Ilm Ke Imtehan Se Kya Muraad Hai ?

Alhamdulillah..

Ham maise aksar log is baat se anjaan hai ki amal ke sath sath Allah hamare Ilm ka bhi imtehaan le raha hai. 

Aur Ilm ke imtehan se murad ye baate hai:

1۩ Kya humne apne apko taa'subaat se paak karne ki koshish ki hai?

2۩ Kya ham ab bhi jazbaat main bah jate hai?

3۩ Kya ab bhi ham usi jagah par khade hai ke pahle agar ek shakhs ki aqeedat (andhi-takleed ; blind-following) me mubtala the toh ab kisi doosre shakhs ki aqeedat me mubtala ho gaye hai?

3۩ Kya is Ilm ke safar me waqayi ab ham khalis daleel ki bunyaad par cheezo ko samjhte hai?

4۩ Agar koi hamari maani hui raa'ye se mukhtalif cheez ki taraf hame bulaye to hamara response gair tassubana hota hai?

5۩ Kya hum aj bhi poori tawajjoh se uski bat sunne ke liye amaa'da ho jaate hai?

6۩ Kya hamare andar ye cheez maujood hai ke agar hamari galti ham par waa'zeh ki jayegi toh hum haq ko maan lenge?

•٠•●●•٠•

Related: Ilm ki Pahli Manzil

Read More »

Khula ke Baad Iddat kaha Guzaare?

en   -

Alhamdulillah..

Bunyadi usool ye hai ki jis aurat ka Talaq e ba'in (irrevocably divorced) hua hai ya jisne khula liya hai wo apni iddat maaike me guzaaregi. Lekin agar ye mumkin na ho toh wo apni iddat kahi bhi guzaar sakti hai jaha par wo mahfooz rah sakti ho.

Agar uska pichla shuhar jisne use talaaq diya hai use ijazat de deta hai ki iddat khatm hone tak wo apne sasural me rahe, toh isme koi harj nahi hi, ek shart par ki wo waha par mahfooz rah sakti ho aur uske paas aesi rahne ki jagah ho jo uske pichle shauhar ke rahne ke jagah se bilkul alag ho.

۩ Ibn Qudaamah kahte hai,

'Jis khwateen ka Talaaq e ba'in hua hai wo iddat kahi par bhi guzaar sakti hai jaha wo chahti ho'.

Al-Kaafi, 3/207.

•٠•●●•٠•

source: islamqa.info

Read More »

Kisi Par Jinn Ya Nazar e badd Hone ki Nishaniya

en   -

 Sawal 

Ek shaks ko kaise malum ho sakta hai ki kisi shaks par jinn hai ya use buri nazar lagi hai?

 Jawab 

Jo Islami shariah ke mutabik ruqya karte hai unhone kuch chizo ka zikr kiya hai jisse ye malum ho sake ki kisi shaks par Jinn hai ya nahi ya wo nazar e badd ka shikaar hai. Ye hatmi alamat nahi hai aur ye kuch muamle me farq ho sakta hai, aur ye kam ya zyada ho sakta hai dusre muamle me.

۞ Kisi shaks par Jinn hone ki alamat ye hai:

1. Aazaan ki aawaz ya Quran sun kar mud jaana ya sakht radd e amal ka izhaar karna.

2. Jab us par Quran padha jata hai toh wo behosh ho jaye ya use daura padne lage ya gir jaaye.

3. Bahut saare pareshan kar dene waale khwab.

4. Akele rahna, logo se dur rahna aur ajeeb sa bartaao karna.

5. Jab us par Quran padha jata hai toh uske upar jo Jinn hai wo bol sakta hai.

۞ Aur jaha tak nazar e badd ke hone ka talluq hai toh uski alamat Shaykh Abdul Azeez al-Sadhan ne kuch is tarha batayi hai:

“Sar me dard hona, ek jagah se doosri jagah failta hua sar dard, chehre ka peela pad jaana, bahut zyada peshab aur paseena aana, bhook na lagna, jism ke kisi hisse me janjhanaahat, thand ya bukhaar ka mahsoos hona, dil ka zor zor se dhadakna, peeth ke nichle hisse aur kandho me dard, gam, besukooni ki kaifiyat, raato me neend na aana, dare-sahme rahna, bahut zyada dakaar aur jamwaahi aana aur aanhe bharna, logo se dur rahna aur tanhayi ko pasand karna, koi kaam me dil na lagna, susti aur kahili, sone ko dil karna, aise beemariya ka hona jiska koi ilaj na ho.

Ye saari ya in me se thode ka hona nazr e badd ki nishani hai. Jitni tez nazar, ya jitne zyada logo ki nazar lagi hai, utni zyada nishaniya dekhi ja sakti hai.”

alfaz khatam Al-Ruqyah al-Shariyyah.

•٠•●●•٠•

source: islamqa.info

Read More »

Maqaam e Ibraheem kya Hai?

Ibraheem aur Ismail a.s. ko Allah taala ne Kaaba ki taameer aur uski bunyado ko buland karne ka hukm diya.

Ap dono mil kar tameer ka kaam karte jaate aur duae padhte jaate:

۩ 'Aye hamare Rab, tu ham se qubul farma, beshak tu hi khoob sunne wala khoob janne waala hai.'

Surah Baqarah (2), ayat- 127.

Taameer ke kaam me madad ke liye Ismail a.s. ek chattaan le kar aaye jis par khade ho kar kaam muqammal kiya gaya,

Aur wahi chattaan Maqaam e Ibraaheem ke naam se mashhur hai jis par aaj bhi Aap ke qadmo ke nishan maujud hai.

•٠•●●•٠•

Read More »

Kya Rukyah Sunne Se Rukyah ka Maqsad Pura Ho Jata Hai?

en   -

Is tarha se (Tape ya mobile phone se) ruqyah sunna faydemand hai in shaa Allah. Bahut se logo ne isse fayda uthaya hai, agarche ek shaks ke liye sabse acha yahi rahega ki wo khud se Quran ki tilawat kare, ya koi aur uske liye padhe.

Shaykh Abd al Azeez ibn Baaz r.h. ne fatawa diya tha jisme ye tha ki radio se Surah al Baqarah sunna, shaitaan ko ghar se bhagaane ke maqsad ko pura karta hai.

Majmoo‘ Fataawa ash-Shaykh Ibn Baaz (24/413).

•٠•●●•٠•

source: islamqa.info

Read More »

Quran ki Tilawat ko Radio/Recording Se Chalana Aur Tilawat Par Dhyan Na Dena

  en  -

  Shaykh Abdul Azeez ibn Baaz r.h. se sawaal kiya gaya, 

“Ghar se baahar family ya rishte-daaro se milne jaane ke waqt Quran pak ko ghar me radio ya recorder par chalane ka kya hukm hai?” [Yaani jab ham ghar me maujud na ho to Quran ki tilawat laga kar ghar se bahar chale jana ka kya hukm hai?]

 Shaykh ka jawab 

“Is me koi harj nahi hai, agar aas paas me bekaar ki baate na ki ja rahi ho.

Agar (tilawat) ke nazdeek koi bekaar ki baate, ya bolna-chaalna ya bahes kar raha ho toh ye thik nahi hai. Fir ye behtar hoga ki tilawat ko chala kar na jaya jaye, aur ise band kar dena chahiye, kyuki ye ek tarha se Quran ki be-aetbi (disrespect) hai.

Lekin agar radio khula hua ho aur aas-paas koi na ho ya aas paas koi ho jo ise sun raha ho, ya khamosh ho, ya so raha ho, toh fir isme koi harj nahi hai.” alfaz khatm.

•٠•●●•٠•

source: https://binbaz.org.sa/old/37782

Read More »

Rasoolullah ﷺ ki Hadees ka Ahtaraam

۩ Imam Malik ke shagird Abu Salamah Mansoor bin Salamah bin Abdul Azeez al-Khuza'yi r.h. (d. 210 hijri) farmate hai:

کان مالک بن أنس إذا أراد أن یخرج لیحدّث، توضأ وضوءه للصّلاة، ولبس أحسن ثیابه، ولبس قلنسوةً، ومشط لحیته، فقیل له فی ذلک؟ فقال: أوقّربه حدیث رسول اللہ ﷺ-

'(Imam) Malik bin Anas (al-Madani r.h.) jab hadees bayaan karne ke liye (ghar se) baahar aate toh namaz waala wuzu karte, achhe kapde pahente, (sar par) topi rakhte aur apni daadhi ki kanghi karte the.

Is baare me jab Ap se pucha gaya toh farmaya, 'Is tarha, Mai Rasoolullah ﷺ ki hadees ki taazeem karta hu.''

Al-Jaami' li Akhlaq ar-raawi wa Aadab as-saami, 903. Iski sanad Shaykh Zubair ali zai ke nazdeek sahih hai.

۩ Ma'mar bin Raashid farmate hai,

“Qatadah (tabayeen) is baat ko na-pasand karte the ke Rasoolullah ﷺ ki hadeese bagair wuzu ke bayaan ki jaaye.”

Al-Jaami' li Akhlaq ar-raawi wa Aadab as-saami, 975. Iski sanad Shaykh Zubair ali zai ke nazdeek sahih hai.

Allah se dua hai ki wo hame amal ki taufeek ata kare. aameen.

•٠•●●•٠•

source: Maqalat by Zubair ali zai, jild- 2, safa- 565. [download]

Read More »