Nawafil Aur Sunnat Namaze Ghar Me Padhna Afzal (Sunnat) Hai

hi    

۩ Zaid bin Sabit r.a. se riwayat hai Rasool Allah ﷺ ne farmaya: ‘Farz namaz ke alawa baaqi namaz ghar mein padhna afzal hai.’

(Sahih al Bukhari: 731 – Sahih Muslim: 781)

۩ Abdullah bin Saad r.a. se riwayat hai ke main ne Rasool Allah ﷺ se dariyaft kiya ke nafil namaz ghar mein padhna afzal hai ya masjid mein? Aap ne farmaya ke: ‘Kiya tum nahi dekhte ke mera ghar masjid ke kis qadr qareeb hai iske bawajood faraaez naamz ke alaawa mujhe ghar mein namaz padhna ziyada pasand hai.’

(Sunan Ibn e Majah: Iqaamatis Salah 1378) Imam Buseeri aur Imam Ibne Khuzaima ne ise Saheeh kaha.

۩ Jabir r.a. riwayat karte hai ki Nabi e Akram ﷺ ne farmaya,

‘Jab tum masjid me namaz padho to namaz ka kuch hissa (nawaafil, sunnatei’n) apne gharo’n mein padho, Allah is namaz ke sabab ghar me khair o bhalaai dega.’

Sahih Muslim, Salatul Musafireen (6), hadees- 1822.

۩ Abdullah bin Umar r.a. se riwayat hai Rasool Allah ﷺ ne farmaya: ‘Apni namazo’n ka kuch hissa apne gharo me padho (jaise qabrastan namaz se khali hote hain aise hi) apne gharo’n ko qabrastan na banaao.’

(Sahih al Bukhari: 432 – Sahih Muslim: 777).

•٠•●●•٠•

Read More »

Biddat

Sunnat ka matlab arabic dictionary ke hisab se 'Tareeka' hota hai.

Gaur aur fikr karne ki baat ye bhi hai ki sunnat ke matlab ke hisab se sirf ye nai hota ki Rasool s.a.w. ne kya kiya balki ye bhi hota hai ki rasool s.a.w. ne kya nahi kiya. Is liye jo RasoolAllah ne nahi kiya usko na karna bhi sunnat hai aur jis amal ko RasoolAllah aur sahaba ne nahi kiya usko Biddat kahte hai. Aiye ham Quran, sunnat, sahaba, tabaeen aur Ulma e deen se samajhte hai ki Islam me biddat ka kya mukam hai.  

QURAN

..aaj mein ne tumhare liye Deen ko muqammal (complete) kar diya aur tum par apna ahsaan bharpoor kar diya aur tumhare liye Islam ke deen hone par raza mand hogaya...

Surah Maida ayat-3.

Wo wahi hai ke jin ki dunyawi zindagi ki tamaam tar koshishe bekaar ho gayi aur wo isi gumaan me rahe ke wo bahut acche kaam kar rahe hai.

SURAH KAHF, AYAT-104 .

Aur jo shaks Allah aur us ke Rasool ﷺ ki na-farmani kare aur us ki muqarrar hadon se aage nikle usse woh jahannam me daal dega jis me woh hamesha rahenge. Aiso hi ke liye ruswa-kun aazab hai.

SURAH NISA, AYAT- 14.

..Apne deen kay bare mein hadd se na guzar jao..

Surah nisa ayat 171.

HADITH

Ayesha r.a. riwayat karti hai ki Rasoolullah ﷺ ne farmaya ki Jisne hamare is deen me kuch aisi baat shamil ki jo usme se nai hai toh wo amal mardud hai.

Sahih al bukhari, book of peacemaking ﴾53﴿, hadees- 2697.

Muhammad ﷺ ne farmaya ki Meri sunnat aur khulfa rashideen ki sunnat ko daanto ki mazbuti se pakde rahna aur har nayi chiz jo DEEN me nikali jaye (jise deen ka hissa samajh kar kiya jaye) usse bachna kyuki har nai chiz ek gumrahi hai.

[Musnad Ahmad (4/126) and at-Tirmidhee (2676).]

Jabir bin Abdullah r.a. riwayat karte hai ki Rasoolullah ﷺ ne farmaya,

'.. Sabse behtareen tareeqa Muhammad ﷺ ke tareeqa hai. Sabse badtareen kaam (Deen me) nayi-nayi baato ka paida karna hai, aur har biddat gumrahi hai.'

Sunan ibn majah, kitab as sunnah (muqaddamah), hadees- 45. Ise darussalaam ne sahih karaar diya hai.

RasoolAllah ﷺ ne farmaya Jab bhi log kisi biddat ka ijaad karte hai To usme se utni sunnat uth jati hai. Biddat ijaad karne se behtar Sunnat ko apnana hai.

Al-Tirmidhi, (Hadith 65).

Abdullah bin Masood r.a. riwayat karte hai ki Rasool ﷺ ne farmaya ki Jab bhi Kabhi ek Rasool bheja jata tha to uske kuch hawari aur sahaba hote the, wo sahabi , apne nabi ki sunnato(tariko) ko mazbuti se pakad lete the aur usi pe jame rahte the. Fir hamesha aisa hua hai ki unke baad kuch aise log paida hue hai JO KAHTE WO THE JO KARTE NA THE, AUR KARTE WO THE JISKA HUKM BHI NAI HUA THA. To sunlo jinhone unse JIHAD KIYA APNE HATHO SE, APNE ZUBAN SE, APNE DIL SE WO MOMIN THA, aur is ke baad  IMAN TO RAAI KE DAANE KE BARABAR BHI NAI HAI.

Sahih Muslim,The Book of Faith (Kitab Al-Iman), hadith - 179.

Abu Najih al-Irbad bin Sariyah Radi Allahu Anhu se rivayat hai ki Rasool Allah ﷺ ne wa’az (speech) farmaya jis se aankhon se Aansoo bah nikley aur dil kaanp uthey, humne arz kiya Ya Rasool Allah Sallallhu Alaihi Wasallam ye to rukhsat karney waley ki naseehat hai Aap humse kisi cheez ka ahad le le, Aapney farmaya main tumko aisee hamwar zameen par chorh ja raha hu jiskey din aur raat barabar hain is sey wo hatega jo Halaaq honey wala hoga jo tum mein se zinda rahega wo shadeed ikhtilaf dekhega tum par mera tareeqa aur mere hidayat yafta khulfa ka tareeqa lazim hai isko daanton se mazbut pakad lena aur tum par Ita’at e Ameer lazim hai chahey wo habshi ghulam ho kyunki momeen nakel daaley huye oont ki tarah hota hai jaisey chalaya jata hai ita’at karta hai-

Sunan Ibn Majah, Vol 1 , Hadith- 42. (classed as Hasan by Shaykh Zubair Ali Zai)

Anas bin Malik (r.a) farmate hai ke, Rasool Allah ﷺ ki ibadat ke bare me puchne ke liye teen (3) shakhs Aisha r.a. ke pass aaye, jab un logon ko Rasool Allah ﷺ ki ibadat ka tariqa bataya gaya to, unhone Aap ﷺ ki ibadat ko thodi samjhi aur kaha, humara Rasool Allah ﷺ se kya muqabala ?, Allah ne aapke agle piche gunah maaf kar diye hai, (toh) un maise ek ne kaha, mai hamesha raat bhar namaz padhta rahunga, dusre ne kaha main hamesha roza rakha karunga, teesre ne kaha ki mai auraton se door rahunga, main nikah nahi karunga.
Unme ye guftagu ho rahi thi ke RasoolAllah ﷺ aaye aur farmaya, Kya tum logo ne ye baate kahi hai?
(Aur fir farmaya) Gaur se suno, Allah ki kasam, main tumme sab se zyada Allah se darne wala hu, aur tumme sab se zyada taqwa-ikhtiyaar karne wala hu, lekin mai roza rakta hu aur nahi bhi rakta, raat ko namaz padhta hu aur sota bhi hu, aur aurton se nikah bhi karta hu, Toh sunlo yahi mera tariqa hai aur jisne mere tariqe(sunnat) se hatkar kiya wo mujh me se nahi hai.

Sahih al Bukhari, Wedlock, Marriage (Nikaah), hadith - 5063.

Ali ibn AbuTalib ra. riwayat karte hai ki RasoolAllah ﷺ ne farmaya,

“Agar koi shaks biddat ijaad karta hai(deen me), toh wo zimmedar hoga is ke liye. Agar koi shaks biddat ijaad kaarta hai ya kisi biddati ko panah deta hai, to uspar Allah, uske farishto aur sare logo ki laanat hoti hai.

Sunan of Abu-Dawood Hadith 4515.

Sahl bin Sa`d r.a. riwayat karte hai ke Rasoolullah ﷺ ne farmaya,

(Qayamat ke din) Mere kuch saathi hauz e kausar par mere saamne laaye jayenge aur mai inhe pahchan lunga lekin fir woh mere samne se hata diye jayenge. Mai is par kahunga ke yeh toh mere saathi hai. Lekin mujh se kaha jayega ke Aap ko maloom nahi ke unhone aap ke baad kya kya nai cheeze ijaad kar li thi.

Is par mai kahunga ke dur ho woh shakhs jis ne mere baad deen me tabdeeli kar li thi.

Sahih al bukhari, kitab ur-riqaaq, ﴾81﴿, hadees- 6582,6584.

SAHABA

Ibne Abbas r.a nay farmaya logow k is talbiyah aur tasbeeh chod denay par tajjub hai .meray nazdeek takbeer achi chees hai. LEKIN SHAITAN INSAAN K PASS GUNAH K DARWAZAY SAY AATA HAI, JAB WO ISSAY BACH JAYEH TO USKAY PASS NAIKI KI DARWAZAY SAY AATA HAI TAAKAY WO SUNNAT KO CHOD KAR BIDDAT KO APPNA LEY.

MUSNAD ISHAAQ BIN RAWAIYAH, HADITH 482 .

Ibn Abbaas R.A. (d. 68H) kahte hai : "Beshak, sabse zyada na-pasandeeda chiz Allah ki nazar me BIDDAT hai."

Reported by al-Bayhaqee in as-Sunan al-Kubraa (4/316)

Ibn Abbas r.a. farmate hai:  Jab biddat ki ijaad hoti hai to sunnat mar jati hai aur tab tak faut rahti hai jab tak biddat zinda rahti hai.

(Tirmidhi 187)

Abdullah ibn Masood r.a. farmate hai ki har biddat jis se Islam ke sath sazish ki jati hai Allah ka ek mehboob banda hota hai jo us(biddat ko) radd karta hai aur hatata hai aur uski nishanio pe baat karta hai isiliye us mauke ka pura fayda utha kar aise jagah pe jaya karo aur Allah par bharosa rakhha karo.

IBN E WADDAH AL BIDAYAH (HADITH 4) . SOURCE :- http://www.islamweb.net/hadith/display_hbook.php?bk_no=284&pid=54462&hid=4

'Abdullaah ibn Mas'ood R.A., ne Farmaya, " Pairwi karo aur nayi chize ijaad mat karo, kyuki jo tumhe diya gaya hai wo Kafi hai aur har biddat ek gumrahi hai.

Reported by Abu Khaithamah in Kitaab Ul-'Ilm (no. 540) and declared saheeh by Shaikh al-Albaanee.

ﺣﺪﺛﻨﻲ ﻣﺤﻤﺪ ﺑﻦ ﻭﺿﺎﺡ ﻗﺎﻝ : ﺣﺪﺛﻨﻲ ﻣﺤﻤﺪ ﺑﻦ ﺳﻌﻴﺪ ﻗﺎﻝ : ﻧﺎ ﺃﺳﺪ ﺑﻦ ﻣﻮﺳﻰ ﻗﺎﻝ : ﻧﺎ ﻋﺒﺪ ﺍﻟﻤﺆﻣﻦ ﺑﻦ ﻋﺒﺪ ﺍﻟﻠﻪ ﻗﺎﻝ : ﺣﺪﺛﻨﻲ ﻣﻬﺪﻱ ، ﻋﻦ ﻋﻜﺮﻣﺔ ، ﻋﻦ ﺍﺑﻦ ﻋﺒﺎﺱ ﻗﺎﻝ ﻣﺎ ﻳﺄﺗﻲ ﻋﻠﻰ ﺍﻟﻨﺎﺱ ﻣﻦ ﻋﺎﻡ ﺇﻻ ﺃﺣﺪﺛﻮﺍ ﻓﻴﻪ ﺑﺪﻋﺔ ﻭﺃﻣﺎﺗﻮﺍ ﻓﻴﻪ ﺳﻨﺔ ، ﺣﺘﻰ ﺗﺤﻴﺎ ﺍﻟﺒﺪﻉ ﻭﺗﻤﻮﺕ ﺍﻟﺴﻨﻦ 

Ibne Abbas r.a farmatay hai har saal biddati log koi na koi biddat jaari kardetay hai.aur koi naa koi sunnat mitha detay hai.natijaa yeh hoga biddatay zinda aur sunnatay murdaa hojayegi.

IBNE WADDAH AL BIDAYAH AN NAHAYA, HADITH 93.

TABAEEN

Sa'iid Ibn al Musayyib r.a. (Tabaeen) ne ek shaks ko suraj tulu hone ke baad do rakat se zyada padhte hue dekha sajda aur ruko me izafa karte hue, toh unhone use mana kiya ye karne se. Us shaks ne jawab diya: 'Ae Aba Muhammad, kya Allah mujhe namaz padhne ke liye saza dega? Unhone kaha: 'NAHI, LEKIN WO TUMHE SUNNAT SE IKHTILAF KARNE KE LIYE SAZA DEGA'.

(SUNAN AL-KUBRA 2/466).

TABE-TABAEEN

Imaam Abu Haneefah (rahimahullaah) d. 769 C. E. (150 A. H.) kahte hai: "Salaf ke Athaar(riwayato) aur Tareeqah pe amal karo aur Hoshiyaar rahna nayi chize ijaad karne se, wo sari biddate hai."

[Reported by As-Suyootee in Sawn al-Mantaq Wal -Kalaam, p. 32.].

IMAAM MAALIK (raheemullah) KAHTE HAI :-

ﺍﻹﻣﺎﻡ ﻣﺎﻟﻚ ﺭﺣﻤﻪ ﺍﻟﻠﻪ ﺃﻧﻪ ﻗﺎﻝ : ﻣﻦ ﺍﺑﺘﺪﻉ ﺑﺪﻋﺔ ﻓﺰﻋﻢ ﺃﻧﻬﺎ ﺣﺴﻨﺔ ﻓﻘﺪ ﺯﻋﻢ ﺃﻥ ﻣﺤﻤﺪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﺧﺎﻥ ﺍﻟﺮﺳﺎﻟﺔ، ﻷﻥ ﺍﻟﻠﻪ ﺗﻌﺎﻟﻰ ﻳﻘﻮﻝ : ﺍﻟْﻴَﻮْﻡَ ﺃَﻛْﻤَﻠْﺖُ ﻟَﻜُﻢْ ﺩِﻳﻨَﻜُﻢْ ﻭَﺃَﺗْﻤَﻤْﺖُ ﻋَﻠَﻴْﻜُﻢْ ﻧِﻌْﻤَﺘِﻲ ﻭَﺭَﺿِﻴﺖُ ﻟَﻜُﻢُ ﺍﻟْﺄِﺳْﻼﻡَ ﺩِﻳﻨﺎً ] ﺍﻟﻤﺎﺋﺪﺓ : 3 ]

Jo yeh sochta hai ki biddate hasana jaisi koi chiz hai Islam me, toh usne Rasool Allah s.a.w. ke Risalat par Khayanat ka Ilzaam lagaya Kyuki Allah Quran me kahte hai "Is din hamne tumhare mazhab ko pura kar diya hai....." Toh jo mazhab nahi tha us zamane me aj wo mazhab nahi ban sakta.

(AL-'ITISAAM AS-SHAATIBI 1/38)

ULEMA E DEEN

Ibn Hajar Al-Asqalani (raheemullah) (d. 852H.) ne kaha: "Khush woh hai jo Salaf ke tarike se juda(stick) rahta hai, aur bachta hai us chiz se jise Khalaf(jo salaf ke baad aye) ne ijaad kiya hai."

Fath Al-Bari by Ibn Hajar (13/267).

SHEIKH ABDUL QADIR JILANI (raheemullah) ne farmaya

“Tumhare upar Ittibaa lazim hai aur nayi chiz ijaad karna nahi aur tumpar salaf as saaleh ke mazhab (tarike) par amal karna lazim hai aur wahi sidha rasta hai jo tumhe apnana chaiye.

(al-Fath ur-Rabbaanee (p.35).

•٠•●●•٠•

Biddate Hasana Ke Ilm Ke Liye Ye Link Check Kare- https://iqrakitab.com/2017/12/kya-biddat-e-hasana-islam-me-jaiz-hai.html

Read More »

Jashn e Milad Manana - Ek Nazarya

Ye waisi badi fitri baat hai ki jabse dunya bani hai log apni badi-shakshiyaat ke din manate rahte hai aur qaumi lehaz se bhi, mazhabi lehaz se bhi mukhtalif tyohar, mukhtalif qaumo me, mukhtalif groh aur jamaat aur mazahib me muqarrar kiye jate rahe hai; jaise christmas ka tyohar hai, ye hazrat eesa a.S. Ki paidaish ki khushi me hi ye log manate hai. Aur bhi baaz waqyaat qaumo ke zindagi me bade ho jate hai usko bhi log manate hai, jaise ham apni azaadi ka din manate hai ya jaise allama iqbal ka yaum e paidaish ya yaum e wafat manate hai.

Toh tyohar manane ki ek amumi riwayat dunya ki saari qaumo me rahi hai, ye apni jagah koi buri chiz nahi hai. Isse tarikhi waqyat yaad rahte hai, logo ki ek dili wabastagi rahti hai, aur kisi had tak ap kah sakte hai ki ainda naslo ko baaz chize iske zarye se muntakil hoti rahti hai. Isliye aslan ye koi buri chiz nahi hai.

Lekin Nabi ﷺ ka muqam, martaba aesa hai ki mere khyal ke mutabik ap ﷺ isse boht buland hai ki apko is satah par le aya jaye ki jaise ham allama iqbal ka ek din manate hai waise ham apka bhi ek din manale, jaise ham apne mulk ke azadi ka ek din manate hai waise ham apka bhi ek din manale. Ap kisi ek din ki shakshiyat nahi hai, ap to hamare subo-roz ki shakshiyat hai. Aur apki besat, apka nubuwat ka muqam, ye aesi chize nahi hai ki jisko yad karane ke liye mujhe ya apko din mana kar koi ehtimam karna hai. Uska ehtimam allah ne is darje me kar diya hua hai ki har roz 5 waqt hamari masjido se ye sada buland ho jati hai, toh Ye Naghma Fasl-e-gul-o-lala Ka Nahin Paband Bahar Ho Ke Khazan, La Ilaha Illallah.

Isliye mai to isko pastiy e zauq samajhta hu, mere nazdeek iske liye koi khas din muntakhab nahi karna chaiye. Yahi wajah hai ki sahaba e karaam ne is tarha ka koi kaam Rasoolullah ﷺ ke muamle me nahi kiya. Rasoolullah hamare har roz ki shakshiyat hai, har din ki shakshiyat hai, har din apka din hai, har mahina apka mahina hai. Musalman ke subo-roz me ye yaad qayam rahni chaiye aur allah ne iska bada gair-mamuli ehtamam kar rakha hua hai. Yaani ye mera aur apka mohtaj nahi raha. Allah tala ne jo ehtemam risalat me ap ﷺ ke zikr aur apki risalat ki bulandi ke liye kar rakha hua hai usse bada ehtimam dunya me kisi shakshiyat ke liye ho nahi sakta, jis ehtamam se hamari har masjid se ye sada buland hoti hai aur 5 waqt buland hoti hai aur durud o salam ka bhi itna ehtemam kar diya gaya hai ki ham apni namazo me har tashahhud ke mauke par padh rahe hote hai. Is gair-mamuli ahtemam ke sath aesi buland o bala shakshiyat ko ke jiski koi misal nahi hai, aam shakshiyaat ke satah par utarna ye mujhe pasand nahi hai. Toh mai to ise pasand nahi karta.

•٠•●●•٠•

Read More »

Culture Aur Biddat Me Farq

Baaz aukat ham usoolo ki kam samajh ke bina par aur shiddat-pasandi me akar kuch mubah (optional) chizo ko bhi biddat me shumar kar dalte hai. Ye sahih nahi hai.

Mai Cultures ki baat kar raha. Hamare muashre me baaz cultures galat hote hai lekin baaz cultures aese bhi hote h jo halal hote hai. Lekin ham ise haraam samajhte hai. Misaal ke taur par, Juma-Mubarak ya Eid mubarak kahna, ya Eid ke din gale milna, Eidi lena-dena, eid me siwai banana. Beshak in ka Deen se koi talluq nahi h (as a rasm) lekin ye haraam bhi nahi hai. Ye mubah hai. Kyuki in cheezo ko sawab ki niyat se nahi kiya jata hai. Isliye ye cheeze Deen nahi hai aur isi liye ye biddat bhi nahi hongi.

Ek confusion aa sakta hai ki ham farq kaise karenge toh uske liye mai usool bayan kar deta hu:

Ek amal sirf in cases me biddat hoga:

1. Kisi amal ko Deen samajh kar karna aur teesra nukhta
2. Kisi amal ko sawab ki niyat se karna aur teesra rukhta

Teesra nukhta: Us amal ko dusro tak pohchana ba'es e ajar samjha jaye.

Is usool ki ek misaal:

Shab e Meraj manana vs Siwai Pakana

Ye dono amal RasoolAllah aur Ap ﷺ ke sahaba r.a. ne nahi kiye lekin fir b Shab e Meraj manana biddat kyu aur siwai pakana biddat kyu nahi?

۞ Pahle Usool ke mutabik:

Shab e Meraj ko Deen ka hissa samajh kr kiya jata hai lekin Siwai banane ko Deen ka hissa nahi samjha jata hai, apne kisi bhi kitab me nahi padha hoga ki siwai pakane ki fazilat ya siwai banane ka ajar ya siwai na banane ka gunah.

۞ Dusre Usool ke mutabik:

Shab e Meraj ko sawab ki niyat se manaya jata hai lekin siwai pakane ki niyat Deen se sawab kamana nahi hota hai, ye sirf ek rasm ke taur par pakaya jata hai. Apko aesi koi kitab nahi milegi jaha par kaha gaya ho ki siwai na pakane se koi sawab se mahroom rahta hai ya ye kahi likha ho ki siwai pakana baa'es e sawab h.

۞ Teesra Nukhta:

Us amal ko dusro tak pohchana ba'es e ajar samjhna. Shab e Meraj manene ke paigam ko dusro tak pohchana ba'es e ajar samjha jata hai. Siwai Pakane ke amal ko dusro tak pochana ba'es e ajar nahi samjha jata hai.

Notes:

1۩. Maine sirf samjhane ke liye ye 2 usool aur ek nukhte ki misaal di hai warna agar ek usool me bhi koi amal fit baith jaye to kaafi hai.

2۩. Ye Usool Ammi Ayesha r.a. ki ek hadith se li gayi hai:

Ammi Ayesha r.a. riwayat karti hai ki RasoolAllah ﷺ ne farmaya ki Jisne hamare "Is Deen" me koi aisi baat shamil ki "Jo usme se nahi hai" to wo "Na-Manjur (rejected)" hai.

Sahih al Bukhari, hadith- 2697. Sahih Muslim, hadith- 1718.

•٠•●●•٠•

Prepared by:- Faisal Khan.

Read More »

Quran Khwani

Hamare muashre me ek ajeeb rasm payi jati hai ki jab koi gham ka ya koi khushi ka mauka hota hai to usme quran Khwani karte hai. Quran Khwani me kuch logo ko bulakar Quran padhwaya jata hai aur fir uska sawab murde ko esaal kar diya jata hai. Is amal ko Quran Khwani kahte hai. Aur Isme Rishtedaro aur padosio ki bhi shirkat hoti hai.

Islam me har amal karne se pahle ye dekhna chaiye ki kya hamare Rasool ne us amal ko kiya ya fir ye nai chiz hai jispar hamare Rasool ka amal nahi tha kyuki Deen e Islam ko sabse zyada samajhne wale jo insan the to wo khud Huzur s.a.w. the.

Hazrath Arbaaz bin sariyah (r.a) se riwayat hai ke, RasoolAllah ﷺ ne hume ek din subah ki namaz ke baad aise andaaz me nasihat farmayee jisse aankhon se aansu jari ho gaye, aur dil me khouf paida ho gaya, ek shakhs ne arz kiya, yeh to ruksati(farewell) ki nasihat maloom hoti hai, phir aap hume kis chiz ki wasihat farmate hai??, Aap (s.a.w)ne irshaad farmaya, main tumhe Allah se darte rehne ki wasihat karta hon, tumme jo mere baad zinda rahega, wo deen mey bohat se ikhtelaf dekhega,Tum par lazim hai ki deen me nayi-nayi nikali huwi chizon se bachna, kyunki har nayi chiz deen me gumrahi hai, lihaza tum aisa zamana pao to, meri aur hidayat-yaftah, khalifa-e-rashe deen ki sunnat ko masbooti se thame rehna.

Sunan Abu Dawud, Model Behavior of the Prophet (Kitab Al-Sunnah) [40:4590].

Is hadith se saaf taur par Zahir ho gya ki Deen me tabdiliya ki jayengi aur deen me nai nai chize nikali jayengi, toh Huzur ne is se bachne ki nasihat ki hai hame aur biddat ko chor ke sunnat ko pakadne ki nasihat farmai hai hame upar ki hadith me.

Zaahir si baat hai koi bhi Quran ki ayat ya Huzur ki sunnat hame ye nahi batlati hai ki koi bhi Khushi ya gham ke mauke par kuch logo ko bulwakar Quran padhkar murdo ko baksha jaye jise Quran Khwani kahte hai. Balki salaf me ye amal bilkul hi nahi paai jati thi wo baat alag hai ki India, Pakistan aur kuch mulko me ye amal paai jati hai. Lekin hame Islam ko dekhne ke liye musalmano ko nai balki Quran aur Sunnah ko dekhna chaiye.

RasoolAllah ﷺ ne farmaya, “Mai tum logo ke paas do chize chor ke jaraha hu jab tak tum in do chizo ko pakde rahoge tab tak tum gumraah nahi hoge, wo hai Allah ki kitab aur meri Sunnah.”

Muwatta Imam Malik, The Decree [46:46.1.3].

JO CHIZ MAUT KE BAAD FAYDA DE SAKTI HAI

Maut ke baad sirf wahih chize fayda de sakti hai jo Allah ne apne Rasool ﷺ ko bataya aur hamare Rasool ﷺ ne hame bataya. Kuch log tarah tarah ke amal jo ki aksar Hinduo se li gayi hai wo chize karte hai jaise Tija, chalsi, wagaira wagaira. Jab ki unko khud pata hota hai ki gair Muslimo ki mushahbat(copy) karna mana hai.

1۩ RasoolALlah ﷺ ne farmaya ki jab koi insan marta hai to uske nek aamal band kar diye jate hai siwae teen tarah ke:

1) Sadka e jariya(Allah ke raah me lagaya hua hamara maal jo logo ko fayda pohcha raha ho)

2) Jo Ilm logo ko sikhaya ho wo usse fayda utha ra ho

3) Nek aulad jo uske liye dua kare .

(Reported by al-Tirmidhi, no 1376; he said this is a saheeh hasan hadeeth)

Sabse aham chiz jo murde ko fayda pohcha sakta hai wo ye hai ki uske Nek aulad uske liye dua kare khas taur par unki magfirat ke liye aur dusri duae bhi.

RasoolAllah ﷺ ne farmaya, “Ek shaks ke Jannat me darjat buland honge , fir wo puchega ki ye kaise hua, fir usse kaha jayega Tumhare aulad ki magfirat ki duae ke wajah se jo wo tumhare liye karta hai.”

(Reported by Ibn Maajah, no 3660; see also Saheeh al-Jaami’, 1617.)

2۩ Agar koi aulaad koi neki ka kaam karta hai to khud-bakhud us ke waledain ko uska sawab pohcha karta hai chahe us ke waledain hayat se ho ya faut ho gaye ho. RasoolAllah ﷺ ne farmaya,

“Beshak sabse Paakiza chiz jo insan khata hai wo uske hatho ki kamai hai aur us ki aulad bhi uski kamai(earning) hai.

Sunan Abu Dawud, Hadith-3528, Sahih (Al-Albani).

3۩ Aur Agar uska aulad us ke liye koi sadqa, khairaat ya jo bhi nek aamal karta hai to uska sawab uske waledain ko pohchta rahta hai, Lekin ek baat talib e gaur hai ki niche di hui hadith aur is ke jaisi jitni bhi ahadith hai wo sirf aulaad ka zikr karti hai is liye sirf waledain ko aulaad ke aamal kaam ayenge kisi paise diye hue molvi ya kisi rishtedar ke aamal nahi.

Ek shaks ne RasolALlah ﷺ se kaha “ Meri walida ka inteqal ho gya hai, aur agar wo bol pati toh unhone kuch sadaqah kiya hota. Toh agar mai ne unki taraf se kuch sadaqe me de du to kya unhe sawab milega?” RasoolAllah ne farmaya “Ha”.

(Reported by al-Bukhaari, Fath, 1388).

Kuch log kah sakte hai ki Quran Khwani me burai kya hai, ham Quran ki tilawat karte hai aur gareeb aur rishtedaro ko khana khilate hai, wo log ye jaan le ki kisi nek kaam ko kisi din ke liye khas kar lena bina shariyat ke dalail ke to use RasoolAllah s.a.w. ne biddat kaha hai, aur iski wazahat kuch aise ki hai:

Ayesha r.a. riwayat karti hai ki Mohammad ﷺ ne farmaya ki Jisne hamare is deen me kuch aisi baat shamil ki jisme hamara amal nai hai to wo mardud hai.

Sahih al bukhari, had-2697; Sahih Muslim, had-1718. 

Aur sahaba ikram r.a. ne ye bhi wazahat kardi ki agar koi biddat upri taur par neki ka kaam lage(biddate hasana) to usko bhi shariat ne gumrahi kahi hai:

Abdullah Ibn UMar(RA) farMate hain: TAMAAM Biddatein GUMRAAHI hain, agarche “Ba-Zaahir woh, logon ko ACHCHI lagein”.

SUNAN KUBRA BAIHAQI (HADITH138).

Aur iski bhi wazahat kardi ki koi bhi biddat e hasana hame fayda nahi pohcha sakta ya hame Allah se qareeb nahi kar sakta.

Mohammad ﷺ ne farmaya: “Maine tumhare paas kuch nahin chhora jo tumhe Allah ke aur kareeb le aye siwaaye jiska maine tumhe hukm diya hai.”

[Reported by at-Tabaraani, authentic, refer to Asl Sifatis-Salaati n-Nabee, vol. 3, p. 942][Musnad Ahmad, Silsilah Sahiha 1803, Sahih by Albani] 

LIHAZA SUNNAT SE MOHABBAT KARE AUR BIDDAT SE PARHEJ KARE.

-Aur Allah sab se behtar janta hai.

Read More »

Mala Numah Aur Ijtemai Tasbeeh Padhne Ka Kya Hukm Hai ?

Sunnat Amal Yahi Hai Ki Tasbeeh Ungliyo Par Shumar Kiye Jaye:

Abdullah bin Amr r.a. riwayat karte hai ki maine RasoolAllah ﷺ ko apne unglio par Tasbih ginte hue dekha.

Sunan an-Nasai, 1356 . Sahih (Shaykh Zubair Ali Zai).

Hazrat Yusayrah, Yasir ki maa riwayat karti hai ki RasulAllah ﷺ ne hukm diya, 'Allah hu Akbar, SubhanAllah, La-ilaha illallah Kahna apne uper lazim kar lo aur ye ki apne ungliyon per gina karo kyunke (qayamat k din ) un(unglia se) sawal ki jayengi aur (ungliyo ko) bolne ko kaha jaega.'

Sunan Abu Dawud, baab-tasbeeh pathharo par padhna, hadith- 1496 . Hasan (Al-Albani)

---

Sunnat Amal Ye Hai Ki Tasbeeh Infiradi (individually, not in group) Taur Par Padhi Jaye:

‘Amr Ibn Salmah ne kaha “ Ham log Abdullah ibn Masood r.a. ke darwaze ke pas baithe rahthe the fajr namaz se pahle, taaki jab wo aae ham unke sath masjid ko ja sake. (ek din) Abu Musa al-Ash’aree hamlogo ke pas aae aur kahne lage: “Kya Abu ‘Abd ar-Rahman (ibn MAsood) aae abhi tak? HAmlogo ne kaha: ‘Nahi”.

Isliye wo hamlogo ke sath baith gaye unke aane tak. Jab wo bahar aaye, ham sab unke sath khade ho gae fir Abu Musa ne kaha, Ae Abu Abd ar-Rahman(ibn Masood)! Maine abhi abhi MAsjid me kuch dekha hai jo maine bura samjha,lekin saari taareefe Allah ke liye hai, hamne neki ke alawa kuch nai dekha.

Unhone pucha, ‘Kya tha wo?’

Abu Musa ne jawab diya: Agar ap zinda rahe, to ap use (zaroor) dekhenge. Hamne Masjid me logo ko dekha ki woh gol ghere bana kar namaz ka intzar kar rahe the. Har ghere me, unlogo ke hatho me pathhar hota aur un mese ek admi kahta dohrao Allah hu akbar 100 martaba. Fir wo use dohrate fir wo La ilaha il allah 100 martaba kahte. Fir wo subhanallah 100 martaba kahne ko kahte.’ fir wo ye 100 baar kahte.

(Ibn Masood ne) pucha: Tum ne unlogo se kya kaha?

(Abu Musa): Hamne unlogo se kuch bhi nahi kaha. Iski bajae ham ne apki raae ko sunne ka intzaar kiya ya ap jo aelan kare.’

(Ibn MAsood ne) jawab diya: Kya ap unke gunah ginne ka hukm nahi de paye the aur unke eenaam bhi haasil karne ka yakeen dila dete.

Jesi hi woe gol ghere ke nazdeek aye, unhone kaha: “Ye kya hai jo tumlog kar rahe ho?”

Unhone kaha: Ae Abu Abdurrahma, ye pathhare hai Allah-u Akbar, La ilaha Ill Allah, aur Subhana Allah ginne ke liye.

Unhone(Ibn MAsood ne) Kaha: “Apne Khud Ke Gunah Gino. Aur Ham Yakeen Dilate Hai Ki Tum Log Apne Eenam Bilkul Nai Khone Wale Ho. Lanat Ho Tum Par, Muhammad (S.a.w.) Ke Ummatio, Kitni Jaldi Tum Barbaadi Ke Tarah Ja Rahe Ho. Abhi Rasool Ke Sahaba Bhi Maujood Hai, Abhi (Rasool Ke) Kapde Bhi Nahi Fate(Teared) Aur Abhi To (Rasool) Ke Bartan Bhi Nahi Toote. Mujhe Kasam Hai Uski Jiske Hatho Me Meri Jaan Hai Ki Ya To Tum Us Mazhab Pe Amal Kar Rahe Ho Jo Rasool Ke Mazhab Se Behtar Hai Ya Fir Tum Gumrahiyo Ke Darwaze Khol Rahe Ho”.

Unhone kaha: “Ham Allah ki kasam khate hai Ae Abu Abdurrahma, ki hamari niyat neki ki aur kuch bhi nahi thi”.

(Ibn Masood ne) kaha: To Kya Hua? Kitne Hi Log Neki Ki Niyat Se Kaam Karte Hai Lekin Unhe Neki Nahi Milti. Rasoolallah Ne Hame Unlogo Ke Bare Me Bataya Hai Jo Quran To Padhte Hai Lekin Unke Upar Unka Koi Asar Nahi Hota Siwae Uske Ke Sirf Unke Halak Se Utar Jata Hai. Mujhe Allah Ki Kasam, Mai Intehai Yakeen Ke Sath Kah Sakta Hu Ki Aksar Tum Maise Wahi Ho.

Fir wo (Ibne Masood ) unhe chhor kar chale gaye.

Amr Ibn Salamah (the subnarrator) kahte hai: “Hamlogo ne In gol daire ke andar baithe log maise aksar logo ko Jang e An-Nahrawan me dekha jo Khawariz ke sath hamlogo ke khilaf lad rahe the.

[Dalail: – Related by Ad-Darimi (204) and Abu Na`eim with an authentic chain. Authenticated by Al-Haithamee (Al-Majma, 1/181, 189), Al-Haitamee (Az-Zawaajir, Al-Kabeerah #51 ), Al-Albaanee (As-Saheehah, 2005; Ar-Radd alal-Habashee, p.45-47), Abdul-Muhsin Al-Abbaad (Al-Hathth alat-tibaa-is-Sunnah, p.49), Bakr Aboo Zaid (Tas-heeh-ud-Duaa’, p.149, 153, 154), Husayn Asad (Musnad-ud-Daarimee, 210), Amr Saleem (Al-Bida libn Waddaah, 27), Al-Hilaalee (Al-Bidah, p.44-47), Al-Halabee (Ihkaam-ul-Mabaanee, p.55-58), Al-Huwainee (Al-Bidah wa Aathaaruhaa (1), 03:45), Mashhoor Salmaan (Al-Amr bil-Ittibaa, p.83-84), Zakariyyaa Al-Baakistaanee (Taudeeh-ul-Usool ) and others.]

•٠•●●•٠•

Read More »

Dadhi (Beard) katne ka Kya Hukm hai ?

Sahih ahadees aur Sarih sunnat nabwi aur dalail ke bina par daari mundwana haraam hai. Daari ke liye mustahib lambai ya daari ki had nahi payi jati, kiyuki is ke mutaliq Nabi ﷺ se warid nahi, balke sirf use apni haalat main baqi rkhna hi saabit hai .

۩ Ibn Umar (r.a) bayan karte hain ke Rasool ﷺ ne farmaya:

“Mushriko ki mukhalfat kro, aur dariyan badhao aur monchen chhoti karo.”

SAHIH MUSLIM (Book 2, Hadith 500).

۩ aur riwayat main hai : “monchen pust kro, aur darihyon Aa’af kar do”..

SUNAN NASEEI (Vol. 6, Book 2, Hadith 5048)

SUNAN NASEEI (Vol. 6, Book 2, Hadith 5049)

SUNAN NASEEI (Vol. 1, Book 1, Hadith 15) 

ABU DAWOOD (Book 34, Hadith 4187) 

SAHIH MUSLIM (Book 2, Hadith 498) 

SAHIH MUSLIM (Book 2, Hadith 499).

۩ aur is mauzu main un ke ilawa bhi bahat sari Ahadees hain. Ibn Hazam Rehma Allah ne ijma naqal hai ki monchen katna, aur daari puri rakhna farz hai.

(AL-FUROO 1/130).

۩ Zaid bin Arqam razi Allah anho bayan krte hai Nabi ﷺ ne farmaya : “jo apnI monchen nahi kat’ta woh hum main se nahi hai.”

SUNAN NASAI (Vol. 6, Book 2, Hadith 5050).

۩ Imam muslim Rehma Allah ne jabir razi Allah anho se riwayat kiya hai ke: “Nabi ﷺ ke daari ke baal bahat ziyada the”.

Sahih muslim hadees number ( 2344 ).

۩ aur Nisai shareef main Bara razi Allah anho se marwi hai ke: “Nabi ﷺ bahat ziyada ghhani daari wale the.”

Sunan an-Nasa’i, 5234.

Baaz ahle ilm ne Ibn Umar razi Allah anhuma ke fel ki bina par muthhi se ziyada ke baad katne ki ijazat di hai, aur aksr ulama iKaram use makruh samjhte hain, aur ziyada behtar bhi hai kiyuki Nabi ﷺ se aisa saabit nahi,

Aur jis hadees mein yeh bayan howa hai ke :

“Nabi ﷺ apni daari ke tule o arz main se kata karte the.”

yeh hadees mauzo aur Makzub hai, is ka sabut nahi milta.

see : Al-alel Mutnahiya Ibn jawzi (686 / 2).

aur Allah SWT ka farmaan hai: Yaqinan tumahre liye Rasool ﷺ me behtareen namuna hai, har is shakhs ke liye jo Allah aur qayamat ke din ki tawaqqa rkhta hai ((SURAH AL AHZAB 33 VERSE 21) ).

aur Sheikh Rehma Allah kahte hain: Beard ki had jaisa ke ahale lughat ne bayan kiya hai : woh chehray aur dono jabrun aur rukhsaron par uge hue baal hain.

yani dusray mayeno main yeh ke jo baal bhi , aur jabray ki haddi aur thhodi par hain woh daari main shamil hain, aur un balon main se koi baal bhi katna nafarmani main shamil hota hai .

kiyuki Rasool ﷺ ne farmaya hai :

“darihyon ko maaf kr do...”

aur hadees main farmaya: “darihyon ko badhao aur lamba kro aur latkaO”.

aur riwayat main farmaya: “Darihyon ko waafar karo”.

aur riwayat main farmaya: “darihyon ko pura karo.”

yeh sab is ki Daleel hai ke daari main se kuch bhi katna jaiz nahi, ye Masiyat aur Nafarmani ke darjat hain, lehaza daari mundwana daari katwane se bhi badi masiyat aur Nafarmani hai, kiyuki yeh katne se wazeh aur badhi mukhalfat hai.

aur Umar bin khattab razi Allah anho ne to daari ke baal ukhedne wale shakhs ki gawahi hi radd kr di thi.

۩ Imam Ibn Abdul albar Rehma Allah “Al Tamheed” main kahte hain: “Daari mundwana haraam hai, aur aisa kam to sirf hijre(Eunuch) hi krte hain”.

yani jo mard aurton se mushabihat ikhtiyar krte hon wohi yeh kam karte hain .

aur fir Nabi ﷺ khud bhi ghani daari ke Malik the.

use imam muslim Rehma Allah ne jabir razi Allah anho se riwayat kiya hai. aur riwayat main Kaseef Allhih ke lafz hain, yani bahat ziyada baal the. aur riwayat main” Kasal Allhih” ke lafz hain jin sab ka Mayeni ek hi hai.

Umoomi Nahi ke dalail ke bina par daari ka baal bhi katna jaiz nahi hai .

Wallah Aalam.

•٠•●●•٠•

Prepared By: A.Sayed

Read More »

Qabro Ki Ziyarat

Rasoolullah ﷺ ne farmaya: ‘Main ne Tumhe qabro’n ki ziyaarat se mana kiya tha. Ab Tum inki ziyaarat kiya karo.’

(Muslim: al Janaaez 977)

Abu Huraira r.a. se riwayat hai ke Rasoolullah ﷺ ne apni waleda ki qabar ki ziyaarat ki, khud bhi roe aur jo Aap ke sath the wo bhi roe. Phir Aap ne farmaya: ‘Main ne apni waleda ki baqhshish ki dua karne kel iey Allah Ta’ala se ijaazat maa’ngi, mujhe ijaazat nahi milee, phir main ne inki qabar ki ziyaarat karne ki ijaazat maa’ngi pas mujhe ijaazat de di gai, pas tum bhi qabro’n ki ziyarat kiya karo, kyou’nke qabro’n ki ziyarat maut yaad dilaati hai.’

(Muslim: 2130)

Shaikh Albani r.a. farmate hain: Nabi e Akram ﷺ ne qabro’n ki ziyarat karne wali aurato’n par lanat ki, magar iske baad aap ne ijaazat de di to is mein mard, auratei’n dono’n shaamil hain.

Rasoolullah ek 1 aisee aurat par se guzre jo qabar par baithee ro rahi thee, Aap ne ise Allah se darne aur sabar karne ka hukam diya. (Bukahri: al Janaaez 1252 – Muslim: al Janaaez 926) 

Agar aurato’n ka qabarastan jaana naajaaez hota to Aap ﷺ isko qabarastaan mein aane se bhi mana kar dete. 

Ummul Momineen Aisha r.a. apne bhai Abdur Rahman ki qabar ki ziyarat ko gaei’n inse kaha gaya, kya Nabi e Rahmat ﷺ ne (aurato’n ko) is se mana nahi kyat ha? To Aisha Siddiqa r.a. ne farmaya, pehle mana kiya tha, phir ijaazat de di thi.

(Mustadrak Haakim V1 P376) Ise Imam Zahabi ne Saheeh aur Haafiz Iraaqi ne Jaiyyid kaha. 

Ayesha Siddiqa r.a. farmati hain, main ne Nabi e Rahmat ﷺ se poocha, jab main qabarastan mein jaou’n to kaun si dua padho?

Aap ﷺ ne dua sikhai. (Muslim: al Janaaez 974) Isse bhi maloom hua ke aurato’n ka qabarastan jaana jaaez hai.

Abu Huraira r.a. se riwayat hai ke: ‘Rasool Allah ﷺ ne kasrat se qabro’n ki ziyarat karne waali aurato’n par laanat farmai hai.’

(Tirmizee: al Janaaez 1056) Imam Tirmizee aur Imam Ibne Hibban ne ise Saheeh kaha. 

Kyou’nke in mein sabar ka maadda (T: Paitence) kam hota hai nez wo shirkiya umoor mein bhi tez hoti hain. Ye qabro’n ki ziyarat is liye mashroo nahi ke waha’n jaakar shirk o bidat ke kaam kiey jaaei’n, balke qabro’n ki ziyarat se maut ko yaad karna maqsood hai. 

Maloom hua ke aurato’n ke liye bakasrat ziyaarat to mana hai, magar kabhi kabhaar jaaez hai. 

Rasool Allah ﷺ ne farmaya: ‘Murdo’n ko bura na kaho, wo to aage bheje hua (amaal) ki taraf chale gae hain.’

(Bukhari: al Janaaez 1393)

۞ Ahle Quboor Ke Liye Dua Karte Waqt Haath Uthaana:

Ayesha r.a. farmati hain ke: ‘1 raat Rasool Allah ﷺ ghar se nikle aur (madeena ke qabarastaan) baqee paho’nche aur der tak waha’n khade rahe. Phir Aap ne dono’n hath uthaa kar dua ki. Aap ne 3 baar aisa kiya, phir waapas aae. Phir Aap ne Aisha r.a. ko bataaya ke mere paas Jibraeel (A) aae aur kaha ke tumhara Rab tumhei’n hukam fermata hai ke tum baqee ke qabarastaan jaao aur inke liye maghfirat ki dua karo. Aisha r.a. ne arz ki ke main in ke liye kaise dua karu’n to Aap ne farmaya you’n kaho:

Assalamu A’ala Ahlid Diyaari Minal Momineena Wal Muslimeena Wa Yar Hamullahul Mustaqdimeena Minna Wal MustaQhireen a Wa Inna In shaa a Bikum Lalaa Hiqoon – Momin aur Musalman Gharwalo’n Par Salaamati Ho. Ham Mein Se Aage Jaane Walo’n Aur Peeche Rehne Walo’n Par Allah Ta’ala Raham Farmaae Aur Agar Allah Ne Chaha To Ham Bhi Anqareeb Tum Se Milne Wale Hain.’

(Muslim: al Janaaez 974)

Muslim hi ki 1 riwayat mein ye alfaz bhi hain: ‘Asalullaha Lanaa Walakumul A’afiyata – Main Allah Ta’ala Se Apne Aur Tumhare Liye Aafiyat Ki Dua Karta Hu’n.’

(Muslim: 975)

Read More »

Kya Biddat e hasana Islam me jaiz hai ?

Baaz Muslim aese hote hai jinhe RasoolAllah ﷺ ka Deen kaafi nahi hota. Isliye wo nayi-nayi chize Deen me dakhil karte rahte hai. Aur is jahalat me wo sahabao par bhi biddat karne ka ilzam lagate hai maazAllah. In logo ko apni baat kahne se pahle dubara sochni chaiye. Aur wo Daleel bhi dete hai jo ki asal me be-bunyad hai. Unke pas bas 2 dalail hi hai jinse wo Biddat e hasana sabit karne ki koshish karte hai. Allah ki panah!!

۩ Pahli Dalail jo wo dete hai:

Abdur Rahman bin ‘Abdul Qari r.a. kahte hai ki Mai ek baar Ramada ki raat Umar r.a. ke sath masjid aya aur paya ki log alag alag Jamaat me padh rahe hai. Ek admi akele padh raha hai aur ek admi chote se jamat me uske piche padh raha hai. Toh Umar r.a. ne kaha ki mere Raae me ye behtar hoga ki ek Qaari ki Imamat me in sab ko jama kardu. Toh unhone sabko Ubai bin Ka’b ke piche jama karne ka apna man banaya. Fir dusri raat maine un ke sath fir gaya aur (dekha ki) log Qirat karne wale ke piche padh rahe hai. Aur ispar Umar r.a. ne kaha, “Ye ek achi biddat hai”.

Sahih al-Bukhari, hadith- 2010.

Hamara Jawab:

Is hadith me jo biddat ka lafz istemal kiya hai Umar r.a. ne ye Lugwi maa’no me hai na ki sharai biddat. Kyu ki Umar r.a. aur Abu bakr r.a. ke khilafat me Jamaat se nahi padhi jati thi Taraweeh. Isliye unhone kaha ki ye achi bidat hai matlab ye acha naya kaam hai jo us waqt nahi ho raha tha jab tak ke Umar r.a. ne iska hukm na de diya. Aur agar ab bhi samajh me na aye to ye soche ki kya ye waqai sharai biddat thi? Ye sharai biddat kaise ho sakti hai jab ki RasoolAllah ne apni zindagi me Jamaat se Taraweeh padhai thi.

Ye rahi ahadith:

Urwa bin Zubair Radi Allahu Anhu se rivayat hai ki Ayesha radi allahu Anha ne farmaya ek baar (Ramadan ki ) aadhi raat mein Rasoollallah ﷺ masjid mein tashreef le gaye aur wahan taraweeh ki namaz padhi, sahaba Radi Allahu Anhuma bhi aapkey saath namaz mein shamil ho gaye, subah huyee to unhoney uska charcha kiya phir dusri raat mein log pahley se bhi zyada shamil ho gaye, aur Aap ﷺ ke saath namaz padhi. Dusri subah ko aur zyada charcha hua to teesri raat us sey bhi zyada log jama ho gaye , Aap ﷺ ne (us raat bhi) namaz padhi aur logo ne aapki pairwi ki, Chothi raat ko ye aalam tha ki masjid mein namaz padhney aaney walo ke liye jagah bhi baqi nahi rahi ( magar us raat Aap ﷺ Namaz ke liye bahar hi nahi aaye) bulki subah namaz ke liye tashreef laye aur jab namaz padh li to logo ki taraf mutwajja ho kar shahadat ke baad farmaya Amma baad tumharey yahan jama honey ka mujhe ilm tha lekin mujhe iska khauff hua ki ye namaz tum par farz na ho jaye aur phir tum usey ada na kar sako Aur Aap ﷺ ki wafat ke baad bhi yahi kaifiyat rahi ( log alag alag taraweeh padhte rahe ).

Sahih Bukhari, Vol 3, hadith 2012.

Is hadith se bilkul wazeh ho jata hai ki Ye amal biddat nahi tha kyuki ye pahle hi RasoolAllah apni zindagi me ye amal kar chuke the. Biddat nayi chiz ko kahte hai jo pahle se hi kiya gaya hai usko dubara karne ko nahi.

Aur wo ek aur baat kahte hai ki RasoolAllah ne 3 din padhaya tha lekin Umar r.a. ne pura Ramadan, toh isliye ye biddat hui. Iska jawab ye hai ki Agar RasoolALlah ne koi amal kar ke chhor diya aur fir use sahabao ne kiya to use sunnat ko zinda karna kahte hai biddat karna nahi. Biddat nayi chiz ko kahte hai deen me jiska wujud na ho pahle. Aur Umar r.a. ne koi nyi chiz nahi kari thi unhone RasoolAllah ﷺ ki sunnat ko zinda kiya thi. Isse ye bhi pata chala ki agar koi murda sunnat zinda karta hai aur use Acchi Biddat kahta hai to usme koi harj nahi aur ye Umar r.a. ki sunnat hogi. Par jis chiz ka wujud hi na ho aur use biddat e hasana kahe to RasoolAllah ﷺ ne biddat ki kisme nahi batayi unhone saaf alfazo me kaha hai ki HAR BIDDAT EK GUMRAHI HAI. Ab ahle biddat chahe jitni koshish karle ‘har biddat’ ka matlab ‘har biddat’ hi hoga buri biddat ya acchi biddat nahi. Aur hame bhi koi aetraz nahi hoga agar koi murda sunnat ko zinda kare aur use biddat e hasana naam dekar us par amal karne lage. To fir ye wazeh ho gaya ki Umar r.a. ne jo ise biddat e hasana kaha hai wo ek murda sunnat ko zinda kar ke kaha hai na ki Deen me naya tarika ijaad kar ke.

۩ Dusri hadith dete hai ahle biddat bhai log. Ye hadith kuch aesi hai

“Jo Deen Me Acha Kaam Ejaad Karey Usko Aur Jo Is Par Amal Karenge Unko Bhi Sawab Jabke Ejaad Krne Wale Ko Inke Barabar Sawab Milega Jo Deen Me Bura Kaam Ejaad Kare Usey Gunah Hoga Aur Jitne Log Isko Karenge Unko Aur Unke Barabr Isey Gunah Hoga” [Daleel- Sahih Muslim]

Is hadith ko dekar kahte hai ki dekhye is me kaha gaya hai ki Deen me achi biddat kar sakte hai. Aiye dekhte hai is hadith ki haqiqat kya hai:

Jab ap Sahih Muslim se ye hadith padhenge to apko pata chalega ki is hadith ke piche ek waqye ka zikr hai. Aur wo waqya isi hadith me hai. Aiye ham wo waqya jante hai:

Mundhir bin Jarir riwayat karte hai apne walid se, Unhone kaha ki ham RasoolAllah ﷺ ke pas din ke pahle hisse me the. Wo kahte hai Ap ﷺ ke pas kuch log nange paao, nange badan, phate hue ooni chadare ya Sobb pahle hue Talware latkaye hue aaye. Unki Aksaryat Mudar Kabileh se thi balki wo sab ke sab Mudar Kabile se hi the. Un ke garibi ko dekh kar RasoolAllah ﷺ ka chehre mubarak ka rang badal gaya. Aap ﷺ andar Tashreef le gaye fir bahar aye aur Bilal r.a. ko irshad farmaya. Unhone Azan di aur Iqamat kahi. Aap ﷺ ne namaz padhai aur fir khitab farmaya aur farmaya:

Aye logo apne us Rab ka taqwa ikhtiyar karo jis ne tumhe ek jaan se paida kiya aur us ka joda banaya aur fir Un dono maise Mardo aur Aurto ko bakasrat faila diya aur Allah se Daro jis ke naam ka wasta de kar tum ek dusre se mangte ho aur Rahmo ke (takazo ka) bhi khyal rakho. Yakeenan Allah tum par Nigraan hai. Aur surah al-Hashr ki ayat tilawat farmayi.

(Is par) ek shaks apne Dinar se sadaqa karta hai, apne Dirham se, Apne kapde se, Apne Gandum ke Saa’ se, Apne Khajur ke Saa’ se. Yaha tak ke farmaya khwah Khujur ke Tukde se. Raawi kahte hai ki Ansar maise ek shaks ek choti si Thaili le kar aya, Kareeb tha ki is ke hatheliya is se ajiz aa jate balki woh aajiz the. Raawi kahte hai ki fir log pe log aane lage yaha tak ke maine Rasool ﷺ ka chehra mubarak damakta hua dekha Goya ki wo sone ka ek Tukda hai. Rasool ﷺ ne farmaya JIS NE ISLAM ME ACHHI SUNNAT QAYAM KI USKO USKA AJAR AUR UNKA AJAR BHI JO US KE BAAD USPAR AMAL KARE BAGAIR ISKE KI UNKE AJAR MAI SE KUCH KAM KIYA JAYE. AUR JIS NE ISLAM ME BURA TARIKA QAYAM KIYA US PAR US KA BOJH HOGA AUR UNKA BOJH JINHO NE US KE BAAD US PAR AMAL KIYA BAGAIR IS KE KI UN KE BOJHO ME SE KUCH KAM KIYA JAYE.

Sahih Muslim, hadees- 2219.

Ye hadith padhne ke baad baat to bilkul wajeh ho jani chaiye ki yaha achi sunnat se kya murad hai. Ahle biddati bhai is hadith ko mis-quote karte hai aur alfaz badal dete hai. Hadith me wazeh achi sunnat ke alfaz hai aur unlog sunnat ko badal kar biddat alfaz rakh dete hai aur kahte hai dekhye hadith kahti hai ki achi biddat se sawab milega. In ko Allah se darna chaiye ki ye Hadith ke alfaz ko badal rahe hai aur awaam ko gumraah karne ki koshish kar rahe hai. Rasool ﷺ ne farmaya ki jisne mere hawale se wo kaha jo maine nahi kaha to wo apna thikana jahannam me dekh le. Ab in bhaiyo ko jahannam se to kamaskam darna hi chaiye ki wo hame wo bata rahe hai RasoolAllah ﷺ ke hawale se jo RasoolAllah ﷺ ne kabhi nahi kaha. Is hadith se yahi sabit hota hai ki Sunnat ya ache kaam karne ma pahel karna chaiye aur jab ham pahel karenge aur dusre log hame dekh kar wahi ache kaam karenge to unka sawab bhi hame milega bina uske sawab me kami hue. Is hadith se biddat ijaad karne ka sire se hi matlab hi nahi nikalta.

•٠•●●•٠•

AB DEKHTE HAI KI BIDDAT E HASANA KE BAREME RASOOLALLAH, SAHABA AUR ULEMA E DEEN KYA FARMATE HAI:

۩ Mohammad ﷺ farmaya: ”Maine tumhare paas kuch nahin chhora jo tumhe Allah ke aur kareeb le aye siwaaye jo maine tumhe hukm kiya hai.”

[Reported by at-Tabaraani, authentic, refer to Asl Sifatis-Salaati n-Nabee, vol. 3, p. 942][Musnad Ahmad, Silsilah Sahiha 1803, Sahih by Albani]

۩ Abdullah Ibn UMar(RA) farMate hain: TAMAAM Biddatein GUMRAAHI hain, agarche “Ba-Zaahir woh, logon ko ACHCHI lage”.

SUNAN KUBRA BAIHAQI (HADITH138). 

۩ IMAAM MAALIK (raheemullah) KAHTE HAI:-

Jo yeh sochta hai ki biddate hasana jaisi koi chiz hai Islam me, toh usne RasoolAllah ﷺ ke Risalat par Khayanat ka Ilzaam lagaya Kyuki Allah Quran me kahte hai “Is din hamne tumhare mazhab ko pura kar diya hai…..” Toh jo mazhab nahi tha us zamane me aj wo mazhab nahi ban sakta.

(AL-‘ITISAAM AS-SHAATIBI 1/38).

۩ Abdullah ibn Umar riwayat karte hai ki ek bar Umar r.a. ke bagal me ek shaks ki chik ayi aur fir usne kaha “Sari taareefe Allah ke liye hai aur salamti ho Mohammad ﷺ par”. Ye sunkar Umar r.a. ne kaha ki mai bhi Al-Hamdulillah Was-Salamu ‘Ala Rasulillah kahta hu lekin ye wo nahi hai jo RasoolALlah ne (cheenk aane par) hame taaleem di hai. RasoolAllah ﷺ ne hame (cheek aane par) “Al-Hamdulillah ‘Ala Kulli Hal” kahne ki taaleem di hai.

Al-Tirmidhi Hadith, Vol. 5, Book 41, Hadith-2738.

LAZIM BAAT HAI KI RASOOL ﷺ PAR SALAM BHEJNA GALAT BAAT NAI LEKIN UMAR R.A. KE MUTABIK CHIK ANE PE RASOOL ﷺ PAR SALAM BHEJNA GALAT HAI KYUNI NA RASOOL ﷺ NE AISA KIYA NA HI SIKHAYA SAHABA R.A. KO.

۩ Anas bin malik (r.a) farmate hai ke Rasool Allah ﷺ ki ibadat ke bare mey puchne ke liye 3 shakhs Aisha r.a.(azwaje-mohtaraat) ke pass aaye, jab un logon ko Rasool Allah ﷺ ki ibadat ka tariqa bataya gaya to, unhone aap ﷺ ki ibadat ko thodi samjhi aur kaha, humara Rasool Allah ﷺ se kya muqabala ??, Allah ne aapke agle piche gunah maaf kardiye hai, un mey se 1ne kaha, main humesha raat bhar namaz padhta rahunga, 2re ne kaha main humesha roza rakha karunga, 3re ne kaha ki mai auraton se door rahunga, main nikah nahi karunga, unmey ye guftagu ho rahi thi, ke RasoolAllah ﷺ aaye aur farmaya, kya tum logon ne ye baate kahi hai??Gaor se suno, Allah ki kasam, main tumme sab se zada Allah se darne wala hon, or tumme sab se zada taqwa-ikhtiyaar karne wala hon, lekin main roza rakta hon or nahi bhi rakta, raat ko namaz padhta hon aur sota bhi hon, or auraton se nikah bhi karta hon,Toh sunlo yahi mera tariqa(sunnat) hai aur jisne mere tariqe(sunnat) se hatkar kiya wo mujhse me se nahi hai. 

(Bukhari, Wedlock, Marriage (Nikaah) [62:1].

{Laazim baat hai ke puri raat namaz padhna wagaira zahiri taur par neki ka kaam lagta hai par isko isliye RasoolAllah ﷺ ne galat kaha kyuki ye RasoolAllah ke tareeke se hatkar tha}.

•٠•●●•٠•

Prepared by:- Faisal Khan.

BIDDAT KI WAZAHAT KE LIYE YE LINK CHQ KARE-   https://www.iqrakitab.com/2017/12/biddat.html

Read More »