Zer e Naaf Baal Saaf Na Karne Wale ki Namaz

 Sawal 

Kya ek mahine se zyada muddat tak zer e naaf baal saaf na karne wale ki namaz qubool hoti hai?

 Jawab 

Alhamdulillah..

Zer e naaf ke ird gird wale baal mundna fitrati sunnat me shamil hota hai, aur inhe chalees din se zyada der tak nahi rahne dena chahiye balke is se pahle mundna zaruri hai, is ke mutalliq hadees bhi warid hai.

Aur chalees yaum se zyada muddat ki taakheer (delay) se namaz ki sehat par koi asar nahi padta, balke aisa kahna (ki maheene bhar baal na nikale jaye) shari ahkaam se la-ilmi hai.

Fataawa Al-Lajnah Al-Daa’imah, 5/126.

•٠•●●•٠•

Read More »

Quran ki Surat se Muhabbat

Anas ibn Malik  r.a. bayan karte hai ke ek Ansari shakhs masjid e Qubaa me imamat karwate the toh woh jab bhi namaz me koi surat padhte toh usse pahle Qul huwa Allaahu ahad padh kar koi aur surat padhte, aur woh har rakat me isi tarha karte toh unke namaziyo ne unse baat ki ke ap har rakat isi surat ke sath shuru karte aur fir dusri surat padhte hai, Aap ya toh Qul huwa Allaahu ahad padha kare ya phir use chore kar aur koi surat padhe toh inhone jawab diya ke mai ye nahi chor sakta, agar ap chahte hai toh mai imamat karwata hu, aur agar napasand karte ho toh imamat chore deta hu, unke haan woh sab se afzal the aur namazio ko inki imamat achhi lagti thi aur woh yeh napasand karte the ke inke alawa koi aur imamat karwaye.

Jab Nabi ﷺ un ke paash tashreef laaye toh unhone yeh maamla unke saamne pesh kiya, toh Nabi ﷺ farmane lage, 'Aye fula jo kuch tumhe tumhare namazi kahte hai us par amal karne se kaun si cheez rokti hai? Aur tumhe is par kis ne ubhara hai ke tum ye kaam har rakat me karte ho?'

Toh inhone jawab me arz kiya, 'Mai is surat se muhabbat karta hu', Nabi ﷺ farmane lage ke is surat ke sath tumhari muhabbat tumhe jannat me le jayegi.

Sahih al Bukhari, kitab al azaan ﴾10﴿, baab al-jam bayna suratayn fil-rakah ke tahet, muallaq riwayat. Jamia Tirmizi, kitab fazail al Quran ﴾45﴿, hadees- 2901. Sahih (Darussalaam).

•٠•●●•٠•

Read More »

Woh Duri Jis se Masjid me Namaz Padhna Farz Ho

Alhamdulillah..

Masjid ke kareeb rahne wale par namaz bajamaat farz hai aur dur rahne wale par farz nahi hai.

Aur sunnat e Nabawi me ye faasla aazaan ki awaz sunai dene par munhasir (depend) hai. Yaani agar azaan ki awaz sunai deti hai toh Jamaat se padhna farz hoga warna nahi

Aur isse murad yeh hai ke masjid me hone wali azaan bagair loud speaker ke sunai de, aur muazzin azaan buland aawaz se de, aur Fiza me khamoshi aur sukun ho jo sunne par asar andaaz hoti hai.

۩ Abu Huraira r.a. farmate hai, ek naabina sahabi (Abdullah Ibn e Umme Maktoom) aaye, inhone apne andhe hone ka uzar pesh  karke apne ghar par namaz padhne ki ijazat chahi kyou’nke inhe koi masjid me lekar aane wala nahi tha, toh Nabi ne inko ijaazat de di, jab wo wapas chale toh Aap ne bulakar pucha, 'Kya ap Azaan sun sakte hai?' Abdullah ne kaha: Ji Haa!

Aap ﷺ ne farmaya, 'Toh fir namaz me hazir ho.’

Sahih Muslim, kitba al masajid ﴾5﴿, hadees- 1486.

۩ Ibn e Abbas r.a. se riwayat hai ki RasoolAllah ﷺ ne farmaya, ‘Jo shaks azaan sun kar masjid me jamat ke liye bagair kisi uzar ke na pahonche (aur ghar me namaz padh le) to us se namaz qubool nahi ki jaati.’

Sunan Ibn e Majah, kitab al Masajid wal jamaat ﴾4﴿, hadees- 793. Ise Darussalaam ne sahih karaar diya hai.

۩ Imam Nawawi farmate hai,

Azaan ko sunne me mottebar yeh hai ke muazzin shahar ke kinare khada ho aur mahol me khamoshi aur sukun ho toh is azaan ke sunne wale par namaz bajamaat masjid me ada karna lazim hai, aur agar nahi sunta to lazim nahi.

Al-Majmoo, 4/353.

۩ Shaykh Ibn Uthaymeen se darj zel sawal kiya gaya:

'Ek shaks ke ghar se lekar masjid ke faasle ki kya koi wazahat hai?'

Shaykh ka jawab tha.

'Shariyat ne koi khaas duri ki wazahat nahi ki hai balke ye urf e aam par munhasir hai, ya fir wo duri jisse loud speaker ke bagair azaan sunayi de sake.'

As’ilah al-Baab al-Maftooh, question no. 700.

۩ Shaykh ibn Baaz ka kahna hai,

“Aam taur par bagair loud-speaker ke azaan ki aawaz sunne wale namaz bajamaat us masjid me ada karna wajib hai jis ki us ne azaan suni hai.

Lekin agar iska ghar masjid se itna dur hai ke loud speaker ke bagair azaan ki aawaz nahi aati toh us ke liye masjid me ja kar namaz bajmaat ada karna lazim nahi, balke use alag jamaat karwa kar namaz ada karne ka haq haasil hai.

Aur agar woh mushaqqat bardasht kar ke us masjid me namaz ada karta hai jahan se bagair loud speaker ke azaan sunayi nahi deti toh is me uske liye bahut zyada ajar wa sawab hai. [alfaz khamt]

Majmoo’ Fataawa al-Shaykh Ibn Baaz, 12/58.

Allah se dua hai ki wo hame sirat e mustaqeem ata kare. aameen.

•٠•●●•٠•

Related:

۩ Namaz ba Jamaat ke Fazail

۩ Sunnat namaz ghar me padhna afzal hai

Read More »

Jaanwar Paalne Ka Hukm

Alhamdulillah..

Hamara Deen jaanwar ko paalne ka hukm deta hai, isme koi harj nahi hai, ba-shart ki jaanwar ke zarurat ke mutabik usko khana aur pani diya jaye.

۩ Anas r.a. kahte hai,

“Nabi ﷺ husn e akhlaq me sab logo se badh kar the, mera ek bhai tha jiska naam Abu Umair tha, mera khayal hai ke uska dudh chhut chuka tha. Aap ﷺ jab tashreef laate toh usse kahte, Aye Abu Umair, Al-Nughair ne kya (kiya)?' Ye ek Bulbul thi jisse wo khela karta tha.”

Sahih al Bukhari, kitab al adab ﴾78﴿, hadees- 6203.

Hafiz ibn Hajar kahte hai,

“Ye (hadees) is chiz ki nishandehi karti hai ki bachho ko parindo (birds) se khelne ki ijazat hai, aur jayz chizo par paise kharch karne ki ijazat hai jisse bachhe lutf utha sake, aur parindo ko pinjdo me rakhne ki ijazat hai aur parindo ke par kaatne ki bhi, kyuki Abu Umair ke paride ke muamle me koi ek surat pesh aayi hogi, aur jo bhi muamla ho, dusra ek hi hukm me ayega.” [alfaz khatm]

Fath al-Baari (10/584).

۞ Lekin sath hi sath in baato ka bhi dhyan rakha jaye:

۩ Jaanwaro me kutta nahi hona chahiye, kyuki RasoolAllah ﷺ ne farmaya hai, “Farishte us ghar me dakhil nahi hote jisme kutte ho”. [Sahih al Bukhari, hadees- 3225]

۩ Parindo ko khareedne me israaf na ho, aksar dekha gaya hai ki log bas competition me parindo ko kafi zyada keemat par khareed lete hai. Allah ﷻ farmate hai,

'Fizool kharch (karne wale) log shaitan ke bhai hai, aur shaitan apne Rabb ka na-shukra hai. [Surah Isra, ayat-27].

۩ Jaanwaro ya parindo ke sath narmi se pesh aaya jaye aur unko unki zarurat ke mutabik khana aur pani diya jaye,

Ibn Umar r.a. riwayat karte hai ki RasoolAllah ﷺ ne farmaya,

“Ek aurat ek billi ke sabab dozakh me gayi, usne billi ko baand kar rakha, na toh use khana diya aur na hi use khula chhora ki woh keede-maqaude kha kar apni jaan bacha leti.”

Sahih al Bukhari, kitab badi al khalq ﴾59﴿, hadees- 3318.

Isi tarha

Abu Hurairah r.a. ne bayan kiya ke Nabi ﷺ ne bayan farmaya,

“Ek kutta ek kuwe (well) ke charo taraf chakkar kaat raha tha jaise pyaas ki shiddat se uski jaan nikal jaane wali ho ke bani israail ki ek zaniyah (prostitute) aurat ne use dekh liya. Us aurat ne apna moza utaar kar kutte ko pani pilaya aur us (aurat) ki magfirat isi amal ki wajah se ho gai.”

Sahih al Bukhari, kitab ahadees an nabi ﴾60﴿,hadees- 3467.

•٠•●●•٠•

Allah se dua hai ki wo hame amal ki taufeek ata kare. aameen.

Read More »

Jamaat Se Namaz Padhna

۩ Abdullah bin Masood ne farmaya, “Jo shaks Allah Ta’ala se Qayamat ke din Musalman ho kar mulaqaat karna chahta hai toh use namazo ki hifazat karni chahiye aur beshak RasoolAllah ﷺ ne hame hidayat ke tareeke sikhaye hai, in hidayat ke tareeko me ye baat bhi shamil hai ke masjid me namaz ada ki jaaye jis me azaan di jaati hai aur agar tum namaz apne-apne gharo me padhoge jaise (jamat se) peeche rahne wala shaks apne ghar me padh leta hai toh tum apne Nabi ki sunnat chhor doge aur agar Nabi ki sunnat chhor doge toh gumrah ho jaoge aur jab koi shaks accha wazu kar ke masjid jaye toh Allah Ta’ala har qadam ke badle ek neki likhta hai, ek darja buland karta hai aur ek burai mita deta hai.

Maine us waqt ko dekha hai jab Jamat se munafiq ke siwa koi piche na rahta tha, jo apne nifaq ke liye ache se jane jate the, Beemar bhi do aadmiyo ke sahaare namaz ke liye laaya jaata tha jab tak wo saff me laa kar khada na kar diya jata tha.”

Sahih Muslim, kitab al Masaajid ﴾5﴿, hadees- 1488.

۩ Ibn e Umar r.a. se riwayat hai ke RasoolAllah ﷺ ne farmaya, ‘Akele shaks ki namaz se, jamat ke sath namaz padhna 27 darje (sawaab) rakhta hai.’

Sahih al Bukhari, kitab al Azaan﴾10﴿, hadees-  645.

۩ Abu Hurairah r.a. se riwayat hai ki RasoolAllah ﷺ ne farmaya, ‘Munafiq par Fajr aur Isha ki namaz se zyada aur koi namaz bhari nahi hai aur agar unhe malum hota ki inka sawab kitna zyada hai (aur agar wo chal na sakte) toh ghutno ke bal ghaseet kar aate aur mera toh irada ho gaya tha ki muazzin se kahu ke wo takbeer kahe, fir mai kisi ko namaz padhane ke liye kahu aur khud aag ki chingariya le kar un sab ke gharo ko jala du jo abhi tak namaz ke liye nahi nikle.

Sahih al Bukhari,  kitab al Azaan﴾10﴿, hadees-  657.

۩ Abu Hurairah r.a. farmate hai, ek naabina sahabi (Abdullah Ibn e Umme Maktoom) aaye, inhone apne andhe hone ka uzar pesh  karke apne ghar par namaz padhne ki ijazat chahi kyou’nke inhe koi masjid me lekar aane wala nahi tha, toh Nabi ne inko ijaazat de di, jab wo wapas chale toh Aap ne bulakar pucha, 'Kya ap Azaan sun sakte hai?' Abdullah ne kaha: Ji Haa!

Aap ﷺ ne farmaya, 'Toh fir namaz me hazir ho.’

Sahih Muslim, kitab al Masaajid ﴾5﴿, hadees- 1486.

۩ Ibn e Abbas r.a. se riwayat hai RasoolAllah ﷺ ne farmaya, ‘Jo shaks azaan sun kar masjid me jamat ke liye bagair kisi uzar ke na pahonche (aur ghar mein namaz padh le) toh us se namaz qubool nahi ki jaati.’

Sunan Ibn e Majah, kitab al Masajid wal jamaat ﴾4﴿, hadees- 793. Ise Darussalaam ne sahih karaar diya hai.

۩ Abu Darda r.a. se riwayat hai ki Rasool Allah ﷺ ne farmaya: ‘Jis basti ya jungle me teen aadmi ho aur wo (jamat se) namaz na padhe toh in par shaitan musallat ho jaata hai, pas jamat ko laazim pakdo. Is liye ke bhediya usi bakri ko khata hai jo akeli firti rahti hai.’

Sunan Abu Dawood, kitab al Salat ﴾2﴿, hadees-  547. Ise Imam Haakim, Imam Ibn e Khuzaima aur Imam Zahabi ne sahih karaar diya hai.

•٠•●●•٠•

Related:

۩ Sunnat Namaz ghar me padhna afzal hai
۩ Woh Duri Jis se Masjid me Namaz Padhna Farz Ho

Read More »

Namazi Ke Do Qadam Ke Bich Ka Faasla

Sawaal: As salaam alaykum. Jaha par mai namaz padhta hu waha par baaz log do qadam ke bich ka faasla bahut zyada rakhte hai. Kya yahi nabawi tarika hai? Maherbani farma kar meri mushkil ko dur kare. Allah apko behtareen ajar de.

Jawab

Alhamdulillah..

Hame RasoolAllah ﷺ se namaz me do qadam ke bich ke faasle ke mutallik koi waazeh naseehat nahi milti. Aur ye usool maise hai ki jab kisi chiz ka waazeh hukm ya tarika na ho toh wo waise hi hoga jaise aam haalaat me hota hai. Toh isi liye namaz ke qadam ke bich ka faasla utna hi hona chahiye jitna ek shaks aam haalaat me khada hota hai, yaani darmiyani faasla; na bahut zyada faasla aur na bahut kam faasla.

۞ Hamare Ahle ilm ki raaye kuch is tarha hai:

۩ Shaykh Saleh al Munajjid kahte hai:

“Jaha tak namaz me qadam ke bich ka faasla hai toh namazi ko apne pair aetedaal ke lihaj se rakhna hai, naa hi apne qadam ko ek sath rakhna hai aur naa ki apne qadam ko boht dur rakhna hai, kyuki jitna dur wo qadam ka faasla rakhega, utna hi dur uska kandha bagal wale ke kandhe se hoga. Saff ko sidha aur thos (compact) rakhna, qadam se qadam aur kandhe se kandhe khade hone se hasil hota hai.”

[source]

۩ Shaykh Bakr Abu Zayd kahte hai:

“Lekin taango ko zyada failana aur pairo ko andar ki taraf kar lena taake khud ke takhne bagal wale ke takhne ko chue ye waazeh galati hai aur had se  tajawuz hai, aur ye ek nayi tashree hai jo sunnat par amal karne pe had se guzarne ka ishara karti hai. Isse chidh paida hota hai aur ye shariat ke ahkaam se nahi hai, aur isse namaz ke liye khade hue (do) shaks ke bich jagah badh jaati hai.

Aur ye tab zahir hota hai jab log sajda karte hai, aur jab wo firse khade hote hai, wo fir khali jagah ko bharne me tawajjo dene lagte hai aur ye koshish karne lagte hai ki apne paao ko mod kar bagal wale ke takhno se mila sake, jisse wo chhut jata hai jo unko karna chahiye, jo ki pairo ki ungli ko qiblah ki taraf rakhna hai.”

Laa jadeed fi Ahkaam al-Salaah, 12-13.

۩ Shaykh ibn Uthaymeen kahte hai:

“Agar ye waazeh ho jaye ki wo shaks jo namaz me tumhare bagal khada hai wo apne pair tum se dur karta rahta hai (tumhare pair se apna pair milane se inkaar kar raha hai), toh ye sunnat me se nahi hai ki tum apna pair (baar baar) uske nazdeek karo.”

Liqaa ash-Shahri, page-16.

•٠•●●•٠•

Related: Safo ke Ahkaam

Read More »