Qurbani ki Dua

Alhamdulillah..

Jo shaks Qurbani ke jaanwar ko zabah karna chahta hai uske liye sunnat hai ki wo zabah karte waqt ye dua padha:

“Bismillaah, wa Allaahu akbar, Allaahumma haaza minka wa laka, haaza ‘anni.”

Aur agar wo shaks dusre ki qurbani ke jaanwar ko zabah kar raha hai to wo ye kahega

“Bismillaah, wa Allaahu akbar, Allaahumma haaza an [fulaan], Allaahumma taqabbal min [fulaan] wa aale [fulaan].”

Note: Fulaan ki jagah us shaks ka naam kahna hai jiske naam se qurbani ho rahi hai.

Ahle ilm kahte hai ki isme zaruri sirf Bismillah kahna hai aur jo baaki dua hai wo farz nahi mustahab hai. [source]

Is dua ki Daleel niche di gai hadeeso se hai.

•٠•●●•٠•

۩ Anas r.a. riwayat karte hai ki Nabi ﷺ ne seeng wale do chitkabre mendhon (rams) ki Qurbani ki. Inhe apne haath se zabah kiya. Bismillah wa Allahu akbar (Allah ke naam se, Allah sabse bada hai) padha aur apna paon us ki gardan ke upar rakh kar zabah kiya.

Sahih al Bukhari, Book of Al-Adha Festival Sacrifice (Adaahi), hadith-5565. Baab: 'Zabah Karte Waqt Takbeer Ka Kahna'.

۩ Urwah bin Zubair ne Aisha r.a se riwayat ki ke Rasool ﷺ ne ek singon (Horns) wala mendha laane ka hukum diya jo siyahi mein chalta ho, siyahi mein baithta ho our siyahi mein dekhta ho (yahi paoun, pet our ankhen siyah hoon). Fir ek mendha qurbani ke liya laya gaya to Aap ﷺ ne farmaya ke aye Aisha! churi (knife) laao. Fir farmaya Ke is ko pathhar se tez kar lo. Mai ne tez kar di. Fir Aap ﷺ ne churi li, mendhe ko pakda, is ko letaya, fir zabah karte waqt farmaya, “Bismillah, Allahumma taqabbal min Muhammad wa aale Muhammad wa min Ummati Muhammad. ('Allah ke naam se, Aye Allah ! Muhammad ﷺ ki taraf se our Muhammad ﷺ ki aal ki taraf se our Muhammad ﷺ Ki ummat ki taraf se isko qabool karye,' fir Aap ﷺ ne iski qurbani ki.)

Sahih Muslim, hadith- 5291. Baab: 'Ye Mustahab hai ki achhe jaanwar ko qurbani ke liye chuna jaye aur khud se zabah kiya jaye, kisi aur ko (zabah) karne ki zimmedari na di jaye, aur (zabah karte waqt) Bismillah aur Taqbeer kaha jaye.'

۩ Jabir bin Abdullah r.a. riwayat karte hai ki Mai Nabi ﷺ ke sath eid ul azha ke din Eidgaah gaya, Jab ap khutbah khatam kar chuke to mimbar se niche utre, aur ek mendha laya gaya to Rasool ﷺ ne is ko apne hathon se zabah kiya, aur (zabah karte waqt) ye farmaya: 'Bismillaah, wa Allaahu akbar, Haaza anni wa amman lam yuzhahi min ummati' (Allah ke naam se, Allah sabse bada hai, Ye meri taraaf se aur meri Ummat maise us shaks ki taraf se hai jisne Qurbani nahi ki hai.)

Sunan Tirmizi, The Book on Sacrifices, hadith- 1521. Baab - 'Zabah karte waqt kya kaha jaye'. Shaykh Zubair Ali Zai ne ise hasan karar diya hai.

Imam Tirmizi is hadith ko bayan karne ke baad kahte hai. 

“Ahle Ilm Sahaba aur deegar logo ka is par amal hai ke jaanwar zabah karte waqt aadmi kahe, 'Bismillahi wa Allahu Akbar'. Ibn e Mubarak ka bhi yahi qawl hai (ye) kaha jata hai”.

•٠•●●•٠•

Allah se dua hai ki wo hame Ibraheem a.s. wala eemaan ata kare. aameen.

Read More »

Kya Qurbani Raat Ko Ki Ja Sakti Hai ?

en     hi     ur -

Alhamdulillah..

Hame is mauzu par Quran, Sahih Hadees ya Salaf ki raaye nahi mili hai. Toh ab is sawal ka jawab alim e deen se puchte hai.

Shaykh ibn Uthaymeen kahte hai,

“Aur un ayyaam mein din ya raat ke kisi bhi waqt Qurbani karni jayez hai, lekin din ke waqt Qurbani karna zyada behtar aur afzal hai. Aur un ayyaam me bhi Eid waale roz dono khutbah ke baad qurbani karna zyada afzal hai, aur har pahla din dusre din se afzal hai kyuki aesa karne me neki aur bhalaai aur khair me jaldi karna hai.”

Ahkaam al-Udhiyah by Shaykh ibn Uthaymeen.

Aur Allah sabse behtar janta hai.

•٠•●●•٠•

Read More »

Kya Nikah Ka Walima Karna Farz Hai ?

en     ur -

۩ Anas r.a. riwayat karte hai ki RasoolAllah ﷺ ne Abd al-Rahmaan ibn Awf se farmaya, “Jaise ki tumne nikah kiya hai toh waleema karo khwah ek bhed se hi.”

Sahih al Bukhari, Book of Good Manners and Form (Al-Adab), hadith-6082.

۩ Shaykh Saleh al Munajjid farmate hai,

“Sharai taur par khawind aur biwi ke mabain shadi aqad nikaah ke sath hi ho jati hai jab is mein aurat ke wali ki muwafiqat aur do gawah aur eejaab qubool ho to ye Aqad nikah mukammal ho jata hai chahe is ke liye taqreeb (waleema) na bhi munaqqid ki jaye.

Aur shadi ki taqreeb aur is ka elaan aur waleeme ki dawat to sirf khushi ka izhaar aur aqad nikah ko mashhoor karne ke liye hai jo ke nikah ke waqt mustahab hai jaisa ke Nabi e akram ﷺ ne farmaya:

'Nikah ka aelaan karo'

Narrated by Ahmad, 4/5; classed as saheeh by al-Haakim, 2/200; classed as hasan by al-Albaani in Saheeh al-Jaami’, 1072.

Dekhe: al-Mughni, 8/105.”

source: https://islamqa.info/ur/20066

Note: Ye ahkaam ladke ke waleeme ke bareme hai na ki ladki ki kyuki hamare Deen me waleema sirf ladke walo ke taraf se hota hai. Kisi bhi sahih hadith se ye sabit nahi hai ki RasoolAllah ne apni kisi beti ka waleema kiya ho aur na hi ye amal sahaba ki zindagi se sabit hai.

•٠•●●•٠•

Read More »

Hajj Arafah Hai - Tafseer ibn Kaseer

en -

Allah s.w.t. farmate hai,

“Tum Par Apne Rab Ka Fazl Talaash Karne Me Koi Gunaah Nahi, Jab Tum Arafah Se Lauto Mash’ar Haraam Ke Paas Zikr Ilaahi Karo Aur Us Ka Zikr Karo Jaise Ke Us Ne Tumhe Hidayat Di, Halaan Ke Tum Is Se Pahle Raah Bhule Hue The”.

Surah Baqara, Ayat-198.

۞ Imam ibn Kaseer kahte hai,

“Arafah ek jagah hai jahan par Hajj ke dauran khada hua jata hai aur ye Hajj ke rasam ki ek bunyadi rukn hai. Iske himayat me ek sahih hadees hai jo Imam Ahmad aur deegar sunan ke jama karne wale raawiyo ne Thawri, Bukayr ibn Ataa aur Abd al-Rahman ibn Yamar al-Dayli se riwayat hai jinhone kaha ki unhone Allah ke Rasool ﷺ se ye baat suni ki “Hajj Arafah hai”. Aap ﷺ ne teen dafa isko farmaya. 

Toh jo suraj nikalne se pahle Arafah pahunch gaya to isne goya Hajj ko paa liya. Aur mina ke teen (3) din hain, lekin jisne jaldi kar ke do (2) din me chhod diya, uspar koi gunah nahi, aur jisne intezar kiya, uspar bhi koi gunah nahi.

Aur Arafah me thaherne ka waqt Arafah ke din dopahar ke baad se lekar dusre din tulu e Fajr tak hai, jo qurbani ka din hain.

Ye isliye kyuki Nabi ﷺ  hajjatul wida ke dauraan, zuhr ki namaz ada karne ke baad sooraj ghuroob hone tak Arafah par khade rahe the aur farmaya ki 'Mujhse ye tareeqe/rasm/rukn seekhlo'.”

Tafseer Ibn Katheer, Surah Baqara, Ayat-198.

•٠•●●•٠•

Read More »

'Aye Eeman Walo' Ka Matlab

en -

۞ Imam Ibn Kaseer kahte hai:

“Ibn Masood aur salaf ke dusre ulema kahte hai ki Jab tum ye suno ki Allah Quran me  "يَـأَيُّهَا الَّذِينَ ءَامَنُواْ [Aye Eeman waalo]" kah rahe ho, toh fir use pure dhyan se suno, kyuki isse ya to Allah koi khair ka hukm de raha hota hai ya fir kisi burai se rok raha hota hai.”

Tafseer Ibn Kaseer, Surah al-Baqarah (2), Ayat- 23.

۞ Shaikh Ibn al-Uthaymeen kahte hai:

“Aye logo jo eman laye ho - ye alfaaz is baat ki nishandehi karti hai ke Allah ke diye gaye (kisi bhi) hukm ko pure yaqeen ke sath us par amal karna eeman ka aham hissa hai.

Isi tarah is chiz ki taraf bhi ishara hai ki Allah ke hukm ki mukhalifat ya usme shak ya iska inkaar karna iman se firne ke barabar hai- ya fir puri taur se ya takmeeli taur par (matlab iski badaulat insaan ke eeman me khalal pad sakta hai, ya iman ko khone ka khadsha hai).

Teesra, is me hausla-afzaai aur kashish hai unlogo ke liye jinka zikr ho raha hai, ke (khud) Allah paak usse farma rahe hain ke (aye bande), agar eeman ka sachha hai, to sun aur amal pairo hoja.”

Tafseer of Surah al-Maaidah (5), Ayat- 90 by Shaikh Ibn al-`Uthaymeen.

•٠•●●•٠•

Read More »

Ahle Ilm Ki Galti Par Shaykh Saalih al Munajjid (Islamqa.info) Ka Rawayya

Jaise ke Pichle articles me hamne Quran, sunnat aur salaf ke aqwaal se bataya tha ki kisi ahle ilm ke galti par usko zero se multiply kar dena sahih nahi hai aur ye amal hamare Deen ke taaleemaat ke bhi khilaf hai.

Ab is article me ham ek mashoor website Islamqa.info ke Supervisor, Shaykh Muhammad Saalih al-Munajjid ke zarye ye baat ap logo ke saamne rakhnenge ki wo bhi kisi ahle ilm ki galti par use zero se multiply kar dene ke qayil nahi hai balki wo unki achhi baato ko lete hai aur galat baato ko chor dete hai.

Ek Ahle Ilm hai jinka naam Ibn Rushd hai jinko 'Averroes' ke naam se bhi jana jata hai. Shaykh Saalih al Munajjid inke bareme kahte hai,

“Ibn Rushd ke aqeedah par ek lambi bahes hui hai, aur boht si kitabe inke support me aur boht si kitabe inke khilaf me, dono likhi ja chuki hai. Inke asal Aqidah aur nazaryaat me boht zyada shak wa shubah hai.”

source: https://islamqa.info/en/130484

Aur ye kahne ke baad Shaykh Saalih, Ibn Rushd ki galtiyo par roshni daalte hai aur wo batate hai ki Shaykh ibn Taymiyya ne bhi inke nazarye ka radd kiya hai.

Ab inke aqeede aur nazarya ke galti ke bawujud Shaykh Salih al Munajjid inhe zero se multiply nahi karte hai balki jab wo kisi raaye par ahle ilm ke qawl ko nakal karte hai to wo ibn Rushd ko bhi ahle ilmo me shumaar karte hai jab ki wo khud upar ke fatwe me inke aqeedah aur nazaryaat ki galti ko gina chuke hai. Ab ham Shaykh Saalih al Munajjid ke un saare fatawo ka link pesh karte hai jin fatwo me unhone bade ahtaraam ke sath Ibn Rushd ki raaye ki madad li hai:

1. https://islamqa.info/en/242838

2. https://islamqa.info/en/40242

3. https://islamqa.info/en/3277

4. https://islamqa.info/en/72303

5. https://islamqa.info/en/13945

6. https://islamqa.info/en/6690

7. https://islamqa.info/en/228431

8. https://islamqa.info/en/122729

9. https://islamqa.info/en/101639

10. https://islamqa.info/en/39752

Isi tarha unke aur articles me bhi Ibn Rushd ka zikr hai aur unki raaye ko daleel banayi gai hai.

•٠•●●•٠•

Read More »

Zul Hijjah Ke Das Dino Ki Fazilat

en -

Allah paak ka irshad hai:

"Qasm hai Fajr ki , aur Das Raato ki".

Surah al Fajr (89), Ayat- 1-2.

Allah paak inki qasam khate hain, Aur Allah paak ka kisi cheez ke baare me qasam khana, uski ahmiyat aur uske azeem fayde ki nishandehi karta hai. 

۩ Imam ibn Kaseer is ayat ki tafseer me kahte hai,

“Ibn `Abbas, Ibn Zubayr, Mujahid aur salaf maise dusre log aur baad ke deegar logo ke mutabiq ye Zul-Hijjah ke pahle das roz ke baare me irshad hua hai.”

Tafseer ibn Kaseer, Surah al Fajr (89), Ayat- 1-2.

۩ Abdullah ibn Abbas r.a. bayan karte hain ke Rasool ﷺ ne farmaya: “In Ayam (yani Zill Hijja) ke alawa koi aur Ayyam aise nahi jin mein kiye gaye amal-e-saliha Allah Tala ko zyada mahboob ho. Sahaba ne arz kiya, Kya Allah ke liye Jihad karna bhi nahi?

Rasool ﷺ ne farmaya: Naa hi Allah ke liye kiya gaya Jihad, haan siwaye wo shaks jo apna maal aur jaan lekar Jang par nikle aur isme se kuch wapis na laye.”

Sahih al Bukhari, Kitab al Eidain, Hadees no. 969.

۩ Abdullah ibn Umar r.a. se riwayat hai RasoolAllah ﷺ ne farmaya, “Allah subhanahu wa tala ke nazdeek koi amal itna mahboob aur ba-azmat nahi jitna wo amal hai jo in das dino ( yani Zul Hijja ke pahle 10 din) mein kiya jaye , isliye tum in das dino mein zyada se zyada Tahleel (La ilaha illAllah) Takbeer ( Allahu AKbar) , aur tamheed (Alhamdulilah) padha karo.”

Musnad Imam Ahmad, 7/224. Ahmad Shaakir ne ise sahih karar diya hai.

۩ Ibn e Abbaas r.a. riwayat karte hai ki RasoolAllah ﷺ ne farmaya: “Allah ke nigaah me koi bhi amal itna zyada mahboob nahi na hi sawab me itna zyada hai jo achha amal Qurbani (Zul Hijja) ke das dino me kiya jaye. Aap ﷺ se pucha gaya, Kya Allah ke liye Jihad karna bhi nahi?

Rasool ﷺ ne farmaya: Naa hi Allah ke liye kiya gaya Jihad, haan siwaye wo shaks jo apna maal aur jaan lekar Jang par nikle aur isme se kuch wapis na laye.”

Reported by al-Daarimi, 1/357; its isnaad is hasan as stated in al-Irwaa’, 3/398.

•٠•●●•٠•

Read More »