaeza aur janbi zikar azkaar karsakte hain.

۞ Istehaaza Ka Mas’ala:

Istehaaza wo khoon hota hai jo ayyam e haiz ke ba’ad qhaaki ya zard rang ka jaari hota hai. Ye ek marz hai. Jab aurat apne haiz ki a’adat ke din poore karle phir use ghusl karke namaz shuru kardeni chaahie kyou’nke khoon istehaaza ka hukam khoon haiz ke hukam se muqhtalif hai.

Aisha r.a. Siddiqa se riwayat hai ke Fatima bint Abi Habeesh Rasool Allah ﷺ ki qhidmat me aaei’n aur arz kiya: Aey Allah ke Rasool! Mujhe khoon istehaaza aata hai aur main (bawajah khoon istehaaza) paak nahi noti kya main namaz chor du’n? 

Aap ne farmaya: Nahi khoon istehaza ek (androoni) rag se (behta) hai aur ye khoon haiz nahi hai. Pas jab tumhe haiz ka khoon aaey to Namaaz chod’de aur jis waqt khoon haiz band hojaae (aur khoon istehaaza shuru ho) to apne istehaaza ke khoon ko dho aur namaz padho.’ 

(Bukhari: al Haiz 306 – Muslim: al Haiz 333)

Fatima bint Abi Habeesh ko Rasool Allah ﷺ ne farmaya: ‘Haiz ka khoon siyah rang ka hota hai aur pehchaana jata hai agar ye aae to namaz se rukjao aur agar koi aur rang hoto wuzu kar aur namaz padho is liey ke ye rag (istehaza) ka khoon hai.’

(Abu Dawood: al Tahara 286).

Umme A’atiya r.a. bayan karti hain ke ‘Ham haiz ke alawa baqi do’no me peele (T: Yellow) ya matyale rang ki kuch parwah nahi karti thei’n.’ 

(Bukhari: 326 – Abu Dawood: 308)

۞ Haasil Kalaam Ye Ke Mustehaaza Paak Aurat Ki Tarha Hai:

Khoon haiz baloogat (T: Maturity) ki alaamat hai agar ye adat ke mutabiq aae to ye sahet ki alaamat hai, is ke bar a’aks istehaaza beemari ke alaamat hai choo’nke ye khoon, haiz se pehle bhi aata hai aur haiz ki muddat guzar jane ke bawajood nahei’n rukta is liey ba’az qhawateen ise bhi haiz samajh kar namaz chod’de rakhti hain lehaza is masla ko bil wazaahat samjahna zaroori hai:

1. Khoon haiz gaadha, Siyaah aur kisi qadr badboodar hota hai. Jib is ki muddat qatam hoti hai tu qhaaki yaa zard rang ka khoon agar jaari rehta hai to wo istehaza ka khoon hai.
2. Agar khatoon, haiz aur istehaza ka farq pehchaanti hai to wo is ke mutabiq amal karegi ya’ani haiz aane par namaz chod’degi aur haiz ke ba’ad istehaza ke dauran har namaz ke liey alag wuzu karke namaz ada karegi.
3. Agar is dono’n khoono’n ki pehchaan nahi hai albatta haiz ise a’adat ke mutabiq aata hai to wo a’adat ke dono’n main namaz tark karegi aur inke ba’ad khoon aaega ise istehaza samjhegi.
4. Agar ise dono’n khoono’n ki pehchan hai aur haiz bhi a’adat ke mutabiq nahi aata to wo apni qareebi rishtedar qhatoon (jo mizaaj aur umar me is jaise ho mislan bahen waghaira) ki a’adat ke mutabiq amal karegi hatta ke ise pehchaan hojae ya iski apni adat ban jaae, wallahu A’alam.

۞ Mustehaaza Ke Ehkaam: 

1. Haiz ke qhatme ke ba’ad aurat ghusl karegi.

2. Rasool Allah ﷺ ne fatema bint Habash ko hukam diya ke har namaz ke liey wazu kiya karo (Bukhari: 228)

3. Aurat har wo kaam karegi jo ek paak aurat karti hai ya’ani wo namaz adaa karegi, roza rakhegi, etekaaf karegi, qhana ka’aba ka tawaf kare gi.

4. Mustehaaza aurat se sohbat karna jaaez hai. Hamna bint Hajash se riwayat hai ke ‘inhei’n istehaza ka khoon ata tha aur in ke qhawand (is haal mein) in se sohbat karte the.’ 

(Abu Dawood: al Tahaara,: 310)

۞ Nifaas Ka Hukam

Bacche ki paidaesh ke ba’ad jo khoon aata hai, ise nifaas kehte hain. 

Umme Salma r.a. farmati hain ke nifaas wali auratei’n Rasool Allah ﷺ ke zamane me 40 din baitha karti thee’n (Namaz waghaira nahi padhti thee’n). 

(Abu Dawood: at Tahaara 311 – Tirmizee: at Tahaara 139 – Ibne Majja 648) Ise Imam Haakim (V1 P175) aur Haafiz Zahabi ne Saheeh, jabke Imam Navavi ne hasan kaha.

Aksar Sahaaba aur Ta’abaeen ke nazdeek nifaas ke khoon ki ziyada se ziyada muddat 40 din hain. Agar 40 roz ke ba’ad bhi khoon jaari rahe to aksar ahle ilm ke nazdeek wo khoon istehaaza hai, jis me aurat har namaz ke liey wazu karti hai. Nifaas ki kam az kam muddat ki koi had nahi.

Sayyadna Anas r.a. farmate hain: ‘Nifaas ki muddat 40 din hai illa ye ke khoon pehle hi band ho jaae.’ (Baihaqi)

Imam Shafai farmate hain: ‘Agar aurat ko wilayat ke ba’ad khoon aata hi nahi to is par zaroori hai ke wo gusl kare aur namaz padhe.’

Nifaas aur haiz ke khoon ka hukam ek jaisa hai ya’ani in halaat me namaz roza aur jama’a(sexual intercourse) mana hai.

Rasool Allah ﷺ ayyam e nifaas ki namazei’n ki qaza ka hukam nahi dete the.

(Abu Dawood: al Tahaara, Baab Majja, fee Waqt an Nafsaa 312) Ise Imam Haakim aur Imam Zahabi ne Saheeh kaha.

•٠•●●•٠•
Read More »

Napaki Ke Huqm Aur Paaki Kaise Haasil Kare


Ek Aaraabi (T: Villager) ne masjid me peshab kardiya aur log is ke peeche padgae. Rasool Allah ﷺ ne inhei’n farmaya: ‘Ise chhor do aur (jaga ko paak karne ke liey) is ke peshab par paani ka dol bahaado.’

(Bukhari: al Wuzu 221 – Muslim: at Tahaara 284)

Fir Aap ﷺ isko bulakar farmaya: ‘Masjid peshab aur gandagi ke liey nahi, balke Allah ke zikar, namaz aur quran padhne ke liey(hoti) hain.’

(Ibn e Majah: at Tahaara 529)

۞ Haiz Alood Kapda (T: Mensturation Cloth):

A
sma bint Abi Bakr r.a. riwayat karti hain ke ek aurat ne Rasool Allah ﷺ se poocha ke jis kapde ko haiz (maahwaari) ka qhoon lag jaae to kya kare? Aap ﷺ ne farmaya: ‘Ise chutkiyo’n se mal kar paani se dho daalna chahiye aur phir is me namaaz adaa karli jaae.’

(Bukhari: al wuzu 227 – Muslim: at Tahaara 291)

۞ Mani (T: Semen) Ka Dhona:

Ummul Momineen Aisha r.a. farmati hain ke main Rasool Allah ﷺ ke kapde se Mani dhodaalti thi aur Aap is kapde me namaz padhne tashreef le jaate the aur dhone ka nishan kapde par hota tha.

(Bukhari: al Wuzu 229 – Muslim: at Tahaara 289)

۞ Dudh Peete Bacche Ka Pehsab:

Umme Qais r.a. apne chote (doodh peete) bacche jo khana nahi khaata tha, Rasool Allah ﷺ ke paas laaei’n aur Aap ne ise apni god me bitha liya. Bacche ne Aap ke kapde par peshab kardiya to Aap ne paani mangwa kar kapde par chee’ntei’n mare aur ise dhoya nahi.

(Bukhari: al Wazu 223 – Muslim: al Tahaarah 287)

Lubaaba bint Haaris r.a. riwaayt karti hain ke Husain bin Ali ne Rasool Allah ﷺ. ki god me peshab kardiya (jo abhi doodh peeta hi tha) Main ne arz kiya: Koi aur kapda pahen lei’n aur tehband mujhe de dei’n taake main ise dhodu’n. To Aap ﷺ ne farmaya: Ladki ka peshab dhoya jaata hai aur ladke ke peshab par chee’nte mare jaate hain.

(Abu Dawood: al Tahaara 375 – Ibne Majja: al Tahaara 522) Ise Imam Ibne Qhuzaima (282) Imam Haakim (V1 P166) aur Imam Zahabi ne Saheeh Kha.

۞ Kutte Ka Jhoota:

Abdullah bin Maghfal r.a. se riwayat hai ke Rasool Allah ﷺ ne farmaya: ‘Agar kutta kisi ke bartan me paani (waghaira) pee le tobartan ko saat baar paani se dhoe aur pehli bar mitti se maanje.’

(Muslim: at Tahaara 279 & 280)

۞ Murdaar Ka Chamda:

Ek bakri margai. Nabi e Kareem s.a.w is ke paas se guzre aur poocha ke tum ne is ka chamda utaar kar rang kyou’n nahi liya take isse faaeda uthate? Logo’n ne kaha wo to murdaar hai.Aap ﷺ ne farmaya ke: ‘Iska sirf khana haraam hai.

(Bukhari: al baiyo 2221 – Muslim: al Haiz 363)

Ummul Mominee Saudah r.a. ne farmaya ke hamaari bakri margay. Hamne is ke chamde ko rang kar mashk banaali. Phir ham us me nabeez (khujoor ka masroob) daalte rahe yaaha’n tak ke wo puraani hogai.

(Bukhari: al Eman wal Nazor 6686)

Nabi e Rehmat ﷺ ne murda bakri ka chamda utaarkar istemaal karne ka hukam diya aur farmaya: ‘Murdaar ka chamda dabaaghat dene (masaale ke saath rangne) se paak hojaata hai.’ (Abu Dawood: al Libaas 4125) Ise Imam Ibne Sakan aur Imam Hakim ne Saheeh kaha. Rasool Allah ﷺ ne darindo’n ki khaal istemaal karne se mana’a farmaya.

(Abu Dawood: al Libaas 4132 – Tirmizee, al Libaas 1771) Ise Imam Hakim aur Imam Zahbi ne Saheeh kaha.

۞ Billi Ka Jhoota:

Rasool Allah ﷺ ne farmaya: ‘Billi ka jhoota najis nahi hai.’

(Abu Dawood: at Tahaara 75 – Tirmizee at Tahaara 92) Ise Imam Tirmizee, Imam Hakim, Imam Zahabi aur Imam Nawawi ne Saheeh kaha)

۞ Sone Chaandi Ke Bartan Me Khana:

Umme Salma r.a. riwayat karti hain ke Rasool Allah ﷺ ne farmaya: ‘Jo shaqs sone chaandi ke bartano me khata peeta hai. Wo Apne pet me dozaqh ki aag jama’a karta hai.’

(Muslim, al Libaas 2025).

•٠•●●•٠•
Read More »