Bachhe Ko Utha Kar Namaz Padhna

RasoolAllah ﷺ apni Nawasi 'Umaamah' r.a. ko Utha kar namaz padhte the, Jab ruku aur sajda karte toh unhe utaar dete  aur jab Qiyaam karte to use dobara utha lete .

Narrated by al-Bukhaari, no. 486, and Muslim, no. 844.

Is hadith se ye malum hua ki Agar ap apne bache ko uthate hai ya use niche utarte hai to apki namaz me koi fark nai padega.

‘Abd-Allaah ibn Shaddaad apne walid se riwayat karte hai : RasoolAllah ﷺ ek raat hame Magrib ya Isha (raawi ko shak hai) ki namaz padhane ke liye aaye aur wo Hasan ya Husayn ko uthae hue the. RasoolAllah ﷺ aage aaye aur Bache ko niche utara, Takbeer kaha aur Namaz ki shuruat ki. Namaz me unhone sajda kiya aur apne sajde ko lamba kiya, Mere walid ne kaha, "Maine apna sar (sajde se) uthaya aur maine us bache ko RasoolALlah ki peeth par dekha aur wo sajde me the toh mai wapis se sajde me chala gaya. Jab RasoolAllah ﷺ ne namaz khatm kiya, logo ne kaha, ' Ae Allah ke Rasool apne namaz me itta lamba sajda kiya hamlogo ko laga ki kuch ho gaya hai apko ya fir ap par wahee aa rahi hai.' RasoolALlah ﷺ ne farmaya. "Kuch bhi nahi hua , lekin mera beta mere peeth par chadha tha aur mai use pareshan(disturb) nai karna chahta tha jab tak ke use kafi na ho jata(matlab ache se wo bacha khel chuka ho pith par).

(Narrated by al-Nisaa’i, no. 1192; classed as saheeh by al-Albaani – may Allaah have mercy on him – in Saheeh Sunan al-Nisaa’i, 1/246).

SubhanAllah Islam kitna khubsurat Deen hai aur utna hi aasaan bhi. Allah hamlogo ko marte dam tak Islam pe qayam rakhe. aameen.

Read More »

Rasoolullah Qayamat Ke Din Kin Logo Ki Sifarish Nahi Karenge

Hamare muashre me ek galat famy hai ki hamare ilm me ye hai ke Qayamat ke Din RasoolAllah ﷺ apne har ummatio ki shifarish karenge jab ki agar ham sahih hadith padhte to is ke bilkul ulti baat hame pata chalegi.

Qayamat ke din jo Allah ke sath auro ko shareek karege (auro ko pukarega ya auro ke aage sajda karega) uski shifarish RasoolAllah ﷺ nahi karenge:

Hazrat Abu Huraira Radhi Allah Anha Kehte Hain Rasool ﷺ Ne Farmaya, Har Nabi Ke Liye Ek Dua Aisi Hai Jo Zaroor Qabool Hoti Hai Tamam Ambiya Ne Woh Dua Dunia Main Hi Maang Li, Lekin Main Ne Apni Dua Qayamat Ke Din Apni Ummat Ki Shafa’at Ke Liye Mehfooz Kar Rakhi Hai, Meri Shafa’at In shaa Allah Har Us Shakhs Ke Liye Hogi Jo Is Haal Main Mara Ke Usne Kisi Ko Allah SWT Ke Sath Shareek Nahin Kiya.

( Sahih Muslim, Kitab Al-Imaan, Hadith 399)

Qayamat ke din unlogo ki bhi sifarish RasoolAllah nahi karenge jin logo ne Deen me nayi nayi baato ka ijaad kiya hoga matlab jinhone biddat kiya hoga:

RasoolAllah ﷺ Hauz-e-Kausar say apne ummatio ko pani pila rahe honge aur unhe rok dia jaega, inko bhi Nabi ﷺ yehi samjhaenge ke yeh to meray farmabardar ummati hain lekin Aap ﷺ ko mutla’ kia jae ga ke ‘Ae Nabi ﷺ Aap nahi jantay ke inho ne Aap ke jane ke bad kya kuch kiya, inhon ne Aap ke baad Deen me Nayi Nayi cheeze nikal li thin’, to Aap ﷺ farmaenge “In ke liye (rahmat se) duri ho! In ke liye duri ho!  Jinho ne mere baad Deen ko badal dala.”

[Sahih Bukhari, Vol.8, kitab ur-Riqaaq, Hadith- 6584].

 Is hadith se ye malum hua ki Qayamat ke din Biddatio ki bhi sifarish RasoolAllah nahi karenge. Allah se dua hai ki Allah hame biddat aur shirk se bachae aur wahi Deen par amal karne ki Taufeek ata kare jo Deen RasoolAllah chhor kar gae the. aameen.

•٠•●●•٠•

Read More »

Shawwal Ke 6 Rozo Ki Fazilat

Shawwal ke 6 rozo ka huqum kya hai aur kya ye roze wajib hai?

Ramzan ul mubarak ke rozo ke baad shawwal ke 6 roze rakhna wajib nahi balki sunnat mustahab hai, aur musalmano ke liye behtareen amal hai ki wo shawwal ke 6 roze rakhe jis me fazl e azeem aur bahot bada ajar o sawab hai, kyuki jo sakhsh bhi ramzan ul mubarak ke roze rakhne ke baad shawwal ke 6 roze bhi rakhe toh pure saal ke roze rakhne ka ajr o sawab likha jata hai hai.

Ye Shawwal ke roze pure shawwal ke mahine me kabhi bhi rakhe ja sakte hai, ye zaruri nahi ki eid ke fauran baad rakhe jaye aur is roze ko lagataar bhi rakh sakte hai aur alag-alag karke bhi.

Nabi ﷺ se bhi ye sabit hai ki isse pure saal ka ajar milta hai.

۩ Abu Aiyub Ansari r.a. bayan karte hai ke Rasool ﷺ ne farmaya,

“Jis ne ramzan ke roze rakhne ke baad shawwal ke 6 roze rakhe toh ye aesa hai jaise pure saal ke roze ho.”

Sahih Muslim, kitab al sawm ﴾13﴿, hadees- 2758.

Nabi akram ﷺ ne iski sharah aur tafsir is tarha bayan farmai hai ki jisne Eidul Fitr ke baad 6 roze rakhee uske pure saal ke roze hai. (Jo koi naiki karta hai use uska ajar dus guna milega).

۩ Aur ek riwayat main hai ki Allah tala ek naiki ko dus guna karta hai lihaza ramzanul mubarak ka mahina dus mahino ke barabar hua aur 6 dino key roze saal ko pura karte hai.

Sunan Nisai, Sunan Ibne Majah, dekhey Sahih al Targib wa al Tarhib (421/1).

Aur Ibn e Khuzaima ne mundarza zail alfaz ke saath riwayat kiya hai: Ramzan ul mubark ke roze das guna aur shawwal ke 6 roze do mah ke baraber hai toh is tarha pure saal ke roze hue.

Imam Hambal aur Shafai ikram ne tashrih ki hai ki: Ramzan ul mubarak ke baad shawwal ke 6 roze rakhna pure ek saal ke farzi rozo ke barabar hai warna toh amumi taur per nafli rozo ka ajro sawab zyada hona sabit hai kyuki ek neki dus ke baraber hai.

Fir Shawwal ke 6 roze rakhne ka ahem fawaid main ye bhi shamil hai ki ye roze Ramzan ul mubarak main rakhe gaye rozo ki kami o beshi aur nuksh ko pura karte hai aur uske awaz me hai kyuki rozedar se kami o beshi ho jati hai aur gunah bhi sarzad ho jate hai jo ki uske rozo main salbi pahlu rakhta hai.

Aur roze qayamat farz main paida shuda nuksh nawafil se pura kiya jayega jesa ki Nabi e karim ﷺ ne bhi farmaya hai roze qayamat bande ke amaal main sabse phele namaz ka hisabo kitab hoga. Nabi ﷺ ne farmaya humara Rab ajjo wajal apne farishto se se farmayega halaki wo zada ilm rakhne wala hai  mere bande ki namazo ko dekho kya usne puri ki hai ki us main nuks hai, agar toh mukammil hongi toh mukammil likhi jayegi aur agar ismain kuch kami hui toh Allah tala farmayega dekho mere bande ke nawafil hai agar toh uske nawafil hoge toh Allah tala farmayega mere bande ke faraiz iske nawafil se pure kar do, fir baki amaal bhi isi tarha liye jayege.

Sunan Abu Dawud, hadees-733.

۩ Sheikh Ibn 'Uthaymeen farmate hai

“Ye Durust hai ki koi shaks Shawwal ke 6 din roze rakhe lagataar ya alag-alag.”

Noor ala ad-Darb no. 376.

•٠•●●•٠•

Allah hame amal ki taufeek ata kare. aameen.

Read More »

Kya Farz Rozo Ki Qaza Se Pahle Nawafil Roze Rakhe Ja Sakte Hain?

Kya Farz Rozo Ki Qaza Se Pahle Nawafil Roze Rakhe Ja Sakte Hain?   

Saudi Majlis Ifta'

"Jisne apne upar Farz Rozo ki qaza se pahle Nafil roze rakhliye Fir Farz rozo Ki Qaza di toh uski qaza Kifayat kar li jayegi lekin munasib ye hai ki Pahle wo Farz Rozo ki qaza de Fir Nafli Roze rakhe kyuki Farz zyada aehem hain".

Fataawa al-Lajnah ad-Daa'imah lil-Buhooth al-'Ilmiyyah wal-Iftaa- 383\10.

•٠•●●•٠•

Read More »

Kasam Todne Ka Kaffara

Allah pak Quran e majeed me farmate hai:

لا يُؤَاخِذُكُمْ اللَّهُ بِاللَّغْوِ فِي أَيْمَانِكُمْ وَلَكِنْ يُؤَاخِذُكُمْ بِمَا عَقَّدْتُمْ الأَيْمَانَ فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ فَمَنْ لَمْ يَجِدْ فَصِيَامُ ثَلاثَةِ أَيَّامٍ ذَلِكَ كَفَّارَةُ أَيْمَانِكُمْ إِذَا حَلَفْتُمْ ۔

Tum log jo bagair soche samjhe kasam kha lete ho un par to Allah tumhari girift nahi karega magar jo kasam tum jaan bujh kar khate ho un par wo zauru tumse muwakhza karega. (Aisi kasm todne ka) Kaffara ye hai ki tum das(10) miskeen ko ausatan darje ka wo khana khilao jo tum apne baal-bachho ko khilate ho ya unhe libas faraham karo ya fir (ek) gulaam aazaad kardo. Jise ye muyasar na ho wo teen din ke roze rakhe. Yeh tumhari kasmo ka kaffara hai. 

Surah Maida, ayat- 89.

Is ayat se pata chalta hai ki agar kasam ka kaffara ada karna hai to use 3 chizo ki choice hai:

1. Das(10) miskeen(gareeb) ko ausatan us jaisa khana khilana jo ham apne bacho ko khilate hai. Un 10 logo ko agar jama kar ke lunch ya dinner ke liye bulaya jaye to kaafi hoga.

2. Un das logo ko kapde dena. Kapde aese hone chaiye ki ek shaks aaram ke sath usme namaz padh ke ya padhne ja sake. Agar aurat ko dena ho to aese kapde hone chaiye jo us k badan ko poshida rakh sake aur head cover bhi dena chaiye. Mard ke liye upar aur niche dono ka kapda dena chaiye (Upper and lower garment).

3. Ek Gulaam ko aazad karna.

Jo in chizo ko na kar sake wo 3 din ke roze rakhe.

Aksar ulema is baat se mataffik hai ki kaffara ki adaegi paiso (cash) me nai ho sakti.

Ibn Qudaamah r.h. farmate hai: "Ye kafi nahi hai ki khane ya kapde ki keemat ki keemat ada ki jaye kyuki Allah ne khane ka zikr kiya hai isliye kaffara kisi aur zariye se ada nahi ho sakta kyuki Allah ne hame teen chizo ki choice di hai aur agar keemat ada karne ki ijazat hoti to sirf teen chiz tak choice mahdud na rahti".

Al-Mughni by Ibn Qudaamah, 11/256 .

Shaykh Ibn ‘Uthaymeen farmate hai:

"Agar kisi shaks ko azaad karne ke liye gulam na mile, ya kapde dene ke liye, ya khana khilane ke liye, toh use teen din lagataar roze rahne padenge bina koi darmiyan me waqf ke sath".

Fataawa Manaar al-Islam, 3/667.

•٠•●●•٠•

Read More »

Zakat al Fitr

۩ Rasool Allah ﷺ Ne Zakat-Ul-Fitr Ko Har Muslaman Mard, Aurat, Budhe, Bachche Par Farz Kiya Hai.

(Sahih Al Muslim, Hadees 984)

۩ Koi Bi Cheez Jo Insan Khane Ke Liye Istemal Karta Hai, Jaisa Ke Barley, Khajoor, Gyahu Wagera Zakat-Ul-Fitr De Sakte Hai.

(Ibn e Khuzaimah, Hadees 4/80)

۩ Shaykh Ibn ‘Uthaymeen Ne Iski Miqdaar Ek Shaks Se 1 Saa Yani 2kg-100gm Batayi Hai.

Fataawa al-Zakaah, p. 274-276. 

۩ Zakat-Ul-Fitr Khane Ki Cheez (Gyahu, Anaaj, Khajoor) Hi Dena Chahiye, Paisa Dena Sunnat Se Sabit Nahi, Aap (Sallallahu Alaihi Wasallam) Ne Sirf Khane Ki Cheez Hi Di Thi.

(Majmu Fatawa Bin Baz:14/208)

۩ Zakat-Ul-Fitr Sirf Gharibo, Muhtajo, Misqeeno, Bewaho Ko Dena Chahiye, Taaki Wo Bhi Eid Ki Khushiya Mana Sake, Khaa-Pee Sake, Zakatul Fitr Ko Muhtajo Ke Ilawa Kisi Aur Ko Dena Jayaz Nahi Hai.

۩ Rasool Allah ﷺ Ne Zakatul Fitr Ko Farz Kiya Taaki Rozedar Se Roze Ki Halat Me Jo Koi Fuzul Baat Sarzad Ho Gayi Ho, Wo Us Se Paak Ho Jaye Aur Misqeeno Ko Khana Mesar Aa Jaye.

(Mishkat Shareef 1/570)

۩ Rasool Allah ﷺ Ne Farmaya, “Zakat-Ul-Fitr Garibo, Misqino, Muhatajo Ka Haq Hai, Eid Se Pehle Un Tak Pahunch Jaye Toh Wo Muhatajgi Se Bach Jayenge.”

(Sunan Ibn e Majah, Hadees 1872)

۩ Zakat-Ul-Fitr Ko Eidgah Jane Se Pehle (Yani Eid-Ul-Fitr Ki Namaz Ada Karne Se Pehle) De Dena Chahiye, Isko Ada Karne Me Taqeer Nahi Karna Chahiye, Jaise Ke Eid Ki Namaz Ke Baad Dena Ya Eid Ke 5, 10 Din Pehle Dena Bhi Jayaz Nahi Hai.

۩ Eid Ke 1 Ya 2 Din Pehle Zakat-Ul-Fitr Dena Jayaz Hai.

(Sunan Ibn Majah, Hadees 1827)

۩ Rasool Allah ﷺ Ne Farmaya:

Jisne Eid Ki Namaz Ke Baad Zakat-Ul-Fitr Diya, Uska Farz Ada Nahi Hua, Usko Nafil Sawab Milega, Ye Uski Taraf Se Sirf Sadqa Hoga.

(Sunan Abu Dawood, Hades 1622)

۩ Zakat-Ul-Fitr Ada Karne Ka Faida:

1. Ye Ek Tarah Ka Kaffara Hai Jo Rozo Ki Halat Me Hum Se Hua, Jaise Ke Galatiyan, Khotahiyan, Fuzul Baatein.

2. Ye Behtareen Zariya Hai Garibo Ki Muhatajgi Door Karne Ke Liye.

3. Eid Ke Barkat Wale Din, Gharib Bheeq Maang Ne Se Bach Jayenge.

•٠•●●•٠•

Read More »

Akhri Ashre Ka Aehtikaf Karne Wala Aehtikaf Wali Jagha Main Kab Dakhil Ho Aur Kab Nikle ?

Awwal:

Aehtikaf wali jagah me dakhil hone ke mutaliq jamuhri ulema e ikram jin main Imaam e Arbiya Imaam Abu Hanifa, Imaam Malik, Imaam Shafai aur Imaam Ahmad Rehmatullah tala Shamil hain. In sabka maslak ye hain ki jo koi bhi Ramzan ul mubarak ke akhri ashre ka ehtikaf karna chahey wo 21 raat ko gurube Shamsh se qabal Masjid main dakhil ho unhone mandarzazel dalail se istedal kiya hain :

۩ 1- Nabi karim ﷺ se sabit hain ki Aap ﷺ Ramzan ul mubarak ke akhri ashre main aehtikaf kiya karte thy mutafiq alihe ye is baat ki daleel hain ki Nabi akram ﷺ raato ka aehtikaf karte the na ki dino ka, isliye ki ashra raat ki taiz hain Allah ShubbanoTala ka farmaan hain :

( Aur dus raato ki kasam) Surah al fajar(2).

Aur akhri ashra 21 wi raat se shuru hota hain.

Toh is bina par aehtikaf karne wala ikiswi raat ghurube shamsh se qabal masjid main dakhil ho.

۩ 2- Unka kahna hain ki aehtikaf karne ka sabse azeem aur bada maqsad lailatul Qadar ki talash hain, aur 21wi raat akhri ashre ki taak raato main se hain lihaza ye ehtimal ho sakta hain ke ye hi raat lailatu qadar ho, isilye is raat aehtikaaf ki halat main hona chahiye. Imame Sandi ka hasheta al Nasai main ye hi kahna hain mazid dekhye: Al Mugni (489\4).  

Lekin Imam Bukhari aur Imaam Muslim ne Aayesha razi Allahu tala anha se bayan kiya hain wo kahti hain, "Rasul akram ﷺ jab aehtikaf karna chahte toh apni aehtikaf wali jagah main namaz e fajar ke baad dakhil hote. (Sahih al Bukhari, Hadis- 2041) ( Sahih Muslim - 1173). Baaz ulema e salaf ne is Hadees ke zahir ko dekhte hue ye kha hain key wo eahtikaf karne wali jagha namaz e fajr ke baad dakhil ho, Mushtakil fatwa committee (  Fatawa al-Lajnah al-Daimah ) (411\10).

Aur Sheikh Ibne Baaz rehmatullahi tala ne bhi isi ko liya hain dekhye Fatwe ibne baaz (422\15). Lekin jamuhri ulema e ikraam ne is hadis ke do main se ek jawab diya hain.

AWWAL: 

Nabi karim ﷺ ghurube shamsh se Qabl aehtikaf kar chuke thy lekin wo khas aehtikaf wali jagha main namaz e fajir ke baad dakhil hue. Imaam Nawawi rehmatullah tala khete hain, "Nabi karim ﷺ jab aehtikaf karna chahte toh namaz namaz e fajir ada karte aur phir apni aehtikaf wali jagha main dakhil ho jate".  Is hadis se unhone dalil li hai jo ye kahte hain ki aehtikaf ki ibtada din ke shuru se kiya jayega, Imaam awzai , Imaam Suri aur Imam Lait ka bhi ek qaul yahi hain aur Imaam Abu Hanifa aur Imaam Shafai aur Imaam Ahmad rahematullah tala ka kahna hain ke agar koi shakhs mahine ya dus din ka ehtikaf karna chahe toh wo aehtikaaf main gurube shamsh e qabal dakhil ho, aur unhone is hadis ki tawil ye ki hain ki ke Nabi ﷺ namaz e fajir ke baad aehtikaf wali jagha mai dakhil hue aur khalwat ikhtiyar ki ye nahi ke aehtikaf ki ibtida ka waqt hi ye hain balki Nabi karim ﷺ namaz e magrib se qabal hi masjid main aehtikaf karchuke the aur jab namaz e fajr ada ki toh elaedgi aur khalwat ikhtiyar kar li.

DAUM:

Aehtikaaf se nakalne ka waqt:

Aehtikaaf karne wala shakhs apne aehtikaaf ko ramzan ul mubarak ke akhri din ke suraj gurub hone par khatam kare ga. Sheikh Ibn Uthaymeen rahematullahi tala se mundarza zel sawal kiya gaya, "Aehtikaf karne wala shakhs apne aehtikaf se kab niklega Eid ki raat gurub e shamsh ke baad ya eid ke din namaz e fajir ke baad ?

Sheikh rehmatullah tala ka jawab tha: "Aehtikaf karne wala shakhs apne aehtikaf se ramzan ul mubarak khatm hone per niklega . Aur ramzan ul mubarak ka khatam Eid ki raat gurub shamsh par ho jati hain dekhye fatawi al Siyam (502).  mustakil Fatawa committee ke fatwai jaat main hain ke: "Ramzan ul mubarak ke ashre ka aehtikaaf ramzan ke akhri din gurub shamsh ke waqt khatam ho jayega. Dekhye  Fatawa al-Lajnah al-Daimah (411\10) aur agar wo apne aehtikaf wali jagha main namaz e fajr aur namaz e eid ada karne tak rehna ikhtiyaar kare toh ismain bhi koi harj nahi. Baaz salaf ne usey mustahab qarar diya hain . Imaam Malik rahematulahi tala kahte hain key unhone baaz ahele ilm ko ramzan ul mubarak ke akhri ashre ka aehtikaaf karte hue dekha wo logo ke sath Eid ul fitr ki namaz ada karne se pahele apne ghar wapas nahi palatte the. Imaam malik rehmatullahi tala kahte hain mujh tak ye pahle daur ke ahle fazal o azam se phucha hain aur is masle main maine sabse behter yahi suna hain.

Imaam Nawawi rahmatullah kahte hain Imaam Shafi rahmatullah aur unke ashhab kahte hain jo koi ramzan ul mubarak ke akhri ashre ke aehtikaf main Nabi karim ﷺ ki ibtida o pairwi karna chata hain usey chahiye ke wo 21wi raat gurub shamash se qabal masjid main dakhil ho jaye take use kuch bhi na chhut sake, aur Eid ki raat gurub shamash ke baad waha se nikal jaye mahina kami wala ho ya zada ( yani 30 youm ho ya kam) aur Afzal wahi hain ki wo eid ki raat masjid main hi guzare taki namaz wahi ada kar sake ya phir agar namaz eid gaah main ada kare toh wo wahi se eidgah jaye.

 Dekhye al Majmua An-Nawawi (323\6).

Read More »