Kisko Suna Jaye Aur Deen Ka Ilm Kisse Liya Jaye

Sawal: Apke mutabik ham Deen ka ilm kisse hasil kare aur kise sune aur kise na sune kyuki kuch log kahte hai ki agar hamne apne alawa dusro ko sunne ki ijazat dedi to wo bhatak sakte hai ?

Jawab:

Alhamdulillah..

Jis had tak Allah ne mujhe Ilm se nawaza hai, Mai is chiz ko Do (2) nukhta se dekhta hu. Pahla ye ki Deen kisse sikha jaye aur Dusra ye ki kisko suna jaye aur kisko nahi.

Sabse pahle ye jaan le ki kisi ko apna ustaad maan kar ilm hasil karna aur kisi ki koi baat sunne me fark hai. Maslan maine tahkeek ki aur fir ye paya ki fula shaks us usool se Deen sikhta aur sikhata hai jo usool mujhe haq lagta hai to ab mai usse Deen ka ilm hasil karunga.

Lekin agar mai apne kisi ustaad se ilm sikhta hu aur ek shaks mere paas aakar kahta hai ki dekho tumhare ustaad ki ye baat Quran aur sunnat ke khilaf hai aur mujhe wo apne kisi ustaad ka clip dikhata ya sunata hai to use sunna kahenge. Mai ye nahi kah sakta ki kyuki tumhare ustaad fula jamaat se hai isliye mai unki koi baat nahi sununga kyuki agar maine aesa kah diya to fir ye Taqleed hogi kyuki ab to maine aankh aur aql band kar li hai daleel milne ke bawujud.

Isi tarha jaise mai videos browse kar raha jisme mujhe kisi shaykh ki koi speech nazar agai aur mai use sunne lage aur mujhe unki baat samajh aane lagi halaki wo mere Jamaat ke nahi hai. To ise sunna kahenge na ki baqaidgi se ilm hasil karna kisi se.

Isliye kisi se ilm hasil karna aur kisi ki baat sunna, in dono me fark hai. Aur isi liye iske ahkaam bhi alag honge. Mai isi do (2) talluq se aage ki baate bayan karta hu in shaa Allah.

1۞ Deen Ka Ilm Kin Logo Se Hasil Kiya Jaye:

Is sawal ka jawab hame Quran ya sahih hadees me saaf taur par nahi milta hai. Islam me Ilm hasil karne ki bunyad 3 chizo par hai. Quran, Sahih Hadees aur Ummat ka Ijma. In teen chiz ki daleel ye hai:

۩ Jabir bin Abdullah r.a. riwayat karte hai ki RasoolAllah ﷺ ne farmaya,

"... Sabse behtareen kalaam Allah ki kitab hai aur sabse behtareen tareeqa Muhammad ﷺ ka tareeqa hai. sabse badtareen kaam Deen mein nayee nayee baaton ka paida karna hai …”

Sahih Muslim, Kitab al Juma, hadith- 2005.

۩ RasoolAllah ﷺ ne farmaya ki meri Ummat kabhi gumrahi par jama nahi hogi.

Mustadrak al-Haakim, volume- 1, page-116, Hadith- 399. Classed as Sahih by Shaykh Zubair Ali Zai.

Toh Ijma ka manna bhi sahih hadees ke manne ki tarha hai kyuki Ijma ki hujjat sahih hadees se sabit hoti hai. Toh Deen ka Ilm ap unse sikhe jo in teen chiz (Quran, Sahih Hadees, Ijma) ke mutabik apko Deen sikhate hai. 

۩ Imam Shafi r.h. farmate hai, "Kitab Allah (Quran) ya Sunnat e Rasool ﷺ (Sahih hadees) ke alawa koi qawl paband (binding) nahi hai."

Jimaa’ al-‘Ilm, page-11.

۩ Imam Shafi r.h. farmate hai, "Kisi ka bhi kabhi ye haq nahi hai ki wo bagair ilm ke kisi chiz ko halaal ya haraam kahe, aur Ilm Qur’aan ya Sunnah, ya ijmaa’ (scholarly consensus) ya qiyaas (analogy) ki ibarat (text) hai. End quote.

Al-Risaalah, page-39.

Lekin Agar Quran, Sahih hadees aur Ijma ke zarye Deen sikhane walo me bhi apko do (2) raaye nazar aate ho toh ap unlogo maise unse Deen sikhe jo hamare aslaaf (salaf as saaleh) ke tarike par Deen ko sikhate ho. Aur sirf zubani-kalami nahi balki unke tarike aur unke bayanat me nazar aye ye salaf ka raasta.

Yaani jab koi raaye Quran, sunnat aur Ijma me na mile to ap dekhe ki hamare aslaaf ki kya raaye thi us muamle me. Ye mujhe behtar tarika lagta hai kyuki wo log RasoolAllah ke zyada kareeb the baaki logo se. Aur RasoolAllah ﷺ ne khud unhe behtar zamana karar diya hai. Aur hamare aslaaf RasoolAllah ke baad sirf Sahaba, Tabaeen aur Tabe-Tabaeen hai aur koi nahi, jaisa ki hadees me zikr hai:

Abdullah r.a. riwayat karte hai ki RasoolAllah ﷺ ne farmaya, “Sabse behtareen log mere zamane ke hai (RasoolAllah aur sahaba), aur fir wo jo iske baad ayenge (tabaeen), aur fir wo jo uske baad ayenge (tabe-tabaeen).”

Sahih al Bukhari, Kitab Ar Riqaaq, hadith- 6429.

Isliye Quran aur sahih hadees ke baad inki raaye par tawajjo diya jaye kyuki baaki logo se behtar in logo ne Deen ko samjha tha. Aur jaise apko hadeeso ke zarye malum hoga ki hamare aslaaf me bhi kayi muamle me ikhtilaf hue, toh agar inki raaye me ikhtilaf ho to fir ham wapis Quran aur sahih hadees ke taraf lautenge jaisa ki Allah ne hame Surah Nisa ayat - 59 me hukm diya hai. Isliye sahaba ho ya tabaeen ya tabe-tabaeen, inki baat ko ham sirf tab tak hi manenge jab tak ki inki raaye Quran aur sunnat se na taqraati ho kyuki puri Ummat ka ijma hai ki sirf RasoolAllah hi wo hasti the jo khatao (mistakes) se Allah ki hifazat me the aur kisi shaks ki ye haisiyat nahi ki uski baat Allah aur uske Rasool ke barabar rakha jaye aur usko aakhri authority mana jaye.

Aur ye khud hamare sahabao ka tarika raha hai ki jab unme bhi kabhi ikhtilaf hota tha to wo apne ikhtilaf ko Allah aur uske Rasool ki taraf lautaate the. Isi baat ka hukm Allah ne hame Surah Nisa ayat 59 me diya hai aur maine ek article banaya tha jisme maine boht si misaale di thi ki jab bhi sahaba me kabhi apas me ikhtilaf hote the aur unhe jab unki galti par hadeese batayi jaati thi toh wo fauran ruju kar liya karte the (wo article padhe).

2۞ Kisko Suna Jaaye Aur Kisko Nahi:

Mujhe sawal sun kar ye mahsoos ho raha hai ki kuch log hai jo aasmaan se mamoor hue hai unhone aapko ijazat deni hai ki kisko suna jaye aur kisko nahi. 

Sawal ye keh rahaa hai ke hum logon ko kaise ijazat de de ki wo hamare firqe ko chor kar dusre logo ki baat sune? Is par mai puchta hu ki Aapki kya haisiyat hai logo ko ijazat dene ki, ki kisko suna jaye kisko nahi? Ye ijazat khuda aur khuda ka paigambar de chuka hai. 

Unhone saaf saaf apni kitab me ye aelaan kar diya hai ke Nubuwat khatm ho gayi hai. Ab logon ka kaam hai ke wo daleel ki bunyad par jis chiz ko chahe qubul kare. Isme bilkul aise mehsoos hota hai ke koi khas tabaqa hai jo aasman se utra hai ki usko faisla karna hai ke logon ko kis chiz ki ijazat deni hai aur kis chiz ki ijazat nahi deni hai. 

Mai to ye arz kar rahaa hoon ke ye to mazhab ke andar sawaal puchne ka muamla hai. 

Quran e majid to apne paigam ke bareme, jo saari duniya ke liye hai. Ye kahta hai ke :

"Man Sha'a Fal Yu'min Wa Man Sha'a Fal Yakfur."

Kahdo Ki Ye Tumhare Rab Ki Taraf Se Sach hai, Ab Jo Chaahe Eemaan Laaye Aur Jo Chaahe inkaar Kare.

Surah Kahf, Ayat- 29.

Ye Insaan ka buniyadi haq hai, ye usse koi bhi nahi chheen sakta. Usi ko faisla karna hai aur ap logon ko talqeen (mashwara) kar sakte hai wo sirf ye hai ye faisla khwahish ki buniyad pe na kijiye, daleel ke buniyad par kijiye. 

Hume logo ko Sirf educate karna hai. Lekin khuda logon ko ye faisla karne ka haq de chuka hai. To mai is haq ko aapse wapis nahi le sakta. Aur koi dusra bhi nahi le sakta. 

Is wajah se kisi ko bhi ye kahna ka haq nahi hai ke hum logon ko kaise ijazat de den ki wo dusro ko sune? 

Sawal ye hai ki ye ijazat dene ke liye aapke paas kya ikhteyaar-naamaa (certificate) hai? Wo dikha dijiye.. 

Aapke paas bhi wohi usool hai, ke apne jis chiz ko sahih samjha us chiz ko qubul kiya. Logon ke paas bhi yahi usool hai.

Logon ko Allah Ta’ala ne itni samajh, itna fahem de rakha hua hai ke agar woh sanjeedagi (seriousness) ke saath sahih baat ko janna chahenge to uski salahiyat unke andar moujud hai. Aur logo ke fahem par aitmaad karna chahiye. 

Allah pak Quran me farmate hai,

Aur Jo Hamare Rasto Me Jiddo-jahed Karenge, Ham Beshak Unhe Apni Raahe Dikha Denge. Aur Beshak Allah Neki Karne Walo Ke Sath Hai.

Surah Ankabut (29), Ayat 69.

To ab ye hamari tension nahi hai ki agar hamne use kisi ko bhi sunne ki ijazat dedi toh wo bhatak sakta hai, Allah pak upar ki ayat me wada kar rahe hai ki jo sach me haq ko talash karne wala hoga use Allah haq ka rasta dikha denge.

Aur agar yahi usool maan liya jaye ki sirf apne Jamaat ke logo ko sunna hai dusro ko nahi sunna hai to ek Qadyani zindagi bhar Qadyani hi rahe, ek shia sirf shia hi rahe zindagi bhar.

Aur Un Se Jab Kabhi Kaha Jata Hai Ke Allah Ta’ala Ki Utaari Hui Kitaab Ki Taraf Aao, Toh Wo Jawaab Dete Hai Ke Hum To Usi Tariqe Ki Pairwi Karenge Jis Par Hum Ne Apne Baap-dadaao Ko Paya Hai, Goya Un Ke Baap Daada Be-ilm Ho Aur Hidayt-yafta Bhi Na Ho.

Surah Baqara, Ayat-170.

•٠•●●•٠•

Allah se dua hai ki wo hame sirat e mustaqeem ata kare. aameen

Read More »

Ilmi Vs Jazbaati Nuqhta e Nazar

Agar ap insaani fitrat ka mut'aala kare to jo chiz samajh aa jaati hai aur wo ye hai ki achhai, Neki, Khair, Sacchai, Diyaanat-daari, Amaanat ye agarche badi mahboob chize hai. Lekin insaan aasani se in ki taraf aamaada nahi hota hai jab ke buraai ek aisi cheez hai ke jiske andar badi kashish hai.

Hazrat Maseeh a.s. ne Injeel me bahut khubsoorat jumla kahaa hai ke 'Neki ki raah tang hai aur is par chalne wale bahut thode hote hai aur burai ki raah badi kushaada hai aur us par jab chahe ap hujoom Ikhatta kar sakte hai.'

To is wajah se Insaan jab is tarha ke muamlat me logon ke jazbaat ka istehsal (extortion) karne ke liye uth khada hota hai to badi aasani se wo apne gird logo ko ikhatta kar leta hai.

Iske bilkul khilaaf agar ap jazbaat ko nahi ubharte, aap logon ki nafsiyaat ka istehsal nahi karte, ap Ilm aur aqal ki baat karte hai toh ap dekh lijiye puri insaani taarikh me, ki bahut kam log aapki baat sunne ke liye tayyaar hote hai.

Yaani humare mulk Nepal, India, Pakistan me tajurba kar ke dekh lijiye ke Ilm o aqal ki baat karne walon ke liye koi gunjaish nahi hai ke wo khade bhi rah sake.  Aur jo log jazbaat ko ubharte hai aur jahaalat par mabani jo chiz, jo baat dil me aati hai, kahte chale jaate hai, us par log '' Subhanallah.. Wah.. Wah.. Kya kahne hai..'' jaise alfaz kahte hai.

To ye hai Insan ke sath muamla agar aisa na hota to fir insan ka imtehan hi kya tha, yahi imtehan hai. Asal mai bahut kam log isko samjhate hai ke imtehan sirf amal ka nahi ho raha balki Ilm ka bhi imtehan ho raha hai Allah ke taraf se. Yaani:

۩ Kya Ham Sachhai Ko Janna Chahte Hai ? 

۩ Kya Sachhai Ko Janane Ki Humare Andar Sachhi Talab Hai ? 

۩ Kya Hum Sachhai Ko Jazbaat Se Alag Ho Kar Bhi Sun Sakte Hai ?

۩ Kya Is Ilm Ke Safar Main Waqayi Ab Hum Khalis Daleel Ki Bunyaad Par Cheezo Ko Samjhte Hain ?

Mai hamesha apne talib e Ilmo ko bhi yahi kahta hu ke ap Ilm ke baargaah me dakhil ho to jazbaat darwaaze par rakh aaye. Isliye ke Ilm ki baargaah me jazbaat ka koi dakhal nahi hota. Yaha to bada be-rehmana postmortem hoga. Tahqiq ki duniya apke jazbaat ko nahi dekhti, wo to haath mai nishtar (surgeon's knife) pakadegi aur har chiz ko udhed ke rakh degi aur batayegi ke 'Asal Haqeeqat Ye Hai' lekin asal Haqeeqat ko toh log dekhna hi nahi chahte.

Mere ustaad kahte hai ki jab unhone Deen par ibtida me jab tahqeeq ka kaam shuru kiya tha to unki ek choti bahen thi jinki wafat ho gayi hai. To ek din unki bahen bahut hi aazurda ho kar ustad sahab se kahne lagi ki : ''Tumhari baaten to bahut maakul (munasib) lagti hai magar saari mazhab ki rangeeni khatam karti chali jaa rahi hai..''

To insaan ko rangeeni ki badi talaash hai, aur wo ya burai me milti hai, ya jahaalat me milti hai, ya jazbaat ko ubhaar kar milti hai.

•٠•●●•٠•

Related: Ilm Ki Pahli Manzil

Read More »

Deen Me Aqal Ka Istemal Karna

Kuch log Deen me aqal istemal karne ko galat kahte hai aur jo log Deen me aqal istemal kar ke faisla karte hai unhe wo aqal-parast kahte hai. Aaiye dekhte hai Deen me aqal istemal karna kitna sahih hai:

Islam ki sabse unchi kitab, Quran e Majeed ko agar ap tarjume se padhenge to apko pata chalega ki Allah jagah jagah par hame sochne, aql-istemal karne, gaur o fikr karne ki naseehat karta hai. Aur Quran e hakeem to Aqal-mando ki taareefo se bhari padi hui hai. 

 Aiye Quran e Hakeem se kuch misaale dekhte hai,

۩ Aasmano aur zameen ki paidaish, raat din ka her fer, kashtiyon ka logon ko nafa dene wali chizo ko liye hue samandar me chalna, asmaan se paani utaar kar, murda zameen ko zinda kar dena, is mai har qism ke jaanwaron ko faila dena, hawaaon ke rukh badalna, aur baadal jo asmaan aur zameen ke darmiyaan musaqqar hai, in me Aqal-mando ke liye qudrat e ilaahi ki nishaniya hai. (Surah al-Baqara, 164).

۩ Kuffaar ki misaal un jaanwaron ki tarah hai jo apne charwaahe ki sirf pukaar aur awaaz hi ko sunte hai (samajhte nahi) wo bahre, gunge aur andhe hai, unhe aqal nahi. (Surah al-Baqara, 171).

۩ Aqalmandon! Qisaas me tumhare liye zindagi hai, is baayes se tum (qatal na haq se) rukoge. (Surah al-Baqara, 179).

۩ Allah isi tarah apni aayate tum par zaahir farma rahaa hai taa keh tum Samjho. (Surah al-Baqara, 242).

۩ Wahi Allah hai jis ne tum par kitab utari, jis me waazeh waazeh aayate hai jo asal kitab hai aur baaz mutashaabe aayate hai, pas jin ke dil me kaji hai wo to is ke mutashaabe aayato ke piche lag jaate hai, fitne ki talab aur un ki muraad ki justaju ke liye, halaan ke un ke haqiqi muraad ko siwaye Allah ke koi nahi janta, aur pukhta aur mazboot ilm waale yahi kahte hai ke hum to un par eemaan la chuke, ye hamare rab ki taraf se hai aur nasihat to sirf Aqal-mand haasil karte hai. (Surah aal e Imran, 7).

۩ Aye ahle kitab! Tum Ibraheem ke bareme kyu jhagadte ho, halaan ke tauraat aur injeel to un ke baad naazil ki gayi, kya tum fir bhi nahi samajhte? (Surah al-Imran, 65)

۩ Aur jab tum namaz ke liye pukarte ho to wo use hasi khel ki tarha lete hai, ye is waste ke Be’Aql hai. (Surah al-Maida, 58)

۩ Allah ne, na Bahirah ko muqarrar kiya hai aur na Sa'ibah ko aur na Wasilah ko aur na Ham ko, lekin jo log kaafir hai wo Allah par jhut lagate hai aur aksar kafir Aqal nahi rakhte. (Surah al-Maida, 103)

۩ Yaqinan hum ne is ko nazil kiya hai Qur’aan e arabi zuban ka taa keh tum Samajh sako. (Surah Yusuf, 2)

۩ Ye Qur’an tamaam logo ke liye ittela naama hai ke is ke zarye se, wo hoshiyaar kar diye jaye aur ba khubi maloom karle ke Allah ek hi mabood hai aur taa ke Aqalmand log soonch samajh le. (Surah İbrahim, 52)

۩ Usi ne raat, din aur suraj, chaand ko tumhare liye taabe kar diya hai aur sitaare bhi usi ke hukm ke ma-tahet hai, yaqinan us me Aqalmand logo ke liye kayi nishaniya maujood hai. (Surah an-Nahl, 12)

۩ Aur khajoor aur angoor ke darakhton ke falon se tum sharaab banaa lete ho aur umda rozi bhi, jo log Aql rakhte hai un ke liye to us me bahut badi nishaani hai. (Surah an-Nahl, 67)

۩ Uff hai tum par aur un par jin ki tum Allah ke siwa ibadat karte ho, kya tumhe itni si bhi Aqal nahi? (Surah al-Anbiya, 67)

۩ Andhe par langde par bimaar par aur khud tum par (mut-laqan) koi harj nahi ke tum apne gharo se kha lo, ya apne baapon ke gharon se, ya apni maaon ke gharon se ya apne bhaiyyon ke gharon se ya apni behno ke gharon se ya apne chachaon ke gharon se ya apni fufyon ke gharon se ya apne mamuo ke gharon se ya apni khalaaon ke gharon se, ya un gharon se jin ki kunjiyo ke tum maalik ho, ya apne dosto ke gharon se, tum par us me bhi koi gunah nahi ke tum sab sath baith kar khana khawo ya alag alag, pas jab tum gharo me jaane lago, to apne ghar walon ko salaam kar liya karo, dua e khair hai jo ba-barkat aur pakiza hai, Allah ki taraf se naazil shuda, yunhi Allah khol-khol kar tum se apne ahkaam bayan farma raha hai taa ke tum samajho. (Surah an-Noor, 61)

۩ Al-batta hum ne is basti ko sareeh ibrat ki nishaani bana di, un logo ke liye jo Aqal rakhte hai. (Surah al-Ankabut, 35)

۩ Aur us ki nishaniyon maise ek ye (bhi) hai ke wo tumhe daraane aur ummeed waar banane ke liye bijliya dikhata hai aur asmaan se baarish barsaata hai aur us se murda zameen ko zinda kar deta hai, us me (bhi) Aqal-mando ke liye bahut si nishaniya hai. (Surah ar-Room, 24)

۩ Shaitaan ne to tum maise bahut saari makhlooq ko bahka diya, kya tum Aqal nahi rakhte. (Surah Yaseen, 62)

۩ Ye ba barkat kitab hai jise hum ne Aap ki taraf is liye naazil farmaya hai, ke log is ki aayaton par gaur o fikr kare aur Aqalmand us se naseehat haasil kare. (Surah Sad, 29)

۩ Jo baat ko kaan laga kar sunte hai, fir jo behtareen baat ho, us ki itteba karte hai, yahi hai jinhe Allah ne hidayat ki hai aur yahi Aqal-mand bhi hai. (Surah az-Zumar, 18)

۩ Kya aap ne nahi dekha ke allah asmaan se paani utaarta hai aur use zameen ki sutho me pahunchaata hai, fir usi ke zariye se muqtalif qism ki khetiyaa ugaata hai, fir wo khushk ho jaati hai aur aap unhe zard rang dekhte hai, fir unhe reza reza kar deta hai, us me aqal-mando ke liye bahut zyada nasihat hai. (Surah az-Zumar, 21)

۩ Ki wo (Kitab) Hidayat aur nasihat thi aql mando ke liye. (Surah Ghafir, 54)

۩ Ye sab mil kar bhi Aap se lad nahi sakte, haan ye aur baat hai ke qila band muqamaat me ho, ya diwaaro ki aad me ho, un ki ladayi to un me aapas me hi bahut sakht hai. Jo Aap unhe muttahid samajh rahe hai, lekin un ke dil dar asl ek dusre se juda-juda (diverse) hai, is liye ke ye Be-Aql log hai. (Surah al-Hashr, 14) 

Zahir si baat hai agar ek Kafir Musalman hota hai to wo Quran par ya hamare deen par gaur o fikr kar ke hi eemaan lata hai, jab use yakeen ho jata hai ki yahi rasta sachha hai. Aur agar ek riwayati Musalman apne firqe, apne mushre aur unke galat rasm-riwaz, shirkiya-biddati aqide ya amal ko chor kar agar ahle Tawheed musalman banta hai to wo isi liye kyuki use Allah itni aql aur salahiyat se nawaz deta hai ki wo sahih aur galat me fark kar sake. Na hi gair-muslim par wahee aati hai aur na hi ummatio par ki wo sahih rasta apnale, agar wo sahih rasta apnaate hai to apni aqal, soch, gaur o fikr ke bunyad par hi apnaate hai.

Ye baat kuch logo me Allahu alam kaise mashhoor ho gai ki Islam me aqal istemal karna galat hai. Yaani ap ye kahna chah rahe hai ki Islam aqal ke khilaf baat karta hai ya fir ye ki Islam aqal se alag chiz ka naam hai. Ye to kafiro ka kahna hai, ham isme kaise mubtala ho gaye? Ham Kafiro ki mushabihat kyu kar rahe hai?

Quran me Allah jagah-jagah par Hikmat ki baat karte hai aur ham aqal, hikmat, in sab chizo se aese bhagte hai jaise ye koi museebat ho. Allah pak farmate hai,

۩ Wo Jise Chahe Hikmat Aur Danayi Deta Hai Aur Jo Shaks Hikmat Aur Samajh Diya Jaaye Wo Bahut Saari Bhalayi Diya Gaya Aur Nasihat Sirf Aqal-Mand Hi Haasil Karte Hai. [2:269]

۩ Ye Kitab Ki Aayate Hai, Jo Hikmat se bhari hai. [31:2]

Aur Allah ki rahmat ki nishani hai ki wo apne bande ko saheeh samajh (Hikmat) ata karta hai:

Muawiya r.a. riwayat karte hai ki unhone RasoolAllah ﷺ ko ye kahte hue suna ki Agar Allah kisi ke sath bhalaai ka irada karna chahta hai to use Deen ki samajh ata kar deta hai.

Sahih al Bukhari, vol 1, Kitab ul Ilm, hadith-71.

Kuch logo ko ye galat-fehmi hai ki Deen me aqal-istemal karne ka matlab ye hai ki Allah aur uske Rasool ki baato se upar aqal ko rakhna hai. Nauzbillah, ham Allah ki panaah mangte hai is chiz se. Wo shaks Musalaman hi kaise ho sakta hai jo Allah aur uske Rasool se upar aqal ko rakhe, Musalman ka toh matlab hi yahi hai ki har khwahishe, aqeedate, aql, jazbaat aur har chiz se upar Allah aur uske Rasool ki baat ko rakha jaye.

Aur jo log Deen me aql istemal karne ko galat kahte hai unke liye Quran me ek Ayat hai:

۩ Aur wo kahenge, "Agar hum sunte hote ya Aqal istemal karte, toh dozakiyo me (shareek) na hote."(Surah al-Mulk, 10).

•٠•●●•٠•

Read More »

Taqleed Aur Sahaba Ka Tarika

Mai is article me Sahaba ki misaal dekar ye batana chahta hu ki jab bhi unko Quran ya Sunnat se koi masala bataya jata tha aur agar wo iske mutabik nahi hote the toh wo fauran ruju kar liya karte the, ye nahi kahte the ki itne bade-bade buzurg kaise galat ho sakte hai, ya tum itne bade sahaba se zyada jante ho, ya ye ki sahaba ko kaise galti lag sakti hai ? Nahi..! Wo fauran ruju kar liya karte the jaise ki Quran me aya hai:

Momino ki baat toh yahi hoti hai ke jab unhe Allah aur us ke Rasool ﷺ ki taraf bulaya jaata hai taake wo un ke darmiyan faisla kare to wo (momin) kahte hai, "Hum Ne Suna Aur Hamne Maan Liya". Aur yahi log qamyab hone waale hai.

Surah Noor (24), Ayat-51.
________________________________________________________

Aiye ab ham sahaba e karaam ke daur me chalte hai aur dekhte hai ki Taqleed e shakshi yaani kisi ek shaks ki Taqleed karna, is par sahaba e karaam ka kya tarika tha:

1۞ Ammi Ayesha r.a. riwayat karti hai ki Abu Bakr r.a. apni qayam-gaah As-Sunh (jagah ka naam) se ghode par aaye aur aa kar utre, fir Masjid ke andar gaye.

Umar r.a. khade hue aur kahne lage, "Allah ki kasam! Allah ke Rasool ki wafat nahi hui hai" [Bukhari, hadith-3667]

Ap (Abu Bakr r.a.) ne (us waqt) logo se baat na ki. Is ke baad Ap Aisha r.a. ke hujre me aaye aur sidhe Nabi ﷺ ki taraf gaye, Aap ﷺ ka badan mubarak ek Yamani chadar se dhaka hua tha. Ap ne Rasool ﷺ ka chehra khola aur jhuk kar chehra mubarak ko chuma aur rone lage, fir kaha mere maa-baap Aap par qurban ho. Allah ki qasam! Allah Ta'ala Aap par Do (2) martaba maut taari nahi karenge. Jo ek maut Aap ke muqaddar me thi, woh Aap par taari ho chuki hai.

Hazrat Abu Bakr r.a. bahar aaye to Hazrat Umar r.a. logo se kuch kah rahe the.

Abu Bakr r.a. ne kaha ke Umar baith jao, lekin Umar r.a. ne baithne se inkaar kar diya. Itne mein log Umar r.a ko chor kar Abu Bakr r.a. ke pass aa gaye our Aap ne khutba e masnoon ke baad farmaya: Amma-ba'ad! Tum me jo bhi Muhammad ﷺ ki ibaadat karta tha to woh ye jaan le ke Aap ﷺ ki wafaat ho chuki hai aur jo Allah Ta'ala ki Ibaadat karta tha toh (wo jaan le ke) Allah zinda hai aur us ko kabhi maut nahi aayegi. [Fir Abu Bakr r.a. Quran ki ek Ayat tilawat farmayi]

Allah Ta'ala ne farmaya hai:

"...وَمَا مُحَمَّدٌ إِلَّا رَسُولٌ قَدْ خَلَتْ مِن قَبْلِهِ الرُّسُلُ"

Muhammad toh sirf Rasool hai, in se pahle bhi Rasool guzar chuke hai. Toh agar wo mar jaye ya katl kar diye jaye to kya tum ulte paao fir jaoge (kufr karoge)? Aur jo ulte paao fir jaye wo Allah ka kuch nukasan nahi kar sakega, lekin Allah shukrguzaaro ko badla dega. [Surah Imran, Ayat-144].

Ibn Abbas r.a kahte hai: Allah ki qasam! Aisa mahsoos hua jaise pahle se logo ko maloom hi nahi tha ke Allah Ta'ala ne ye ayat nazil ki hai jab tak ke Abu Bakr r.a ne is ki tilawat na ki aur sab ne un se ye ayat na sun li.

(Ab ye haal tha ke) Jo bhi (ye ayat) sunta tha wohi is ki tilawat karne lag jata tha.

(Fir) Umar r.a ne kaha : "Allah ki qasam Jis waqt maine Abu Bakr ko tilawat karte hue suna toh mere paawo mera bojh utha na sake aur usi waqt mai zameen par gir gaya jab maine us (ayat) ki tilawat suni ye ikrar karte hue ki Rasool ﷺ wafat paa chuke hai."

Sahih al Bukhari, Kitab al Maghazi (64), hadith- 4452, 4453.

________________________________________________________

2۞ Sa'id kahte hai Umar ibn Khattab r.a. pahle kahte the ke Diyyat Katl kiye gaye logo ke kabeelo walon par hai aur Aurat apne shauhar ki diyyat se kuch bhi hissa na payegi, yahan tak ke Zahak ibn Sufyan ne unhe bataya ke Rasool ﷺ ne unhe likh kar bheja tha ke 'Ashyam Zubabi' ki biwi ko mai in ke shauhar ki diyyat mai se hissa dilau, to Umar r.a ne apne qawl se ruju kar liya.

Sunan Abu Dawud, Kitab Al-Fara'iz, hadith- 2927. Classed as Sahih by Albani.

________________________________________________________

3۞ Ikrimah r.a. kahte hai ke Ali r.a ne kuch aise logo ko zinda jala diya tha jo Islam se murtad ho gaye the. Jab Ibn Abbas r.a. ko ye baat malum hui to unhone kaha: "Agar (Ali r.a ki jagah) mai hota to inhe qatal karta, kyunki Rasool ﷺ ka farmaan hai "Jo apne Deen ko badal daale use qatal kar dalo." Aur mai inhe jalata nahi kyunki Rasool ﷺ ka farman hai "Allah ke azaab (yaani jalana) jaisa azaab na do".

Fir is bat ki khabar Ali r.a. ko hui to unhone kaha, "Ibn Abbas Ne Sach Kaha."

Jamia Tirmizi, Kitab Al-Hudud, hadith-1458. Classed as Saheeh Hasan by Imam Tirmizi and Sahih by Shaykh Zubair Ali Zai.
________________________________________________________

4۞ Sa`id bin Al-Musaiyab r.a. riwayat karte hai, Umar bin khattab r.a. Masjid mein tashreef laaye toh Hassaan r.a. shayari padh rahe the. (Umar r.a. ne shayri padhne ko na-pasand kiya) Is par Hassan ne kaha, "Mai isi Masjid me shayri padha karta tha un (RasoolAllah ﷺ) ki maujudgi me jo Ap se behtar the. Fir Hassan r.a. Abu Huraira r.a. ki taraf mude (turned) aur kaha ki Mai tumhe Allah ka waasta de kar puchta hu ki Kya Rasool ﷺ ko tum ne ye farmaate nahi suna tha ki 'Aye Hassan! (Kuffar Makkah Ko) meri taraf se (shayri me) jawab do, Aye Allah Roohul Quddus ke zarye Hassan ki madad kar. Abu Huraira r.a. ne kaha, "Ji Ha (maine ye suna tha)".

Sahih al Bukhari, Book of Beginning of Creation, hadith-3212.

________________________________________________________

5۞ Salim bin Abdullah r.a. ne bayan kiya ki unhone Ahle Shaam mai se ek shaks se suna, wo Abdullah bin Umar r.a. se Hajj me Umra se fayda (Hajj e Tamattu) ke bareme puch raha tha. Toh Abdullah bin Umar r.a. ne kaha, "Ye jayz hai". Is par Shaami (sham ka rahne wala) ne kaha, " (Lekin) Apke ke walid (Umar r.a.) ne to isse roka hai?

Abdullah ibn Umar ne kaha, "Zara tum ye batao, agar mere walid kisi chiz se roke aur RasoolAllah ﷺ ne use kiya ho toh mere walid ke hukm ki pairwi ki jayegi ya RasoolAllah ﷺ ki, toh usne kaha, "RasoolAllah ﷺ ke hukm ki", toh unhone kaha, "RasoolAllah ﷺ ne aesa kiya hai".

Jamia Tirmizi, Kitab al Hajj, hadith-824. Classed as Sahih by Shaykh Zubair Ali Zai.
________________________________________________________

6۞ Abdullah ibn Umar riwayat karte hai ki ek bar Umar r.a. ke bagal me ek shaks ki cheenk ayi (sneezed) aur fir usne kaha “Sari taareefe Allah ke liye hai aur salamti ho Mohammad ﷺ par”. Ye sunkar Umar r.a. ne kaha ki mai bhi Alhamdulillah Was-Salamu ‘Ala Rasulillah kahta hu (dusre mauko par) lekin ye wo nahi hai jo RasoolAllah ne (cheenk aane par) hame taaleem di hai. RasoolAllah ﷺ ne hame (cheenk aane par) “Al-Hamdulillah ‘Ala Kulli Hal” kahne ki taaleem di hai.

Al-Tirmidhi Hadith, Vol. 5, Book 41, Hadith-2738.

________________________________________________________

7۞ Mujahid riwayat karte hai ki Ibn Abbas r.a. se marwi hai ki ek martaba wo Ameer Muawiya r.a. ke sath Baitullah ka tawaaf kar rahe the, Ameer Muawiya r.a. khana e Kabah ke tamam kono (corners) ko chhune lage, Ibn Abbas r.a. ne unse kaha ki Ap un Do (2) kono ko kyu chhu rahe hai jab ki  Nabi ﷺ ne un (kono) ko nahi chhua ? Unhone farmaya ki Baitullah ke kisi hisse ko chhora nahi ja sakta.

Is par Ibn Abbas r.a. ye ayat padhi ki tumhare liye Paigambar e Islam ﷺ ki zaat me behtareen misaal maujud hai. [Quran, 33:21]. Muawiya r.a. ne farmaya ki Ap ne sach kaha.

Musnad Imam Ahmad, volume-2, Hadith-1877.

Note: Kabah ke sirf 2 kono ko chhuna hi sunnat hai:

۩ Salim bin `Abdullah riwayat karte hai ki unke walid ne kaha, "Mai ne Nabi ﷺ ko sirf Do (2) Yamini kono (corners) ko chhute hue dekha hai."

Sahih Muslim, Kitab al Hajj, hadith-3062.

•٠•●●•٠•

Allah se dua hai ki wo hame Sahaba e karaam ne nakhsh e qadam par chalaye. aameen.

Read More »

Shirk Ko Samjhane Ke Liye Quran Ki Kuch Hakeemana Misaale

Allah ﷻ ne Shirk ki haqeeqat ko samjhane ke liye behtareen misaale di hai. Ek Dayee ke liye ye ek khazane ki tarha hai jiske zarye wo Gair-Musalmano ko dawat aur Musalmano ki Islah kar sakta hai.

۩ Jin logon ne Allah ke siwa aur kaarsaaz (madadgaar) muqarrar kar rakhe hain un ki misaal makdi (spider) jaisi hai jo ek ghar bana leti hai halanke tamam gharon se sabse zyada kamzor ghar makdi ka hota hai, kaash! woh jaan lete.

Surah Ankaboot (29), Ayat-41.

۩ Logo! Ek misal bayan ki ja rahi hai zara dhyan se suno, Allah ke siwa jin ko tum pukarte ho woh ek makkhi bhi paida nahi kar sakte. Agarche iske liye wo sare ikhatta ho jaye balki agar makkhi un se koi cheez le jaye to yeh to use bhi us se chura nahi sakte. Kamzor hai talab karne wala aur woh jis se talab kiya ja raha hai.

Unhone Allah ke martabe ke mutabiq uski qadar jani hi nahi, Beshak Allah bada hi quwat wala aur sab par galib hai.

Surah Hajj (22), Ayat-73-74.

۩ Usi ko pukarna haq hai. Jo log auron ko us ke siwa pukarte hain woh un (ki pukar) ka kuch bhi jawab nahi dete magar jaise koi shaks apne dono hath pani ki taraf failaye hue ho ke (pani) us ke munh me aa jaye halanke woh pani us ke munh mein pahunchne wala nahi. In kafiro ki pukar sab gumrahi me hai.

Surah Raad (13), Ayat-14.

۩ Allah Taalaa ek misal bayan farmata hai ke ek gulam hai (dusre ki milkiyat ka) jo kuch bhi nahi kar sakta aur ek aur shaks hai jise humne apne paas se achhi rozi de rakhi hai. Kya wo  dono barabar hai? Allah Taalaa hee ke liye sab tareef hai balke in mein se aksar nahi jante.

Surah Nahal (16), Ayat-75.

•٠•●●•٠•

Read More »

Imam Abu Haneefa aur Abdullah ibn Mubarak ki Guftugu

Mamar (bin Rashid) riwayat karte hai ki (Abdullah) ibn Mubarak r.h. ne kaha, "Mai Nauman (bin sabit ya'ni Abu Hanifah r.h.) ke pahlu me (saath saath) namaaz padh raha tha to Maine rafayadain kiya. Unhone (Abu Haneefah r.h. ne) mujhe kaha, "Mujhe ye dar hua ki kahi ap udd na jaye".

Toh (is par) maine kaha, "Jab mai pahle Rafayadain me nahi uda to dusre me bhi nahi ud sakta tha".

Is waqye ke raawi Imam Waqi ne kaha, "Allah  ta'la ibn e Mubarak par rahem kare, wo (bade) haazir jawaab the, pas dusre shaks (Abu Haneefa r.h.) hairaan rah gaye aur (koi jawaab na de sake). Ye un logo ka haal hota hai jo apni gumrahi me sargarda firte rahte hai jabki (kahin se Bhi) inki taeed nahi hoti."

Abu Hanifah aur Ibn al-Mubarak ki is Guftugu ki sanad niche di gai kitabo me darj hai. 

۩ Taweel Mukhtaliful Hadith by Ibn Qutaibah (66),

۩ Al-Sunnah by Abdullah bin Ahmed ibn Hanbal (#518), 

۩ Taarikh Baghdad (vol 3, Pg 405-406), 

۩ Al-Muntazim by Ibn al-Jawzi (Vol 8 Pg 136),

۩ Al-Sunan al-Kubra by Baihaqi (Vol 2 Pg 82),

۩ Kitaab al-Asaneed as- Sahihah fi Akhbar Abi Hanifah by Shaykh Zubair Ali Zai (rukum- 29-36).

In saari kitabo me is waqye ki Sanad Shaykh Zubair Ali Zai ke nazdeek sahih hai. Dekhe Imam Bukhari ki Juzz Rafayadain jiski tahkeek aur takhreej jo Shaykh Zubair Ali Zai ne ki hai. [Page-71, footnote-1]. [Download this book in: English,  Urdu]

Is waqye se koi ye natija na nikale ki Imam Abu Haneefah koi aese shaks the jo kitab wa sunnat ke ilm me kamzor the ya unka rutba koi chota hai, Nahi!!!
Imam Abu Haneefah hamare bade Imamo maise ek Imam hai. Ap (Abu Hanifa) ke paao ki dhool hamare aankho ka surma hai alhamdulillah. Ap boht bade faqeeh the. Lekin faqeeh hone ke sath sath Ap insan bhi the jis haqiqat se kuch hazraat anjaan hai. Aur agar insan se koi galti ho jaye to isme koi hairani ki baat nahi hai, hamare baaz bade bade sahaba se bhi galtiya hui thi misaal ke taur par Umar r.a. ka RasoolAllah ﷺ ke wafat par unko zinda manna jiski islah fir Abu Bakr r.a. ne ki thi [source]. Aur is tarha ki aur bhi misaale milti hai hadees ke kitabo me.
Ahle ilm ke yaha is tarha ki baat-cheet aam hai aur jab kabhi bhi koi sunnat ki mukhalifat (anjane me ya jan-buj kar) karta hai to us mukhalifat ke jawab me ahle ilm ke zuban se chand sakht alfaz bhi nikal jate hai lekin wo bhi Islami adab ke dayere me kyuki RasoolAllah ki sunnat unhe us shaks se zyada mahbub hoti thi. Jaise ki Umar r.a. ke bete ne apne walid se ikhtilaf kiya tha jab unhone Hajj e Tamattu par pabandi lagayi thi [source]. Yaha tak ke Imam Bukhari ne apne kitab 'Juzz rafulyadain' ke muqaddamah me us shaks ko biddati kaha hai jo rafayadain ki sunnat ki mukhalifat karta hai aur us shaks ko dardnaak azaab se daraya bhi hai [source].

Is waqye se ek aur haqaiq khuli ki ahle ilm aur hamare salaf ka tarika yahi tha ki wo ahle ilm ke iktilaf ko bayan karte the taaki us ikhtilaf se hamare ilm me izafa ho aur ham wo galti na dohraye. Isliye jo log ye kahte hai ki Ali r.a. aur Muawiya r.a. ke bich ke ikhtilaf ko bayan na kiya jaye wo salaf ke Deen ke fahm ke mukhalif baat karte hai kyuki is waqye ko hamare bade-bade Muhaddis jaise Imam Ahmed ibn Hanbal, Imam Bukhari, Imam Baihaqi, ne apni kitab me naqal kiya hai jiski dalail upar di gai hai aur zahir si baat hai unke naqal karne ka maqsad yahi tha ki Ummat isse fayda utha sake.

Aur Allah sabse behtar janta hai.

•٠•●●•٠•

Read More »

Ilm Ki Pahli Manzil

hi   -

Mai jab logo ko dekhta hu, mashriq-maghrib me unse milta hu to mujhe ye mahsoos hota hai ke in ki zyada dilchaspi ka ba-is ilmi mabaahis (ilmi debates) ban kar rah gai hai.
Ye apni jaga badi qeemti cheez ha lekin jab ham qayamat mein apne Rabb ki barghaah mein uthaye jayenge toh sawalaat is ke mutalliq nahi honge yaani Allah taala ye nahi puchenge ke (acha tum) ye batao tum meraj ko jismaani maante the ya roohani, ye nahi puchenge ke batao Quran majeed ki fulaan ayat se tumne ye matlab nikaala tha ya wo matlab samjha tha.
Wahaan jo cheez zer e bahas aane wali hai Deen me aslan us par nigaah rahni chahiye. Ye sab ilm ko hasil karne ki cheezen hain. Is se insaan taa'subaat ko khatam karta hai. Uske ilm me izaafa hota hai. Nayi nayi dunyaa'en daryaaft karta hai. Isko ek qalbi itmenaan hasil hota hai.

Ye badi qeemti cheez hai. Ilm ka safar koi mamuli safar nahi hai. Lekin asal cheez jis ke uper nigaah rahni chahye wo ye hai ke mai apni zaat mein, apni shakshiyat mein pakeezgi ka safar taye kar raha hoon ya nahi. Ye sawaal har waqat saamne rahna chahiye. Ye mai thodi der baad bataunga ki pakeezgi se Quran kya murad leta hai.

Kyon ke Quran e majeed se yahi maloom hota hai ke Allah taala ne jis imtehaan mein hamko mubtala kiya hai, is imtehaan mein hadaf (aim, goal) ki kaifiyat yahi hai ke ham kitna pakeeza ho kar uski baargah mein jaate hain.
Main aage chal kar wazaahat karunga ke pakeezgi ka content kya hai.. Lekin is waqat jis cheez ki taraf asal mein tawajjoh dilaani maqsood hai wo ye hai ke is hadaf ko kabhi nigaah se ojhal nahi hona chahiye.

Ilmi bahsen (debates) kare, cheezon ko samjhe, nayi nayi pahlu saamne aaye. Un se faida uthaaye. In main se koi cheez esi nahi ke jisko ghalat kaha ja sake. Lekin agar yahi tamaan chize hadaf (maksad) ho kar reh gai hai to ye samajhle ki Deen mehaz ilm nahi hai wo as'lan ek badi manzil hai jiski taraf hamari reh'numaai karne ke liye nazil kiya gaya hai. Aur jaisa ke maine bataya hai ke wo tazkiya (purification of oneself) hai aur ye qQran-e-majeed ne bilkul wazeh bata diya ke:

"Qad aflaha man tazakka"

"Jis ne apny apko pakeeza kar liya, wohi falaah payega"

Quran, 87:14.

Aur pakeezgi ke liye Allah ne pura amal bhi bata diya hai ke hame kya karna chahye. Main is par bhi guftgu karunga aage chal kar

Is me choo'ki ilm se baat shuru hui hai toh agar ap khalis nasb-ul-ain (maksad) ke hawaale se dekhain to jo "Rawaiyya" is se wajood main aata hai wo hai jis k baare mein ham qayamat mein jawaab-deh hongay. Yaani nateeja (result of our research) nahi balki wo rawaiyya (attitude) jo humny ikhtyaar kiya. Ilm ka tazkiya (purification) bhi usi tarah matloob (zarurat) hai jis tarha amal ka tazkiya matloob hai.

Lekin ilm ke tazkiye me hadaf (aim) kya hai ?

Yaani hamara "Attitude towards knowledge" kya hai ?

Yaani humne ilm ke muamle main rawaiyya kya ikhtiyaar kiya hai ?

Kya humne apne apko taa'subaat (badgumani ya bina-tahkeek ke kisi natije par pohchna) se pak karne ki koshish ki hai? Dekhain mainy lafz bola pak karna yahi tazkiyaa hai.

Kya hum ab bhi jazbaat main beh jate hein?

Kya ab bhi hum usi jagah par kharay hain ke pahly agar ek shakhs ki aqeedat (andhi-takleed ; blind-following) me mubtala the toh ab kisi dusre shakhs ki aqeedat me mubtala ho gaye hain? Kya Quran aur sunnat se agar koi baat sabit ho jati hai to kya fir bhi ham ye dekhte hai ki hamare ulema ya muhaddis ki raaye kya hai? Kya apne ulema aur muhaddis ko ham quran aur sunnat se zyada priority dete hai ?

Ye wo jaiza hai jo ham mai se har shakhs ko har waqt lete rehna chahiye yaani agar apne koi neyi tah'teeq jaan li yaa koi nayi raaye maloom kar li to is se ap faida uthayenge. Toh wo apko itmenaan-e-qalb degi lekin jis cheez ke liye ap Allah taala ke huzoor jawaab-deh hain wo ye ke jab ye cheez ap ke saamne ayi ya is say mukhtalif koi cheez apke saamne ayi to apne rawaiyya kya ikhtyaar kiya?

To jis cheez ki islah ilm ki duniya me bhi pesh e nazar rehni chahiye wo ye hai ke ham har tarah ke taa'subaat, har tarah ke jazbaat, aqeedaton se bala'tar (alag) ho ke cheezon ko samjhnae ki tarbi'yat kar le. Yaani is deen ki raah main tarbi'yat ka pahla mar'hala yahi hai ke hamara maqsad yahi ho ke ham apna jaiza lete rahe.

Har raat jab ham bistar par jaye to sone se pahle ek bar khud se puchen ke kya waqayi ham taa'subaat (bad-gumani; apne se alag raaye rakhne wale ke liye bad-gumani) se bala'tar ho gaye hain? Aur is main hamesha ye cheez pesh'nazar rakhain ke taa'sub ek aisi bimaari hai ke ye baaz auqaat aadmi ko ehsaas bhi nahi hota ke yeh is ko lahaq ho chuki hai (lag gai hai). Khud ko jazbaat ke hawale kar dena, insan ki aisi kamzori hai ke bade se bade aadmi ko ye andaza nahi hota kay wo is kamzori main mubtala ho chuka hai. Toh apna postmortem karte rahna chahiye, yaani jaizaa lete rahna chahye ke:

Kya is ilm k safar main waqayi ab hum khalis daleel ki bunyaad par cheezo ko samjhte hain ?
Agar koi hamari maani hui raa'ye se mukhtalif cheez ki taraf humain bulaye to hamara response gair tassubana hota hai?
Kya hum aj bhi poori tawajjoh se uski bat sun'nay ke liye amaa'da hojaty hain?
Kya hamary andar ye cheez moujood hai ke agar hamari galti ham par waa'zeh ki jayegi toh hum haq ko maan lenge?
Toh iska jaiza lete rahna chahiye.

Ye pahli cheez hai jo mein apki khidmat main arz karna chahta tha ke jab ap ilm ka safar karein to aam tor par insan nata'ij fikr (conclusion of a research) me mubtala hojata hai ke yeh ek tehqeeq ho gai, ek nuqta-nazar wazeh ho gya. Ye tahkeek ka natiza boht badi bat hai. Mein iski nafi nahi kar raha lekin misaal ke taur par badi jiddo-jahad ke bawjood apki tahkeek galat ho gai toh ye saza ka zarya nahi banega..

Asal cheez ye hai k galat nuqta e nazar ke maam'le me bhi apka rawaiyya kya raha ?
Yaani ye galti kya taassub ke wajah se hui ?
Ya ye galti jazbaat me mubtala hone ke wajah se hui ?
Ya ye galti kisi ki aqeedat (blind-following) ki wajah se hui ?
Ya ye galati insaan ki fitri kamzoriyan jo hain uske lehaaz se hui?

To jo shuru ki cheezen jo hain wo qabil-e-muafi nahi hai lekin aakhri chiz kabil e muafi hai. Iska poori tarah ehsaas bhi hona chaiye aur is par har lehza sochte bhi rehna chaiye.
Main iski zaroorat is zamane mein boht zyada mahsoos karne laga hoon kyon ki maine yeh dekha hai ke ye chiz hamari ummat me boht aam hoti ja rahi hain.
Ek chiz wo jiski taraf maine ishaara kiya wo nata'ij fikr nikalne me hi shab-o-roz masroof rahte hai aur dusri yeh ke is se ek khaas tarah ka ehsaas-e-bartari (feeling of superiority ; khud ko dusre se behtar samajhna) inki guftgu me, inki baat-chit main, labb-o-lehja main aana shuru hojata hai.Yaani inke lahje me, baat cheet me (ilm ka) ghamand jhalakna shuru ho jata hai.

In dono se khuda ki panaah maangni chahiye. Allah taala ko sab se zyda jo cheez na'pasand hai wo ap jaante hai ke wo ghamand hai aur ghamand ya taqabbur ke baare me farmaya gaya hai ke oont (camel) suyi (needle) ke naake main dakhil ho sakta hai, lekin koi ghamand karne wala shaks jannat me dakhil nahi ho sakta. (for reference see, quran, 7:40.)

Apne andar sacchi aaziz (humbleness) paida karna chahiye aur hamesha sacche ilm ka musafir ban kar rahna chahiye. Is me khaas taur par apna tazkiya karte hue ek usooli baat ko palle baandh lein aur wo yeh hai kay kisi dar'jay mein bhi ibaadat khuda ke siwa kisi ki na ho aur adeeqat (blind-following) Muhammad ﷺ ke siwa kisi se na ho. Baaki jo kuch bhi hai wo zyada se zyada kya hai? Jaisay ap apne bade ka, mu'allim ka ehtraam karte hain.

Agar ehtaraam, adeeqat (blind-follwing) me badalna shuru hojaye toh iska matlab ye hai ke nafs alooda (impure) hona shuru hogaya hai. Jahaan se ap nikle the ab wapis wahi ja rahe hein, jis safar ki apne shuruat ki thi. Ap fir wapis wahi laut rahe hai. Ye ek bada U-turn hoga, jis se har Muslmaan ko, har sacchay ilm ke musafir ko Allah ki panaah maangni chahiye.

Asal cheez jiska qayamat ke hawaale se hame apne andar paida karna hai wo be-taa'subi hai. Wo ilm ki sacchi talab hai.. Wo sahih bat jan'nay ke liye zahni tayaari hai.. Wo aqeedato (blind-following) se hat kar cheezon (ilm) ko dekhna hai..

Iska ek laazmi takaaza ye hai ke jahaan kahee bhi ilm payaa jata hai, ap usse ikhtilaf kare lekin kabhi kisi sahab-e-ilm ke baare main be-ehtraami (disrespect) ka rawaiyya ikhtyaar na karen. Sab ki dil se respect kare. Yahi hamare sahaba ka tarika tha ki wo ikhtilaf to karte the lekin ekdusre ki izzat karte the. Wo ikhtilaf me ek dusre ko gustakh e rasool ya manhajless, etc nahi kahte the.

Kisi shakhs ke baare main raa'ye dete waqat uske mahaa'sin (bhalaiyo) ko kabhi nazar andaaz mat kare. Aapne dekha hoga ke mai apne baaz jaleel-ul-qadr buzurgo se, jin ke saya me maine sha'oor ki aankh kholi hai, bada shadeed ikhtilaaf karta hoon lekin kabhi unki azmat (respect) ke maam'le me mere yahaan koi bura tas'sur apko nahi milega. Main unki badi izzat karta hoon aur unke mahaa'sim (bhalaiyo) par logo ko hamesha tawajjo dilata hu aur batata hu ke wo kaise bade log the aur unko Allah taala ne kaisa behtareen akhlak ata kiya tha.

Ilm me galti hojati hai, us galti ke baare me hum guftgu karenge, islah bhi karenge. Is liye ke kisi ki azmat apko yahaan tak na le jaye ke aap unki galti ki ta'eed (defence) karne lag jaye aur galti par tanqeed (criticize) yahaan tak na le jaye kay aap us shakhs ka waajibi ehtraam karna bhi chor dein. Ye cheez agar paida ho jaye to ap main aur baaki logo mein koi farq nahi reh jayega.
Ye jitne is waqt firqe aur groh bane huye hain ye asal me wo cheez hai jiska lehaaz na rakhne se bane hain. Agar in ke jo rahnuma hain, ulema hain wo har mauqa par inko ye tawajjo dilaate ke hum Muhammad RasoolAllah ﷺ ke pairo (follower) hain [naahi, kisi buzurg ya imam ya muhaddiseen ke]. Koi agar galti se pak hasti hai to wo Allah ka Rasool ﷺ hai, baaki saare ke saare ulema, khawaa wo bade bade aaima hon wo insaan hai. In se galti ho sakti hai aur khud ke baare me bhi ye yahi kahte hain ke ham apni tahqeeq apko bata rahe hain aur khud bhi ham ilm ke safar main har lehza masroof hain.

Koi haqeeqat hum par waa'zeh hojaegi to ham apko bata denge, agar koi galti samajh mein aa jaegi to usko sudhar lenge. Ap par agar kisi dusre shaks ki baat zyada wazeh ho jaye aur agar ap mahsoos kare ke us main haq hai to apko usi ki pairwi karni chahiye. Allah taala ne kisi ek shakhs ke saath apko nahi bandhaa hai aur ye bilkul ek haqeeqat aur ek waqya hai, jo hamare bade bazurg hain, jin se tareekh roshan hai, unki zindgi aur amal se maloom ho jata hai ke un me se kisi ke baare me ye nahi kaha ja sakta hai ke wo 100% darust hai. Yaani ba-haisiyat e majmooi (altogether) hum ahle ilm ki qadr bhi karte hain aur unse koi achhi bat hoti hai toh ise apnaate bhi hain, aur agar koi baat quran aur sunnat ke mutabik na samajh aye to usse ikhtilaf bhi karte hai. To yeh wo rawaiyya hai iske liye hum jawaab-deh hain Allah ke yahan. Yaani hamara yahi rawaiyya hona chahye, ye siraat-e-mustaqeem (sidha rasta) hai.

Ye siraat-e-mustqeem hai. Is par hum ko chalna hai ke ham taa'subaat se bala'tar ho kar zindagi basar kare. Toh ilm ke muamle mein mai ye samjhta hu ke is ki hamko bar-bar yaad-dihani karani chahiye. Ham apni majalis mein, apni study circle mein, jahaan kahee baithen, logon ko hamesha ye bataye ke ye ilm ka safar hai, ye aakhri nataij ka bayan nahi hai.
Is mein ye nahi honi chahiye ke ham par nubuwat khatam ho rahi hai, nubuwat khatam ho gai jis par honi thi. Hum sab ke sab huzur ﷺ ki baat ko samjhne mein masroof hain. Aur aiye ap bhi sath shamil hojaiye.

Is main jab ap dusron ke saath baat karte hain, to apka dawat ka tarika yeh nahi hona chahiye ke ab ye haq ham par nazil ho gaya hai aur hum iski khabar dene ke liye aaye hain. Nahi! balki Ye hona chahiye ke jaisa ek saccha talib-ilm karta hai ke dekho bhai baat ye hai ke mai bhi tumhari tarah ilm ka musafir hoon, mere ilm main ek nayi baat ayi hai, yeh mujhe appeal karti hai. Tum bhi is par gaur kar lo.
Aaiye mil kar is par gaur kar lete hain. Mil kar iska mutala kar lete hain, mil kar isko dekh lete hain. Toh ye jo attitude aur rawaiyya hai yeh ilm ke tazqiye (purification) ki pahli manzil hai iska hamesha khayal rakhna chahiye.

                                                                •٠•●●•٠•

From a series that was started on Iqra' Whats App broadcast Service: 009779868212118 .

Wama Alaina Illal Balagul Mubeen - Aur Mera Kaam To Nahi Hai Lekin Sirf Pohcha Dena.

Read More »

Modern Dress Aur Technologies Istemal Karne Ke Ahkaam

Hazrat Abu Huraira r.a. Se Riwayat Hai, Nabi ﷺ Ne Farmaya: "Beshak Deen Aasaan Hai. Aur Jo Shakhs Deen Me Sakhti Karega To Deen Ispar Gaalib Ajaayga. Toh Shiddat Pasand (Extremists) Mat Bano Lekin Koshish Karo Ki Takmeel (Perfection) Ke Kareeb Raho Aur Khush Raho Aur Subha Aur Dopaher Aur Raat Ke Aakhri Hisse Me Ibadat Karke (Allah Se) Se Madad Haasil Karo."

Sahih al Bukhari, hadees- 39.

Upar ki di hui hadith ke context me mai ek baat zahen me lana chahta hu..

Hamare yaha ke baaz shiddat-pasand logo ko foreign culture se problem hai aur wo ise haraam samajhte hai Deen ke context me. Wo ye kahte hai ki ye Yahud wa Nasara ki mushabihat karna hua. Par in masoomo ko abhi tak itna bhi nahi pata chala ki foreign me sirf Yahud wa Nasara (Jews and Christians) nahi rahte balki waha Muslims bhi rahte hai. Aur Dusri baat kisi culture ko follow karna tab tak haraam nahi hota jab tak usme koi haraam amal shamil na ho.

Misaal ke taur par ye log pant, tie, shirt aur isi tarha ke dusre chizo ko use karna Yahud wa Nasara ka amal kah kar haraam kahte hai. Pahli baat Ye Yahud wa Nasara ka amal tabhi hoga jab unki kitabo me is chiz ka zikr ho, dur dur tak kahi bhi unki kitabo me ye zikr nahi hai ki pant, tie, shirt wagaira inke Deen ka hissa hai, isi liye agar ap unke ulema ko dekhenge to unke ulema apko pant tie shirt me kabhi nazar nahi ayenge. Balki asal baat ye hai ki ye pahenna foreign culture hai na ki unke mazhab ki chize hai aur foreign me sirf Jews aur Christians hi nahi balki Muslims bhi rahte hai.

Dusri baat agar apko foreign ki chizo ya Yahud wa Nasara ki chizo se itni hi problem hai to ap khud unki chize kyu use karte hai: Facebook, WhatsApp, Phone, Lappy, Bikes, Cars, Internet, Plane ka use kar ke Hajj karna, ye sab bhi chore!!!! Ye Sab unhi ki chize hai!!! Double standards Q ?? Dogli Policy Q??

Ham soap ka use kar ke body ko clean karte hai, Jab ki RasoolAllah ﷺ Mitti ka use kr ke body clean karte the. Ham Pajama/pant pahente hai, RasoolAllah Tahband (Lungi) pahente the, Ham social networks ke zarye paigam pohchate hai jab ki RasoolAllah letters ke zarye paigam pohchaya karte the. Ab bataye, Inke Molvi/Mulle khud ye sab chize use krte hai.

Toh Agli baar Jab Aesa Aqlmand log apko pant shirt ya isi tarha ki dusri chiz use karne se roke toh ap unhe ye sab chize bhi ginwade. Ho sakta hai molvi sahab ki islah ho jaye kyu ki molvi sahab ki Islah bhi zaruri hai.

Allah hame Deen ka ilm dusro tak pohchane ki taufeek ata kare. aameen.

•٠•●●•٠•

Related:

۩ BIDDAT KE MUTALLIK DEEN KA EK USOOL

Read More »

Sunnat Ko Farz Na Banayen

Hazrat Abu Huraira r.a. Se Riwayat Hay, Nabi ﷺ Ne Farmaya: "Beshak Deen Aasaan Hai. Aur Jo Shakhs Deen Me Sakhti Karega To Deen Ispar Gaalib Ajaayga. Toh Shiddat Pasand (Extremists) Mat Bano Lekin Koshish Karo Ki Takmeel (Perfection) Ke Kareeb Raho Aur Khush Raho Aur Subha Aur Dopaher Aur Raat Ke Aakhri Hisse Me Ibadat Karke (Allah Se) Se Madad Haasil Karo."

Sahih al-Bukhari, Vol. 1, Book 2, Hadith 39.

Jo maine upar hadiths bayan ki hai Mai is ke mutallik kuch baate share karna chahta hu, jo ki practically Ummah ko shiddat-pasandi me dala jata hai.

Hamari Ummat ke kuch zyada padhe-likhe log samajhte hai ki agar ham kisi point par sunnat chize nahi karen to ham boht bada gunah kar rahe hai aur baaz aukat wo logo ko Deen se hi nikal dete hai, halanki agar inse sunnat ki defination bhi puchi jaye to ye thik se bata na paye. Mai bas ye kahna chahta hu ki Sunnat kaam ko na karne se koi gunah nahi hota aur khud Allah aur uske Rasool ﷺ ne ise sunnat declare kiya hai farz nahi, Toh jab Allah aur uske Rasool ne hame paband (farz) nahi kiya hai toh inko kisne certificate diya hai ki jo log sunnat chore unhe ye log Deen se nikal de aur insult wa ilzam-tarashi kare. Iska ye kahi matlab nahi hai ki sunnat ki targeeb na dilayi jaye par log yaha targeeb dilane ke bajaye dusre ki insult krne aur in par ilzam-tarashi karne me lag jate hai.

To Sunnat ki targeeb dilaye lekin usse pahle farz ki targeeb dilaye kyu ki sunnat na karne me koi gunah nahi hai lekin farz na karne se gunah hai aur ham jawabdeh hai Allah ke huzur. Hamare muashre me 90% se zyada log Wirasat me bahno ko hissa nahi dete hai jab ki ye farz hai toh ispe wo log kuch nahi bolenge, Agar koi bank se Interest consume kar raha hai to wo isse nahi rokenge jab ki ye boht bada gunah hai lekin agar bande ne pant-shirt pahen li to bas qayamat aajayegi, uske piche hath dho kar pad jayenge. Ye aese dogle log hai.

Toh Kindly sunnat ko sunnat rahne de use farz na banaye, aur sunnat ki dawat dene se pahle ap use farz ki dawat de, Agr kisi bande ne topi ya pagdi nahi pahni hai to use us par puchne ke bajaye pahle ye puche ki wo 5 time namaz bhi padhta hai ki nahi, kya wo gair-Muslim ko Deen ke taraf dawat deta hai ya nahi, kya wo Wirasat me apni bahno ko haq deta hai ki nahi, ye saare kaam farz hai us par.

Toh Deen me balance banaye rakhe, farz ko sunnat na banaye aur sunnat ko farz na banaye.. and for the second time is message ka matlab ye bilkul nahi hai ki sunnat ki targeeb na dilayi jaye, ap dilaye use lekin sunnat tarike se, muhabbat se samjhaye use, akele me samjhaye taaki wo insult na feel kar sake, aur agar apko uski waqai fikr hai toh uske liye duae kare ki Allah use sunnat par qayam kar de.

Allah ham sab ko Deen ki samajh ata kare. aameen.

•٠•●●•٠•

Prepared by:- Faisal Khan.

Read More »

Hadith Ki Pahli Kitab

Hadith Ki Pahli Mudawwan (Jama Ki Gai) Wa Murattab Kitab Muwatta Imam Malik Batayi Jati Hai, Yeh Fiqhi Tarteeb Par Mushtamil Hai. Muwatta Arabic Zuban Ka Lafz Hai. Iska Matlab Hai "Aesa Rasta Jis Par Kasrat Ke Sath Log Chale Ho." Muraad Hai Woh Tarika E Mustakeem Jise Muhammad ﷺ Aur Sahaba E Karaam R.A Ke Baad Salaf Saaliheen, Deen Ke Imamo Aur Akabir Ulema E Millat Ne Apnaya. Ahle Ilm Ne Kaha Hai Kay Ye Kitab 140 Hijri Ke Kareeb Tarteeb Di Gai. Is Me Sahaba Wa Tabaeen Ke Aqwaal Mila Kar Kul 1720 Riwayat Hai, Jinme Marfu Hadeese 600, Mursal Riwayate 222, Maukuf Riwayate 613 Aur Tabaeen Ke 285 Aqwaal Hai.

Mukhtalif Adwaar Me Mukhtalif elako Me Iski Shuruhaat Wa Ta'alikat Likhi Gai, Jinme Imam Ibn Abdul Bar Ki Attamheed Aur Al-Istizkaar, Imam Suyuti Ki Tanweerul Hawalik, Imam Zurkani Ki Al- Muntaqa Aur Shah Waliullah Muhaddis Dehlwi Ki Al-Musaffa (Farsi Me) Aur Al Musawwa (Arabic Me) Kabil E Zikr Hai.

Muwatta Imam Malik ke Murattib Imam Malik r.h. Hai Jinka Pura Naam "Malik Bin Anas Bin Amir Bin Malik" Aur Laqab "Imam Darul Hijra" Hai. Ap 93 Hijri Me Madina Me Paida Hue Aur 179 Hijri Me Madina Me Hi Faut Hue. Ap Ko Allah Ne Kamaal Ka Hafiza Ata Farmaya Tha, Ap Apne Ustado Se Jo Hadith Ek Bar Sun Lete Fir Wo Kabhi Na Bhulte. Ap Takwa Wa Parhejgari Me Bhi Unche Martabe Ke Malik The. Tarteeb Al Madarik Me Hai Ki Ap Mashgale Taleem Ke Baad Har Waqt Allah Ki Ibadat Aur Tilawat E Quran Me Hi Mashroof Rahte The Aur Bataur Khas Jume Ki Raat Ko Saari Ibadat Me Hi Guzarte.

Haq Goi Me Is Qadr Bebaak The Ki Apko Uski Khatir Hakim E Waqt Ki Mukhalfat Aur Uski Tarf Se Izaae Aur Sazae Tak Bardasht Karni Padi Magar Apko Paya E Besbaat Me Kahi Bhi Larzish Nahi Ayi. Garz Allah Ne Apko Jis Qadr Azeem Maqsad Ki Takmeel Ke Liye Paida Farmaya Tha Uske Liye Apko Is Jaisi Azeem Sifat Se Bhi Muttasif Farma Diya Tha.

•٠•●●•٠•

Read More »

Ibn Abbas Aur Khwarij Ka Munazra

Abdullah Ibn Abbaas r.a. Bayan Karte Hain Ki Jab Haruriyyah (Khwarij) Ka Zahur Hua Toh Unhone Ek Alag Jagah Ko Apna Maskan Bana Liya Aur Unki Tadad 6000 Thi. Main Ne Ameerul-Momineen Ali Ibn Abi Talib r.a. Se Arz Kiya Ke Aap Namaz (Zuhar) Thodi Thandi (Yani Mo'akhir) Kar De Taaki Mai Un Logo (Khwarij) Se Guft-o-shaneed Kar Saku. Ali Ibn Abi Talib r.a. Ne Farmaya: Mujhe Khauf Hai Ki Wo Tumhe Koi Nukhsan Na Pohnchain. Main Ne Arz Kiya Ke Kat'an Aesa Koi Imkaan Nahi! Chunache Maine Achcha Libaas Zaib Tan Kiya Aur Baal Saware Aur Unke Paas Pohonch Gaya. Ain Dophar Ka Waqt Tha Aur Wo Khana Kha Rahe The. Unhone Mujhe Dekh Kar Kaha: "Marhaba Ae Ibn Abbaas! Kaho Kese Aana Hua?"

Toh Maine Jawab Diya: Main Apke Paas Muhajir Wa Ansar Sahaba, Rasool Allah ﷺ Ke Chacha Zaad Aur Damaad (Syyedina Ali Ibn Abi Talib r.a.) Ki Taraf Se Aaya Hu. Un (Ke Halat) Par Qur'an Utra, Lihaza Wo Quraan Ki Tafseer Tumse Kahee Behtar Jante Hain Aur Tum Me Un Jaisa (Faziliyat Wala) Koi Bhi Maujud Nahi. (Mere Aane Ki Gharz Ye Hai Ki) Mai Tumhe Unka Mauquf Pohancha Dun Aur Tumhara Mauquf Un Tak Pohcha Dun. Chunache (Ye Baat Sunkar) Un Maise Bohot Se Log Mere Paas Aa Baithe. Mai (Abudullah Ibn Abbaas) Ne Unse (Khwarij) Se Sawal Kiya Ki Mujhe Is Baat Ki Daleel Do Ki Kis Daleel Ki Roshni Me Tum Logo Ne Sahaba Aur Rasool Allah ﷺ Ke Chacha Zaad Aur Damaad (Ali Ibn Abi Talib) Se Dushmani Mol Li Hai?

Unhone Kaha: Is Ikhtelaf Ke Teen (3) Wajuhaat Hain. Main Ne Kaha: Teen Wajuhaat Kaun Si Hain? Un Maise Ek Ne Kaha: Pahli Baat Toh Ye Hai Ke Unhone (Syyedina Ali Ibn Abi Talib r.a. ne) Allah Ke Muamle Main Insaano Ko Qaazi Thehra Liya Hai. Halanki Allah Ka Farman Hai, "Faisle Ka Ikhteyar Sirf Allah Ko Hasil Hai"(Al-Anaam:57) Lihaza Is Muamle Main Insaano Ke Faisle Se Kya Sarokaar?

Main Ne Kaha Ye Ek Aitraaz Hua (Yani Agla Aitraaz Batao?)

Unhone Dusra Sabab Ye Bataya Ke Unhone (Syyedina Ali Ibn Abi Talib r.a.) Ne (Syyeda Aisha r.a. Ke Giroh Ke Sath Jang E Jamal Aur Hazrat Muawiya r.a. Ke Giroh Ke Sath Jang E Siffeen Me) Jang Ki, Magar Na Toh Unke Qaidiyo Ko Londi Aur Gulam Banaya Aur Na Hi Maal E Ganimat Jama Kiya. Agar Wo Kafir The Toh Unhe Qaidi Banana Bhi Durust Tha Aur Agar Wo Momineen The Toh Sire Se Unke Sath Qitaal Karna Bhi Galat Hua.

Main Ne Kaha: Ye Do Batain Ho Gain, Ab Teesra Aitraaz Batao?

Unhone Kaha: Unhone (Ali Ibn Abi Talib r.a. ne) (Hazrat Muawiya r.a. Ke Sath Muhaide Ki Tahreer Main) Apne Naam Se Lafz "Ameerul Momineen" Mitwa Diya Hai, Lihaza Agar Wo Ameerul Momineen Nahi Hain Toh Kya Ameerul Kafireen Hain?

Main Ne Kaha In Teen Ishkaal Ke Alawa Aur Koi Aitraaz Bhi Hai? Unhone Kaha: Nahi! Yahi Teen Kaafi Hain. Maine Kaha: Agar Tumhe Allah Talah Ki Kitaab Aur Rasool Allah Sallallahu Alaihi Wasllam Ki Sunnat Se Kuch Paish Karun Jis Se Tumhare Ashkalaar Hal Ho Jayen Toh Maan Loge? Unhone Kaha: Ji Haan Bikul!

Maine Kaha: Tumhara Ye Aitraaz Ke Ali Ibn Abi Talib r.a. Ne Allah Talah Ke Muamle Me Insaano Ko Qaazi Thehra Liya Hai. (Aur Yun Kufr Ka Irtekaab Kia Hai), Toh Mai Tumhe Allah Talah Ki Kitab Main Se Hi Dikha Deta Hun Ki Allah Talah Ne Ek-chauthai (1/4) Dirham Ki Milkiyat (Jesi Haqeer Raqam) Par Faisla Insaano Ke Supurd Farmaya Hai Ke Woh Iska Faisla Kar De, Dekho Allah Talah Farmata Hai: "Aye Imaan Walo"! Haalate Ehraam Main Shikaar Mat Karo Aur Tum Maise Jo Jaan Bujh Kar Aisa Kar Baithe Toh (Us Shikaar) Ke Barabar Kisi Janwar Ko Bataur Kaffara Pesh Kare: Jiska Faisla Tum Maise Do Muattabir Afraad Karenge"(Al-Maida:95).

Ab Dekh Lo Ke Ye Mamuli Aur Chota Sa Faisla Allah Talah Ne Bando Ke Supurd Farmaya Jab Ki Wo Khud Hi Faisla Kar Sakta Tha Magar Fir Bhi Usne Insaani Faisle Ko Ja'eez Rakha.

Mai Tumhe Allah Ka Wasta Dekar Puchta Hun Ke (Insaani Faisle Se) Umoor E Muslimeen Ki Islah Karna Aur Aman Ke Khatir Bahmi Khoon Rezi Rokna Zyada Aham Aur Afzal Hai Ya (Halaate Ehraam Main Shikaar Kiya Gaye) Khargoash Ka Muamla Zyada Zaruri Hai?

Unn (Khuwarij) Ne Jawab Diya: Kyu Nahi! Yahi (Musalmano Ke Darmiyan Sulah Karwana Hi) Zyada Afzal Hai.

(Fir Maine Dusri Daleel Dete Hue Kaha): Allah Talah Ne Aurat Aur Uske Shohar Ke Bare Main Farmaya: "Agar Tumhe Unke Ma'baen Judai (Breach) Ka Khauf Ho Toh Us (Mard) Ki Taraf Se Ek Salis (Qazi, judge) Aur Us (Aurat) Ki Taraf Se Ek Salis Muqarar Kar Lo"(An-Nisa:35). Main Tumhe Allah Talah Ka Wasta Dekar Puchta Hu Ki (Insaani Faisle Se) Umoor E Muslimeen Ki Islah Karna Aur Aman Ki Khatir Bahmi Khoon Rezi Rokna Zyada Aham Aur Afzal Hai Ya Mahaz Ek Aurat Ke Izdawazi Muamle Ko Sawarna Zyada Afzal Hai? Unhone Kaha: Bilkul Theek!

Fir Maine Kaha Tumhara Aetraz Ki Ali Ibn Abi Talib r.a. Ne Qitaal Toh Kiya Magar (Fareeq e Mukhalif Ko) Jangi Qaidi Nahi Banaya Aur Na (Unke Maal Se) Ghanimat Hasil Ki. Mujhe Ye Batao Ki Kya Tum Apni Maa Ummul Momineen Aiysha r.a. Ko Jangi Qaidi Banana Chahte Ho? Aur Digar Jangi Qaidi Khuwateen Ki Tarahn Unko Bhi Apne Liye Halal Karna Chahte Ho? Jabki Wo Tumhari Maa Hain! Agar Tumhara Jawab Ye Ho Ke Hum Unhe Bhi Digar Qaidi Aurto Ki Tarah Halal Jante Hain Toh Tum Kafir Ho Jaoge Aur Agar Tum Ye Kaho Ki Wo Tumhari Maa Hi Nahi Toh Fir Bhi Ye Kufr Hoga Kyuki Allah Talah Ne Farmaya Hai, "Nabi ﷺ Momineen Par Unki Jaano Se Badh Kar Haq Rakhten Hain Aur Unki Biwiyan Un (Momineen) Ki Maa'ain Hain"(Al-Ahzab:6).

Is Tarhan Tum Do Badi Gumrahiyo Me Fans Gaye Ho Aur Mujhe Inse Nikal Kar Dikhao? Dusre Aitraaz Ka Jawab Mil Gaya? Unhone Kaha: Ji Haan!

Tumhara Ye Aitraaz Ki (Chouki Hazrat Muawiya r.a. Ke Aitraaz Karne Par, Hazrat Muawiya r.a. Syyedina Ali Ibn Abi Talib R.a. Ko Khalifa Nahi Tasleem Karte The Is Liye) Sayyedina Ali Ibn Abi Talib r.a. Ne Khud Apni Marzi Se Lafz Ameerul Momineen Mitwa Diya Tha Toh Iska Jawab Wo Dunga Jo Tumhe Pasand Hoga. Dekho! Rasool Allah ﷺ Ne Sulah Hudaybiya Me Tahreer Karate Waqt Apna Naam, "Muhammad RasoolAllah" Likhwaya Tha Jis Par Kuffar Ne Aitraaz Kiya Ke Saara Jhagda Hi Isi Baat Ka Hai Ke Hum Aap ﷺ Ko Allah Ka Rasool Nahi Mante, Chunache Aap ﷺ Ne Syyedina Ali Ibn Abi Talib r.a. Se (Jo Ye Tahreer Likh Rahe The) Irshaad Farmaya Ki Aye Ali! Ye Lafz Mita Do! Aye Allah Talah Tujhe Maloom Hai Ki Main Tera Rasool Hun, Aye Ali, Ye Likh Do: "Muhammad Bin Abdullah"". Allah Talah Ki Qasam! Rasool Allah ﷺ, Syyedina Ali Ibn Abi Talib r.a. Se Kahin Ziyada Behtar Hain Fir bhi Unhone Lafz "Rasool Allah " Khud Kah Kar Mitwa Diya Jisse Aap ﷺ Ki Shaan E Nubuwat Main Koi Farq Nahi Pada. Teesre Aitraaz Ka Jawab Bhi Mil Gaya?

Ji Haan! Chunache (Iss Ilmi Muba'ise Se) Unme Se 2000 Afraad Usi Waqt Tauba Kar Ke Wapis Laut Aaye Jabki Baaqi 4000 Khwarij Muhajir Wa Ansaar Sahaba r.a. Ajmaeen Ke Hatho Gumrahi Ki Halat Main Maare Gaye

Sunan Nasai Al Kubra, Hadith-8575. Sanad Sahih.

•٠•●●•٠•

Read More »

Sahaba Aur Tabaeen Ki Majlis Me Baithna

Abdullah ibn al-Mubarak (Tabe-Tabaeen) se ek baar kaha gaya,

إذا صليت معنا لم تجلس معنا قال أذهب أجلس مع الصحابة و التابعين قلنا له ومن أين الصحابة والتابعون قال أذهب أنظر في علمي فأدرك آثارهم وأعمالهم ما أصنع معكم أنتم تغتابون الناس-

Hamare sath namaz padhne ke baad, Ap hamare sath nahi baithte? Abdullah ibn Mubarak ne farmaya, "Mai jata hu aur Sahaba aur Tabaeen ki majlis me baithta hu". Unhone Abdullah ibn Mubarak se kaha, "Sahaba aur Tabaeen kaha hai (jab ki unki wafat ho chuki hai)?" Abdullah ibn Mubarak ne jawab diya, "Mai jata hu aur Ilm ki taraf mutawajje hota hu jo maine jama kiya hai, aur isse mujhe unki Riwayaat aur Amal ka ilm hota hai. Aur mai Tumhare sath kya karunga? Tum baith kar logo ki gibat karte ho."

Sifah al-Safwah 4/137 .

Note: Abdullah bin Mubarak, Imam Bukhari aur Imam Tirmidhi ke dada Ustadh aur Imam Abu Hanifa r.h. ke shagird hai.

•٠•●●•٠•

Allah se dua hai ki wo hame Sahaba aur Tabaeen ki majlis me baithne ki taufeek ata kare. aameen.

Read More »

Hadees e Jibreel

حَدَّثَنَا مُسَدَّدٌ، قَالَ حَدَّثَنَا إِسْمَاعِيلُ بْنُ إِبْرَاهِيمَ، أَخْبَرَنَا أَبُو حَيَّانَ التَّيْمِيُّ، عَنْ أَبِي زُرْعَةَ، عَنْ أَبِي هُرَيْرَةَ، قَالَ كَانَ النَّبِيُّ صلى الله عليه وسلم بَارِزًا يَوْمًا لِلنَّاسِ، فَأَتَاهُ جِبْرِيلُ فَقَالَ مَا الإِيمَانُ قَالَ ‏"‏ الإِيمَانُ أَنْ تُؤْمِنَ بِاللَّهِ وَمَلاَئِكَتِهِ وَبِلِقَائِهِ وَرُسُلِهِ، وَتُؤْمِنَ بِالْبَعْثِ ‏"‏‏.‏ قَالَ مَا الإِسْلاَمُ قَالَ ‏"‏ الإِسْلاَمُ أَنْ تَعْبُدَ اللَّهَ وَلاَ تُشْرِكَ بِهِ، وَتُقِيمَ الصَّلاَةَ، وَتُؤَدِّيَ الزَّكَاةَ الْمَفْرُوضَةَ، وَتَصُومَ رَمَضَانَ ‏"‏‏.‏ قَالَ مَا الإِحْسَانُ قَالَ ‏"‏ أَنْ تَعْبُدَ اللَّهَ كَأَنَّكَ تَرَاهُ، فَإِنْ لَمْ تَكُنْ تَرَاهُ فَإِنَّهُ يَرَاكَ ‏"‏‏.‏ قَالَ مَتَى السَّاعَةُ قَالَ ‏"‏ مَا الْمَسْئُولُ عَنْهَا بِأَعْلَمَ مِنَ السَّائِلِ، وَسَأُخْبِرُكَ عَنْ أَشْرَاطِهَا إِذَا وَلَدَتِ الأَمَةُ رَبَّهَا، وَإِذَا تَطَاوَلَ رُعَاةُ الإِبِلِ الْبُهْمُ فِي الْبُنْيَانِ، فِي خَمْسٍ لاَ يَعْلَمُهُنَّ إِلاَّ اللَّهُ ‏"‏‏.‏ ثُمَّ تَلاَ النَّبِيُّ صلى الله عليه وسلم ‏{‏إِنَّ اللَّهَ عِنْدَهُ عِلْمُ السَّاعَةِ‏}‏ الآيَةَ‏.‏ ثُمَّ أَدْبَرَ فَقَالَ ‏"‏ رُدُّوهُ ‏"‏‏.‏ فَلَمْ يَرَوْا شَيْئًا‏.‏ فَقَالَ ‏"‏ هَذَا جِبْرِيلُ جَاءَ يُعَلِّمُ النَّاسَ دِينَهُمْ ‏"‏‏.‏ قَالَ أَبُو عَبْدِ اللَّهِ جَعَلَ ذَلِكَ كُلَّهُ مِنَ الإِيمَانِ‏.‏

Hazrat Abu Hurairah r.a. se riwayat hai, Nabi e akram ﷺ logo ke saamne tashrif farma the ke achanak ek shakhs aapki khidmat me hazir hua aur puchne laga, 'Eeman kya hai?'

Aap ne farmaya: 'Eeman ye hai ke tum Allah par, aur uske farishto par aur roz e hashar Allah ke huzur pesh hone par aur Allah ke rasoolo par eeman lao aur qayamat ka yaqeen karo.'

Unhone mazeed sawal kiya, Islam kya hai?

Aap ne farmaya, 'Islam ye hai ke tum mahez Allah ki ibadat karo aur uske saath kisi ko shareek na karo, namaz thik taur pe ada karo aur farz zakat ada karo aur ramzan ke roze rakho.'

Fir unhone pucha, 'Ahsaan kya hai? Aap ne farmaya, 'Ahsaan ye hai ke tum Allah ki ibadat is tarha karo goya tum use dekh rahe ho, agarche tum use nahi dekh rahe ho lekin wo to tumhe dekh raha hai.”

Unhone kaha, Qayamat kab barpa hogi?

Aap ﷺ ne farmaya: 'Jis se sawal kiya gaya wo bhi sawal karne wale se zyada nahi jaanta, albatta mai tumhe qayamat barpa hone ki kuch nishaniya bata deta hu, jab laondi apni malik ko janegi aur jab siyah oonto (camel) ke charane wale (deehati log tarakki karte karte) maqanat ki taameer me ek dusre se bazi le jaynge (toh qayamat karib hogi). Darasal qayamat un paanch baato me se hai jinko Allah ke siwa aur koi nahi jaanta.'

Fir aapne ye ayat tilawat farmai, 'Beshak Allah hi ko qayamat ka ilm hai..' iske baad wo shakhs wapas chala gaya, toh aapne farmaya, use mere pass laao. Chunanche logo ne use talash kiya lekin uska koi surag na mila toh Aap ﷺ ne faramaya, “Ye Jibreel the jo tumhe tumhara Deen sikhane aaye the.”

Imam bukhari r.h. kahte hai, 'Rasoolullah ﷺ ne in tamam chizo ko eeman karaar diya tha.'

Sahih al bukhari, kitab al eeman (2), hadees- 50.

•٠•●●•٠•

Allah se dua hai ki wo hame eemaan e kaamil ata kare. aameen.

Read More »