Subah aur Sham ke Azkaar

1۞ Ayat al Kursi [1 Martaba Subah aur Sham] [Surah Baqara, Ayat-255]

[Allahu laaa ilaaha illaa huwal haiyul qai-yoom; laa taakhuzuhoo sinatunw wa laa nawm; lahoo maa fissamaawaati wa maa fil ard; man zallazee yashfa'u indahooo illaa be iznih; ya'lamu maa baina aideehim wa maa khalfahum; wa laa yuheetoona beshai 'immin 'ilmihee illa be maa shaaaa; wasi'a kursiyyuhus samaa waati wal arda wa la ya'ooduho hifzuhumaa; wa huwal aliyyul 'azeem]

[Allah hi mabood bar-haq hai jis ke siwa koi mabood nahi jo zinda aur sab ka paalne wala hai, jise na oong aaye na neend, usi ka hai jo kuch aasmaano aur zameen me hai, kaun hai jo uske paas us ki ijaazat ke bagair sifarish kar sake, wo janta hai jo un ke saamne hai aur jo un ke piche hai, aur wo us ke Ilm maise kisi cheez ko jaan nahi sakte magar jitna wo chaahe, uski hukumat chaai hui hai aasmaano aur zameen par, aur allah us ki hifaazat se na thakta nahi, wo to bahut buland aur bahut bada hai.]

Daleel: Sahih al bukhari, hadees- 2311; Sunan kubra lil nisai, hadees- 8017; Mustadrak al hakim, hadees- 2064.

__________________________________________________________________________

2۞ Mua'wwizat [ 3 martaba Subah aur Sham ]

[Qul huwal laahu ahad. Allah hus-samad. Lam yalid wa lam yoolad. Wa lam yakul-lahoo kufuwan ahad]

(1) Aap kah dijiye ke wo Allah ek (hi) hai. (2) Allah be-niyaaz hai. (3) na us se koi paida hua, na wo kisi se paida hua. (4) aur us jaisa koi nahi.

[Qul a'oozu bi rabbil-falaq. Min sharri maa khalaq. Wa min sharri ghaasiqin izaa waqab. Wa min sharrin-naffaa-saati fil 'uqad. Wa min sharri haasidin izaa hasad]

(1) Aap kah dijiye! Ke mai subah ke Rab ki panaah me ata hoon. (2) har us cheez ke shar se jo us ne paida kiya hai. (3) aur andheri raat ki taariki ke shar se, jab us ka andhera fayl jaaye. (4) aur girah (laga kar un) me phunkne waalo ki burai se. (5) aur hasad karne waale ki buraayi se bhi, jab wo hasad kare.

[Qul a'oozu birabbin naas. Malikin naas. Ilaahin naas. Min sharril waswaasil khannaas. Allazee yuwaswisu fee sudoorin naas. Minal jinnati wannaas]

(1) Aap kah dijiye! ke mai logo ke parwardigaar ke panaah me ata hoon. (2) logo ke maalik ke. (3) logo ke mabood ki (panaah me). (4) was-wasa daal kar, piche hat jaane waale ke burai se. (5) jo logo ke sino me was wasa daalta hai. (6) (khwah) wo jinn maise ho ya insaan maise.

Daleel : sahih al bukhari, kitab fazaail al quran, hadees- 5017.

Note: In Teem Surat ki tilawat (Jinnaat aur Jaadu ke khilaaf ) har shay se kafi ho jaati hai.

Note: [Jab raat ko padhe to] Raat ko 3 baar padhkar hatheliyon par funke aur jism par hath fere jaha tak apka hath pohch sake. Ye amal RasoolAllah har raat kiya karte the.

__________________________________________________________________________

3۞ Hamd [10 martaba Subah aur Sham]

[Laa ilaaha ill-Allah wahdahu laa shareeka lah, lahu’l-mulk wa lahu’l-hamd wa huwa ‘ala kulli shay’in qadeer]

Nahi hai koi mabood magar Allah, woh akela hai, nahi hai koi shareek uska, usi ki badshaahi hai aur usi ke liye sab tareefe hai, aur woh har shay par puri Qudarat rakhta hai.

Note: Yeh kalimaat padhne wake ko 4 gulaam aazad karne ka sawab milta hai aur tamaam din rat mai har khatarnaak chiz aur shaitaan ke khilaaf uska bachao ho jaata hai.

Daleel : Sahih Muslim, Hadith no- 6844 ; Sunan Abu Dawud, Hadith - 5077. [Sahih]

Note: Ye Kalimaat Har roz 100 martaba padhna afzal-tareen amal hai. [Sahih al Bukhari, 6403 ; Sahih Muslim, 6842.]

__________________________________________________________________________

4۞ Kalima [3 martaba Subah aur Sham]

[Razaytu billahi Rabban wa bil-Islami dinan wa bi Muhammadin nabiyyan]

Raazi hu main Allah ke Rab hone par, aur Islam Deen hone par, aur Muhammad ﷺ ke Nabi hone par.

Daleel: Sunan Abu Dawud, hadith-5072. Musnad Imam Ahmad, Hadith-18990.

Note: Ye kalimaat padhne wale par Jannat wajib ho jayegi aur Qayamat wale din Allah use khush kar dega.

__________________________________________________________________________

5۞ Hamd [3 martaba Subah aur Sham]

[Bismillah illazi la yazurru ma ‘a ismihi shay’un fi’l-ardi wa la fi’s-samaa’i wa huwa as-Samee‘ ul-‘Aleem]

Allah ke naam ke sath, jiske naam ke sath zameen aur aasmaan mein koi cheez nuksaan nahi pahuncha sakti, aur wohi sunne wala, janane wala hai.

Daleel: Jamia Tirmizi, Hadith -3388. Sunan Abu Dawud, Hadith-5088. Classed as Hasan Sahih Gareeb by Imam Tirmizi and Hasan by Darussalam.

Note: Ye kalimaat padhne wale ko na to koi shay nuksaan pahuncha sakti hai aur na hi koi achanak naaghaani museebat use pahunchegi.

__________________________________________________________________________

6۞ Dua [3 martaba Subah aur Sham]

[A’uzu bikalimatil-lahit-tammati min sharri ma khalaq]

Mai Allah ke Kalimaat e Kamilah ki panah pakdta hoon har us chiz ke shar se jo usne paida ki.

Daleel: Sahih Muslim, Hadith-6880. Musnad Imam Ahmad, Hadith- 7885 (2/290).

Note: Yeh kalimaat padhne wale ko zahrile jaanwar ka dank nuksaan nahi pahuncha sakega.

__________________________________________________________________________

7۞ Hamd [3 martaba Subah aur Sham]

[Subhaan Allahi wa bi hamdih ‘adada khalqihi wa rida nafsihi wa zinata ‘arshihi wa midaada kalimaatih]

Allah pak hai aur apni tareef ke sath hai, apni makhluq ki ginti ke barabar, aur apne nafs ki raza ke barabar, aur apne arsh ke wazan ke barabar.

Daleel: Sahih Muslim, Hadith-6913.

Note: Yeh kalimaat padhne wale ko namaz e fazr se le kar ishraaq tak musalsal Ibaadat karne wale shaksh se bhi zyada sawab hasil hota hai.

__________________________________________________________________________

8۞ Dua [3 martaba Subah aur Sham]

[Astaghfirullahal- Azeem allazi la ilaha illa huwal-hayyul-Qayyumu wa atubu ilaih]

Mai Allah se maghfirat talab karta hoon, nahi koi mabood magar woh, khud se zinda, har cheez ko qayam rakhne wala hai, aur main usi taubah karta hoon.

Daleel: Jamia Tirmizi, Hadith- 3577. Sunan Abu Dawud, Hadith-1517. Classed as hasan by darussalam

Note: Yeh kalimaat padhne wale kay sare gunah maaf kar diye jayenge agarche woh shaksh maidan e jang se hi (bujhdili dikha kar) bhaag chuka ho.
__________________________________________________________________________

9۞ Dua [7 martaba Namaz e Fajr aur Namaz e Magrib ke fauran baad]

اللَّهُمَّ أَجِرْنِي مِنَ النَّارِ

[Allahumma ajirni minannaar]

Aye Allah bachaa le mujhe aag se.

Daleel: Sunan Abu Dawud, Hadith-5079.

Note: Ye kalimaat jo koi namaz e magarib ke baad guftgu karne se pahle padh le aur agar usi raat faut ho gaya to dozak ki aag se aazad hoga, aur jo bhi namaz e fazr ke bad guftgu se pahle ye kalimaat padh le aur usi din use maut aa gayi to dozak ki aag se aazad hoga. 

__________________________________________________________________________

10۞ Dua [1 martaba Subah aur Sham]

[Allahumma anta Rabbi la ilaaha illa anta, khalaqtani wa ana ‘abduka wa ana ‘ala ‘ahdika wa wa’dika ma astata‘t. A‘oozu bika min sharri ma sana‘tu, aboo’u laka bi ni‘matika ‘alayya wa aboo’u laka bi zanbi, faghfir li fa innahu laa yaghfiru’z-zunooba illaa anta]

Aye Allah! Tu hi mera Rab hai, nahi hai koi mabood magar tu, tune mujhe paida kiya, mai tera banda hu aur main tere ahad aur waade par (Qayam) hu, jis qadar meri taaqat hai mai teri panah mai aata hu uske shar se jo maine kiya, Apne Ap par teri Nemat ka ikraar karta hu. Aur apne gunah ka aetraaf karta hu pas mujhe baksh de kyunki nahi hai koi gunahon ko bakshne wala magar tu.

Daleel: Sahih al Bukhari. hadith- 6306. 

Note: Jo koi bhi subah (ya din) ke waqt kaamil yakin ke sath padhe aur shaam se pahle mar jaaye to Jannati hoga aur agar shaam ko padhle aur subah se pahle mar jaaye to Jannati hoga.

__________________________________________________________________________

11۞ RasoolAllah yeh 3 Duae mangte the. [Tamaam 1 martaba Subah aur Shaam]

1۩

Subah:

Sham: 

Subah:

[Allahumma bika amsayna wa bika asbahna, wa bika nahya wa bika namoot wa ilayka’al-maseer]

Aye Allah! Humne tere naam ke saath subah ki aur tere naam ke saath shaam ki aur tere hee naam ke sath hum zindah hai aur tere hee naam ke saath hum marenge aur tere hee taraf paltanaa hai.

Sham:

[Allahumma bika asbahna wa bika amsayna, wa bika nahya wa bika namoot wa ilayka’an-nushoor]

Aye Allah! Hamne tere naam ke saath shaam ki aur tere naam ke sath subah kiaur tere hee naam ke sath hum zindah hai aur tere hee naam ke saath hum marenge aur tere hee taraf marr kar uthanaa hai.

Daleel : Jamia Tirmizi, Hadith-3391. Classed as sahih by darussalam.
__________________________________________________________________________

2۩

[Allahumma inni as’aluka al-‘aafiyah fi’l-dunya wa’l-aakhirah. Allahumma inni as’aluka al-‘afw wa’l-‘aafiyah fi deeni wa dunyaaya wa ahli wa maali. Allahumma astur ‘awraati wa aamin raw‘aati. Allahumma  ihfazni min bayna yadayya wa min khalfi wa ‘an yameeni wa ‘an shimaali wa min fawqi wa a’oozu bi ‘azamatika an ughtaala min tahti]

Aye Allah mai tujhse sawal karta hu aafiyat ka duniya aur aakhirat mein, Aye Allah! Mai tujhse sawal karta hu maafi aur aafiyat ka mere Deen mein aur meri duniya mein aur mere gharwalo mein aur mere maal mein. Aye Allah! Parda daal meri chupi chizon par aur aman de meri ghabarahto ko, Aye Allah! Meri hifazat farmaa mere aage se aur mere piche se aur mere daaye se aur mere baaye se aur mere upar se. Aur main panah mein aata hu teri azmat ki ke achanak niche se halaak kar diya jaau.

Daleel: Sunan Abu Dawud, Hadith-5074. (Sahih)
__________________________________________________________________________

3۩

[Allahumma alimal-ghaibi wash-shahadati faṭiras-samawati wal-arḍ, rabba kulli shai’in wa malikahu, ash-hadu an la ilaha illa anta, a`ūzu bika min sharri nafsi wa min sharrish-shaiṭani washirkihi]

Ya Allah! Gaib aur haazir ke jaanne wale, aasmano aur zameen ke paida karne wale, Har chiz ke Malik, Mai gawahi deta hu ki nahi hai koi Mabood magar Tu, Mai apne nafs ke burai se aur shaitaan ke sharr se aur uskey (mere kaamon mai) shareek hone se Teri Panaah chahta hu.

Daleel: Jamia Tirmizi, Hadith-3392. Imam Tirmizi ne is hadith ko Hasan Sahih kaha hai.

Note: Ye dua subah, sham aur bistar pe jane waqt padhna hai.
__________________________________________________________________________

۞ Kuch digar Zikr aur Azkaar

۩ Taubah aur istagfar karna sunnat hai. [100 martaba din bhar me]

آسْتَغْفِرُ اللَّهَ وَأَتُوبُ إِلَيْهِ

[Astaghfirullaha wa atubu ilayh]

Daleel: Sahih al Bukhari, hadees- 6307. Sahih Muslim, hadees- 6858.

•٠•●●•٠•

۩ Subhan Allah wa bihamdihi [100 martaba Subah aur Sham]

سُبْحَانَ اللَّهِ وَبِحَمْدِهِ

[SubhanAllah wa bihamdih]

Daleel: Sahih al Bukhari, hadees- 6405. Sahih Muslim, hadees- 6842, 6843.

•٠•●●•٠•

۩ 4 Fazeelat wale Azkaar [Har Azkaar 100 martaba din bhar me]

1. سُبْحَانَ اللّهِ

[SubhanAllah]

100 gulaam aazad karne ka sawab

2. الْحَمْدُللّهِ

[Alhamdulillah]

100 ghode jihaad me bhejne ka sawab

3. اللّهُ اَكْبَرُ

[Allahu  akbar]

100 oont (camel) Allah ki raah mein Qurbaan karne ka sawab

4. لآ اِلَهَ اِلّا اللّهُ

[La ilaha illallah]

Zameen aur aasmaan ko bhar dete hain

Daleel: Sunan Kubra lil Nisai, hadees- 10680.

•٠•●●•٠•

Allah (swt) ne Rasool'Allah ﷺ ko Jannat ka khazana ata farmaya (wo ye kalimaat hai)

لاَ حَوْلَ وَلاَ قُوَّةَ إِلاَّ بِاللَّهِ

[La hawla wala quwwata illa billah]

Nahi hai (Gunah se bachne ki) himmat, aur nahi hai (neki karne ki) taakat magar Allah ke toufeek se.

Daleel: Sahih al Bukhari, hadees- 6409. Sahih Muslim, hadees- 6862. 

•٠•●●•٠•

Rasoolullah ﷺ ne mushkil haalat me aur Ibrahim (a.s) ne aag main dale jaatey waqt ye kalimaat padhe :

حَسْبُنَا اللَّهُ وَنِعْمَ الْوَكِيلُ‏

[Hasbunallahu wa ni'mal-wakeel]

Hamne Allah pe bharosa kiya aur Wohi behatarin kaarsaaz (Madagaar) hai.

Daleel: Surah aal e Imran, Ayat-173. Sahih al Bukhari, hadees- 4563.

•٠•●●•٠•

Surat Baqarah ki aakhari 2 aayat ki tilaawat (Raat 1 baar) bande ke liye (Nafaa dene main) kaafi ho jaati hai.

Daleel: Sahih al Bukhari, hadees- 4008. Sahih Muslim, hadees-1878.

•٠•●●•٠•

Surah Mulk tilawat karne wale shaksh ke liye (raat 1 baar) yeh surate sifaarish karti rahengi hatta ke uski bakhshish kar di jaayegi.

Sunan Abu Dawud, hadees-1400. Classed as (Hasan)

Durud shareef padhne wala shaksh (10 martaba subah aur shaam) RasoolAllah ﷺ ki sifarish ka haqdaar ho jaata hai.

Daleel: Majmau' al-Zawa'id lil Haythami, Hadith- 17022.

Note: Is Durud se murad Namaz wala Durud e Ibraheemi hai (Allahumma salle'ala.....)

•٠•●●•٠•

Allah (swt) ki Hamd aur uske Rasool ﷺ par Durud padhna, hamaari Du'aawon ki qubuliyat ka behatareen zariya hai.

Daleel: Jamia Tirmizi, Hadith- 593. Classed as hasan by darussalam.

Note: Rasool'Allah ﷺ ne ayat e Durud (Surah Ahzaab, ayat- 56.) ke jawaab main Namaz wala Darood E Ibrahimi taalim farmaya tha : Sahih al Bukhari, Hadith- 4797. Sahih Muslim, Hadith-908.

•٠•●●•٠•

Qayamat ke din ungliya humare zikr ki gawahi dengi.

Daleel: Sunan Abu Dawud, Hadith- 1501. (Hasan)

•٠•●●•٠•

Read More »

Roza Kholne Ki Dua

۩ Marwan Ibn Salim Al-muqaffa r.a. Kahte Hai Maine Abdullah Bin Umar R.a. Ko Dekha, Wo Apni Dadhi Ko Mutthi Me Pakadte Aur Jo Mutthi Se Zyada Hoti Use Kaat Dete. Ibn Umar R.a. Kahte Hai Ki Rasoolallah ﷺ Jab Iftar Karte Toh Ye Dua Padhte The,

ذَهَبَ الظَّمَأُ وَابْتَلَّتِ الْعُرُوقُ وَثَبَتَ الأَجْرُ إِنْ شَاءَ اللَّهُ (pic)

“Zahabaz-zama o Wabtallatil ‘urooq Wasabatal ajru In Shaa Allah". 

"Pyaas Khatm Ho Gai, Ragen Tar Ho Gai Aur Sawaab Pakka Ho Gaya Agar Allah Ne Chaha".

Sunan Abu Dawood, hadees- 2357; Al-daaraqutni, 25. Ibn Hajar Said In Al-talkhees Al-habeer (2/202): Al-daaraqutni Said, Its Isnaad Is Saheeh.

Note: Ye dua Roza Kholne Ke Baad Padhni hai na ki Pahle.

۩ Ek Dusri Bhi Dua Hamare Muashre Me Mashhoor Hai,

“Allaahumma Laka Sumtu Wa ‘ala Rizqika Aftartu"

Sunan Abu Dawood, Hadith- 2358.

Lekin Ye Dua Usool E Muhaddiseen Ke Nazdeek Mursal Hai Jis Wajah Se Ye Hadith Zaif Ho Jati Hai. Ye Hadith Isliye Musral Hai Kyuki Isme Mu'adh Ibn Zuhrah r.h. Jo Ki Ek Tabaeen Hai Wo Direct Nabi ﷺ Se Is Hadith Ko Bayan Kar Rahe Hai Bina Ye Bataye Ki Unhone Kis Sahaba Se Huzur ﷺ Ki Is Hadith Ko Suni. Is tarha ki Hadith ko Ulema e Muhaddiseen ne Mursal kaha hai aur is par Zaif ka hukm lagaya hai. Isliye ye hadith qabil e amal nahi ho sakti Deen ki roshni me.

Shaitan Ke Taraf Se Ye Bhi Was-wasa Aa Sakta Hai Ki Hadith Ke Alfaz Me Toh Kuch Galat Nahi Hai Fir Isme Kya Problem Hai Toh Iske Liye Ek Logical Answer Hai:

Sahih Al Bukhari, Kitabul Wuzu, Hadith No. 247 Hai, Ye Ek Thodi Lambi Hadith Hai. Is Hadith Ki Arabic Pesh E Khidmat Hai,

حَدَّثَنَا مُحَمَّدُ بْنُ مُقَاتِلٍ، قَالَ أَخْبَرَنَا عَبْدُ اللَّهِ، قَالَ أَخْبَرَنَا سُفْيَانُ، عَنْ مَنْصُورٍ، عَنْ سَعْدِ بْنِ عُبَيْدَةَ، عَنِ الْبَرَاءِ بْنِ عَازِبٍ، قَالَ قَالَ النَّبِيُّ صلى الله عليه وسلم ‏"‏ إِذَا أَتَيْتَ مَضْجَعَكَ فَتَوَضَّأْ وُضُوءَكَ لِلصَّلاَةِ، ثُمَّ اضْطَجِعْ عَلَى شِقِّكَ الأَيْمَنِ، ثُمَّ قُلِ اللَّهُمَّ أَسْلَمْتُ وَجْهِي إِلَيْكَ، وَفَوَّضْتُ أَمْرِي إِلَيْكَ، وَأَلْجَأْتُ ظَهْرِي إِلَيْكَ، رَغْبَةً وَرَهْبَةً إِلَيْكَ، لاَ مَلْجَأَ وَلاَ مَنْجَا مِنْكَ إِلاَّ إِلَيْكَ، اللَّهُمَّ آمَنْتُ بِكِتَابِكَ الَّذِي أَنْزَلْتَ، وَبِنَبِيِّكَ الَّذِي أَرْسَلْتَ‏.‏ فَإِنْ مُتَّ مِنْ لَيْلَتِكَ فَأَنْتَ عَلَى الْفِطْرَةِ، وَاجْعَلْهُنَّ آخِرَ مَا تَتَكَلَّمُ بِهِ ‏"‏‏.‏ قَالَ فَرَدَّدْتُهَا عَلَى النَّبِيِّ صلى الله عليه وسلم فَلَمَّا بَلَغْتُ ‏"‏ اللَّهُمَّ آمَنْتُ بِكِتَابِكَ الَّذِي أَنْزَلْتَ ‏"‏‏.‏ قُلْتُ وَرَسُولِكَ‏.‏ قَالَ ‏"‏ لاَ، وَنَبِيِّكَ الَّذِي أَرْسَلْتَ -‏"‏‏

Is Hadith Me Ek Sahabi Ko Rasoolallah Ne Ek Sone Ke Waqt Ki Ek Dua Taleem Farmayi Jisme Alfaz The "Bina-biyika-l Ladhi Arsalt" Jiska Matlab Hota Hai Ki "Mai Eeman Laya Us Kitab Par Jo Tune Apne Nabi Ke Sath Nazil Ki". Lekin Us Sahabi Ne Dua Me Padh Diya "Wa-rasulika" Iska Matlab Hota Hai "Mai Eeman Laya Us Kitab Par Jo Tune Apne Rasool Ke Sath Nazil Ki".

Gaur Kare, Us Sahabi Ne Bas Itna Kiya Tha Ki Nabi Ke Alfaz Ko Usne Rasool Ke Sath Badal Diya Tha, Jab Ki Rasool Ka Alfaz Nabi Ke Alfaz Se Bade Darje Pe Fai'iz Hai. Lekin Rasoolallah ﷺ Ne Fauran Us Sahabi Ko Kaha "Nahi, Lekin Wahi Kaho Jo Maine Taleem Farmayi Hai." Yaani Nabi Ko Nabi Hi Kaho Rasool Mat Kaho Is Dua Me. Toh Ap Zara Bataye Jab Is Tarha Ki Alfaz Badalne Se Rasoolallah Ne Mana Farmaya To Fir Us Alfaz Ka Kya Muqam Hoga Jo RasoolAllah Ne Kaha Hi Nahi. Lekin Nasihat Se Toh Aql-wale Hi Fayda Uthate Hai. Allah Pak Quran Me Farmate Hai,

"Wo (Jahannami) Kahenge, Kaash Ham Unki Baat Sun Lete Aur Apne Aql Ka Istemal Karte Toh Ham Dozakhyo Maise Na Hote."

Surah Mulk (67), Ayat- 10.

Allah Se Dua Hai Ki Wo Hame Deen Ko Samajhne Ki Aur Us Par Amal Karne Ki Taufeek De. Aameen.

•٠•●●•٠•

Read More »

Dua Ki Qubuliyat Ka Waqt

QUBULIYAT E DUA KE MAKHSUS ZAMAAN WA AMKAAN

Dua ki qubuliyaat ke liye mat'ad auqaat aur jagahey hai, jin me sey hum kuch yaha bayan karte hain..

۩1 : Raat Ke Akhri Hissey Mein -

Yaani sehri ke waqt dua karna, is waqt Allah ta'ala asmaan duniya tak nuzul farmate hai, ye Allah subhanahu wata'ala ka apne bando par fazl wa karam hai ke inki zaruriyaat aur takleef dur karne ke liye nuzul farmata hai, aur sada lagate hai, "Kaun hai jo mujhe pukare toh mein uski dua qubool karu. Kaun hai jo mujh sey mangey toh mein usey ata karu. Kaun hai jo mujh se apne gunaho ki bakshish mangey , toh usey baksh du"!

Sahih al Bukhari, Hadith- 1145.

۩2 : Azaan Aur Iqamat Ke Darmiyaan -

Nabi ﷺ sey sahih sabit hai k ap ne farmaya, "Azaan aur iqamat ke darmiyaan Dua radd nahi hoti.

Narrated by Abu Dawood (521) and al-Tirmidhi (212). See also Saheeh al-Jaami’, 2408.

۩3 : Barish Ke Waqt -

Sahl bin saad radiallah anha ki riwayat mein Nabi ﷺ sey manqul hai ke Ap ne farmaya, Do (2) Duae radd nahi hoti, Azaan ke waqt ki dua aur barish ke waqt ki dua.

Narrated by Abu Dawood and classed as saheeh by al-Albaani in Saheeh al-Jaami’ (3078).

۩4 : Raat Ke Kisi Hissey Me Dua -

Aap ﷺ ka farmaan hai, "Raat ke waqt ek aesi ghadi ati hai jis me koi bhi Musalmaan Dunyawi aur Akhirat ki khair mange toh isey woh chiz de di jati hai, yeh ghadi har raat ati hai."

Sahih Muslim, Hadith- 757.

۩5 : Jummah Ke Din Qubuliyat Ki Ghadi -

RasoolAllah ﷺ ne Jummah ke din ka tazkirah karte hue faramaya, Is din me ek asi ghadi hai jis me koi bhi Musalmaan Allah ta'ala se khade ho kar dua mangey Toh Allah ta'ala use woh chiz ata farmata hai. Aur Nabi ﷺ ne is ghadi ke intihai mukhtasir hone ka ishrah bhi faramaya.

Narrated by al-Bukhaari, 935; Muslim, 852.

۩6 : Zamzam peete waqt ki dua -

Jabir radiallah anha Nabi ﷺ se bayan karte hain ke Zamzam ka pani har us maksad ke liye hai jis maksad se piya jaye.

Narrated by Ahmad and classed as saheeh by al-Albaani in Saheeh al-Jaami’, 5502.

۩7 : Sajde Ki Halat Me Dua -

Nabi ﷺ ka farmaan hai, "Banda apne Rab ke qareeb tareen sajdey ki halat mein hota hai, isliye kasrat se sajde ki halat me dua karo.

Sahih Muslim, Hadith-482.

۩8 : Murge ki awaaz sunne ke waqt -

Nabi ﷺ ka farmaan hai, "Jab tum murge ki awaaz suntey ho toh Allah se fazl ilaahi manga karo, kyuki us waqt murge farishte ko dekhta hai."

Narrated by al-Bukhaari, 2304; Muslim, 2729.

۩ La Ilaha Illa Anta, Subhanaka, Inni Kuntu Mina Z-zalimin Padh Kar Dua Mangey -

Nabi ﷺ ne farmaya, "Yunus alaihi salaam ki dua machli ke pait mein yeh thi :‘Laa ilaaha illa anta, subhaanaka, inni kuntu min al-zaalimeen aur in alfaz ke zariye koi bhi Musalmaan Allah ta'ala se dua mangey toh Allah ta'ala is ki dua zarur Qubool farmata hai.

Narrated by al-Tirmidhi and classed as saheeh in Saheeh al-Jaami’, 3383.

۩ Musibat Pardne Par Inna Lillaahi Wa Inna Ilayhi Raaji’oon. Allaahumma Ujurni Fi Museebati W'ukhluf Li Khayran Minha Ke Zariye Dua Karna -

Umme Salama radiallah anha kahti hai ke maine Nabi ﷺ ko famatey hue suna (koi bhi musalmaan kisi bhi musibat k puhuchne par huqm e ilaahi k mutabik kahta hai :

Inna Lillaahi wa inna ilayhi raaji’oon. Allaahumma ujurni fi museebati w'ukhluf li khayran minha .

[Beshaq hum Allah ke liye hai, aur isi ki taraf lautenge, ya Allah mujhe meri Musibat me ajr ata farma, aur mujhe isse accha badla naseeb farma] toh Allah ta'ala isse accha badla zarur ata farmata hai.

Sahih Muslim, Hadith-918.

۩ Mayyat Ki Ruh Parwaaz Kar Jane Par Logon Ka Dua Karna -

Ek hadees me hai ke Nabi ﷺ ne Abu Salma radiallah anha ke pass aye, Aap faut ho chukey the] aur apki ankhey pathra gayi thi,aap ne unki ankhey band farmaya, ( jis waqt ruh qabz ki jati hai, nazar uska picha karti hai) ye sun kar Abu Salma radiallah anha ke ahlekhana mein sey kisi ne cheekh mari, Toh Aap ﷺ ne faramay, "Apne liye acche kalimaat hi bolo, kyuki jo bhi kaho ge farishtey is par aameen kah rahe hai.

Narrated by Muslim. 2732.

۩ Beemar Admi Ke Pass Dua Karna -

Umme Salma radiAllah anha kahti hai ke Rasoolallah ﷺ ne faramaya, "Jab tum mareez ke pass aao toh acchi baat kaho, kyuki Farishtey Tumhari un baaton par aameen kahtey hai. Umme Salma radiallah anha kahti hai ke jis waqt Abu Salma faut ho gaye toh mai RasoolAllah ﷺ ke pas ayi aur apko khabr di ke Abu Salma faut ho gaye hai toh Ap ﷺ ne farmaya tum ye kaho, "Ya Allah meri aur is ki magfirat farma, aur mujhe isse accha badle me ata farma. Umme Salma kahti hai, "Maine ye alfaz kahe, toh Allah ta'ala ne mujhe Abu Salma se behtar khawind ata kiya. Yani "Muhammad ﷺ"

Sahih Muslim, Hadith no. 918.

۩ Mazlum Ki Dua -

Ek Hadees me hai ke Nabi ﷺ ne farmaya, "Mazlum ki baddua se bacho, kyuki Allah aur mazlum ki baddua ke darmiyaan koi parda nahi hota".

Narrated by al-Bukhaari, 469; Muslim, 19.

Aap ﷺ ka ye bhi farmaan hai ke, "Mazlum ki baddua Qubool hoti hai, chahey wo fajir hi kyu na ho, us ke fajir hone ka nuqsaan usi ho hoga.

Narrated by Ahmad. See Saheeh al-Jaami’, 3382.

۩ Walid Ki Apni Aulaad Ke Haq Me Dua, Rozadaar Ki Rozey Ki Halat Me Dua Aur Musafir Ki Safar Ke Dauran Dua -

Aap ﷺ ne farmaya, Teen qism ki Duae radd nahi hoti. Walid ki apni aulaad ke haq me, rozadaar aur musafir ki dua.

Narrated by al-Bayhaqi; see Saheeh al-Jaami’, 2032; al-Saheehah, 1797.

۩ Walid Ki Apni Aulaad Ke Liye Baddua -

Sahih ahadees me hai ke, "Teen duaye qubool hoti hai. Mazlum ki dua, Musafir ki dua, Walid ki apni aulaad ke liye baddua".

Narrated by al-Tirmidhi, 1905. See Saheeh al-Adab al-Mufrad, 372. 

۩ Nek Aulaad Ki Apne Walidein Ke Liye Dua -

1. RasoolALlah ﷺ ne farmaya ki jab koi insan marta hai to uske nek aamal band kar diye jate hai siwae teen tarah ke:

1) Sadka e jariya(Allah ke raah me lagaya hua hamara maal jo logo ko fayda pohcha raha ho)
2) Jo Ilm logo ko sikhaya ho wo usse fayda utha ra ho

3) Nek aulad jo uske liye dua kare.

Reported by al-Tirmidhi, no 1376; he said this is a saheeh hasan hadeeth.

۩ Raat Ke Waqt Kisi Bhi Lamhey Ankh Kholney Par Un Masnon Alfaz Ke Baad Dua Kare -

'Ubada bin As-Samit r.a. riwayat karte hai ki RasoolAllah ﷺ ka farmaan hai, "Jo shaqsh raat ke waqt bedaar huwa, aur us ne yeh kaha -'La ilaha il-lallah Wahdahu la Sharika lahu Lahu-lmulk, waLahu-l-hamd wahuwa 'ala kullishai'in Qadir. Al hamdu lil-lahi wa subhanal-lahi wa la-ilaha il-lal-lah wa-l-lahu akbar wa la hawla Wala Quwata il-la-bil-lah.'Ya koi aur dua mangi toh iski dua qubool hogi, aur agar wuzu kar ke namaz padhi toh iski namaz bhi qubool hogi.

Sahih al-Bukhari, Hadith-1154.

•٠•●●•٠•

Allah se dua hai ki wo hamari duao ko qubul farmaye. aameen.

Read More »

Qunoot e Naazela

Fuqaha ne Qunut ki taareef ye ki hai, "Namaz me qayam ke andar makhsoos jagah me Dua ka naam hai".

Jab Musalman musibat ka shikaar ho toh Musalmano ke liye mashroo hai ki paanch namaz maise farz namaz ki aakhri rakat me ruku ke baad duae Qunut kare hatta ke Allah taala inse wo musibat dur karde aur Musalman ko najat dede. 

(See Tasheeh al-Du’aa’ by Shaykh Bakr Abu Zayd, p. 460)

Rasool Allah ﷺ jab kisi par bad dua ya nek dua ka iraada farmate to aaqhri rakat ke rukoo ke baad (Same’e Allahu Liman Hameeda Rabbana Lakal Hamd kahne ke baad dua farmate.

(Bukhari: al Tafseer 4560 – Muslim: al Masaajid 675)

Rasool Allah ﷺ ne 1 maah tak 5 namazo’n mein ruku ke baad qunoot e nazela padhi aur Sahaba Aap ke peeche aameen kahte the.

(Abu Dawood: al Witr 1443) Ise Imam Haakim, Imam Zahabi aur Imam Ibne Khuzaima ne Saheeh kaha.

QUNUT E NAZILA KI DUA

Allâhummaghfir Lilmu’minina Wal Mu’minât, Wal Muslimina Wal Muslimât, Wa Allif Bayna Qulübihim, Wa Aslih Dhâta Baynihim, Wansurhum Alâ Aduwwika Wa Ala Aduwwihim Allâhummal An Kafarata Ahlil Kitâbil-ladhina Yukadh-dhibüna Rusulak, Wa Yuqâtiluna Awliyâ-’ak. Allâhumma Khâlif Bayna Kalimati-him, Wazaizil Aqdãmahum Wa Anzil Bihim Ba’sakal Ladhi Lâ Tarudduhu Anil Qawmil Mujrimin. –

Aye Allah! Hame aur Tamaam Momin Mardo’n, Momin Aurato’n, Musalman Mardo’n aur Musalman Aurato’n ko Baqshde aur Inke Dilo’n Mein Ulfat Daal de. Inki (Baahami) Islaah Farmaade. Apne Aur Inke Dushmano’n Ke Khilaaf Inki Madad Farma. Aey Allah! Kaafiro’n Ko Apni Rahmat Se Door Kar Jo Teri Raah Se Rokte, Tere Rasoolo’n Ko Jhutlaate Aur Tere Dosto’n Se Ladte Hain. Aey Allah! Inke Darmiyan Phoot Daal de Inke Qadm Dagmagaade Aur In Par Apna Wo Azaab Utaar Jise Tu Mujrim Qaum Se Nahee Taala Karta.

(Sunan Baihaqi, V2 P 210,211) Aur Imam Baihaqi ne Saheeh kaha.

Qunut e Nazila me zaruri nahi ki sirf yahi dua kare. Khud ki bhi ya koi aur dua situation ke mutabik bhi kar sakte hai. Imam Nawawi farmate hai,

"Sahih aur Mashhoor ye hai jisko Jamhoor ulema ne katahi taur par ki ye mutaeen nahi (yaani inhi alfaz ke sath dua e qunut mutaeen nahi) balki har dua ke sath ho sakti hai."

al-Majmoo’ (3/497).

•٠•●●•٠•

Allah se dua hai ki hame is sunnat ko firse zinda karne ki taufeek de jo takreeban mit chuki hai. aameen.

Read More »

Bimari, Bimari Ki Duae Aur Bimar Ki Iyaadat

۞ Beemar Pursi:

۩ Rasool Allah ﷺ ne farmaya ke: ‘Musalman ke musalman par 5 huqooq hain:

• (Jab mile to ise salaam kahe ya iske) salaam ka jawaab de

• Jab beemar ho to iski iyaadat kare
• Jab mar jaae to iska janaaza padhe
• Jab da’awat de to ise qubool kare
• Agar wo cheenk par Alhadulillahi kahe to jawaab mein Yar hakumullah kahe.’

Sahih al Bukhari: al Janaaez, Hadith-1240 – Sahih Muslim: as Salaam, Hadith-2162.

۩ Sayyadna Ali r.a.riwayat karte hain ke Rasool Allah ﷺ ne farmaya: ‘Jo musalman doosre musalman ki din ke awwal hisse mein (dopaher se pahle) iyaadat karta hai to 70,000 farishte iske liye shaam tak rahmat o maghfirat ki dua karte hain aur jo musalman din ke aakhri hisse mein (do pahar ke baad) iyaadat karta hai to 70,000 farishte is ke liye subah tak rahmat aur maghfirat ki dua karte hain nez iske liey bahisht mein bagh hai.’

Sunan Tirmizi: al Janaaez, Hadith-969 – Sunan Abu Dawood: al Janaaez, Hadith 3099. Ise Imam Ibn e Hibban (710) Imam Haakim (V1 P341,342) aur Haafiz Zahbi ne Saheeh kaha.

۩ Nabi e Rahmat ﷺ ne farmaya hai: ‘Musalman jab apne musalman bhai ki teemardaari ke liye jaata hai to wo waapas lautne tak jannat ke mewe chunta hai.’

Sahih Muslim: al Birri wal Silah, Hadith 2568.

۞ Beemari Se Gunah Door Hote Hain:

۩ Rasool Allah ﷺ ne farmaya: ‘Allah Ta’ala jis shaqs ke sath bhalaai ka iraada karta hai ise takleef mein mubtelaa kardeta hai.’

Sahih al Bukhari, Hadith 5645.

۩ Aap ﷺ ne farmaya: ‘Musalman ko ranj, dukh, fikr aur gham paho’nchta hai, yaha’n tak ke agar ise kaanta (bhi) lagta hai to wo takleef is ke gunaho’n ka kaffara ban jaati hai.’

Sahih al Bukhari: Hadith-5640 – Sahih Muslim, al Birr wal Silah, Hadith- 2572.

۩ Rasool Allah ﷺ ne farmaya: ‘Jab kisi musalman ko koi takleef paho’nchti hai to Allah Ta’ala is ki wajah se is ke gunaho’n ko is tarha mitaata hai jis tarha darakht ke patte jhadte hai.’

Sahih al Bukhari, Hadith-5647 – Sahih Muslim, Hadith- 2571.

۩ Nabi e Rahmat ﷺ ne farmaya: ‘Bukhaar (ho jaae to is) ko buraa na kaho kyou’nke bukhar aadmi ke gunah is tarha door karta hai jis tarha bhatti lohe ke mail ko door karti hai.’

Sahih Muslim, Hadith-2575.

۩ Nabi e Rahmat ﷺ ka irshad hai: ‘Allah Ta’ala musaafir aur mareez ko in amaal ke baraabar ajar deta hai jo wo ghar mein aur tandrusti ki haalat mein kiya karta tha.’

Sahih al Bukhari, al Jihaad wal Seer, Hadith-2996.

۞ Beemari Mein Sabr Ki Fazeelat:

۩ Nabi e Rahmat ﷺ ne farmaya ke Allah Ta’ala farmata hai: ‘Jab main kisi bande ko iski 2 mehboob cheezo’n (ankho’n) mein azmaata hu’n (ise beenai se mehroom karta hu’n) fir agar wo sabr kare to iske badle mein ise jannat du’nga.’

Sahih al Bukhari, Hadith-5653.

۩ A’ataa riwayat karte hain ke mujhe Ibne Abbas r.a. ne kaha kya main tujhe jannati aurat dikhlaou’n? Main ne kaha dikhlao to Ibne Abbas ne farmaya ke Rasool Allah ﷺ ke paas ye kaali aurat aai aur arz ki ke mujhe mirgee ka daura padta hai aur mera satar (T: Private Parts) khul jaata hai, Aap mere liye Allah se dua karie’n. Aap ﷺ ne farmaya: ‘Agar tu sabar karegi to tere liye jannat hai aur agar chaahe to dua kiye deta hu’n. Wo kahne lagi: ‘Main sabar karu’ngi, fir kaha: Mera satar khul jaata hai Allah se dua karie’n ke wo na khule. (Taake main be parda na hou’n).’ Chunaache Aap ne is ke liey dua farmaai.’

Sahih al Bukhari, Hadith-5656.

۞ Iyaadat Ki Duaei’n:

Jab mareez ki iyaadat ke liye jaei’n to Rasool Allah ﷺ ki zabaan e mubarak se nikli hui mundarja zel duaei’n is ke haq mein karei’n:

۩ Pahli Dua:

Rasool Allah ﷺ ne farmaya: ‘Jo shaqs apne musalman bhai ki teemardaari ke liye jaata hai aur iske sar ke paas baith kar saat martaba ye kalimaat padhta hai to shifayaab ho jaata hai Illa ye ke iski maut ka waqt hi aachuka ho.’

"Asalullahal A’azeema Rabbal A’arshil A’azeem Aie’n Yashfiyaka"

[Main Azeem o Bartar Allah, Arsh Azeem Ke Rab Se Sawaal Karta Hu’n Ke Tujhe Shifaa Se Nawaaze]

Sunan Abu Dawood: al Janaaez, Hadith-3106. Ise Imam Ibne Hibban, Imam Haakim V1 P346 V4 P416) aur Imam Nawawi ne Saheeh kaha.

۩ Dusri (2) Dua:

Rasool Allah 1 Araabi ki iyaadat ke liye tashreef le gae aur is se ye kalimaat kahe:

"Laa Baasa Tuhoorun In Shaa Allahu"

[Darr Nahi (gham na kar) Agar Allah Ne Chaaha To (yehi beemari tujhe gunaaho’n se) Paak Karne Waali Hai.]

Sahih al Bukhari:, Hadith-5656.

۩ Teesri (3) Dua:

Aisha Siddiqa r.a. farmati hain ke Nabi e Rahmat ﷺ mareez (ke jism) par apna daaya’n hath ferte aur ye dua padhte the:

أَذْهِبِ الْبَأْسَ رَبَّ النَّاسِ وَاشْفِ أَنْتَ الشَّافِي لَا شِفَاءَ إِلَّا شِفَاؤُكَ شِفَاءٌ لَا يُغَادِرُ سَقَمَاً

‘Azhibil Basa Rabbannasi Washfi Antash Saafi Laa Shifaa‐a Illa Shifaa oka Shifaa‐ann Laa Yugaadiru Saqamann’

[Aey Insano’n Ke Rabb! Beemari Ko Door Kar Aur Shifaa de. Tu Hi Shifaa Dene Waala Hai. Teri Shifaa Ke Siwaa Koi Shifaa Nahi Aisee Shifaa (de) Jo Kisi Beemari Ko Nahi Chodti.’]

Sahih al Bukhari: al Tibb, Hadith-5750 ; Sahih Muslim: al Salaam, Hadith-2191.

Rasool Allah ﷺ ne farmaya: ‘Jab kisi musalman ko takleef (museebat ya nuqsaan) paho’nchey to wo ye kahe:

"Inna Lillahi wa Inna Ilaihi Rajioon, Allahumma Ajurnee Fee Musibati waqhliflee Khairam Minha"

[Ham Sab Allah Ke Liye Hain Aur Isi Ki Taraf Laut Kar Jaane Waale Hain. Aey Allah Mujhe Meri Museebat Mein Ajar Aur Nemul Badal (dono’n) Ataa Farma’],

To Allah Ta’ala Is ke badle mein is se acchi cheez inaayat farma deta hai.’

Sahih Muslim: al Janaaez, Hadith-918.

۩ Cho’nti (4) Dua Ma’auzaat Ka Dam:

Ummul Momineen Aisha r.a. riwayat karti hain ke Nabi e Rahmat ﷺ beemar hote to apne aap par ma’auzaat se [Quran ki aaqhir 2 suratie’n(Surah falaq aur Surah Naas)] dam karte aur apne jism par apna hath ferte. Jab Aap bahot beemar hue to main ma’auzaat padh kar Rasool Allah par beemari ki haalat mein phu’nkti aur Aap hi ka hath Aap par pherti kyou’nke Aap ke hath mubaarak mein mere hath se ziyada barkat thee.

Sahih al Bukhari: Fazaael al Quran, Hadith 5016 – Sahih Muslim: al Salaam, Hadith 2192.

۩ Paa’nchweei’n (5) Dua:

Usmaan bin Abil A’aas se riwayat hai ke inho’n ne Nabi e Akram ﷺ se jism ke dard ki shikaayat ki. Aap ﷺ ne farmaya: Apna hath dard ki jagah par rakho phir 3 baar Bismillah kaho aur 7 dafa ye kalimat padho:

"A’auzu Billahi wa Qudratihi Min Sharri Maa Ajidu wa Ohaaziru"

[Main Allah Aur Iski Qudrat Ke Sath Panaah Maangta Hu’n Is Cheez Ki Buraai Se Jo Main Paata (Mehsoos Karta) Hu’n aur Is Se Darta Hu’n.]

(Usman farmate hain ke) Main ne ise tarha kiya to Allah Ta’ala ne meri takleef door kardi.

Sahih Muslim: al Salam, Hadith-2202.

۩ Chati (6) Dua:

Rasool Allah ﷺ Hasan aur Husain ko in alfaaz ke sath dam kiya karte the:

‘A’auzu Bikalimaatillahit Taamati Min Kulli Shaitaaniyou’n wa Haamatin wa Min Kulli A’ayouninllammatin.

[Main Tum Dono’n Ko Allah Ke Poore Kalimaat Ke Sath (iski) Panaah Mein Deta Hu’n Har Shaitan Aur Har Zehreele Jaanwar Aur Har Nazar e Bad Ki Buraai Se]

Fir farmaya: Tumhaare baat Ibraheem (A‐) (bhi) in kalimaat ke sath Ismaeel aur Ishaaq (Aa‐) ke liey (Allah ki) panaah talab kiya karte the (inhei’n dam karte the).’

Sahih al Bukhari: Kitaab Ahaadisul Ambiya Hadith-3371.

۩ Saatwie’n (7) Dua:

Abu Saeed Khudree r.a. se riwayat hai ke Jibraeel (a.s.) ne kaha: Aey Muhammad ﷺ ! kya Aap beemaar hain?

Aap ne farmaya: Haa’n to Jibraeel (a.s.) ne (ye) padh kar (Aap par dam kiya):

Bismillahi Arqeeka Min Kulli Shai‐in Yuzeeka Min Sharri Kullin Nafsin Au A’ayounin Haasidin Allahu Yashfeeka Bismillahi Arqeeka.

[Allah Ta’ala Ka Naam Lekar Main Aap Par Dam Karta Hu’n Har Is Cheez Se Jo Aap Ko Takleef De, Har Nafs Aur Har Hasad Karne Waali Aa’nkh Ke Shar Se, Allah Ta’ala Aap Ko Shifaade. Main Allah Ka Naam Lekar Aap Par Dam Karta Hu’n.]

Sahih Muslim: al Salaam, Hadith-2186.

•٠•●●•٠•

Read More »

Adam a.s. Ki Tauba Ki Dua

Allah subhana wa tala' Quran me batate hai ki adam (alaih-as salam) ko Allah ne muaf kaise kiya. Allah pak farmate hai,

فَتَلَقَّى آدَمُ مِن رَّبِّهِ كَلِمَاتٍ فَتَابَ عَلَيْهِ إِنَّهُ هُوَ التَّوَّابُ الرَّحِيمُ-

Aadam (alaih-as salam) ne apne Rab se chand qalemaat seekh li aur Allah Taalaa ne un ki tauba Qabool farmaee, be-shak wohi tauba qubool karne wala aur raham karne wala hai.

Surah Baqarah, ayat-37.

Allah subhana wa tala' Quran me us dua ka zikr bhi karte hai jis dua ke wajah se Adam a.s. ko Allah ne muaf kiya tha. Allah pak farmate hai,

قَالاَ رَبَّنَا ظَلَمْنَآ أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَـسِرِينَ-

[Adam aur Hawwa a.s. ne] kaha Aey humara Rab! Hum ney apna bara nuksan kiya aur agar tu humari maghfirat na karayga aur hum par raham na kare ga toh waqaee hum nuksan paney walon mein say hojayen gay.

To ye bilkul wazeh ho gai ki kaise Adam a.s. aur Hawwa a.s. ko muafi mili. Kuch log ka kahna hai ki Adam a.s. ne RasoolAllah ﷺ ke wasile se dua ki thi tab unhe Allah ne muaf kiya tha jab ki Quran ki is dua ke alfaz me waseele ka kahi zikr hi nahi hai. Kuch log is sil sile me Hadith bhi dete hai lekin wo hadith usool e Muhaddiseen par Mauzu hai. Us hadith ki tahkeek is artlcle me pesh ki gai hai:

۩ Aadam a.s. ka Mohammad ﷺ ko waseela banane wali hadees ka baatil hona

Allah se dua hai ki wo hame haq samajh kar us par amal karne ki taufeek ata kare. aameen.

•٠•●●•٠•

Read More »

Aakhri Tashahud Ki Duae

Kya namaz ke aakhri tashahhud me attahiyyat aur darood e ibrahimi ke padhne ke baad duaein hai? Agar hai to kounsi hai, kyunke kuch Imaam hazraat namaz ki akhry tashahhud kuch zyada hi lamba kar dete hai, aur muqtady ko ilm nahi hota ke Imaam kya kah rahe hai?

Alhamdulillah..

۩ღ Ummul Momineen Aisha r.a. kahti hain ke Rasool Allah ﷺ namaz mein (aaqhri qaede mein) you’n dua farmate the:

اللَّهُمَّ إِنِّي أَعُوذُ بِكَ مِنْ عَذَابِ الْقَبْرِ وَأَعُوذُ بِكَ مِنْ فِتْنَةِ الْمَسِيحِ الدَّجَّالِ وَأَعُوذُ بِكَ مِنْ فِتْنَةِ الْمَحْيَا وَفِتْنَةِ الْمَمَاتِ اللَّهُمَّ إِنِّي أَعُوذُ بِكَ مِنَ الْمَأْثَمِ وَالْمَغْرَمِ-

‘Allahumma Inni A’auzu Bika Min A’azabil Qabri wa A’auzu Bika min Fitnatil Maseehid Dajjal wa A’auzu bika min Fitnatil Mahya wal Mamaati Allahumma Inni A’auzu Bika Minal Ma,aathami wal Maghrami’.

Ya Ilaahi! Main Teri Panah Mein Aata Hu’n A’azaab Qabr Se Aur Teri Panah Mein Aata Hu’n Dajjal Ke Fitne Se Aur Teri Panah Mein Aata hu’n Maut o Hayaat Ke Fitne Se, Yaa Ilaahi Main Gunah Se Aur Qarz Se Teri Panah Maangta Hu’n.

Aaisha r.a. ne arz ki Aey Allah ke Rasool! Aap qarz se bahot panah kyou’n maangte hain. Aap ﷺ ne farmaya: Jab aadmi qarzdar hota hai to wo jhut bolta hai aur wa’ada khilafi bhi karta hai.

(Bukhari: al Azan 832 – Muslim: al Masaajid 589).

۩ღ Isi tarah Nabi ﷺ ne Hazrat Abu Bakar r.z. ko bhi namaz me mangne ke liye dua sikhai thi jaise ke Sahih al Bukhari me hai ke Abu Bakr siddeeq r.a. kahte hai ke maine Rasool ﷺ se arz kiya, "Mujhe koi dua sikha de jise mai apni namaz me manga karu to Aap ﷺ ne farmaya,Tum kaho

Allahumma inni a’auzu bika min azaabi jahannama wa min azabil qabri wa min fitnatil mahyaa wal mamaati wa min sharri fitnatil maseehid dajjal’.

Aye Allah! Mai jahannam aur kabr ke aazaab se, maut o hayaat ke fitne aur maseeh dajjal ke shar se teri panah mangta hu.

Sahih Muslim, kitab al salat, hadees- 1324.

۩ღ Sayyadna Ali bin Abi Taalib r.a. bayan karte hain ke Rasool Allah ﷺ Tashahud ke baad salam pherne se qabl ye dua padhte the:

Allahummagh Firli Maa Qaddamtu wa Maa Aqqhartu wa Maa Asrartu wa Maa A’alantu wa Maa Asraftu wa Maa Anta

A’alamu Bihi Minni Antal Muqaddimu wa Antal Muaqqhiru Laa Ilaaha Illa Anta.

Aye Allah! Tu Mere Agle Piche, Poshida aur Zaahir (Tamaam) Gunah Muaaf Farma Aur Jo Main Ne Ziyadati Ki Aur Wo Gunah Jo Tum Mujh Se Ziyada Jaanta hai (Wo Bhi Muaf Farma) Tuhee (Apni Dargah Izzat Mein) Aage Karne Wala Aur (Apni Baargah Jalaal Se) Peeche Karne Wala Hai. Sirf Tuhi (Saccha) Ma’abood Hai.

Sahih Muslim: Salatul Musafireen, hadith-771.

۩ღ Mahjan bin Al Adra’a r.a. bayan karte hain ke Rasool Allah ﷺ masjid mein dakhil hue to ek shaqs masjid ke aakhir mein ye dua kar raha tha:

Allahumma Inni As,aluka Yaa Allahul Ahadus Samadullazi Lam Yalid wa Lam Youlad wa Lam Yakullahu Kufuan Ahad An Taghfirlee zunoobi Innaka Antal Ghafoorur Raheem.

Aye Allah Main Tujhse Sawaal Karta Hu’n Is Baat Ke Saath Ke Tu Waahid, Akela aur Beniyaaz hai, Jis Ne Na Janaa (T: Has Not Given Birth To Anyone) Na Janaa Gaya (T: Has Neither Been Born) Aur Na Iska Koi Shareek Hai ke Tu Mujhe aur Mere Gunah Muaaf Karde Beshak Tu Bakshne Wala Bahot Maherban Hai.

Rasool Allah ne farmaya: Teri Bakshish hogai, Teri Bakshish hogai, Teri Bakshish hogai.

(Sunan Abu Dawood: 985 – Sunan Nasai: 1301 V3 P 52)

۩ღ Anas bin Maalik se riwayat hai ke main Rasool Allah ﷺ ke sath baitha hua tha aur ek aadmi namaz padh raha tha, is ne tassha‐hud mein ye dua ki:

Allahumma Inni Asaluka Bianna Lakal Hamda Laailaaha Illa Intal Mannanu Badeeus Samaawati wal Arzi Yazal Jalaali wal Ikraami Ya Haiyyu Ya Qayyumu Inni As,aluka.

Aey Allah Main Tujh Se Sawal Karta Hu’n Is Baat Ke Sath Ke Hamd Tere Ley Hai, Tere Alaawa Koi Ibaadat Ke Laaeq Nahi, Behad Ehsaan Karne Wala, Asmaano’n Aur Zameeno’n Ko Banaane Wala Buzrug Aur Izzat Wala, Zinda aur Qaaem Rakhne Wala Main Tujhse Sawal Karta Hu’n.

Rasool Allah ne farmaya: ‘Is zaat ki qasam jiske hath mein meri jaan hai isne Allah ke azeem namo’n ke sath dua ki

hai jo shaqs inke sath dua karta hai, Allah qubool karta hai aur jab wo maangta hai Allah a’ataa karta hai.’

(Sunan Nasaai: al Sahu 300)

۩ღ Abu Bakr Siddiq r.a. riwayat karte hain ke main ne kaha, Ya Rasool Allah! Namaz mein maangne ke liey mujhe (koi) dua sikhaiey (ke ise Attahiyyat aur Darood ke baad padha karu’n) to Aap ﷺ ne farmaya! Padho:

‘Allahumma inni zalamtu nafsi zulman kaseerau’n walaa yaghfiruz zunooba illa anta faghfirli maghfiratan min indika warhamni innaka antal ghafoor ur raheem’

Aye Allah! Bila shuba maine apni jaan par bahot zyada zulm kiya hai. Aur tere siwa gunaho ko koi nahi baksh sakta, pas apni jaanib se mujh ko baksh de aur mujh par raham kar, be shak tu hi bakshne wala maherban hai.

Sahih al Bukhari, al azan 834, Sahih Muslim, al zikr wad dua, 2705.

۩ღ Abu Hurairah r.a. se marwi hai ke Aap ﷺ ne farmaya, "Jab tum maisekoi Tashahhud me baithe to char chizon se Allah ki panah mange- azaab e jahannam se, azaab e qabar se, zindagi wa maut ke fitne se, aur masih dajjaal ke shar se, iske baad apne liye jo chahe maangle.

Sunan Nisai hadith-1293.

•٠•●●•٠•

Read More »

Kya Nek Shareek e Hayat Ko Talash Karne Ki Koi Dua Hai ?

Kya Achi Biwi Ya Ache Khwaind Ke Husul Ke Liye Koi Khas Dua Hai? Kya koi ayat ya aisy dua hai jise hum mustaqbil me achi biwi ya khawind ki talash ke liye padhe? Aur wo koun koun si ashiya hai jin par ek shaks ko tawajjah markooz karni chahiye ke jis se ye ilm ho sake ke ye ladka/kadki ya wo ladka/ya ladki munasib pasand sabit hoga ya hogy aur kya kisi shaqs ko iska jawab mil sakta hai ke quran majeed ko apne mansoobo ke liye rehnumai ka zariya banaye?

Alhamdulillah, 

Hamare ilm ke mutabiq is muamle ke liye Nabi ﷺ se sabit shuda aur mukaddas dua ka wujood nahi hai lekin aap Allah se khud hi dua kare ke Allah aapko nek biwi muhya farmae, jab ke Nabi ﷺ ne hum sab ko dua e isteqara sikhai hai, jiska matlab hai ke hum Allah se iltemas kare ke hamre Deeni wa duniyawi tamaam umoor ke liye deen aur duniya ke lehaz se behtar cheez hamare liye pasand farmae, aur ye dua Jabir bin Abdullah (r.a)se marwi hai ke Aap ﷺ Tama'am muamilaat ke liye isteqara aise sikhaya karte, jaise Aap hame Quran ki koi surat sikha rahe ho.

Aap ﷺ ne farmaya ki tum me se koi bhi kisi kaam ka irada kare to farz raka'at ke alawa do raka'at nafil ada kare aur phir kahe;

اللَّهُمَّ إِنِّي أَسْتَخِيرُكَ بِعِلْمِكَ، وَأَسْتَقْدِرُكَ بِقُدْرَتِكَ، وَأَسْأَلُكَ مِنْ فَضْلِكَ العَظِيمِ؛ فَإِنَّكَ تَقْدِرُ وَلاَ أَقْدِرُ، وَتَعْلَمُ وَلاَ أَعْلَمُ، وَأَنْتَ عَلاَّمُ الغُيُوبِ، اللَّهُمَّ إِنْ كُنْتَ تَعْلَمُ أَنَّ هَذَا الأمْرَ [یہاں اپنے کام کا نام لے]خَيْرٌ لِي فِي دِينِي وَمَعَاشِي وَعَاقِبَةِ أَمْرِي فَاقْدُرْهُ لِي وَيَسِّرْهُ لِي ثمَّ بَارِكْ لِي فِيهِ، وَإِنْ كُنْتَ تَعْلَمُ أَنَّ هَذَا الْأَمْرَ [یہاں اپنے کام کا نام لے] شَرٌّ لِي فِي دِينِي وَمَعَاشِي وَعَاقِبَةِ أَمْرِي فَاصْرِفْهُ عَنِّي وَاصْرِفْنِي عَنْهُ وَاقْدُرْ لِيَ الْخَيْرَ حَيْثُ كَانَ، ثُمَّ أَرْضِنِي بِهِ-

Tarjuma:

Aey Allah! Tehqeeq main (is kaam mein) tujh se tere ilm ki madad se khair maangta hu’n aur (husool e khair ke liey) tujh se tere qudrat ke zarie qudrat maangta hu’n aur main tujh se tera fazal azeem maangta hu’n, beshak tu (har cheez par) qaadir hai aur main (kisi cheez par) qaadir nahi. Tu (har kaam ke anjam ko) jaanta hai aur main (kuch) nahi jaanta aur tu tamaam ghaibo’n ka jaanne wala hai. Aey Allah! Agar tu jaanta hai ke ye kaam (jiska main iraada rakhta hu’n) mere liey mere deen, mere zindagi aur mere anjaam kaar ke lehaaz se behtar hai to ise mere liey muqaddar kar aur asaan kar phir is mein mere liey barkat paida farma aur agar tere ilm mein ye kaam mere liey mere deen, meri zindagi aur mere anjaam kaar ke lehaaz se bura hai to is (kaam) ko mujh se aur mujhe is se pher de aur mere liey bhalaai muhiyya kar jaha’n (kahee’n bhi) ho. Phir mujhe iske sath raazi karde.

Nabi e Rahmat ne farmaya ke phir apni haajat bayan karo.’

Sahih al Bukhari: al Tahajjud, hadith- 1162.

Tarfain me se har ek ki tawajjah ke liye Deen Daari aur aqhlaaq se badh kar koi cheez nahi hai. Chunanche ladke ke mutalliq Nabi ﷺ ne ladki ke wali  sahebaan ko nasihat farmayi ke "Jab tumhare paas aisa ladka (rishte ke liye aaye) jiske  aqlaaq aur deendari ko tum pasand karte ho to uski shadi kardo aur agar aisa nahi karoge,to zameen me fitna aur fasad hoga"

Jamia Tirmizi, 1084. Ibn e majah, 1967.

Aur ladki ke mutalliq Nabi ﷺ ne nasihat karte hue farmaya: (Muashre me aam taur par) Aurat se shadi 4 chizo ki wajah se ki jaaty hai; Maaldari, Hasbe nasb, Khubsurty aur Deendari. chunanche tum Deendar ko talash karlo tumhare hath khak alood kardegy".

Sahih al Bukhari, 4802 aur Sahih Muslim, 1466.

Hafiz Ibn e Hajar (r.h.) kahte hai:

"Is hadees ka matlab hai ke saheb e murawwat, aur deendaar shaks ko yahi zeeb deta hai ke iska mutma'a nazar har cheez ke bare me deendari hi ho, khususan aise muamilat me jo insan ke sath lambe arse tak rahe, chunanche Nabi ﷺ ne shadi ke khwahismand afraad ki  Deendar ladki talash karne ka hukum diya, kyunki deendary hi asal hazf hai"intahi".

Fathul bari"(135/9).

Sawal ke dusre hisse me mazkoor Quran ke zariye rehnumai hasil karne ke baare me yehai ke agar is se aap ki muraad faal nikalna murad ho,

to ye harqam kaam hai aur Quran ke faal nikalne ke qhud saqta(khud banaya hua) tariqo me se ye bhi hai ke Quran majeed ko kahi se bhi khola jaye, to agar nazar rehmat ya sawab wali ayat par padty hai to iska matlab hai ke banda jo bhi kaam karna chahta hai wo acha aur durust kaam hai aur agar muamla bar'aks ho to iska matlab bhi bar'aks hoga. Deen me iski koi buniyaad nahi hai, ye be-buniya tareeqa hai. Aur agar Quraan paak se rehnumai lene se aapki muraad ye ho ke itteba e Quran ki jaye aur iske ehkamaat par amal kia jaye to haqeeqat me yahi wo sa'adat mandi hai jis se badh kar koi  sa'adat mandi nahi.  Aur wo hai kitaab wa sunnat ki pairwi aur Allah ke yaha qiyamat ke din najaat.

•٠•●●•٠•

Read More »